嘆點心

營業中

休息中

約咗個朋友出嚟傾嘢，到咗沙田廣場嘅嘆點心飲夜茶，貪佢新開有優惠，又可以坐耐少少傾下計。店員好快就送上茶同餐具，小店用qr code落單，點心款式都幾多選擇。⭐招牌酥皮叉燒包最先到嘅係酥皮叉燒包，烘熱先上枱香噴噴㗎，叉燒餡甜而不膩，好食喎。⭐金牌蝦餃皇再來有蝦餃，蝦肉鮮甜爽口，仲夾咗啲筍粒，味道唔錯。⭐鮮蝦燒賣王燒賣大大粒，包住墨魚滑同蝦膠，好彈牙😍⭐鮮蝦南瓜紅米腸紅米腸好吸睛，腸粉皮煙韌有咬口，入面包住類似越南春捲皮嘅嘢，脆卜卜有口感，加上鮮味蝦滑同甜甜嘅南瓜蓉，呢個勁好食，推薦😘⭐甘筍鹹水角鹹水角呈同紅蘿蔔造型，肥嘟嘟好可愛，新鮮炸起熱辣辣，外皮又脆口又煙韌，餡料鹹香。⭐梅菜牛肉飯仲叫咗個蒸飯share食，塊肉餅好厚身，入面有唔少馬蹄增加口感，但梅菜份量唔多，哈哈，當佢喺牛肉餅飯食啦。折完後人均消費百二蚊，抵食啦😋

前幾日經過見到沙田廣場新開左間點心專門店, 門面幾四正, 感覺唔錯就黎左試開野喇~~呢道既裝修設計都幾舒服~夜晚黎食2人都有得坐car位, 好闊落, 唔錯~~餐牌一張紙前後兩版睇到晒~有單點亦有套餐 選擇都唔少呢~~招牌酥皮叉燒包 $38叉燒包外皮酥脆, 咬落去卜卜脆~~麵包好鬆軟, 叉燒餡香嫩多汁, 肥瘦相間金牌蝦餃皇 $38蝦餃外皮晶瑩剔透~ 蝦肉餡非常飽滿~~外皮Q彈有勁, 蝦肉餡非常飽滿, 肉質鮮嫩爽滑鮮蝦燒賣皇 $38大大粒, 燒賣皮薄有彈性, 內餡鮮蝦&豬肉鮮嫩可口, 口感豐富~~鮮蝦南瓜紅米腸 $40紅米腸表面光滑, 腸粉皮滑嫩柔軟~南瓜蓉超甜呀!! 連埋大蝦, 脆皮同腸粉皮一齊食, 層次感好豐富!!!黑松露野菌腐皮卷 $38外表金黃酥脆, 外酥內嫩~黑松露野菌味道濃郁鳳爪排骨飯 $46份量都OK喎~~鳳爪軟腍, 排骨酥嫩入味, 肥而不膩~飯粒粒分明, 醬汁既香味滲透入飯粒

餐廳：嘆點心 (沙田)地址：沙田沙田正街21-27號沙田廣場地下7A-7B號舖沙田廣場有間開咗2個月左右嘅點心店——嘆點心，隔離仲有間姊妹甜品店，食完點心仲可以堂食埋多款中西式甜品🍧，最啱約埋班friend喺度食完晚飯直落食甜品慢慢嘆慢慢吹水😜，最重要依家有開業優惠，下午兩點後所有點心買三送一㗎🎊坐低先飲返啖熱茶🫖，茶芥每位$8，揀咗角落頭嘅位置坐，環境有別於一般嘅茶樓，木系嘅裝修設計帶嚟古色古香嘅氣息，不過因為點心店開喺廣場地下位置，對出嘅木柱設計雖然帶嚟更大嘅空間感，不過喺商場行過嘅人都可以望入嚟，而且距離都幾近，食食吓嘢俾人望住私隱度就少咗啲喇🙈✝️金牌蝦餃皇(3隻) $38絕對可以用皮薄餡靚嚟形容😍，咬開薄薄嘅蝦餃皮就見到鮮蝦同蝦膠，爽彈鮮甜嘅蝦肉確實令人愛不釋手✝️鮮蝦燒賣皇(3隻) $36除咗豬肉香之外仲比以往一貫嘅豬肉燒賣多咗一重蝦肉香味🦐，加上蟹籽喺新鮮放上燒賣上面，多重嘅鮮味食得出師傅背後嘅心意❤️✝️蜜汁叉燒手拉腸 $36晶凝通透嘅手拉腸粉，勝在嫩滑夠米香👍，包住餡料都幾多嘅蜜汁叉燒同香蔥，唔使蘸豉油就咁食都已經好唔錯✝️招牌酥皮叉燒包(3隻) $38呢個喺必食推介😎，酥脆香

