嘉樂意大利餐廳

營業中

休息中

芝士海鮮焗飯淡而無味，啲飯硬到想死海鮮得黑椒味，完全唔知想點白汁焗雞飯淡而無味，啲飯硬到想死啲雞生前應該都好老下先死芝士焗意大利雲吞啲皮厚到一個點冇芝士味，仲有一陣怪味搞唔掂🤦🏻‍♂️蒜蓉包硬過我條命，重點係難食真心人生中真係未試過食野食到想講粗口除左啲雞翼叫正常之外其他野我夠膽講真係垃圾我自問都係一個垃圾桶，放得入口既基本上都吞左就算，但呢間野真係完全接受唔到，難食都算，怪味呀大佬，如果現場食我諗我真係會反枱

今日同 P san 第 N 次嚟到喱間餐廳, 當然又係指定動作先能入座啦。我哋點咗菠蘿煙肉 Pizza、 辣味雞翼、 薯蓉焗田螺、 墨魚汁海鮮意粉、 田園沙律同埋一個水牛芝士沙律, 再每人加咗 $10 任飲吧, 有奶茶、 咖啡、 朱古力、 果茶、 花茶、 紅茶同果汁任飲, 汽水同雪糕則要另外點。    Pizza 真係要講吓, 係厚底嘅, 個底唔油同埋有少少脆, 而且有香濃芝士味, 再加上有菠蘿, 為個 Pizza 增添少許酸酸甜甜嘅味道, 我同 P san 每人食咗兩件都唔覺得會膩。   另外就係喱個辣味雞翼, 我哋叫咗 8 隻, 雞翼啲肉好嫩, 而且辣味適中而且香口, 就算我喱個唔鐘意食辣嘅人都會岩食。    再嚟就係喱個薯蓉焗田螺, 田螺下面舖有滿滿薯仔味濃而且滑嘅薯蓉, 田螺軟腍有少少咸味, 再加上田螺上面舖有些少洋蔥有少少脆口, 增添口感, 不過 P san 太想即刻可以品嚐喱個田螺, 食咗先記得要相機食先, 所以少咗一粒  🤣。主食方面, 我哋只點咗一個墨魚汁海鮮意粉, 意粉爽口彈牙, 每一條都平均地掛有墨魚汁, 海鮮方面有魷魚同埋細細隻嘅蜆, 魷魚比較腍, 蜆有些少咸味同

叫咗牛油香草烤三文魚意粉。舊魚dry到癡線，個意粉又無咩汁。叫佢上個雪糕俾我，d態度系到喊🌚🌚支匙求其飛落張枱度，就咁對住空氣講sorry就算🙄🙄成餐飯最好味就係杯提子汁。

度情下四周圍買外賣。今晚在這店點了三個外賣，全部都超難食。卡邦尼意粉-意粉又乾又硬，冇卡邦尼味。肉醬千層麵 -酸酸叔叔，唔敢食落去。瑞士汁雞脾黃薑飯- 汁無乜，飯無味。一向不寫食評的我，今次...... 都忍不住了。

呢間餐廳原來左一段時間，午餐相當抵食既。叫左個香蒜白汁波菜帶子意粉，帶子有5粒，雖然有d細，但午餐來講還可以既，食落去都好香蒜味既，不過波菜就太霖啦!同埋份量都幾多既!午餐仲可以揀沙律呢度仲有玻璃樽既可樂飲，正吖!

有時候人係會犯賤，試過唔好食就應該唔應該再叫，但係心入邊都會忍唔住想再食多一次。之前lunch嚟嘅時候，點過滷水雞髀配黃姜飯，雞髀一啲都唔入味，似係臨上餐時先放入滷水汁內，嗰陣真係非常失望。今次咁啱又跟住同事嚟食lunch，再叫同一個餐睇吓餐廳有冇進步，的確係好食過上次（因為上次真係太差），但依然感覺仲係差少少，不過不失，雞髀size較細，再配埋飲品，Lunch $40都算係咁，如果想平平哋食西餐可以過嚟試吓！

今日過嚟呢邊做嘢跟住話因為搵附近停車場可以停低咗喺行景商場度當中有好多間食肆跟住我揀咗呢一間睇個門口好似幾靚 同埋我唔想幫襯附近嗰啲藍店呀嘛 haha 咁講雖然有啲無聊 都唔關事 睇到我價錢唔係好貴咪行入嚟食嘢囉 講真啦佢可能忙喇所以啲招呼呢就唔係太好 開頭但係食完野之後買單個老板娘又好好傾同我講唔好意思啊頭先因為太忙 我呢就食咗個辣雞翼同埋一個西蘭花 飲咗杯咖啡 食咗個雪糕 🍦 埋單都係幾十蚊 個辣雞翼好好食因為我好鍾意食辣野 So far我比好評 可以試吓

收工食乜好，係葵芳行咗個轉都唔知食乜好，行到恆景醒起有間嘉樂，碌上去食啦。燒鯖魚，整到好似蒸魚咁，口感係幾好嘅，但燒鯖魚應該唔係咁加喎。白汁菠菜帶子意粉，水汪汪，無乜味。菠蘿煙肉Pizza，正常味道，熱辣辣，批邊夠脆，菠蘿勁大舊。白汁芝士焗西蘭花，呢個有啲驚喜，芝士好多，做到拉絲，我個人幾鍾意食。蒜蓉牛油焗田螺，黑蚊蚊見到都唔開胃，口感都係麻麻地。加10蚊餐飲吧，都係果幾味，汽水奶茶咖啡朱古力，果汁茶包。

