影片
港鐵尖沙咀/尖東站 B1 出口, 步行約2分鐘
繼續閱讀
電話號碼
23667565
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
優惠
61折
喜記蟹將軍避風塘炒蟹4 位套餐 (只限尖沙咀店) (只限堂食)
$1,228
$2,033
68折
避風塘炒蟹2人優惠套餐 (只限尖沙咀店) (只限堂食)
$799
$1,180
相關文章
這間餐廳非常地道及有風味~店員有禮,而且環境又大又乾淨~仲有好多遊客及本地客光顧的~有天來吃一頓美味海鮮餐。這間餐廳的蟹十分出名。看到每一台食客都必會點蟹。蟹都有多種不同烹調煮法，有避風塘蟹、薑蔥炒蟹、蛋白花雕蒸蟹、沙茶粉絲肉蟹煲、黃金蟹等等，蟹仲可以自選大細。今天叫了一隻細細的黃金蟹～賣相相當吸引，金黃色的外皮，香脆惹味，鹹蛋味充足。雖然細份量的蟹，但是蟹都非常大隻。餐廳已把蟹斬成了一件件方便食用，而且還有店員會幫忙剝蟹，真的是貼心服務，這樣不用花氣力和弄污糟雙手都能吃到啖啖蟹肉。黃金蟹外皮惹味，中間的蟹肉鮮甜無比啖喔肉超滿足。十分喜歡這餐廳的蟹宴。除了蟹之外，我們還點了椒鹽富貴蝦，富貴的瀨尿蝦大大隻相當吸引，我都是第一次吃那麼大個子的瀨尿蝦，當我在擔心不知道怎樣剝殼，店員提供貼心服務會把蝦殼清理好，然後便可以啖啖肉吃。瀨尿蝦鮮甜無比，肉質厚實爽口彈牙，啖啖肉超豐富，令人十分難忘的巨大瀨尿蝦。招牌蟹油炒麵，看似平平無奇的炒麵，當把炒麵放入口中，蟹味香濃，炒麵十分惹味，令人一試便愛上，而且炒麵份量也很多，非常抵吃。油鹽水浸蜆，看到超多蜆～蜆肉鮮甜，而且仲有粉絲，粉絲吸入了鮮甜蜆肉味道，仲有鮮甜的湯汁，粉絲非常可口美味。吃飽飽豐富晚餐還有甜點贈送，是日提供了番薯糖水。番薯糖水甜度適中，番薯軟糯～非常滋潤清甜～正。下次又可以再約朋友來吃~試一試其他菜式~
繼續閱讀
60年嘅老字號依舊保留住大排檔嘅靈魂😋，尖沙咀鋪面夠曬闊落，一入到來就聞到香氣十足，夠晒過癮！🦀招牌避風塘炒辣蟹鎮店之寶，來到必點！揀咗好重手嘅靚蟹，蟹肉雪白飽滿，蟹膏厚到好似流心狀，蒜粒炸到金黃焦香，聽聞用咗好幾斤蒜，完全冇用麵包碎代替！辣度岩岩好帶出蟹嘅鮮甜🌶️，連蟹腳都斬開方便拆食，吮埋隻殼都夠味！🦐椒鹽瀨尿蝦隻隻都係膏滿肉肥，蝦殼炸到脆卜卜，咬開仲有鹹香椒鹽粒，蝦肉緊實到彈牙，啜埋啲蝦膏真係鮮到痹🤤🍚避風塘炒牛河師傅炒得夠晒快手，河粉油潤唔黐底，牛肉嫩滑有肉汁，每啖都有濃郁嘅香，經典中的經典😋🐚蒜蓉粉絲蒸扇貝扇貝肉厚到睇到都開心，粉絲吸晒貝汁同蒜蓉香，蒸得剛剛好唔會老，蒸出嚟啲汁原汁原味夠嗮鮮甜，保留翻海鮮原始嘅味道😌原來尖沙咀鬧市入面，仲有咁貼地嘅滋味～ 無論係同朋友吹水，定係帶遊客體驗地道風情，呢度都係首選！🥢💖
繼續閱讀
