喜茶 (已結業)

多肉葡萄之前已經試過多肉葡萄覺得不錯便再喝但又想加點新意便把飲品轉成非沙冰底其實即是普通的冰塊哈哈還是沙冰底好味點沙冰的微粒能令飲品口感更豐富沙冰也好像能把飲品調稀一點沒那麼多膩的感覺.芋泥波波 (抹茶底)同樣地因為想加點新意而加$4轉了抹茶底抹茶底好好味!!!.不過這次假日去等了好久等了一小時有多

常去深圳旅遊的朋友，一定知道有一家特飲的芝士奶蓋很出名，可香港就是沒分店。盼著盼著，終於有消息要在香港開分店啦，唔用去深圳啦。消息一出，粉絲們都蜂擁而來，一嚐滋味。當然，我也成為大長龍的其中一員，望向吧台，店員忙得不可開交。我點了它們家最新推介—多肉車厘。等候時間大約四十五分鐘😅😅如果唔係好想好想飲，真是會轉身就走。千呼萬喚，終於叫到我號碼啦。好野，飲得啦，一口喝下去，一口車厘肉充滿整個口腔，好清爽口感。再把吸管拉高，飲到濃郁芝士層，正～～

之前上深圳了喜茶很多遍，香港在沙田開店後第一次有機會嘗試！最愛芝士奶蓋桂花烏龍，桂花清香，烏龍解膩，配奶蓋冇得輸！不過唔知係咪心理作用，覺得大陸的奶蓋好飲d，呢度整得有啲厚身，有啲膩。另點了人氣芝芝莓莓，真材實料！好多士多啤梨😍飲完一杯好滿足！又飽肚哈哈！不過就要排隊1小時前先買到，值不值就見人見智啦！飲喜茶會上癮！

喜茶定期都有新攪作，最近推出了金玉芝士茗茶(HKD32)，茶味淡淡的帶點桂花香，清新回甘，最鍾意飲咗佢哋上層嘅芝士，再混合埋一齊飲，爽呀！假日前喝一杯，大滿足😌

本身一開業係好多人，所以從來無去過，難得今日無人，無人排隊啦，甘難得下，我就緊係要去試下啦！新城市呢間店好大，又有位坐，不過個就無，快快地買完就去行街。我今日就去左呢到，去左買呢個芝士桂花烏龍，當然又係少糖，少冰啦。聽左人講要試甘耐，終於試左。Well我覺得就麻麻地，其實無特別，可能因為之前期望太大，所以有點失望。無乜特別的茶，我覺得不過呢到有好多款式可以比人簡，所以先有點可取。最後，我覺得作為朝聖未可以試下，但係唔洗有好大期望。同而家真係無咩人。

沙田店排隊的人龍, 總算沒那麼瘋狂, 但order飲品總要耐心等候, 始終攪拌機有限, 沒記錯好像只有兩部攪拌機, 而且現在可經apps預先落單, 要飲就請等等。是日就是不想等……那麼久, 一於試其波波雪糕。波波雪糕 $22呷一口雪糕, 奶味香濃, 質感軟滑。呷一口珍珠, 珍珠軟綿Q彈, Q彈的程度, 令我喜出望外, 感覺從眾多茶飲店喝珍珠茶飲時, 也沒試過這般QQ的。黑糖味道濃淡適中, 不會過甜。以這個價格而言, 回頭機會甚高。

喺唔需要排太耐隊嘅情況下，喜茶係值得試下嘅。個日見喜茶冇咩人排隊，大概係熱潮已經過左，就去買杯黎試下。曾經喺內地試過喜茶，當時已經覺得好驚艷，茶底好香，好好飲，個人推薦喜茶嘅茶飲系列，因為飲得出啲茶係唔錯。喺香港叫番同一杯試過嘅野作對比，價錢方面，香港嘅實在太貴喇，部分飲品要接近甚至過50蚊一杯，老實講50蚊一杯飲品，咁佢嘅質素就要相對提高，但試過香港嘅喜茶，雖然都好飲，但未至於值50蚊嘅質素。明白唔可能同內地比較，始終內地租金同人工都平啲，但當喜茶黎到香港呢個租金貴同人工貴嘅地方後，就變得性價比較低了。

喜茶—芝芝苺苺 $47今日食完lunch後，經過沙田既喜茶好想入去飲番杯飲品，揀左杯芝芝苺苺嚟飲👅買完等左15分鐘就有得拎⏰都算幾快就有得拎！👁 環境：空間幾寛闊，好多座位坐➡️奶蓋👍🏻 芝士味重 唔會太咸 飲落五會太膩👀不過如果奶蓋再多D就好啦🥺 ➡️飲落去有D酸酸甜甜😆有好多士多啤梨肉粒，一路飲都有啖啖肉粒🥰 ➡️士多啤梨同芝士奶蓋配合一流🤤 下次一定會再試下其他味道架！好味程度：😍😍😍😍 （5😍為滿分）

