嘉彩漁村京滬菜館

營業中

休息中

今日買咗少少海鮮去嘉彩漁村加工，諗住開開心心一家人食餐飯，點知海鮮蒸咗出嚟貨不對版，於是問樓面，點知粉紅色衫長髮女部長講唔夠兩句就大聲夾惡，服務態度極差，以後唔會再幫襯🤬

每次想食海鮮，我地習慣都會諗起流浮山，今次第一次來到屯門三聖，發現了這家嘉彩漁村京滬菜館，海鮮種類齊全，又新鮮又實惠。我地可以即場係海鮮巿場揀選海鮮，比流浮山抵食好多，食材超新鮮，每一道菜也是驚喜不斷。🌟#芝士焗龍蝦伊麵必試！真係超大份！奶香四溢，龍蝦肉質鮮嫩，麵條Q彈好吃。🌟#西芹炒龍躉球新鮮龍躉球與翠綠爽脆的西芹完美融合，鹹香可口。🌟#薑蔥鹽焗花螺平時食開花酒煮螺，但服務員話新鮮的螺，用最簡單的薑蔥整，鮮味十足，仲好食。抱住一試心態！螺肉鮮甜，好爽口，薑蔥香氣襲人，好正。🌟#山西麻辣豬手粒麻辣爆香，好入味，豬手細細件，一件一啖，回味無窮。🌟#香港石歧雙乳鴿鴿肉軟嫩多汁，皮脆香口，食到要舔舔脷。🌟#咸魚肉餅煲仔飯咸魚香氣四溢，肉餅入味彈牙　飯底鹹香軟滑，明明已經好飽，忍唔住又食晒。嘉彩的每一道菜都非常美味，令我胃口大開。相比起流浮山，這裡的性價比實在是高出太多，對是屯門必食海鮮好去處。

一家大細今晚嚟到三聖邨食晚餐，喺樓下買完海鮮之後拎上嚟餐廳加工，呢一間性價比唔錯，食物亦都非常惹味，好過自己買海鮮返屋企搞餐死，唯一一樣要改善嘅，就係佢加水嘅速度，因為我哋一家人比較多，茶水去得比較快，喺呢一方面需要改善一下，其他整體體驗都非常唔錯。喺三聖邨海鮮酒家選擇非常多，呢一間人流唔錯，食物質素又唔錯，如果大家想食海鮮嘅，都可以試吓呢一間薑蔥炒蟹避風塘瀨尿蝦薑蔥焗生蠔蒜蓉粉絲蒸扇貝豉椒炒蜆椒絲腐乳炒通菜

一行10多人晚上嚟到三聖邨食晚飯，屋企人介紹呢間中菜館：食物份量都幾多，除咗叫小菜仲帶咗幾條自己釣嘅大魚嚟加工😁✌🏻餐廳幫我哋做咗幾味：有魚生、椒鹽、清蒸⋯水準唔錯，好過自己喺屋企搞😇

---不幸地，在嘉彩漁村的午餐令人失望。同事間期待一頓愉快的聚餐，卻因服務差勁而受挫。請求加水，得到的卻是阿姐生硬地放下三壺茶讓我們自助，顯示出服務極不貼心。面對我們的不滿，她甚至發脾氣，這樣的行為在任何餐廳都難以接受。服務態度極需改進，否則再好的食物也彌補不了服務上的缺失。---

以往都有嚟開三聖食海鮮🦞但轉咗手既嘉彩漁村就未嚟過，今年公司年夜飯就嚟食圍菜，都幾豐富，而且味道不錯，優質燒鵝，皮薄肉嫩，不肥膩豉油王煎海蝦，如果蝦大隻d就比較理想蒜蓉蒸元貝，蒸出嚟時間啱啱好，無黏殼酥炸台山蠔，鬆脆到不得了果皮蒸鮑魚，蒸出嚟唔會韌薑蔥大肉蟹，真係大大隻，啖啖肉西芹炒斑球，如果轉西蘭花就好清蒸斑頭腩，肉滑公司老板再加一條魚，年年有餘漁湯浸時蔬瑤柱蛋白炒飯紅棗糕，好少酒樓有既甜品鮮果盤

先在三聖邨海產市場購買了海產，然後拿去這間酒家選擇自己想用什麼的煮法去煮不同的海鮮。上湯龍蝦煎伊麵底，特別地把伊麵底煎香吃起來就特別香脆。豉椒炒蟶子王，蟶子王用豉椒炒得特別惹味，不會太辣，亦都不會太鹹椒鹽瀨尿蝦，瀨尿蝦保持肉質嫩滑外殼炒得香脆可口象拔蚌用刺身方法處理，膽的部位就選擇炸咗佢。鹽焗奄仔蟹，鹹蛋黃金炒鮮魷，清酒煮花螺另外仲有必點的燒鵝，冇諗過一間常處理海產的酒家及三聖邨地區燒鵝特別在這裏比較出名。