食物質素不錯，光顧了兩次，兩次的體驗不太良好，由於有一位男性服務員，不知道他是不是經理，他態度很串，非常惡劣。第一次光顧的時候由於枱上有食物，他未能放下他手上的食物，發出了嫌棄的嘆氣。 我們心想他這是什麼態度，但當時沒有發聲。 由於食物質素不錯，所以第二次光顧，他放下一碟蘿蔔糕在枱面側邊，正當我們想進食時，把那碟蘿蔔糕拿到枱中央的時候，發現非常燙手，他是不是應該提前通知我們呢，雙手指發紅，並且我立即拋下蘿蔔糕回枱面，他看到這個情形，還要取笑我，並用一個無辜的眼神看着我然後說，我隨手拿來的，沒有任何悔意。回想過來那碟蘿蔔糕應該是提早煎定的，可能是拿去微波爐重新叮熱。氣憤的是他的態度和眼神，香港服務業真的比他影衰了。 其他女服務員的態度不錯，積極！

沙田廣場隱藏電梯底下的點心店，夜晚都可以食到點心卡位闊落，唔太滿意係坐卡位，佢個頂係無封到，上面搭電梯啲灰塵可以跌落嚟，感覺唔夠衛生點心味道全部不過不失🥢香煎蘿蔔糕🥢金牌蝦餃皇🥢鮮蝦燒賣皇🥢酥皮叉燒包🥢野菌卷

[ #沙田美食 #caloriefoodie沙田 ] • 嘆 點 心 •🐿-沙田友福音🗣️︰沙田呢家全日都有點心食‼️有時心血來潮想食點心 又唔想外賣包點咁頹終於等到有餐廳喺沙田開點心小店啦🤍仲有開業優惠🈹每日14:00後全部點心買3送1✨點心全人手製作 食落大大粒 餡料又夠足-🖤 黑松露燒賣皇 💰$40大大粒鮮蝦燒賣加上黑松露醬蝦肉口感爽彈 黑松露醬嘅存在感還好另外仲有鮮蝦燒賣皇🦐-🦐 金牌蝦餃皇 💰$38不得不說呢間有蝦肉嘅點心都好足料而且蝦肉都夠爽口彈牙 真點皮薄餡靚-🌶️ 混醬蒸鳳爪 💰$38本身諗緊混醬係唔係配腸粉個啲醬😹但其實都平時一般鳳爪嘅醬料係一樣的都係帶點紅椒、青椒嘅辛辣味-🥟 素翅灌湯餃 💰$39灌湯餃包住湯汁 配上素翅上湯-🦐 鮮蝦南瓜紅米腸 💰$40推薦🌟蝦肉表層炸得酥脆 滑溜紅米皮包住中間夾住甜甜嘅南瓜蓉 口感豐富~-🐷 招牌酥皮叉燒包 💰$38​店舖TOP 1點心🔝叉燒包表面多咗層甜脆曲奇皮-🍄 山藥猴頭菇湯 💰$42最後飲埋燉湯暖暖胃 味道清甜 湯渣都幾足料-🫖 茶位 💰$8-🕰️ 營業時間 : 08:00-22:00📍 沙田沙田正街21-27號沙田廣場地下7A-

買嘢我都係鍾意出去行街街多過網購，可以試啱先買，如果買電子用品仲有店員講解添。但最重要係每次行街shopping，步數次次都過萬，真係當做運動呢！今次喺沙田各大商場做運動，行到攰攰哋，一於就去嘆點心啦！鮮蝦燒賣王燒賣大大粒，包住最少兩大隻蝦，所以非常彈牙。黑松露菌菇餃黑松露菌菇餃絕對係必叫！一咬開就有超香濃嘅黑松露味，裏面爆多菌菇，香味撲鼻！加上個皮超薄，值得推介。招牌酥皮叉燒包一份三件嘅酥皮叉燒包，頂層酥皮非常香脆，仲甜甜地，而叉燒餡料伴隨蜜汁非常之香濃，味道充滿層次。千絲萬縷淮山卷外表好似平時嘅蘿蔔絲酥餅，但係入邊轉咗淮山做餡料，絲絲嘅淮山非常爽脆，極具口感！棗蓉滑雞飯加入紅棗、杞子，令味道有深層次嘅體會，令飯更有有淡淡嘅甜味。至於雞件大大件又無骨，肉質滑溜，令平凡嘅蒸飯變得一啲都唔平凡。

