嘉年華海鮮酒家 (已結業)

做街坊生意平價, 其實都唔會預得太好. 味道方面都真係好普通.下午茶選擇其實同其他茶樓比係偏少, 而且來得都幾慢要等等.早茶就比較快, 比較多選擇, 不過人少都係要搭檯, 而且好多人.晚餐就比較多選擇, 又有泰國印度的小食, 呢個就比較好啦.

昨晚我朋友訂了四席第一个餸乳豬全体,好等別有一張紅色的紙放底顯得大紅大紫,好脆有味道,乳豬又夠熱,隔籬幾間做唔到,其它菜式都做得唔錯,但比較鹹,最唔好就個翅,唔係濃湯,係燶湯,我班朋友食到唔出得聲,算吧,下次都係唔食翅啦,毎次食都係咸,同前陣子不同,是換了廚師嗎?服務唔錯.

今日同我屋企人算係食團年飯，咁就去左呢間野打邊爐，行去枱果陣見到d 喢工briefing~去到坐低，冇耐見到個部長幫隔壁枱開紅酒，但係佢開支紅酒開到個木塞斷兼有好多碎~ 如果d 酒入有木塞碎咁點。之後齊人食野，又係個部長，佢聲都唔出，拎住個熱水煲過o黎加水，辣親人都唔知~~咁我心諗個briefing 有乜用=.=

今日一家人去香港仔呢間酒樓, 下午茶時段, 一直知呢間酒樓做街坊生意唔要求佢服務好, 至少Ｄ食物味道ok就算但今次係覺得好得人驚, 因為唔想撘, 已經入細廳坐, 張抬布烏糟到, 幾多烏跡點心---燒賣, 牛肉, 粉果, 蝦腸都ok, 叉燒酥就一Ｄ都唔酥, 己經淋油菜都ok, 但Ｄ泰式粉麵就.....好難食, Ｄ丸全部係粉味, 湯就好咸, 仲有個泰式香矛雞亦, 無香矛味, 同普通煎雞亦無分別, 只係俾碟點雞醬就係泰式服務今次就唔差, 至少有人理, 上錯都即刻跟進, 可能坐廳會好Ｄ啦, 3個人食$135.

片皮鴨1食~88蚊隻好味2食就要加28蚊其實肉都係得番好小=[=苦瓜真係好苦應該無拖過水....食過班腩煲~份量幾大....都係48蚊有燒肉有菜有魚食埋個燒腩肉~38蚊同埋什麼浸菠菜秋天有燸米飯食~真係一大享受最後屈機食埋糖水有番薯糖水...有紫米露...同紅豆沙~~~~超飽滿XD埋單380蚊左右4個人.......6樣野+糖水飽哂~要行天橋番屋企消化下XDDDDDDD

喱間酒樓真係冇咩特別，心質素& 賣相一般，但酒樓勝在夠大，環境O.K.，價錢一般啦！

香港仔黎黎去去都係飲開果幾間酒樓, 街坊生意間間都係咁架喇,但係呢間既由上至下既管理真係令人大開眼界.住宅區既酒樓服務一直都沒有想過要和中環區既酒樓service相比, 不過基本既禮貌也欠缺就過份了,呢間酒樓由開張至今都有幫襯,食物ok,唯獨是...服務態度真的很差,係越黎越差。對客態度極之惡劣。上過該集團網頁,唯沒有途徑作正式投訴。

依間野的原址由海寶到紅寶石到嘉年華,係咪同一個老細就唔知, 不過野食的質數係一模一樣咁差.其實平時飲茶食飯一定唔會來依到, 因為我係唔會俾錢食d明知難食的野.不過今次有飲宴就唔無得走.8點半起菜, 第一味乳豬, ok. 再來灼蝦, 一打開個蓋, 已經唔係腥, 好大陣死蝦味喎. 自己一向對灼蝦唔大興趣所以冇食. 食完碟蝦, 足足等左十五分鐘先有第二碟菜上呀陰公. 而呢碟, 係蒸魚, 嚇死我, 以為咁快食完. 我仲未飽喎!! 碟魚味道ok, 不過好多油. 跟住再來的送, 我食到西蘭花宿左, 炸蟹拑有陣怪味, 瑤柱節瓜好甜. 全晚最好食的係不過不失的伊麵.食完餐飯因為好多野都食得好少, 所以唔覺飽.唉~還掂等食都等到好眼訓, 番屋企訓覺好過抵食俾低分係因為我覺得俾十蚊佢都唔值

星期日一家人出行食晚飯,原本諗住去個間要等位,於是去左呢間道食,唔使等位麻一坐落,開左茶,睇左陣餐牌就諗住叫野食啦,點知望黎望去都冇侍應....等到啦,叫左個湯個侍應就走左去第二道落單=.=",咁都得架?好啦,落晒單,湯到個陣幾得架,佢懶靚咁用架手推車推煲湯黎,咁個湯飲完應該連煲帶車推走架麻,原來唔係既,剩係拎走煲湯,架車冇推走......搞到原本已經窄既通道更加冇位,其他侍應亦都唔理........叫左半隻雞同燒鵝,咁好多骨架麻,隻碟已經好多骨,但係成程都冇人幫手換碟囉...=.="...係食緊既時候見到隔壁有家人開左三個字茶都未有,好嬲咁走左.....亦都見唔少客被漏單.......到俾錢個陣一句多謝都冇,真係咁都得........D野食都叫ok既.....不過就唔多熱囉,味又淡,.........

