喜記避風塘炒辣蟹 (肇明大廈)

營業中

休息中

朋友想食炒蟹，所以再訪喜記，試咗幾道招牌菜，都值得推薦！首先係”招牌避風塘炒辣蟹”，蟹肉鮮甜，搭配香辣蒜蓉，食完一口就停唔落。蟹殼炸到酥脆，肉質卻保持彈性，口感很好。亦點了” 招牌醉鮑魚” ，鮑魚滑嫩，有濃郁嘅酒香，味道一流，食完超滿足。另外點了” 豉椒炒青口”，青口鮮嫩，帶點甜味，搭配豉椒嘅香味，唔油膩又開胃！總括來講，呢三道菜色都有質素，下次再嚟，我一定會再點呢幾道菜！招牌避風塘炒辣蟹招牌醉鮑魚豉椒炒青口

前排同幾個中學同學聚會去左呢間餐廳dinner 因為大家都中意食海鮮叫左幾個送都好味，食到好滿足呀！招牌避風塘炒辣蟹炒蟹夠鑊氣，一上抬就聞到濃濃既蒜香，辣度對我地黎講岩岩好。蟹肉肉質結實鮮甜，肉汁豐腴，配搭埋炸蒜好惹味。兩個人食份量好足夠，超滿足。豉油皇中蝦蝦肉質爽口彈牙，以豉油調味，簡簡單單已經好好食！蒜蓉炒時菜時菜好新鮮清甜。白灼東風螺東風螺肉質緊緻，白灼保留了原有鮮味 ，配甜醬、辣醬令鮮味大十提升。已經約好左下次再黎😂😂😂

--早排去左喜記避風塘炒辣蟹Gathering，之前已經同朋友試左佢既招牌菜避風塘炒辣蟹～今次就試下食其他主打菜式😝人均都係$300左右-🦀奄仔蟹碟蟹擺到上枱～好大隻！有啲嚇親，啖啖肉，肉質好鮮甜，令人食慾大增😚🥬香菇炒時菜大魚大肉下要叫番碟菜平衡下罪惡感，但估唔到好驚喜！香菇勁勁厚肉🐟酸菜魚鮮味好突出，湯底辣度剛剛好喜記避風塘炒辣蟹 (肇明大廈) (銅鑼灣)📍銅鑼灣謝斐道477-481號肇明大廈地舖及1樓A室#喜記 #橋底辣蟹 #喜記避風塘炒辣蟹 #銅鑼灣必去 #銅鑼灣美食 #奄仔蟹 #酸菜魚

喜記避風塘炒蟹以其新鮮鮮嫩的蟹肉和獨特的炒法而聞名，充分吸收了蒜蓉和香辣椒的香氣，令人流晒口水🤤🤤外皮酥脆，蟹肉彈性十足，搭配炸蒜片和香菜增添了層次感。餐廳的氛圍輕鬆愉快，十分乾淨。非常適合與朋友聚餐。其他嘢食不過不失最吸引都係避風塘炒蟹

餐廳裝修充滿中式元素，又融合了一些香港特色，設計盡顯心思 ❣️ 很適合招待外國朋友 😆 今次帶媽媽過來吃飯，吃得很盡興 🥰🔸招牌避風塘炒辣蟹色澤誘人蟹肉鮮嫩 🦀 蟹十分大隻，啖啖肉！好夠鑊氣，搭配香脆炸蒜粒和香葱，增添了層次感和香氣！🔸白灼東風螺螺肉新鮮彈牙很有鮮味，簡單搭配蠔油或是辣醬，已經十分好味 😋😋😋🔸酥炸美國生蠔外皮炸得金黃酥脆，裡面的生蠔肉鮮美多汁，完全沒有腥味 👍🏻 食完還想再叫 🤓

