喜記路邊雞

營業中

休息中

放工同老公去旺角食小菜，七點幾去到全場爆滿，等了一陣先有位，這裏有多款小菜及新鮮海鮮，價錢合理，份量十足。招牌路邊雞半隻名都有叫喜記路邊雞，點可以唔試下呢，大部份雞肉已去骨，雞皮皮下脂肪極少，雞皮爽彈，肉質嫩滑，似係走地雞。椒鹽豬大腸大腸炸得香脆，食到最後個炸漿都唔會油淋淋，不過大腸就比較多油膏。芥末和牛粒和牛份量很多，差不多有廿幾三十粒，而且炒得剛好，牛肉嫩腍不鞋口，芥末味道適中，帶少許刺鼻，還有爽口三色椒，色彩鮮艷。沙律明蝦球蝦球又係份量十足，有至少十幾廿隻，粉漿薄又脆，蝦仁彈牙。食小菜點都要啤一啤。

一向喜歡吃小菜, 各樣的菜式, 有不同的調味, 而且鑊氣好豐富, 是在家做不到的。椒鹽豬大腸$48椒鹽鮮魷、豆腐比較常見, 豬大腸就少見, 朋友平日都愛吃豬大腸, 也愛炸物, 所以十分欣賞這椒鹽豬大腸, 新鮮炸起, 香口熱辣, 大腸有其邪惡的豬油香, 可蘸上醋汁提味。豆豉鯪魚油麥菜$88雖然家中也能煮, 豆豉鯪魚只是罐頭嘛, 但總覺得在外吃的比較好吃, 可能也是鑊氣的關係吧。雖然份量很多, 我們二人都吃得完, 油麥菜加上豆豉鯪魚, 鹹香惹味。豉椒炒蟶子皇$68(每隻)叫了兩隻蟶子皇, 洗淨起肉和豉椒一起炒, 口感爽口, 味道濃郁, 洋蔥和椒也很甜。乳鴿$48這隻乳鴿燒到皮脆肉嫩, 又有肉汁, 大小剛剛好, 好味到想一人獨享一隻, 吃乳鴿不用去沙田啦。芥末和牛粒$108濃黑的醬汁, 味道卻沒有過火, 不會太鹹, 和牛粒軟嫩入味, 輕輕的芥末香味, 不會太嗆喉, 切粒的三色椒有大量, 吃肉同時吃到蔬菜, 比較健康。水準中上的小菜店, 是可以一再光顧的小店, 吃鑊氣小炒不一定要去深水埗找了。

假日陪老豆出旺角睇空氣清新機，睇完肚仔餓，老豆話炒返兩味食下好喎，咁我呢d 乖女緊要識做啦！ 近近地去左喜記路邊雞尋找美食。入到去座得幾舒服冷氣充足，睇完餐牌老豆話想食蠔，我就叫左以下幾樣野食:薑蔥焗桶蠔煲 ～ 桶蠔大大隻超飽滿，咬落去好juice ,豉椒炒蟶子皇 ～ 用豉椒炒，蟶子吸收哂d 香濃味道火喉岩岩好。喜記小炒王 ～ 夠哂鑊氣，蒜芯夠爽甜，又多什錦配搭腰果，蝦乾，炸魚仔和 魷魚仔咁材料夠哂豐富。豉油王炒麵 ～ 炒得夠乾身，一d都唔油，抵讚。老豆話呢到味道幾好，話下次帶媽咪和個孫來再食過喎。

我們11人訂了位，己經訂有菜單，但臨時多了1位小孩，要加多$300元，已經覺得好計較，因為我們不是弟一次光顧,職員解釋加餸，你話呢！但新年期間也不想掃興，就算，味道很差，魚是腥，湯過 咸，服務員要叫才來招呼，又趕住收工，不停催 速未食完打包，不會再有下次。洗手間很 污糟，沒有去水。

大食仔私心推介又黎，今次係位於旺角既一間小菜館，「喜記路邊雞」係大食仔覺得香港其中一間最高質既大排檔之一，每次黎都必叫椒鹽豆腐，今次人多加左幾樣，豬手、鹽水鴨、金銀蛋覓菜、咕嚕肉，聽落都夠曬豐富！先黎既係豬手同豆腐，椒鹽豆腐一如以往，漿薄夠脆！送住啤酒，真係PERFECT MATCH！沙薑豬手係前菜，凍食好爽好入味。鹽水鴨係招牌野，肉質較為實，鴨味濃咕嚕肉精彩，走油走到脆一脆，回返咕嚕汁，可以送2碗飯！總括黎講，小菜最緊要有獲氣，呢間大食仔翻兜再翻兜呀！

之前食過幾次，十分欣賞路邊雞用新鮮雞，好有雞味，但今次買了一隻外賣，發現完全唔係路邊雞，用左冰鮮雞充當新鮮雞，也太勉強吧！之前係老闆娘話佢地日日用新鮮雞造！真係好失望，都二百幾一隻！

我第一次去這間地处砵蘭街街边小厨，吃到这种风味，实在令我喜出望外，第一道菜有着前所未有的滋味，就是其招牌路边雞，人地話雞有雞味，的确是鸡的味道，而且是最顶级的..真可谓是极品，果然不单雞味，而且非常嫰滑，让整盘菜更显出奥妙。 第二道菜粉葛鯪鱼煲豬踭，湯味濃沃，不单浓烈的鱼味，加上豬横脷，粉腸熬出的湯汁，味道十分的柔和，能将鯪鱼本身的甜美滋味，趁托得更加出色，让砂锅呈现绝妙滋味。 第三道菜为莧菜及象拨蚌仔，不用置疑都是高水準之作，精彩的是继续來的高湯煎焗大花蝦，帶着高汤焦掉发出的香味，不用沾酱了，高汤渗入皮之后，适度的焦黄确实让味道更香，不过应该还不止这样，每吃一隻都有新的口感，感受新的味道，内馅柔润的好像要化掉一样，每嚼一口嘴里就溢满了鲜汁，轻轻的刺激着舌头，乍看之下，这些煎大蝦好像没有什么特别，其实里头下了不少让人吃起来回味无穷的功夫。继而上桌的是祘蓉粉絲聖子王及油盐水花甲，這二味海鮮功夫也不用花巧，只要新鲜就是了。而主菜凊蒸花英班帶着蒸汽上桌，看着其帶小小沙皮，就知這条海鱼有一定质素。在这样的场合竟然能完成这样美味的实验，真令人不可思议..

今日過左旺角搵食，本身有目標食邊間既，但搵極都搵唔到，放棄之際抬頭見到呢間路邊雞。之前喺九龍城食過一間路邊雞，雖然半隻都成百蚊，但印象中唔錯幾好味。唔知係咪同一間，所以入去叫餸食飯。當然有叫佢地照牌菜 路邊雞。但一上枱大家都面有難色，因為隻雞瘦到眼見都係得d骨，食落更加唔使講，肉少骨多，味道亦比我上次食的啖味。我唔知道路邊雞係咪真係甘樣樣，但成舊水食呢隻雞的話，我絕對覺得唔抵。最後唔飽埋單走人過海食宵夜先飽。