嘉樂意大利餐廳

營業中

休息中

放假同朋友行街行到有啲肚餓，想搵間西餐廳食野，之後朋友話呢間新開，問我試唔試下，我話好啦試下，之後我地上左去，門面睇落去都👌🏻，一入到餐廳，一個侍應都冇，我地自己就去左搵位坐，坐左一陣先有人黎問我地幾多位，之後我地叫野食，叫左安格斯肉眼伴意粉，羊架伴黃薑飯，煙三文魚沙律🥗，白汁芝士焗西蘭花🥦，周打海鮮湯，龍蝦湯。安格斯肉眼有少少乾，意粉冇汁好dry。羊架好肥得少少肉食，個飯得個黃色冇味。周打海鮮湯都冇味好淡，龍蝦湯冇龍蝦味都唔知飲緊咩。煙三文魚沙律🥗同白汁芝士焗西蘭花都ok既，其他就唔好食。

二人晚餐屋企附近！環境都幾舒服呀，幾親民呀，主要都係街坊生意，，價錢夠唒平，要咗一個蒜蓉牛油焗田螺，比較期待嘅一個菜式呀，先係$19味道好食，，，之後要咗個鐵板黑椒羊扒$78，中上好食，上餐食落唔熟，店員態度都好好，主動幫我地換返，讚味道不過不失意，，⋯《式香腸pizza》$57，好食，黑松露蘑菇飯$36、略淡另外飲品係$10/位自助，你鍾意飲乜嘢都得，可以自己出去針，果汁🍹咖啡任飲，，，汽水要加錢

Pizza要自己切，完全冇介開，味道差，完全不是簿餅味😑麵包一樣🤦🏻‍♀️🤦🏻‍♀️千層麵，只有兩層，內裡夾磨菇😤面層又酸又冇肉既茄汁加芝士卡邦尼意粉，唯一可以食的😫😫😫😫😫😞

一入到黎 睇餐牌 感覺有點似薩利亞有好多款意粉 都係$3x飲品$10任添卡邦尼意粉，$30：有點乾 不過夠味 味道ok千層麵，$68：好多肉醬 有芝士😍😍😍好味 不過份量比較少

性價比高的餐廳。當然唔好expect 係高級餐廳嘅quality不過唔差wor- 環境：茶餐廳feel, 乾淨- 食物：叫左一個pizza 同意粉。pizza 餅皮鬆軟，係出色ga!! 但d 涵料冇咩特別，正常質素。$57 有個9 吋pizza, 仲要個餅皮整得咁鬆化，真係抵食。意粉，蕃茄吞拿魚意粉。味道偏淡，但$38 黎講，質素超出expectation。正常質素。另外，加十蚊就可以有飲品任飲，不過唔包括汽水類。免加一，2 個人食左$100 唔洗，真係性價比很高。不過浸水就自助，樓面得一個職員，如果好講求customer service 就未必岩...整體黎講，我覺得樣樣都中規中矩，價錢取勝！

平價意大利餐廳，今次走去葵芳逛一逛，見到商場入面有間意大利餐廳，見到佢門面幾好咁，就入去試下啦🤣 最重要係唔使等位😎😎😎價錢一啲都唔貴，好大衆化😄 絕對係親民嘅價錢😙 但係對於餐廳用膠碟就有啲扣分🤐隨便叫咗幾樣野試下先😎卡邦尼意粉☺ 我覺得自己都可以喺屋企煮到差唔多嘅味道😅鐵板黑椒牛扒加意粉☺ 牛肉味道ok醬汁都可以😋白酒煮青口☺ 有少少辣辣地，青口數量都算多🤗 仲有洋蔥包送😋脆卜卜😋下次有機會，可以試下Pizza，因為見到都有好多款揀🤓