其實都唔係第一次嚟食呢間餐廳啦我同屋企人都好鍾意食海鮮 尤其是好味又架勢嘅炒蟹🤤適逢大閘蟹季佢哋都推出咗好多套餐 2人到8人嘅都有當然啦 佢哋嘅招牌炒辣蟹豪華套餐都會有！！🦀招牌避風塘炒辣蟹新鮮嘅蟹肉連同大量炸到金黃色焦焦脆脆嘅蒜蓉 重點當然係啲香料 辣椒乾同埋香茅 超 級 香！！！重口味嘅朋友仔可以拆咗蟹肉後夾一啖炸蒜放入口 好正😈🦞椒鹽瀨尿蝦好長一條瀨尿蝦！真係有一隻手臂咁長😭💪🏻瀨尿蝦蝦肉爽口唔會霉霉爛爛👍🏻椒鹽味令整體更惹味 鹹鹹辣辣越食越想食越食越上癮 啱哂一種重口味人士😆🥦蝦仁炒西蘭花哈哈哈嗌咁多大魚大肉就嗌翻碟炒菜平衡下但佢都唔簡單唔普通㗎😙上面嘅蝦仁已經可以媲美蝦球㗎啦 粒粒都肥美厚肉好鮮味西蘭花打咗芡 熟度口感都啱啱好 配料有草菇同埋大量蒜蓉 簡單得嚟唔單調

「聽日食咩都好，今日要食螃蟹！蟹！蟹！蟹！蟹🎶」 聞名已久嘅喜記避風塘炒辣蟹，今日我終於黎試喇😋▪️ 招牌避風塘炒辣蟹叫得「喜記避風塘炒辣蟹」，當然就要點「招牌避風塘炒辣蟹」啦！要講最有香港特色嘅煮蟹風味，我認為一定係避風塘！果種香係難以令人拒抗！配上肉蟹啖啖鮮味、啖啖肉，簡直一口接一口，好食到矇糊▪️椒鹽瀨尿蝦勁大隻瀨尿蝦，炒到勁香，蝦肉夠厚夠新鮮▪️粉絲煲食完重味野，黎個相對清淡少少嘅粉絲煲中和一下，飽肚又滿足

今日又嚟到我最鍾意食蟹嘅餐廳，今次揀咗去銅鑼灣肇明大廈呢間分店，因為咁啱喺呢度附近收工，行過嚟都相當近。一如以往，呢度啲店員勁好人，直頭有幾個人都話我就嚟食到熟，佢哋咁都認得搞到我覺得好窩心～來得就當然要叫炒辣蟹，最鍾意呢度次次嚟食嘅蟹都係勁大隻，超多肉，每一啖咬落去都係蟹肉，唔使拆殼拆好耐，已經可以享受啖啖肉嘅滋味！蟹肉好鮮甜，唔會有霉嘅口感，真係次次嚟都咁好食。另外一樣必要嘅嘢就係椒鹽焗鮮魷，先有超大隻，口感好正，重點就係調味鍋鹹，亦都炸得好酥脆。

我不嬲都好鍾意食海鮮，每次諗起想食夠鑊氣嘅炒海鮮，就一定會諗起銅鑼灣呢間，呢間無論係乜嘢海鮮都好，炒出嚟都一定好夠鑊氣，而且海鮮都好新鮮，全部都好肥美，所以食炒海鮮一定係我首選。今日叫咗幾樣嘢都覺得好好食，第一樣就係豉椒炒蜆，完全冇沙，一隻都脹卜卜，豉椒味亦都夠濃郁。第二樣就係帶子炒西蘭花，啲帶子超大隻，而且新鮮爽口，加埋炒得清脆嘅西蘭花，成件事覺得好健康。就係最重點嘅避風塘炒辣蟹！呢個真係每次嚟道別點嘅！呢度啲蟹夠新鮮夠大隻，就算係炒過，都食得出啲蟹係鮮甜嘅，而且肉質好好，夠彈性！

最近朋友喺外國返嚟香港，好掛住香港嘅地道菜，千揀萬揀下，我就揀咗同佢嚟喜記~呢度嘅海鮮口味同造法喺外國都好難食到。果然鑊氣+惹味，食完後大家都滿意~必點‼️招牌避風塘炒辣蟹，職員會先代為處理，食起嚟好方便~蟹肉飽滿，香辣調味真係會食到吮手指😂尤其是我哋全部人都係蒜嘅愛好者，大量炸蒜絕對滿足，而惹味嘅調味都不蓋蟹嘅鮮味，兩者並存都發揮得好好！朋友想食鮑魚，職員介紹咗呢個招牌醉鮑魚，酒香縈迴，香濃得嚟又唔嗆，鮑魚肥厚，質感彈牙爽滑。另外都要有啲澱粉質補充吓，就揀咗福建粉絲煲，唔係度度有，一送上枱就聞到好香，而且熱辣辣~粉絲夠爽唔會太稔，以香蔥，蛋絲，冬菇，辣椒等作為配料，已經令大家食唔停口🥢全餐食得滿足盡興~

