喜茶 (已結業)

炎炎夏日真係好需要飲杯凍飲降下溫一班同事突然話想飲HEYTEA見佢出左季節限定荔枝系列，決定試下係公司已經手機落好單，然後慢慢行去新城市攞野飲，所以等待時間唔係好長（個紙袋幾靚）多肉粉荔（$49）茶底可以選綠妍/玫瑰青茶，我簡左味道比較清新既綠妍base顏色係真係粉嫩色既粉紅，好有少女心，不過呢個顏色望到都有d驚，好多色素芝士奶蓋仍然高質，底下有好多蘆薈粒同荔枝肉，一啖吸上黎好有滿足感不過對比起HEYTEA既其他飲品，呢杯有d失色真係試過就算同埋$49一杯野飲都算係少貴，如果下次想飲，應該會叫返芝芝莓莓

咁出名行過無人就試下，我仲貪得意專登用程式買，冇咩人嘅關係都係等左10幾分鐘. 芒果味平幾蚊，第一次飲就試下芝芝芒芒。入去鋪頭環境唔錯，乾淨又光猛，唔使一陣就有嘢飲，飲第一啖係底下嘅芒果粒粒沙冰,覺得個芒果味好假一啲都唔好飲，但又點解會咁多人排大隊都要買黎飲呢，好...我就咁試吓佢最出名個芝士奶蓋，好滑好濃芝士味，係唔錯。再試下將佢哋溝埋一齊.......大鑊，冇晒芝士味得返啲假芒果味同小小茶味。我飲左三分一，唔想要飲 ，貴都要浪費。。。一次就夠以後唔好搞我，係我心目中呢杯野只係值$20樓下

其實之前都試過喜茶好多次，雖然都知道實大排長龍，但忍唔住都要試下佢個多肉葡萄。 佢個多肉葡萄呢杯嘢個色水真係唔差係紫紅色睇起上嚟都非常之靚。 其實佢個葡萄嗰果肉都非常之多，都食到有葡萄，以佢啲冰亦都真係磨到非常之幼細。 同埋我亦都飲到好似有少少烏龍茶味雖然都唔係太確實，因為其實佢葡萄味都掩蓋咗啲茶味 整體嚟講都算唔錯但價錢就貴咗啲。 有興趣嘅朋友可以一試!

#中意嘅請分享請點讚🍻----------😋爆芋泥波波冰 $36今次試左喜茶嘅新產品爆芋泥波波冰，聽個名都估到有好多芋泥。入面係芋泥再加芋頭粒，所以口感好豐富，唔怕得芋頭蓉。鮮奶同芋頭好夾，飲到最後仲有好多芋泥。除左芋泥同芋頭粒，仲有好多芋圓波波，芋圓好彈牙，加埋芋泥好似食左成個芋頭咁，飲完好滿足。宜家喜茶都支持環保用紙飲管，唔再用膠飲管喇。----------🔎喜茶🚩元朗元龍街9號形點1期1樓1091號舖🚩銅鑼灣軒尼詩道500號希慎廣場3樓330-331及326號舖🚩銅鑼灣勿地臣街1號時代廣場B2層B216號鋪🚩沙田沙田正街18號新城市廣場1期4樓408號舖🚩尖沙咀河內道18號K11購物藝術館B1樓B104號舖🚩荃灣楊屋道1號荃新天地1期UG樓78號舖

我本人就好鐘意芋頭嘅，平時去台式飲品店見到有芋頭牛奶都一定會叫嚟飲，只可惜並唔係間間都好飲╭(╯3╰)╮依家喜茶有得用apps叫定先，慳返唔少時間！入面有芋圓又有芋頭粒，仲有芋泥，睇相都見到佢差不多三分一杯都係芋泥🥰飲落好結身，好飽😻同埋建議可以叫埋走糖，因為健康啲同埋味道唔會相差太遠🤙🏻

今日同朋友去沙田，經過喜茶，記得喜茶嘅芝士奶蓋幾出名，就入去叫左杯芝芝桃桃，而朋友叫左杯黑糖波波茶。芝芝桃桃嘅味道不錯，酸酸甜甜，而個奶蓋真係幾好飲，個賣相好靚，有漸層，適合打卡。相反，黑糖波波茶就一般，冇咩特別。

喜茶我一直都好想試吓究竟有幾好飲，當我知道香港會開分店嘅時候，我真係好期待，而沙田係香港第一間分店，沙田喜茶分店很太多人排隊，所以每次經過見到條人龍，都走咗😂。幾個月前要出銅鑼灣見客，下晝大概三四點嗰啲時間啦，我見人龍都好少所以我買咗杯芝芝芒芒，比我想像中好飲。今晚去咗沙田食飯，食完之後，今次用左喜茶app去買芝芝桃桃，可能夜晚嘅時間少咗人排隊，所以等左20分鐘就有得攞啦，飲落去味道真係好普通，真係唔值要等20分鐘咁耐，芝士部分係好味，但生果部份就真係好一般，完全唔似我喺銅鑼灣分店飲個種感覺，真係好奇怪。