去過兩次, 上次剩係記得食都叫做中規中距矩, 所以今朝都再約婆婆呢度, 事關香港仔佢鍾意呢間多。講食物先1.) 蟹粉小籠包$20/5隻蟹粉點解好似用蟹殼磨出咁???2.) 蝦腸有三條, 每條得一隻蝦3.) 一碗粥婆婆叫, 唔知係咩粥, 粥幾厚, ok4.) 燒賣冬菇苦???服務態度有個亞嬋(應該比普通侍應高級), 我連續嗌佢幾次, 第一次佢聽唔到(我估), 第二次佢扮聽唔到(佢眼尾望一望我), 第三次佢卒之都唔應唔得, 舉手示意叫我等等, then 行走。之後都冇再理過我。不過婆婆度, 唔拍檯。好老實, 4 碟五十零蚊都叫抵, 不過服務態度差就算幾好食都背脊骨落!!!!!!!

禮拜晚係附近揾唔到位，嚟呢到試下竟然有位，都有ｄ担心唔知係咪好差所以重有位。打開菜牌見到主要都係一ｄ大路街坊菜式，叫咗個套餐（＄３３８），有花尾兩味（花膠扣腩和珊瑚炒球），兩款小菜，我要咗唔知乜排骨同上湯”現”菜，個餐有個湯，叫咗蘋果雪耳生魚，另外叫多一個燒鵝例牌（＄５８）。ｄ小菜都算ｏｋ，份量都唔少，四個人食唔晒，味道不過不失，尤其是個”現”菜同個湯都幾好，煲完湯ｄ生魚點豉油幾好食，以一般家庭晚飯都算合格。加埋白飯同兩枝啤酒埋單五百四十幾，唔算平又唔係貴。

d服務好差，人人都排隊等位，但員工擺明幫d朋友打尖。d點心半個鐘未泥，d部長話"唔等就走啦"。埋單時我俾完錢，個收銀dum本帳簿喺櫃台，我好自然打開找錢，佢好惡咁話"喂，你掂都唔好掂呀!唔係俾你嫁!"

終於等到阿sir passing out既一日星期六晨咁早爬起身仆入黃竹坑在auntie猜領左攝右攝之下終於見證到呢個重要時刻睇完步操之後有兩個鐘頭空檔先可以影相Uncle 同Auntie好有心帶晒我地一行六人出香港仔飲茶左搵右搵終於搵到呢間比較企理既茶樓一開閘auntie就叫個侍應姨姨埋黎「有無灌湯餃?有就一人一隻!另仲有咩好食?」「下?我地樣樣都好食喎」「咁有無特別好食架?」「下?樣樣都好架真係」…就係咁講講下auntie就劃左18碟點心自從五歲食過一次灌湯餃之後就再無機會品嚐今次再食呢度都算相當足料味精湯也不算太口渴其實食完已經飽了四份之一另外12碟蝦餃燒賣牛肉出色講不上但賣相都不俗食到一半auntie就推動uncle出大排檔搵食再黎第二輪豆沙鍋餅小籠飽各兩碟再加抄手同油菜「唔係咁快飽下嘛?」auntie說四個後生仔真係自愧不如但又唔想浪費唯有繼續支持有班師傅專責整既上海野不過一間普通酒樓手勢又想有幾好丫如是者食左個幾鐘Auntie竟然等到燒味部開檔再黎一碟燒腩仔剛開檔加上手勢好腩仔的確係脆皮加鮮味不過真係飽到只能一件起兩件止總數三十幾碟仲要碟碟都係豪野不過晨早特價多竟然只係三百

上星期媽媽生日,近近地就係尼到食５個人食左８個菜,有蒸青斑、有蝦、有肉、有菜,都係４百幾，真係好抵食，而且味道都幾好！

今晚十個成年人,同d熟絡ge部長say hello後,佢介紹左一d菜式,餐前小食燒腩仔,皮脆醮介末好醒神!蝦膠釀茄子(一條開邊一碟)x4,用燒汁煮,幾好味,蝦膠我就麻麻地嫌佢太,拍蒜唐萵(走油少咸),個種香味好獨特,尤似榴槤,喜歡就開心,反之....哈哈!豬肺湯夠清甜,湯渣都有得食,炆班頭腩泡過油特別香口夠惹味,西蘭花貴妃蚌炒班片點蝦醬別有風味,燒鵝肉嫩略嫌汁偏甜,羊腩煲,唔夠羶味(嘻嘻,預左啦)荷葉生蝦蒸糯米飯,足十兩鮮中蝦開邊,糯米已吸收荷葉香味又夾雜中蝦鮮味,又夠煙韌,3支大阿伯carlsberg,汽水x3每次光顧都係撞手神,有時要掉頭走,不過今次好收貨!