嘉年華海鮮酒家

營業中

休息中

因為次次經過都見到依間野好多人食所以一直都好奇究竟點解咁多人食哈 原來又係一間熟客不用排隊的酒家服務員好串嘴 對熟客又係另一個樣想要佢地燒鵝燒肉雙拼飯 加錢都唔係問題但就話唔可以咁雙拼🌝成個茶樓好似要嗌交咁 無論客人定職員都好燥底 講野超級大聲🌝野食又唔係特別好食

上年6月，我應該第一次走來屯門這個商場嘞！媽咪有晚打算不煮飯，建議走到屯門良景廣場3樓的酒樓 <嘉年華海鮮酒家>，晚上 7:30 時段，已經起碼8成食客，真的好旺！食到 9:00 前，已剩番兩三成食客！就算疫情改善及相關政策放寬，並以隔板相隔，感覺上，提高私隱度又容易傾計！當我發覺我找不到我的食評，才留意到，店名已改！以前是：嘉年華火鍋酒家現時是：嘉年華海鮮酒家餐牌一家四口晚飯都要追單客家煎釀豆腐 (例) $88一客8件，既香且滑，大大件的豆腐，顯得表面的豬肉餡少得可憐！黑醋金薯咕嚕肉 (例) $98跟菠蘿咕嚕肉同價，新口味點來一試，長方體外型的就是蕃薯，其他就是咕嚕肉，薄脆甜美的外層包住，咕嚕肉的肉質被鬆肉粉弄至口感好腍，雖然有外脆內軟的雙重口感，卻是覺得有點怪！上湯焗海蝦伊麵 $118+$20 芝士底 蝦大約有10隻， 媽咪記得以前這裡食過蝦是霉， 今次鮮甜爽口，估計用冰鮮蝦，質素好過以前！伊麵軟硬適中，吸收芝士汁，食一碗都不覺得膩滯！豉汁蒸白鱔 $208等足半個鐘，還要追單， 見到送來時，跟另一枱的蒸白鱔一起用食物車仔送上，白鱔入口鮮爽，豉汁香口惹味又入味， 不過

唉，諗住星期日唔洗咁早起身啦點知主人👩🏼🐯拎埋個老母出嚟叫我去搵位飲茶🤬好啦求其搵間啦朝早8點幾就出左門口🕖心諗星期日要同啲公公婆婆爭位👴🏻🧑🏻‍🦳哎喲，好彩唔洗等位🤭我就緊係開定茶擺好晒嗰陣☯️等主人同埋外母大人到啦但係食咩當然唔到我揀啦🙇🏻‍♂️🙇🏻‍♂️鮮蝦腐皮卷🌟🌟（真心麻麻哋好油，同埋唔夠脆，重要係凍嘅）黑金流沙包🌟🌟🌟🌟（呢個流沙包回頭率100%，可能因為佢真係啱啱蒸起，個皮唔會太厚，個餡嘅味道又啱啱好👍🏻）蟹籽燒賣皇🌟🌟（唔知點解個燒賣好鹹，可能個廚師心情唔係太好）香煎鹹薄𦉘🌟🌟🌟（呢個煎得唔錯，雖然都係油比較多，但係食落去都可以食到脆口同煙韌既混合）回頭率%40今日有外母大人眷顧又唔使受靶🥰🥰

嘉年華酒樓到飲左好幾年 每逢有咩日子親戚朋友都會約埋係呢度食飯飲茶食個包🥐好耐無食過 咁岩同朋友仔無野做 就約埋去飲茶傾下計👧🏻👧🏻👧🏻專登入去 門口好多人等位 大約等左10張枱先入到去👅蝦餃燒賣呢兩部係每次去酒樓必叫既！其實呢兩味都已經好反映到酒樓嘅質素 食呢兩樣點心 就可以知道間酒樓咩料！☕️蟹子燒賣皇$25燒賣質素都正正常常ʕ •ᴥ•ʔ☕️鮮蝦蝦餃$25蝦餃嘅質素就麻麻 個皮唔夠彈牙 蝦肉唔多 食落冇咩口感 食左一嚿就收手🥲☕️豉汁蒸鳳爪☕️香煎薄餅罉以上兩款都正正常常，冇咩驚喜，薄罉得唔夠香同脆🥲☕️黑金流沙包呢一個係我食過全餐最好食嘅點心！一搣開一半 真係流心㗎 唔會甜同膩💓🐿食過咁多年整體質素每年下降⬇️以前真係會覺得嘉年華好食 但係依家真係麻麻哋 粗粗地飲茶都可以接受 但係唔好期待話真係好好食🥹市面上越開越多新式嘅小型點心館 食物質素好好🤤希望大型酒樓都可以做返好啲 大家都可以食返好好味嘅點心🥰

