喜尚嘉喜宴會廳

營業中

休息中

上星期到元朗大棠行山後，就和行山朋友到元朗西青街的喜尚嘉喜飲茶， 難得地沒有人等位， 更是有許多吉枱。早上10時前有醒神孖寶，$16.8 有兩種點心， 我就選擇了鳳爪排骨飯和灼時菜， 另加了$4.8 的紅油抄手。價錢方面就相當便宜， 不過味道方面就不敢恭維。先港鳳爪排骨飯， 排骨只有三塊， 而且大都是肥膏， 蒸飯亦未夠乾身。至於灼時菜則是娃娃菜， 灼的時間太久， 以至娃娃菜變得淡而無味。至於紅油抄手， 雖然價錢相當吸引，但醋的味道非常怪， 味道更有點像洗潔精(個人感覺)。雖然價錢相當抵， 但如此食物質素，卻令人卻步。希望酒樓加以改善食物的味道， 不要只用價錢嚟吸引食客。

定一圍台7:30 入席，7:45 上菜8:00 全部上晒。仲要催我地快的俾位佢... D人無禮貌, 廣東話差到以為自己去左深圳。以後唔黎。 Terrible service, all the food for the 10 course meal was served within half an hour and the waiters still asked us to eat faster. First and last time I'm coming here.

乳鴿炸得太燶而且有油益味，不敢再食，珍珠雞"痴”住塊荷葉味道一般，茶葉方面就沒有意見，因為是帶自己的茶葉，現在香港人對於飲茶的要求越來越低，只是志在找個地方坐坐吹水

我最愛去酒樓叫粥。說到這裡的粥品，我最喜歡的還是肉片魚片粥。這個粥是很大碗，粥底也偏稀但比較綿滑，但好的就是沒有幾多味精的感覺，待應端上粥時是熱騰騰。這裡的肉片是新鮮，口感鬆化有肉味，也很不錯，彩色點菜紙家已寫明是拿手粥料，我相信碎牛豬紅也不錯吧，下次有機會會去試一試。

人日加情人節嘅星期日，一家人出黎飲下茶。新春期間新餐牌新價錢，加左價都唔算好貴嘅。乾燒伊麵，炒得乾身，條條麵唔油，小小韮葟同雜菇，更添口感。八珍炒麵，有貴妃蚌，魚肚，魷魚，大蝦等，睇落好吸引喎，麵身有一半炒得軟又吸左醬汁，一半烘得香脆，一軟一硬口感十足，調味亦不錯。咸水角，剛剛炸起好脆，皮又煙韌，餡料亦算多。乾蒸牛肉，好少有乾蒸牛肉食了，一客四粒，牛肉軟綿不失彈性。蕾沙湯丸，新鮮做起芝麻餡流出黎，又香又甜。蘿蔔糕，呢樣係失敗之作，太多粉完全無味，一碟三塊，但大家都係食左四份一角已停手……新春期間服務特別好，勤添水，收碟又快，但仍然有幾個阿姐黑面……

今天晚上老爺奶奶相約我的爸爸媽媽一齊返來嘉尚喜晚飯。平時老公個邊都成日來，貪佢好坐，快靚正。兩親家來都係第一次，帶埋仔仔同囡囡，好開心！坐返我擺酒既西廳。今晚不多人，好多空枱，一行6大兩小，叫左幾樣野都好好。睇相介紹一下。

今晚我們去咗元朗嘅「喜尚嘉喜宴會廳」食晚飯！我們叫咗大白菜煲豬肺湯、沙律海鮮卷、菠蘿咕嚕肉、蜜餞子薑肉排、芥蘭炒魚崧、魚香茄子煲同海鮮晚飯孖寶：清蒸龍躉仔，玫瑰豉油水晶鷄！大白菜煲豬肺湯煲得火候十足，清熱潤肺，味道亦好濃郁！沙律海鮮卷嘅外層炸得好金黃香脆！菠蘿咕嚕肉好外脆內軟，外層嘅炸粉亦唔會太厚！芥蘭炒魚崧嘅魚崧好彈牙，芥蘭亦好爽脆幼嫩！魚香茄子煲嘅賣相好吸引，醬汁嘅味道亦調教得恰到好處，唔會太鹹！海鮮晚飯孖寶：清蒸龍躉仔嘅肉質好鮮甜嫩滑！玫瑰豉油水晶鷄相當入味，肉質亦好嫩滑！