這次來到這家餐廳，真的是大快朵頤！首先，招牌的避風塘炒辣蟹味道超級夠味，蟹肉鮮嫩，香辣的味道層次分明，吃起來讓人一口接一口停不下來。接著，椒鹽瀨尿蝦也是必點，外脆內嫩，鹹香的口感和蝦的鮮味完美結合，超級對味！椒鹽焗鮮魷則是口感彈牙，炸得恰到好處，簡單又好吃。最後，辣酒煮東風螺也很有特色，酒香和辣味融合得恰到好處，螺肉彈牙入味，真的是讓人一試成主顧。總的來說，這些菜不管是味道還是呈現，都讓人印象深刻，值得再來！

今天同朋友一齊去左食喜記避風塘炒辣蟹，叫左佢哋既招牌，真係好滿意！每次想食炒辣蟹都係諗起喜記！首先係佢哋嘅招牌避風塘炒辣蟹，一上枱已經聞到香辣嘅味道，蟹肉鮮嫩多汁，搭上勁多辣椒，同埋巨量炸蒜，已經好入味，食起黎辣到十分過癮。我哋仲食咗招牌醉鮑魚，鮑魚爽口彈牙，大大隻，鮑魚充滿酒香，非常入味，值得一試！福建粉絲煲都唔錯，粉絲吸收晒湯汁的精華，好惹味，配料有海鮮、蔬菜，口感豐富！想食海鮮真係要去喜記，有質素保證👍🏻

我哋今日去咗喜記避風塘炒辣蟹銅鑼灣分店，個名叫做炒辣蟹就知道炒辣蟹係佢嘅招牌菜，所以係必點菜式，而且環境闊落，職員有禮避風塘炒辣蟹蟹膏滿滿，而且避風塘真係好惹味，辣蟹真係好正，成隻蟹都鋪滿炸蒜，而且連蟹鉗都咁大隻，就知道隻蟹有幾捉重量另外我哋仲叫咗椒鹽瀨尿蝦，瀨尿蝦手板咁大隻，而且肉質肥美，彈牙，呢度嘅海鮮真係好新鮮最後清清地叫咗個紅燒豆腐煲，要黎送飯食，當一個蔬菜又得，又啱小朋友食，爸爸亦都食得好開心，呢間餐廳有下次！

想食海鮮唔一定要去西貢ge，鬧市中都可以搵到好食海鮮店今日同老媽子去左銅鑼灣食炒蟹，蟹肉鮮甜多肉有鑊氣，要推介下招牌避風塘炒辣蟹避風塘炒蟹辣辣地好惹味，用左大量的蒜蓉炸至金黃色，肉蟹多肉又鮮味，加埋辣椒炒完更香脆辣酒煮東風螺東風螺粒粒都好爽，洗得夠乾淨食唔到沙粒辣酒煮完更香，系好好佐酒小菜避風塘蒜蓉蒸蟶子皇蟶子皇上面鋪滿大量粉絲同蒜蓉再上鑊用大火蒸，粉絲充滿蒜蓉的香氣，蟶子汁都好鮮食左咁多新鮮海鮮，賣單都只系人均三百蚊

喜記避風塘炒辣蟹🦀是香港著名的海鮮餐廳，以其招牌的避風塘炒辣蟹🦀聞名。朋友好耐無返香港決定同佢去食🤤除了炒蟹，餐廳還有其他受歡迎的菜式，如椒鹽大蝦和蟹油炒麵。避風塘炒辣蟹🦀蟹肉鮮嫩，搭配香脆的蒜蓉，味道濃郁而不搶蟹的鮮味，完全食到停吾到口😆重點超大隻椒鹽九肚魚🐟$108外皮脆卜卜，魚肉超嫩滑👍🏻人均都係$300可以散叫亦有套餐供應，2人4人6人8人都有就算幾多人去都滿足到大家需要👍🏻