之前經常幫襯，覺得呢度D野食又平😍，質素都ok😋 , 就成日嚟。但係個日，我地坐落，見到D價錢早已升級。由$28 碗燒肉瀨粉升至$32🥲。呢樣都唔緊要，人地要揾食，我十分明白😉。我地叫咗碗燒肉瀨粉，發現原來加咗料🧐，有隻黑色物體在湯中暢泳😨，自由自在，無拘無束🥴。我地叫侍應😵。佢換咗碗米線😮，只係免咗一位茶錢(我地有三個人)😬，算了吧!🙃再來不來，大家自行决定吧!😗😀我不行了🤗

取飛後見遲黎既街坊可以一個一個先入，號碼比你後十幾個都冇問題，有啲直接去reception 講"你俾張卡我得架喇"(張吸引仔卡），reception 俾佢跟住就直入。我都好想評論吓佢既食物但由於等唔到位所以走咗。係平日並唔係假期，可能好好味不過只做街坊生意。

由細食到大，每次嚟都係食呢幾款，保持到水準🥰🥰🥰其實龍薈啲點心比嘉年華好食，只不過已經習慣咗同屋企人一齊嚟，所以繼續都係幫襯嘉年華。如果真係比較之下，會偏向鍾意❤️龍薈啲點心，而嘉年華嘅晚市小炒就好出色👍👍

我都嚟過好多次了，我食下午茶(1330~1600)我最鐘意食嘅係蝦餃，皮薄、蝦靚，好味😋仲有燒腩瀨，燒腩多、皮脆，粉足夠仲有孖寶，兩碟都係 $28，抵食！！！下午茶時段比其他歺廳早，I like it 😍 點心都唔係交嚟，自己做，好！！！👍 服務都唔錯，今次我屋企人冇睇到原來張紙後面之前被人畫花咗，搞到叫多咗好多碟點心，佢地都可以即刻解決，非常好！！！埋單都冇計多，應變能力強，非常厲害的酒樓！我經常都嚟幫襯，非常好！仲有仲有！！！小 tips ！！！1500 之後炸物大特價！！！三件 $9 咋！！！佢會推架車出嚟，所以要打成十二分精神！！！有炸雲吞、鹹水角等等，是乎有冇賣剩，有時仲有長春卷😍😍😍 ，好好味㗎！！！所以等 1500 先好食吖！

難得假日入咗嚟屯門整新智能身分證 就喺良景商場行吓 睇吓有咩好食😬 除咗幾間茶餐廳之外 仲有兩間酒樓 今日就試咗其中一間🫖雖然係食晚市 其實小菜選擇都唔太多 三個人嗌咗兩個餸加兩碗白飯🍚滑蛋鮮蝦仁 講真一啲都唔滑 睇張相都見到啲蛋好一舊舊 不過蝦仁數目都算多同大隻 口感都彈牙嘅 同埋都係有鮮味嘅🦐 同出面啲冇味嘅蝦冇得比 不過啲蛋唔滑就令呢碟餸失色咗唔少😕 叫蝦仁炒蛋適合啲 咁就唔會對佢啲滑蛋有期望黑椒鐵板牛仔骨 鐵板上係佢嘅賣點 上枱時都有鋸扒鐵板上嘅效果 上枱都有滋滋聲😂 不過有好多洋蔥墊底🧅 所以都唔係彈油彈得好勁 牛仔骨明顯用咗過量嘅鬆肉粉 啲肉乸得好勁 不過個醬汁都幾好味 幾好送飯🐮坦白講小菜唔係特別出色 質素比較普通 可能茶餐廳比佢更有鑊氣更好食 不過酒樓就可以坐得耐啲 同朋友傾耐啲都唔怕比人趕😂