好耐無黎過喜尚嘉喜飲茶，今日阿爸阿媽約黎呢間，佢地話呢間濶落啲方便擺bb車喎。一點幾黎到已經勁多人等位，等左廿分鐘倒開始問撘唔撘枱，話左撘，但上到去張大枱又比左人，我地幾個撘枱嘅企哂係度無人理，真係火火地，好彩之後安排返枱比我地，唔使再排過咋。坐低叫野食，好多特價點心好平呀，假日都係七個八，平到咁真係有啲驚。唔理咁多，咩都叫哂先。香煎鯪魚餅擺到明係炸唔係煎，但魚肉都幾彈牙，係油左啲。香煎馬蹄糕煙煙韌韌馬蹄又幾爽口，甜甜地好味。皮蛋瘦肉粥好足料，食完無口渴，唔錯。韮菜滑豬紅得啲薑味，麻麻。炸芋絲春卷真係有一絲絲芋絲，少少豬肉，撈左五香粉，又炸得幾香脆喎。鹹花生豬骨粥唔掂，碗粥酸嘅，怪怪味。味菜蒸大腸入味又多淋，但出左勁多油。涼瓜乳豬炒河唔係好大碟，但三十蚊有碟炒河，真係外賣都唔止呢個價。乳豬涼瓜都有幾多件，個汁調味亦唔錯，一個字，抵！三個人埋單都係百二蚊，平到笑，夏天黎涼下冷氣都抵哂啦。

Dear readers, if any of you think that I'm overly critical sometimes, know that I will not publish a truly scathing review without giving the establishment a second chance. I'd visited Plentiful Delight Banquet about a month earlier, with my husband, and it was the first time to date that we'd left a dim sum place with uneaten food on the table. The woody vegetables would have upset any local, and the dried shrimp vermicelli rolls actually had me wanting to reach for a barf bag. I could not eat

今日星期六，去邊度食野都多人架喇。所以只系等15-20分鐘都算好。 一入到去裝修都算唔錯。個茶壺好特別，好鐘意呢隻色。以上為茶樓之餐單，價格實惠。以上為味菜排骨河。炒得好有鑊氣，味菜酸酸的，很開胃。流沙包非常高質，夠熱，有夠口感。小籠包比較普通，但是也很多汁。真個肉餅只是小點，很抵吃，肉質不錯。娃娃菜分量比較少今次三個人只吃了$120，星期六正價時段都算平宜

阿屋企人黎拎開元朗，又想飲下茶，睇佢同埋季季紅同一齊就去試下啦茶具都幾得意呀平又唔算平叫左啲點心，小菜其中有梅子豬手都幾特別可能係今日焗焗地食呢個好岩憫得都林，但豬手指位可以再林啲個蒸魚頭都好味，又唔腥仲有幾傳統既豬潤燒賣!!＊ 呢到坐得幾好幾舒服，但真係好凍

星期六同屋企人嚟左呢度飲茶,家姐話呢度好多特價點心,都好抵食呀. 等左幾個字位,那個派位的小姐話因為今晚有婚宴,所以唔會再派飛,同埋要D還枱,不過派左飛的都會安排入座的, 我地等左大約30分鐘吧.我覺得好似裝修過,同埋D茶具都換過晒,好靚喎,顏色好鮮艷. 我們叫左一些特價點心同埋特價飯呀.有一碗咸蛋叉燒飯,都好靚的賣相喎,咸蛋半隻,叉燒都幾多件,同埋好味呀,又唔太肥,仲有菜添. D飯有D叉燒的豉油,好香呀,好味道.咸水角一般呀,唔夠脆口, 唔夠熱呀. 有一個烚菜, 賣相真的有點不討好, 好似食唔晒的咁. 有些椰菜花,豆角,同埋菜芯,用少少豉油, 真的好健康, 可以話係零味道,因為係白烚的.仲有一碟沙嗲雞串燒, 雞肉都幾淋的,加埋沙嗲醬一齊食好味的.不過整體的嘢食都唔夠熱呀,唔知係咪因為廈天的關係呢?! 

母親節飯 @ 季季紅1) 期待已久的“有米豬”，說真的有少許失望，非常油膩，這個豬有點像西班牙乳豬，還是傳統喜宴乳豬比較好食。2) 推介: 冰淋醬烤骨，濃郁梅味，感覺清新3) 重點推介: 豬肺湯(忘記影相)，非常清甜。其他菜式與普通酒樓差不多。翻兜指數: 3分(滿分為5分)

尋日同去朋友去飲茶，唔知係太晏定點解，服務態度已經唔好，好多嘢食都無，我地叫左個鵝叉伊麵，點知出事了……伊麵一到，可能我見識少，我未見過白色伊麵，不過都無理就夾，一放落口，我就真係想鬧人，伊麵個湯係無味，凍冰冰，個麵冧到，一放入口，成pat嘢！真係徹底失望！！

一直以為兩個招牌嚮樓下=兩間唔同既酒樓,乜原來一樣架咩? 定還是合併左呢? 本身嚮元朗試完衫就book定間酒樓食飯, 打去季季紅book元朗原來就等於喜尚嘉喜勒.入到去五個人嗌左個套餐,有四餸一湯一飯仲有糖水送,今時今日我覺得抵食過茶餐廳囉.