在屯門三聖村有好多間海鮮酒家，平時都係去最大最出名個家，最近發現了性價比超高的還很美味的一家在三聖商場裡面的嘉彩，吃過一次後就沒有再去別家了鉢酒蠔超美味，芝士焗龍蝦也是，已經光顧了3次以上，他們家的蠔仔粥是我吃過最好既，一試難忘雖然環境都係普通酒樓，但勝在佢價錢公道同埋質素不錯

記得前幾年去過呢間酒樓食晚飯印象中員工食物質素都好好，相隔幾年琴晚再去光顧，酒樓搬左，環境差，地方狹窄，員工服務唔得，完全變左另一個樣😢食物方面好油膩，唔啱呢家年輕，注重健康嘅人士🙈蒜蓉粉絲蒸扇貝，粉絲感覺事前未浸就直接放左扇貝，食落有d硬同埋淋左好多油落去炸生蠔冇咩味，又有醬汁點，問服務員拎又話冇🤦‍♀️ 盤龍鱔蒸過左火，肉質唔夠彈牙最好食都係瀨尿蝦＆鮑魚總括 酒樓上菜速度太快，感覺趕人走，叫佢地換過隻新碟話冇人洗碗，冷氣叫佢地開大d唔得，冬天都可以食到出汗😓

夜晚一家入三聖邨楊合利買海鮮再搵嘉彩代工慶生。海鮮類：- 清蒸大海斑蒸嘅火喉控制得啱啱好，魚肉唔會話太鞋，可能魚本身邊大條，近魚骨中心位置有少少未完全熟，不過可以接受。- 陳皮蒸澳洲鮑魚鮑魚本身厚身偏大隻，酒樓代工時已經將內臟除掉，值得一讚，鮑魚肉厚爽，少少陳皮配豉油味，主要食材料本身味道。- 台灣蠔兩食炸蠔，粉漿應該只加少鹽同胡椒粉做調味，炸完都唔覺得好鹹，炸完蠔身唔會好乾身，蠔入面仲有少少海水味道，桶蠔嚟計算唔錯。薑蔥蠔，配煲仔上，保持蠔嘅溫度，調味適中，因為人數上關係，放棄咗蠔嘅大小，不過廚房處理得唔錯，冇影響到整體感覺。- 蒜蓉蒸扇貝/蒜蓉開邊蒸蝦廚房簡單處理，材料新鮮，所以味道一流，值得留意開邊蒸蝦係見唔到蝦腸，即刻Like。- 豉椒炒聖子蘇格蘭聖子響海鮮檔時已經非常生猛，煮出嚟都冇縮水，都有番咁上下Size，質感爽口彈牙，煎米粉底先係重點。- 焗蟹遲來的焗蟹，開邊果時發現都非常多膏，有一隻更有流心效果，打開蟹嘅一刻更發現四隻都係重皮蟹，實屬靚嘅品質。- 龍蝦湯飯南澳龍蝦一隻煮一個湯飯，配以脆米，湯鮮甜，冇再額外調味都夠味，更有多種口感。海鮮湯- 海鮮大雜燴配，有驚喜，湯底係

員工服務很好,食物水準質素中上,交通算係便利,最喜歡吃黃金大煎餅同埋椰汁芋頭南瓜煲.也可以自攜生猛海鮮去加工。如果自己揸車去泊車亦很方便.晚飯後，在青山灣海旁散步非常舒服，是一個與家人及朋友的聚會地點。

食完6隻蒜蓉粉絲扇貝後留下一個橢圓形大碟加一個吉殼，（白衫身材略胖短髮嘅）傳菜姐姐想上另一碟果皮鮑魚，佢就問左句“放落去好唔好？”，繼而就將碟鮑魚倒落隻吉嘅橢圓形大碟！呢個問題本身都唔應該問吖！仲要倒落去！真心想問你無嘢吖！？其中一樣餸係油鹽水蝴蝶蚌，侍應先後攞左一碟油鹽水、一碟豉椒炒，我地就話豉椒炒唔係我地，之後佢地查出唔知係廚房弄錯定落單同事攪錯，弄亂兩碟餸入面相類似嘅蚌？啲侍應+經理就响我地個枱，企正後面研究！我嚟食海鮮，你都唔使企正正係個客後面大細聲咁講吖！意思係話我地食錯？公道啲講句，廚房係煮得海鮮唔錯不過待應、傳菜就有待改善