嘆點心環境舒適，燈光柔和，座位寬敞即使晚上都有點心可以食新張期內點心仲買三送一- * 精選1人套餐： 鳳爪排骨飯份量十足，軟腍入味，排骨肉質鮮嫩。金牌蝦餃皇皮薄餡靚，蝦肉爽口彈牙。-所有點心都即叫即蒸，別具特色個人超喜歡鮮蝦燒賣皇-賣相精緻，蝦肉爽彈，味道鮮甜。鮮蝦南瓜紅米腸 紅米腸外皮軟糯，南瓜內餡香甜，蝦肉鮮美。-千絲萬僂淮山卷-淮山卷外形精緻，炸得金黃香脆。-特別推薦黑松露菌菇餃，=黑松露的香氣與菌菇的鮮甜完美結合，口感豐富。下次再黎食黑松露腐皮卷！嘆點心沙田沙田正街21-27號沙田廣場地下7A-7B號舖

♡‎ ♡‎‎ ♡‎ ♡ 沙田 - 嘆點心 ♡‎ ♡‎‎ ♡‎ ♡‎ 『 多元化點心店 』最近見到沙田廣場新開咗間嘆點心地方就腳 好近鐵路站重點係有好多選擇例如各式各樣點心、甜品、特飲🔸牛肉腸滑捋捋，好好食，餡料又足🔹流沙奶皇包真係有滿滿嘅流沙，而且啲奶黃係有沙沙地嘅感覺🔹牛肉球🔸牛柏葉🔸套餐：蒸飯（鳳爪排骨飯）+點心（蝦餃）呢度仲有套餐選擇，可以揀一個蒸飯加點心價錢都好實惠 $68 咋🔸 甜品：熱紫米椰汁鮮奶燉蛋白就算甜品都有好多選擇，今次呢個仲好啱我心水添夠曬滋潤，唔會太甜，仲可以額外再加配料

同朋友講好耐冇飲茶，佢二話不說帶左我黎沙田廣場的「嘆點心」 ，地點有點迂迴，行到廣場中間落扶手電梯，見到滙豐銀行對面，即係扶手電梯旁就是了，地方算寬敞，幾好坐，我叫了水仙茶，幾好飲。很少有食點心的地方有套餐食，所以我哋就試吓二人餐$238。鳳爪排骨飯鳳爪及排骨都非常好味，飯還沾滿着他的醬汁，撈勻好好食。金牌蝦餃皇（3隻）蝦非常彈牙，皮唔算好厚，唔錯唔錯。炸兩油炸鬼非常脆，包上厚厚的腸粉，沾上甜甜的豉油，口感非常脆口，一流👍🏻黑松露菌菇餃（3隻）黑松味道濃烈，邊邊有顏色，包得幾靚，算是色香味俱全。肉鬆馬拉糕馬拉糕非常鬆軟，配上肉鬆會再甜啲同多啲口感，都算搭配五指毛桃肉骨湯（2碗）都幾多料，幾濃味，老火湯是也茶位$8/位

[ 嘆點心 ]最近沙田廣場新開張專食點心餐廳，連晚市都可以嘆杯茶，食件點心👍🏻。✿ 鮮蝦燒賣皇（3隻） $36✿ 奶皇流沙包（3隻）$35✿ 鮑汁蒸鳳爪 $38✿ 鮮蝦手拉滑腸 $38點心全部熱辣辣上台，新鮮蒸起♨️，而且價錢合理。✿ 千絲萬隻淮山卷 $36淮山卷炸得外皮酥脆，好有口感，配上泰式酸辣醬好惹味🌶️😋😋。✿ 棗蓉滑雞飯 $46雞件夠滑口，配上紅棗，味道甜甜的，十分開胃。飯量足夠2人食用🍚。總結🫦晚市都有得食點心嘆翻杯茶，而且茶芥只收$8/位，價錢實惠🫖🫖。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿嘆點心地址: 沙田沙田正街21-27號沙田廣場地下7A-7B號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