之前係深圳飲過芝芝桃桃已經回味無窮, 一直都好想再返大陸飲返, 得知佢係香港開左分店, 心諗一定好多人, 話說我之前係大陸都等左2個鐘, 係香港分店唔多, 我唔敢一開張就去排.咁啱今日去開沙田, 心諗一定要試下, 本身諗住電話下單, 但見唔多人排隊, 就排下啦, 排左10分鐘, 等左20分鐘就有嘢飲, 多肉梅梅同芝芝梅梅好唔同, 雖然兩者都有芝士奶蓋, 但多肉梅梅奶蓋唔太多, 我覺得比起芝芝梅梅少了三分之一, 感覺上冇咁飽.好鐘意佢的杯蓋的設計, 因為可以打開上面的小窿仔, 可以食到奶蓋之飲又唔會整同嘴dirty.多肉梅梅裏面的珠珠好好飲, 雖然都係珍珠大少, 但口感完全唔同, 好好味.

喜茶，一間網紅飲品店，喜茶過百間分店遍佈深圳、上海、廣州、中山等地。深圳喜茶曾經掀起一陣排隊熱潮，買一杯飲品需排隊三、四個小時。我等到熱潮慢慢減退既時候，就嘗試左人生第一杯喜茶，從此之後我就愛上了💖作為一個喜茶迷🥰之前一直已經為左喜茶而成日上深圳，見到喜茶越出越多款式，除咗麵包之外最想試嘅就係雪糕🍦然後，見到宣傳話香港開分店，真係好開心😂沙田依間仲有雪糕食，因為怕要好似深圳咁等好耐，所以我等到佢開舖之後一兩個月我先去試，意外地價錢唔算好貴。右手邊嗰杯係芝士綠研，深圳$17人民幣，香港$28，人民幣對返港幣來講其實價錢都差唔多，令我驚喜嘅係深圳呢一杯係好清甜，香港水準竟然都拍得住，同喺深圳簡直飲嘅一樣❤️❤️第一次試喜茶嘅雪糕，我就叫咗好多人都叫嘅波波雪糕，除咗雪糕有茶味之外珍珠都好重黑糖味，十分驚喜十分推介❤️❤️我等左一個月去試人潮唔算好多，雖然都係分咗兩邊排隊，但都係因為喜茶門口細，怕阻塞道路先分兩邊，要喺扶手電梯隔離排先去到喜茶到排，但係一去到喜茶門口到排就好快，3至4分鐘就叫得野飲。

假期前一日有得收早，見有間咁得閒，就走去喜茶排下隊，之前都係深圳飲過喜茶，但冇乜特別深刻嘅印象。一去到喜茶，就見到好多人排緊隊同等緊，見到有個數條碼自助落單就scan黎試吓，點知撳極都落唔到單，問負責安排人排隊個staff，點知佢都唔識用，咁唯有去返排隊啦，其實排隊買就好快嘅，不過等就要等好耐。之後發現原來係因為嗰個時間太多人嚟買，所以用唔到自助落單。買完之後，staff話大概要等一個小時，結果等左接近一個小時真係剛剛好有！今次叫咗芝芝芒芒同綠研，佢個芒果味真係好香又夠甜， 啲輕芝士鹹鹹地，兩種口感加埋一齊真係好得意！雖然落左單之後真係要等好耐，但其實可以行住街等所以都值得一試！

今日來到沙田，見到喜茶唔算多人排，所以就去排下啦。味道同深圳一樣，價錢略貴，但能在香港飲到省翻車費啦。推介水果茶，都幾襟飲。不過如果口渴就唔suggest 排隊買啦。因為買完仲等左45分鐘嫁

果日經過沙田同媽咪行街 記得呢到開心喜茶 唔淺專登番大陸飲好好彩我果日見到排隊冇咩人就即刻快快手過去叫野飲先我就叫左芝芝芒芒 仲叫左小甜不過等拎都等左大約35分鍾 一拎到果時 即刻好快手飲啖芝士奶蓋先真係好滑好香芝士味  芒果味都好重呀我本身以為香港都會有芋泥果D飲不過唔緊要啦 有芝芝芒芒飲都好開心啦

沙田呢間好誇張等左一排 可以來試有雪糕食呀個哥酸哥整左好大支比我一食茶味唔係好出食落 有驚喜 唔會好甜茶味回甘個cone 黑色既竹炭味 配個茶味雪糕 又幾好食下次要食埋芒果同波波味再叫多杯芝芝莓莓 都係咁好飲

係內地紅到黎香港一直都好想試今次終於的起心肝專程過黎潮聖下餐廳主色調係白色比人一種時尚整潔既感覺第一次幫襯梗係要試佢招牌奶蓋茶芝芝芒芒個色好靚芝士奶蓋滑而不膩果然名不虛傳有粒粒芒果有淡淡既茶味夏天飲一流好貼心有得選甜萄糖可以減輕罪惡感今次冇選試左原味有機會可以一試