喜茶 (已結業)

其實喜茶做得真係幾勁，由3年前第一次係大陸同事介紹我飲，講到已經要排成個鐘都要飲一杯，宜家嚟到香港，大家熱情都係未退卻，所以我....我都去咗沙田排隊買嚟飲😂佢嘅魔力竟然驅使我宜家企定定等，勁7點左右排咗10分鐘就買到，試佢杯新嘢多肉車厘，講呢個名嘅時候硬係會有少少害羞😏多肉🍒一杯HKD49，um.....飲完我要好努力回想車厘子係乜味，因為呢杯嘢除咗甜甜甜就係甜齋甜，無車厘子味，果肉都唔太多，連果肉都無乜味(懷疑人生中)

黑糖波波芝士奶蓋杯 ($13).brown sugar boba bathed in salted cheese🧀 (english version below!).黑糖珍珠定芝士奶蓋？Boba or cheese foam?why not both!!.頭先第一次試喜茶嘅secret menu🤫 食完一次過滿足晒你兩個願望黑糖珍珠食嗰時仲係微暖嘅，口感軟糯但又不失煙韌，同芝士奶蓋攪勻後，黑糖嘅焦甜點綴左芝士嘅咸香，令甜品杯嘅味道更有層次😍唯一美中不足口感較單調，有啲似食緊溶左嘅雪糕🍦，如果將芝士奶蓋雪一雪先食，將口感變為奶凍慕絲嘅口感，應該會更正😝同埋加埋oreo碎令口感更豐富😎.First time trying this secret menu from #heytea. To taste this divine (or evil?) combination, simply order a single serving of cheese foam ($9), then add a serving of brown sugar boba ($4). The boba are wa

星期六係附近做完野就順便睇下喜茶會唔會好似之前咁咁多人排隊咁瘋狂小編去到見到無乜人，咁就不如順便買杯黎飲睇下點啦，排隊到買野飲到拎野飲用左少於45分鐘，星期六黎講算係咁啦，仲快過係中國到買小編叫左多肉莓莓，hkd49蚊，計番貴中國喜茶少少，不過慳左車費同時間喎多肉莓莓，賣相同味道都同中國既喜茶一樣個人黎講，小編會鐘意芝芝芒芒多d，不過小編其實只係衝住喜茶既奶蓋而揀野飲上面張相個喜茶大icon係唔少人拎完野飲都會打卡既位，就等小編都襯下熱鬧

今日一試喜茶龍與鳳.成日都唔識分四季春同金鳳，成日唔記得上次飲咗啲咩今次終於兩樣都嗌哂！.芝士奶蓋四季春四季春比較偏甜，茶味淡少少，有點似茉莉花茶嘅清香，本人覺得較易入口！配上芝士奶蓋嘅鹹香真係一流！.金鳳茶王金鳳嘅茶味比較濃，有啲似烏龍茶，飲落有回甘嘅茶香。建議飲茶嘅初手可以試四季春，老手就可以揀金鳳。.呢杯金鳳我地揀左新嘅雪糕口味-呢間分店可以將芝士奶蓋免費轉成雪糕！不過都幾失望因爲見到佢純粹將Dreyer’s雲呢喇味雪糕加左入杯茶入面，而且雪糕好快就溶，同啲茶融為一體之後，個茶溝淡左，雪糕又唔係好食到😢所以大家記得茶飲唔好轉雪糕啊🙅🏻‍♀️整體黎講， 喜茶嘅味道Keep到大陸分店嘅水準，另外香港開咗咁多分店，應該好快就唔使排咁耐都買得到🥰大家得閒/等緊frd嘅時候可以排下啊