朋友係點心愛好者，最好一日三餐都食點心，知道沙田廣場新開咗間點心專門店，於是相約朋友去食晚餐。店舖喺沙田廣場地下，半開放式裝修以木色為主，店內多張卡位寬敞舒適，先來一壺香片， 好鍾意佢個茶壺斟茶好方便。金牌蝦餃皇大大隻，蝦肉新鮮爽口彈牙。鴛鴦燒賣有鮮蝦燒賣皇同乾蒸燒賣各兩粒，分別用鮮蝦,豬肉，牛肉製造。蜜汁叉燒手拉膠，腸粉滑溜，粒粒叉燒香甜。招牌酥皮叉燒包，外皮酥脆，叉燒餡料充足，熱辣辣。鮮蝦春卷，春卷脆卜卜，包住蝦仁鮮味十足，蒜香味撲鼻。日式燒汁鰻魚飯，鰻魚沾上日式燒汁鮮香細滑，蒸飯粒粒分明唔會過濕。茉莉花茶好甘香。所有點心即叫即蒸，送上時熱辣辣出晒煙，除咗以上點心，店舖還有燉湯，麻辣小龍蝦，仲有多款新式甜品可供選擇。

今日同兩個朋友響沙田打完波，心血來潮過新城市食下午茶。路過沙田廣場地下，見到有間新舖開張，朋友話有三送一優惠，不如試下。每人點兩個點心Share食！金牌蝦餃皇 $38蝦餃皮薄得來餡又靚，咬開之後見到裡面好大舊蝦膠同蝦肉！每一口都有濃郁的蝦鮮味，完全冇失望。鮮蝦南瓜紅米腸 $40呢個腸粉出乎意料，薄薄滑滑的腸粉皮包著鮮蝦和薄脆，口感層次分明，絕對值得一試。香茜牛肉球 $36每一個牛肉球都好飽滿，香茜味香濃，對於芫茜控來講，簡直無法抗拒。鳳爪排骨飯 $46米飯蒸得剛好，粒粒分明，搭配上鳳爪和排骨，味道豐富。奶皇流沙飽 $35如果你鍾意甜品，這個奶皇流沙飽一定要試！流沙包一咬下去，奶黃流出來，香甜得來又唔會太膩。香煎蘿蔔糕 $34蘿蔔糕煎得剛好，食到一條條蘿蔔絲，搭配上醬油，味道唔錯。新舖環境幾舒服，點心味道不錯，份量又大，好適合約埋朋友一齊分享。

这家店就开在香港🇭🇰沙田广场地下，逛完沙田新城市广场🛍️之后可以来这里体验一下🍵茶餐厅文化，因为是新开的所以很多人没有发现，是我和深哥在商场里乱窜无意间发现的，他们家的虾饺比普遍我吃过的茶餐厅个头更大，虾🍤仁更饱满，很不错👍而且他家的真奶不像港奶那么苦，还是不错的、环境很干净整体新新的，总而言之能在家附近吃到茶餐厅，而且很干净，以后有朋友来找我玩就可以带他们来这里体验香港文化还是好的！店名：嘆點心 (沙田)

最近發覺呢間新開嘅點心店，仲要有買三送一優惠，梗係立即去探店啦！點咗嘅大部分都係王牌嘅產品！多數都以三件一款,建議三至四人嚟食就最啱！金牌蝦餃皇~蝦餃外皮晶瑩剔透，餡料更加真材實料非常飽滿，鮮蝦十分彈牙！鮮蝦燒賣皇~燒賣大大粒，配上蟹籽可以提升鮮味。招牌酥皮叉燒包~外層香酥嘅口感可以提升整個包點嘅特色！叉燒餡料非常惹味！鮮蝦南瓜紅米腸~紅米腸喺坊間比較少見，紅彤彤嘅顏色更加吸引！包裹著既香脆又彈牙嘅食材，完全可以用大滿足嚟形容 。黑松露野菌腐皮卷~帶有媒味嘅野菌，永遠都同菌類係好拍檔，再用腐皮包裹著炸至金黃色，沾上微酸嘅醋，簡直係完美嘅演繹！棗蓉滑雞飯~雞件已經去皮去骨，雞肉非常入味而且十分嫩滑，米飯亦粒粒分明！紅棗嘅香氣四溢，非常推薦！