喜記尖沙咀旗艦店，紅色招牌在霓虹燈下閃令令，好似講緊呢間避風塘菜館 60 年嘅故事。還沒有進門就能看到整面明星打卡牆🌟梁朝偉，陳奕迅，古巨基，容祖兒，謝霆鋒等一眾明星都愛這家吃蟹！晚黑七點，鋪頭已經坐滿人🎶🪄喜記招牌避風塘炒辣蟹絕對係鎮店之寶！揀新鮮靚蟹，蟹殼紅卜卜夠硬淨，拆開之後蟹肉雪白飽滿，連蟹鉗都被師傅細心敲裂，方便食客。🦀避風塘炒辣蟹用料包括了中國的大蒜、🧄歐洲的桂皮，印度的薑黃，小茴香，東南亞的小雀椒🌶️紅蔥頭等等🔪然後經過一週的發酵，香味複合醇厚，口感香脆，鮮甜味美，更能帶起螃蟹的鮮甜味道👍但由於製作成本偏高，香港很多地方為了節省就會用麵包碎做原料但導致吃不到最原始的味道！🪄豉椒炒蜆一樣咁正，蜆肉大粒飽滿，每一啖都鮮味十足。師傅火候控制得啱啱好，蜆肉彈牙唔柴，連汁都想撈飯食🍚🪄蒜蓉粉絲蒸扇貝，扇貝肉厚身彈嫩，粉絲吸晒扇貝嘅鮮汁同蒜蓉嘅香味，軟糯入味，鮮甜喺爆發食咗咁多濃味餸，上湯菜苗啱啱好中和下口感。菜苗翠綠爽脆，上湯濃郁鮮美，帶住瑤柱嘅香氣，清熱解膩，等味蕾喘吓氣🥬呢度唔止有好食嘅餸，仲有香港地道嘅飲食文化同人情味。有親朋戚友來到香港，也會帶他們來👍
繼續閱讀
👣值得科勞指數：🏃🏻♀️🏃🏻🏃🏻♂️🏃🏻♀️ 🏃🏻尖沙咀人流密集，想搵間坐得舒服、食得滿足嘅海鮮餐廳？喜記就啱晒。招牌主打辣蟹之外，其他菜式都做得出色，唔係求其炒兩味交差，係認真有心機嘅出品。🔥 避風塘炒辣蟹
必點！辣得醒神，唔係死辣，係香辣。唔用麵包糠，全部係金蒜~蟹新鮮肉厚，炒到啲蒜香入晒肉，仲有啲蟹膏勁香口。嗌一碟大家share，基本上可以變成全場焦點，手機相都影唔停。🍽️ 招牌椒鹽瀨尿蝦
身為蝦迷，呢味真係冇得輸。蝦肉厚身，炸得酥香，連殼啃埋都冇問題。椒鹽加蒜粒，每口都充滿香氣，啲渣渣撈飯一流，想低調都唔得。🍽️ 椒鹽雙拼九肚魚+鮮魷
炸得夠乾身又唔油，咬落香脆之餘魚肉仲保持嫩滑，唔腥，啱晒怕腥味嘅朋友。椒鹽啱啱好，唔會重鹹，單食或配飯都掂。🍽️ 乾鍋花菜
睇落普通，但炒得有驚喜。肉片薄切得好靚，滑而唔腍；花菜夠爽，唔會炒到焾晒水，睇得出係快火爆炒，有功夫。海鮮新鮮、火喉準、味道夠，價錢絕對對得住質素。無論係朋友聚餐、請客，定係放工想慰勞自己，都係唔會錯嘅選擇。
繼續閱讀
💥今日同班friend去試吓呢間老字號，果然名不虛傳！海鮮新鮮冇得輸，鑊氣十足夠地道～ 想食避風塘風味嘅話，呢間絕對係尖沙咀首選！ 🦀 喜記招牌避風塘炒辣蟹🌶️（必點！） 一上枱就聞到超香蒜辣味！蟹肉爆多又鮮甜，啖啖肉仲要夠晒鑊氣🔥。避風塘炒法嘅蒜酥同辣椒乾脆卜卜，撈埋蟹膏一齊食，邪惡到極點！l🦐 椒鹽瀨尿蝦瀨尿蝦大隻到嚇親人！椒鹽醃得超入味，外殼炸到脆卜卜，連殼都可以啜幾啖😋🐚 辣酒煮花螺 花螺浸滿咗辣酒湯汁，一啜就成粒螺肉彈出嚟，爽口冇沙！湯底有淡淡當歸同藥材香，辣得嚟好暖胃🤤🥚 鹹蛋蒸肉餅肉餅鬆化，鹹蛋黃流心嘅油香滲晒入豬肉度，仲有馬蹄粒增加口感，送飯簡直無敵🍚喜記真係唔會令人失望，無論係海鮮新鮮度、師傅嘅炒功，仲係經典嘅避風塘風味都做得好到位！下次想同朋友圍埋一齊歎地道海鮮，一定會再嚟呢度～ 鐘意避風塘菜系嘅朋友，千祈唔好錯過呀！😉#喜記 #避風塘炒蟹 #尖沙咀美食
繼續閱讀