一早都知喜茶喺大陸好紅，亦都知道芝士茶係由喜茶最早研發，所以我呢個芝士精一路都好想去試下佢哋嘅芝士茶，終於等到佢黎香港開舖。唔少新聞都有講過，喜茶除咗開發咗芝士茶之外，佢另外一個出名嘅地方就係所有分店都會排長龍，呢個習俗黎到香港都無改變過，睇新聞見到第一日已經排咗幾百人，一向怕排隊嘅我梗係避之則吉。時隔咁耐，我估應該都唔駛點排隊勒卦，所以今日黎開沙田就點都要幫襯下。點知出乎我意料之外，雖然唔係幾百人排隊，但係都要等幾個字。之前上網睇過喜茶嘅大陸分店有好多特色，好似有黑金CONCEPT、全粉紅店咁，要幾浮誇有幾浮誇，但係黎到香港，佢反而走返簡約風，全店都係以白色為主，裡面唔係有好多位坐，應該都係預大家買走，所以就預留咗一大個位置俾人坐低等拎野飲，都算幾貼心講返呢度嘅主題 - 芝士茶，唔知點解佢喺CASHIER 後面果個MENU D 字超細，行到埋去先睇到有咩選擇 (可能大家都叫到熟晒，所以唔駛睇MENU)，我見好多人都叫水果茶，但係我黎係想試芝士茶，所以我堅持揀返芝士配金鳯奶茶，而為免太甜，我哋都係揀半糖試下水溫。跟住仲見到只係香港店先有嘅奶茶雪糕，諗都唔駛諗就即刻叫咗杯黎食 ^^喺等拎

揀岩時間同媽媽一齊嚟！服務好👍🏻而且等候嘅時間大大減少今次好快就拎到 所以可以評下野食啦！今次叫咗多肉車厘同冰火雞蛋仔最值得一提嘅係呢個雞蛋仔叫咗我出去攞先即刻加雪糕👍🏻👍🏻唔會因為等太耐而俾啲雪糕整林咗啲雞蛋仔👍🏻雞蛋仔甜配甘甘地嘅茶味雪糕 中和番多肉車厘 比莓莓嗰個更加多果肉！不嬲芝士奶蓋都唔錯揀咗金鳳茶底 真係好有茶味 唔知仲有冇其他茶底揀呢？今日嘅quota爆喇 學‘港女’話齋：遲啲要做番啲運動先😂今次值得俾番好評！

內地分店飲得多，今次終於開到黎香港啦，喜茶迷的我當然要去試試！星期六既下午以為要等好耐，但排了10分鐘就已經可以落order，前後共25分鐘前就已經攞埋茶。滿杯橙橙同芝芝芒芒都係我最愛，今次都買左呢兩杯，價錢貴過內地好多，但味道依舊！都係好飲到爆！不過都係翻大陸飲比較方便d

身為一個潮人，一有新野緊係要試！一入到去，勁多選擇，初初都唔識揀，後來先知原來有三角形符號代表推薦，有藍色點代表只有凍飲，冇熱飲。諗左成十分鐘😂最後揀左「芝芝苺苺」🍓😋即是士多啤梨汁加奶蓋。個奶蓋味同貢茶差不多，士多啤梨味ok la, 但如果啲果肉多啲會好啲。整體來講係好飲嘅！個人來講，覺得「奈之雪茶」好飲過喜茶，因為士多啤梨味多啲，多啲果肉，又大杯啲，奶味又濃啲。

味道同大陸分店一樣，我最鐘意嘅兩款飲品都維持到水準，但香港分店員工手腳慢過大陸員工，慢吞吞…有個男員工個樣好似話俾你知佢唔係好想撈, 沙田係香港第一間分店，但而家仲未可以用喜茶go買，cwb已經用到

深圳都未去呢間打卡必去茶飲店已經喺香港插旗，聽到佢開幕有300個人排隊真係嚇死我，但隔咗個幾個禮拜，星期六去都見條龍短短地，覺得排得過，原來呢D係假象！喺出面排咗30分鐘，入到去先發現原來仲有一條龍！不過起碼都點到單～～最後我叫咗清茶，適中水果茶太甜了～～輕芝士四季春 $32本身唔太喜歡芝士嘅我選擇咗輕芝士奶蓋，其實個芝士味對我黎講已經好足夠，佢最抵讚係奶蓋唔會太稀，搖兩下就無曬變奶茶。茶底先係最出色嘅地方，四季春嘅甘真係零舍不同，好清新解渴，好似冷泡茶咁，所以你問我，我覺得奶蓋少D茶多D都絕對無問題！如果係第一次飲嘅話，可以試呢個先～～～芝芝莓果 $49聽說呢個係招牌，10個9個都會點呢杯飲品，不過我朋友最癲唔係點佢，而係on top加多一shot芝士奶蓋！！！本身佢已經有一層好厚嘅奶蓋，但我朋友實在太喜歡個芝士奶蓋，所以純粹買一shot齋食！不過佢個奶蓋的確係非常出色，夠企身，帶到實在口感畀人；有鹹香但唔會好過份，加埋落酸酸地嘅雜莓係夾嘅，仲可以降低雜莓嘅酸度，呢個冰沙飲落好清新，所以越飲越開胃，但我都係喜歡茶多D～～