人生第一次去三聖食買海鮮🤣 好興奮呀🤭我地就係附近既海鮮檔買完海鮮，就去預先book好枱既酒樓加工食飯！當晚有好多客人，所以環境比較迫少少，不過都唔緊要，要侍應姐姐都仍然好好服務.由於今日係星期日，太多人，所以我地話，有咩上咩先🤣 結果，就係食龍蝦伊麵先！.📌芝士龍蝦🦞伊麵: 細個去同屋企人去酒樓食晚飯，最中意就係食芝士龍蝦伊麵既伊麵，到大個左，口味仍然無變，都係中意食伊麵，走龍蝦🦞🤣對我黎講，龍蝦只係要黎吊味🤭伊麵先係吸哂龍蝦既精華湯汁🤤而呢度既芝士汁唔係好夠芝士味同奶香，但龍蝦就真係好多肉，肉質厚實彈牙！.📌辣酒東風螺: 帶啲麻辣味，食落辣辣地，反而酒味唔算好突出，但食落惹味，不自覺甘食完一粒又一粒🤣.📌椒鹽瀨尿蝦: 一人一隻瀨尿蝦，好大隻😳👍🏻瀨尿蝦既外殼炸得香脆，沾滿哂椒鹽，而蝦肉都幾鮮甜！.📌陳皮蒸鮑魚: 比平時食開嗰啲大隻，鮮甜！.📌蒜茸粉絲蒸扇貝:安全牌，都無得唔好食架啦🤣扇貝好大隻！.📌清蒸東星班: 蒸得過左少少🤏🏽龍，但係都尚算滑！P.S. 條魚係小助手影既，手都震埋，想點🤣🤣🤣.📌芝麻餅+煉奶: 呢個芝麻餅好好食，全晚既highlight😍(竟然係甘🤣) 外脆內軟，

星期六食飯諗住多人早幾日過黎訂枱，商場有兩間選擇其中一間要限時間，所以揀咗呢間食飯。到左三聖去左關財記買海鮮，不過比以前感覺少咗人買…..😌，所以再去行前少少上記揀其他海鮮，個姨姨幾友善同價錢合理。買海鮮大約$2170（龍蝦，東星，奄仔蟹，九節蝦，聖子，扇貝）加工及半隻燒鵝，小炒王，芋頭南瓜煲 6罐飲品$1560龍蝦上湯意麵⭐️⭐️⭐️⭐️⭐️大人小朋友都好中意食鹽焗奄仔蟹⭐️⭐️⭐️⭐️ 正常清蒸東星班⭐️⭐️⭐️⭐️蒸得岩岩好，夠滑小炒王⭐️⭐️⭐️正常芋頭南瓜煲⭐️⭐️⭐️⭐️ 芋頭夠淋入味，老人家喜歡芝麻餅+煉奶⭐️⭐️⭐️⭐️⭐️酒家送既，夠哂香脆，值得再食白灼九節蝦⭐️每次黎三聖都會買，但今次太細隻無肉食，所以唔關酒家事豉椒聖子⭐️⭐️略為偏咸粉絲蒸扇貝⭐️⭐️⭐️⭐️整得幾好味😋燒鵝⭐️⭐️⭐️⭐️唔記得影，肥瘦適中又唔咸，幾好食😋結論：雖然中間有啲阻滯，但及時處理，侍應都好nice有講有笑👍🏻👍🏻👍🏻 服務幾好，有人情味，黎三聖食飯多個選擇。

在黃金海岸 staycation ，酒店不包晚餐，所以當晚大夥兒去三聖村食海鮮 。已經很久沒有去過三聖村，之前詢問住屯門的朋友那間食店好，他們都推介這間酒樓 。因為我們要揀海鮮，所以 5:30 pm 左右便到了三聖邨，先去朋友推薦的上記海鮮檔買海鮮。 店主都好老實，根據你晚飯的人數，再和你預算海鮮分量，海鮮價錢合理。6 pm 左右便上酒樓，由於前晚八號風球 ，今天剛落波，酒樓當晚很多客人，他們要求我們 8 pm 要交枱， 其實你煮得快，我哋咪食得快囉。 😁一入門口右邊被屏風間咗給其他食客，我們十個人坐在一入門口左邊，環境比較擠迫。東風螺之前都係烚熟或者辣酒煮，因為驚有啲朋友唔食辣，所以鹽焗，第一次呢個做法，味道都唔錯😙瀨尿蝦都好大隻 每人半隻。基本上呢間酒樓嘅師傅，煮啲嘢大部分味道都唔錯， 冇浪費到D海鮮。😋呢隻鮑魚比平時食嗰啲大隻。呢隻係澳洲扇貝， 味道不錯。臨尾侍應話上甜品比我哋，原以為係一般嘅紅豆沙，原來係芝麻餅，雖然當時食到好飽，但係都覺得呢個芝麻餅好好食，外脆內軟，又夠熱，真係一大驚喜 。加上外面都好少見到，呢啲咁大嘅芝麻餅。🤗