之前返大陸飲過一次喜茶 飲過返尋味但係因為好忙一直都冇時間再返大陸飲直到喜茶喺香港開分店 先有得再品嘗嗰日平日經過沙田 見到條隊唔算太多人所以就諗住試吓到底同大陸有冇分別我老公帶咗個仔排隊我就諗住行去前面睇定有咩飲點知個職員好好 見到我大住個肚俾我唔使排隊 直接喺收銀度俾錢order原來大肚婆係有呢個福利我嗌左兩杯 一杯就好普通嘅茶加奶蓋另一杯係芝芝莓果 個人好鍾意呢一杯入面係有藍莓同草莓再配埋嗰一層奶蓋 真係無限可擊🤤

以往凡經過過都大排長龍，晚上8時經過發現人龍比較少，就決定試新出品芒果特飲。雖然有網上落單，今晚walk in去買都不用特太久。新口味有做得好creamy，啖啖果肉好豐富，濃厚的芒果味，好fresh，還有足料的啫喱，十分消暑。這杯飲品沒有太多冰塊，沒有弄淡味道。沙田店有挺大的等候區，裝潢簡約，適合自拍打卡。前後大概等了15分鐘，幸好旁邊有好多服飾店，逛逛就可以了。其實背後有好多職員製作飲品，可務縮短等候時間，值得稱讚。價錢大概$45，不過有時轉轉口味不飲咖啡改飲喜茶也不錯，值得一試。

之前成日經過喜茶都見到排晒長龍，見到咁多人都唔想買！但係今日竟然經過冇乜人排隊，就決定試吓佢嘅芝士奶蓋同埋水果茶！🔥左：多肉莓莓、中：水果茶、右：芝芝桃桃多肉莓莓同芝芝桃桃上面都有個芝士奶蓋，個奶蓋真係做得好creamy，芝士味勁濃郁！多肉莓莓入邊有士多啤梨肉，仲有一啲好有咬口嘅啫喱物體！芝芝桃桃就飲得出係用新鮮桃肉去製造，飲落勁香桃味！另外，水果茶好足料，飲落偏重橙味熱情果味，入面有好多款生果，飲完個茶仲有生果食，係健康之選！

After a long wait, HeyTea finally opened its first branch in Shatin! I have always been a huge fan of HeyTea and I didn’t hesitate to go try it out as soon as I can. I ordered a mango cheezo tea just as I always would when I visit their branch in Mainland. Likewise, milk foam on top is super cheezy and creamy, I kinda wish it was thicker but oh well. The mango tea at the bottom is quite sweet so I would personally recommend to order the drink at half sugar or 30% sugar. Quality seems consistent

剛開幕的喜茶要排隊很久， 今日經過見人龍多，就買杯來打下咭，叫了一杯芝芝芒芒，一杯芝芝莓莓，價錢不算平，平均要4×一杯， 杯表面充滿芝士泡泡/ 芝士奶蓋? 底下是莓莓沙冰？ 酸甜的口感配上小小鹹味的芝士，又幾夾喎芒芒味道朋友說好飲，但我沒有嘗試，留返下次再試

🐰💬記錄下小編第一次飲喜茶🤧——————————————————————「芝芝桃桃🍑(¥29)」嘅奶蓋好香濃 略帶鹹香好似飲得嘅cheesecake 桃茶桃味天然 好香茶味 大推！💕-The Peach Cheezo🍑(¥29) is scrumptious! The milk top is rich in cheese flavour with slightly saltiness. The peach tea is aromatic with natural sweetness. Highly recommend!💕-價錢price：¥20 - ¥35地址address：喜茶HeyCha性價比CP value：🤤🤤🤤🤤⚪️(大杯)飽肚fullness：🤤🤤⚪️⚪️⚪️味道taste：🤤🤤🤤🤤🤤環境environment：🤤🤤🤤🤤⚪️服務service：🤤🤤🤤🤤⚪️Score：94/100🔖(bookmark)

香港開左呢間喜茶咁耐都未幫襯過 行街經過新城市廣場就一定要去飲喜茶啦第一次飲喜茶係深圳 一試果然2係幾好2飲 唔係淨係得個出名。接近夜晚10點 好少人排隊 5分鐘就可以點到喜茶飲啦，建議大家唔想大排長龍隊 可以夜晚趁鋪頭關門前黎買就輕鬆好多叫左芝芝莓果粉紅色超靚 好有少女心 大大杯 先打開蓋飲佢既香噴噴芝芝再用飲管飲佢底部既雜莓 有草莓同藍莓肉 不過有少少甜再點左冰火雞蛋仔賣相好吸引 脹卜卜既雞蛋仔夾住雪糕雪糕係抹茶味 一啖凍冰冰雪糕 配上熱辣辣既雞蛋仔 真係做到冰火效果呀其實叫左2樣野 已經可以飽到唔洗食飯 下次經過一定要黎飲芝芝呀

喜茶在內地都好熱賣，那我就經開沙田就進去買一杯試試，超失望，環境很細，取飲品叫號的螢幕在側邊，不是在正面每次都要行過去望一望，有沒有叫號只是隔一段時間盯着螢幕，地板還痴笠笠，超級不舒服，下次應該不會再來，又沒秩序，店員有沒笑容今時今日的服務同環境是非常重要的，香港的服務已經比內地差很多，希望下次去再會有改善，東起查的服務和飲品都非常不錯如果要選擇我都會去幫襯，別的店只雖然品牌不是出名但是服務和質量都非常好