嘉彩酒樓 (已結業)

今次是本人第二次在此發表意見, 因看見上一個食評才考慮到此酒家一試, 但真的太失望, 所謂南乳醬燒骨,得個咸字, 唔知大家有無試過利苑舟山骨, 做法都是用南乳, 但食落真是差天共地,另外大班兩味, 唔新鮮, 握錢, 因要$168.00. 我們買了大花蝦加工, 一樣得個咸字. 蒸聖子正常, 豆苗正常, 個人意見, 所有食物, 真的不如之前食評所說的一樣, NO next time.per head spending excluded seafood.

同家人想去食海鮮，想起朋友介紹過三聖嘉彩。之前都去過三聖好幾次，次次都係隔離的海X，今次試吓嘉彩。講真開頭比我個感覺真係麻麻，不論個位置、個招牌、個門面、個裝修十足十d舊公屋的舊酒樓，個停車場仲鬼死咁窄。之後去買海鮮，叫左二個小菜，d海鮮都煮得幾好食(同其他地方差不多，冇咩特別)，到小菜來時，先挾一件(蝦醬香蘇骨- 比較嗜肉)，那知一口咬吓外脆內軟，肥瘦均衡十分好食，再吃豆苗也十分幼嫰。真是可恨叫太多海鮮，太少小菜，走時還發現有兩小時免費泊車。價錢及海鮮手功都十分合理下次一定番卓!

之前同城班舊同事來過依度食, 同去西貢食海鮮一樣, 先去海鮮檔揀好料, 然後上酒樓加工, 一開始大家磨拳擦掌準備拆蝦拆蟹, 點知一上抬既係燒鵝全隻及咕嚕肉!! 當時個個你眼望我眼, 原來係攪手order既, 仲話依間酒樓海鮮都係其次, 小菜先係”冧巴溫”, 好好好, 見攪手誠意推介, 一於試試, 噢! 不得了, 咕嚕肉真係外脆內軟, 可能連專做中國菜既大酒樓都比下去. 燒鵝更是一流, 見攪手笑笑口話依度近深井, 所以先咁正, 原來如此…….. 之後蝦, 蟹, 魚, 龍蝦等等…都好正!! 今個月尾小弟牛一, 所以專程入來覆桌. 咕嚕肉依然地好, 燒鵝就肥咗少少, 再來炒蜆, 芝士焗龍蝦及清蒸老鼠斑, 一家四口食到不亦樂乎. 雖然o黎依間嘉彩兩次都唔係食o的咩特別菜色, 但係我就o向依度食到平凡之中既不平凡. 只可惜小弟家住港島, 屯門實在太遠, 唔知幾時可以再來食喇~~

有食友問到三聖食海鮮的問題,令我想起一個遺忘了的食評,我也曾多次到這裡品茗,價錢街坊價,至於服務方面,感覺上管理階層比較熱誠,侍應一般般,還可以,但有一位叫阿華的姐姐卻令本人留下深刻印象,當她開了茶之後,突然從我後面拋出一個洗杯用的碗,直叫我吃了一驚,既然妳己到了我的後面,何不多走一步,把碗放於檯上,何樂而不為呢？難道這酒樓的員工全都發了薪,唯獨她沒有？反之點心部的傳菜阿嬸,每次上菜都會說聲「多謝」,我也回應一句「唔該」,大家開心,何樂而不為呢？

來三聖村食海鮮，要來嘉彩。雖然酒樓裝修唔算新，落單埋單都仲系用人手，但勝0左唔使坐響條街度食，又唔使卑埋0的餐前小食等等既小費。是日令0左一條老虎斑-清蒸，一斤沙蜆-鹽水煮，同一只軟殼賴liu蝦-椒鹽，來加工。收費都算合理。以上加多個蒜香炒脆瓜，6件千層馬拉糕，同一支汽水,埋單都系160。送果盤，滿100免費泊車1小時，滿200免費泊車2小時。服務都算唔錯，由於我地食既野有殼有骨，服務員都好醒目，不時自動自覺幫我地換碟。

間酒樓改左名喇，而家叫嘉彩...雖然轉左好多手, 但係都係o個堆樓面我諗師傅都無變...照樣唔係好多野食但係都幾平, 同埋勝在服務親切大家好街坊咁~ 可能亦都因為我住三聖啦~p.s. d煎蝦餃幾好食架！大家有興趣試下啦！

雖然係由立法會議員,鄉議局主席兼區議會主席劉皇發開,但食品至服務只係一般.