間野呢~~~~其實已經去過幾次,食物不過不失, 係價錢比較親民........不過附近好多可以選擇, 真係是但都搵到間代替,而果個女人, 唔知佢打工定係老闆黎....就永世都黑口黑面, 好似入去果D人都得罪過咁, 態度差之餘仲成日都漏呢樣漏果樣, 一個SET,有沙津, 有主菜, 飲品都可以唔同花式咁漏單..5個人點野, 黎少左個沙津, 問佢係咪漏左, 佢間硬賴係我地問題...WTF?餐會漏, 餐飲更加唔駛講, 其實做得咁辛苦不如唔好做啦你又唔開心, D食客又唔開心

第一次去食，見門面睇落去都可以，諗住入去試下，沒有人招呼，自己隨便搵位置坐低，待應比個餐牌我就話盡快落單，所以隨便叫左一碟卡邦尼意粉勁難食，意粉勁硬，汁勁水，從未食過咁差，還叫了一個烤雞pizza薄餅 勁硬勁乾，硬到石頭一樣，雞塊超級乾，沒有水凖，全場得一位女待應，女士服務差劣，見你食完即刻收碟，趕人走，趕埋單，趕收工，沒有笑容，黑口黑面，樣衰，雖然價錢平，所有野勁差，不會再幫襯，真係一份錢一份費🙄

位於恒景商場的意大利餐廳，餐廳地方算大。當晚大概7時入座，客人不多。寧靜的環境播著柔和的音樂，令一天積累下來的工作煩都緩和了不少。到了7:30左右，開始滿座了。叫了辣味雞翼、海鮮焗意粉、蜜桃雞肉pizza。而飲品是每位加$10，可以任飲。試了芒果汁，不錯，但略為甜了少少。海鮮焗意粉的醬汁也略為少，覆蓋不了意粉，令有些意粉焗燶了，非常硬。除了這一點，其他也不錯。蜜桃雞肉pizza食落很fresh，清新的配搭。

平日在本港品嚐意大利菜的費用價值不菲，一道高級豪華的菜式動輒平均也要最少百元一位。是次品嚐的餐廳跟上次的薩莉亞餐廳有點相似。一坐下已被餐牌首頁意大利特色菜-薄餅基本材料如紅茄子、海鮮、水果及起士等吸引。仔細看一下當中的食物，當中菜式為意大利菜為主，如意大利麵、薄餅、通心粉、甜品糕點等。每款只須少於$50即可品嚐，全日甚至晚市也是收取同一價錢，跟前者的相約是眾多餐廳中同一用餐時間少有的，可說是「廉價晚餐」及迷你版Pizza Hut。別以為單看價錢跟食物份量多少成正比，我們點選了黑白松露多士、菠菜帶子意粉、蜜桃雞粒薄餅、卡邦尼烤飯，每一道的份量遠較想像中的大得多。最前的一道以新鮮切粒白色蘑菇上加黑色一點點的貴價黑松露，構成黑白雙色的完美配搭，賣相非常精緻，未送進口一股較蟹子更濃烈的香氣湧進面前，刺激你的味覺。至於薄餅的配料，加上切片新鮮水果及雞粒，後者的肉質炸過後跟一隻嫩雞爽滑。水果的香甜味經過烤爐後沒有因此流失，跟一塊薯片般香脆及啪啪的聲音。意粉配合新鮮蔬菜更吸收了大量纖維，手掌般大的帶子來自卡邦尼。肉質大如一隻手掌般沒有急凍過即炒，肉身肥厚，味道鮮爽香甜，海水味沒有流失。烤飯的賣相它的

經朋友介紹嚟咗葵芳呢度搵好嘢食朋友就話呢間餐廳有啲似薩利亞入去睇到餐牌發現都有九成相似首先我哋就叫咗法式焗田螺 $21田螺都算幾大隻 而且下面係有薯蓉9寸菠蘿煙肉pizza 個人好推介呢個 餅底幾鬆脆 而且配料絕對非常知足料 就算三個人食都一定夠食番茄海鮮意大利粉個人就覺得唔夠入味 可能需要自己落辣椒仔調味個意大利粉入邊都有蜆肉、蝦同魷魚 份量都算幾足 星期六日嘅時候如果大家想食薩利啊都可以嚟呢度食食物質素唔錯之餘亦都唔需要排隊

對於西餐黎講是平價選擇，服務態度唔錯！見個餐牌好似薩莉亞咁，好處係唔洗排隊，上菜速度ok, 而且食物多選擇，會繼續幫襯！😊支持呢類小店！最鍾意係佢地個蒜蓉包！好味！

已經食過好多次呢間餐廳，最大賣點係唔貴同埋坐得舒服。一個人食野order左個水牛芝士pizza和焗西蘭花，味道唔錯。性格比好高，我覺得以呢個價錢黎講，係好食過薩利亞既，起碼佢既pizza有口感。不過缺點係d餐具唔夠乾淨，大打折扣