初嘗喜茶。由喜茶進駐沙田的第一日其實已經來排過隊，湊個熱鬧，無奈等候時間實在太長，還記得當時 10點到店，籌號289，最後排了45分鐘，只是叫了50個籌號，最終告吹。再來已是一個月後，同一時間，排隊的人太太減少，整個購買過程30分鐘左右完成了！一心想嘗「多肉葡萄」，怎料原來是季節限定，現已換了「多肉車厘」！最後叫了芝芝芒芒：飲了一口，跟許留山的味道很相似！芝芝莓菓：有點酸酸的果籽，後悔叫了少甜芝士四芝春：最清新，下次要叫一杯飲！喜歡店內並不嘈吵，突出了背景音樂，令等待的感覺變得悠然自在，還可以坐低等，同朋友傾下計或等朋友的時候來消磨一下時間！不錯呢

之前一直都係返大陸先飲到既喜茶，終於喺香港開咗啦,今次係沙田新城市廣場呢度買咗平時飲開嘅芝芝芒芒，個人認為味道同之前飲嘅都係一樣酸酸甜甜，奶蓋嘅濃度適中，茶味香濃，美中不足嘅係因為佢用新鮮嘅芒果製作所以都會有一啲芒果嘅渣。今次仲試咗新嘅另外一杯茶，叫芝士桂花烏龍。本人因為好鍾意奶蓋所以叫咗多奶蓋，呢一杯芝士桂花烏龍茶茶味香濃桂花及烏龍嘅配搭得出到烏龍嘅清新，桂花嘅香甜，而且奶蓋嘅濃度亦都適中呢個配搭令到我更加想試更多其他嘅產品。

🍊滿杯紅柚（$38）🔸8.5/10每次買喜茶都只會飲芝士奶蓋系列，令我太遲先試佢了👅大大杯橙紅色好靚，飲落酸酸甜甜，完全冇西柚既苦澀味，好清新好解渴，好好味😍

雖然假日排隊好多人，大概1 hr 45min（連拎飲品），但都覺得係好值得嘅！好想講就係喜茶叫嘢飲要自由配搭先好飲，嗰日排隊見到Menu上面一般都係得芝士茶類或者水果茶類或者芝芝芒芒個D，然後下面有個toppings( 加料）於是就想試下另外加野! 😆😆加上嗰陣我就想飲金鳳茶王或者 Oreo波波鮮奶，最後揀咗金鳳茶王，個配搭就係輕芝士（要同收銀講轉輕芝士）金鳳茶王加黑糖波波。個味道就係先飲到黑糖波波的黑糖甜味，然後就係後來居上的濃茶味，好好飲！而且我好期待下一次嘅配搭，就係想飲輕芝士翠玉抹茶加黑糖波波加黑糖奶凍再加Oreo喺頂!不過重要既係要叫少糖 Or 半糖, 因為少啲糖可以飲到茶嘅味道👍🏻👍🏻👍🏻👍🏻👍🏻

在大陸很受歡迎的喜茶終於在香港沙田新城市廣場登陸了還有香港獨有的冰火雞蛋仔呢！———————————————這次試了桂花烏龍及四季春非常推薦四季春淡淡的綠茶香配濃郁的芝士奶蓋完勝！———————————————香港特有的冰火雞蛋仔也不錯熱騰騰的雞蛋仔配上香滑的奶茶雪糕完全是絕配！而且雞蛋仔是香脆的！———————————————總結:桂花烏龍 $35四季春 $32冰火雞蛋仔 $32可惜期間限定的芝芝葡萄已經沒有了