呢間舖頭舖面的裝修及設計會令人彷彿致身於一流的意大利餐廳中舖內的燈光比較暗，給予人一種浪漫的氣氛。之後 我同女朋友分别叫了周打海鲜湯，白汁焗雞钣和肉醬煙肉意粉。在美麗的氣氛下，我和女朋友都滿心期待的等着美食來。食物終於來到了!亦是我們惡夢的開端!湯會附送埋蒜蓉包，包都幾香口，湯係好足料但就好稀好淡。到主菜焗雞飯，每一啖的飯都伴上淡淡的脫脂奶味，如果我蒙着雙眼吃這飯的話，我會以為正在食脫脂奶焗飯，感覺真神奇，從未嘗過這般可怕的白汁，加了相當份量的芝士粉都一樣淡而無味至於焗肉醬意粉，味道比白汁好味但不可以稱得上為肉醬意粉，因為肉醬的數量可謂少之右少!這難度是價錢平所以食物質素差……不對好像某間薩x亞比便宜及好食。27蚊的飯比40蚊嘅飯更加有味，起碼食得出何為肉醬及白汁。最後，我推介這一間食市予各位喜歡清淡的食家們，各位唔想食白粥右想食得清淡的朋友，我強烈推薦這一間

同屋企人食過3次好抵食 夠平👍🏻👍🏻👍🏻味道都唔錯啦～～～～～～～～～意粉我覺得一般啦 🌚但咁既價錢算可以接受～～～～～～其他小食同pizza都好好味👍🏻熱辣辣上台🤤!!!!!!!!!推介雞翼 😋Garlic包 😋各口味pizza😋Pizza夠熱 厚批得黎又夠脆🤤作為街坊 真係要多多支持呢d小店👍🏻👍🏻👍🏻😆😆😆😆😆😆😆😆😆🙈🙈🙈🙈🙈🙈🙈🙈🙈

午市時間，整個葵芳都充滿找食的人。不論是其貌不揚的茶記，還是西泰日式都有人龍😑惟有行僻點，到恒景商場這店。許多學生都光顧，我揀了鐵板黑椒牛柳粒配黃薑飯。送來熱辣辣的鐵板，見到許多牛柳料、磨菇片同粟米，份量真的很理想。還見到一些牛柳粒紅紅的，鐵板夠熱，所以可略煎。嘩，我覺得很不錯。肉不多味，但我就是喜歡肉味而不濃調味料。混埋磨菇同粟米伴飯，正👍🏻。個飯是黃薑飯，只有色，沒有黃薑味。但我都喜歡。很滿足的午餐😋

落大雨，走入商場避雨，周圍搵野食，金潮大堆人等緊，死心啦！！扶手電梯上兩層，來到２樓聞到好香 PIZZA味~~~~~餐廳雖然隱封，但都有７成滿座，心諗應該唔會太差吧！即使中伏都係一次啫，一於入去試吓～～先來洋蔥湯２客，湯唔夠熱，不過好多洋蔥好夠味，跟湯的蒜蓉包用 Ciabatta ，隨湯附送都咁有誠意，加分加分！香蒜菠菜帶子意粉，份量正常，帶子有６粒，意粉 Al Dente，菠蘿煙肉 Pizza，足料！最鐘意條批邊，又香又脆！樓下酒樓只有3檯客在打邊爐，冷冷清清的，估唔到上多一層別有洞天，呢間餐廳街坊價錢，製作卻有驚喜，有誠意，我中意！！！

探完人，落返去葵芳食飯，但星期日這個時候又好難揾食，咁就行多幾步遠離地鐵站，走到屋邨附近的食肆，在恒景商場內的意大利餐廳。第一次到此店時，還以為是某意大利餐廳連鎖店添，因為餐廳格局及營運模式都很相似。店外店內，地方光線充足，坐位都算多，不過都排得幾密，感覺上有D迫迫地。有一㸃要注意的，此店人手是非常不足的，顧客們要比多一㸃耐性啊！睇下餐牌叫咩醫肚先鐵板炭燒雞扒香腸，賣相就一般，似快餐店的扒餐咁，雞扒及香腸肉質味道都一般般，冇咩炭燒感覺，反而配菜都幾好味。鐵板黑椒牛柳配黄薑飯，賣相就好D，先食牛柳粒先，滿以為好好味，失望，太熟啦，好韌有根，黃薑飯得個顔色，冇咩香味，反而個黑椒汁好好味，辣味好夠，蘸醬汁食好好味，可惜D牛柳粒失敗。醬燒嫩豬仔骨，個賣相又係唔得，為何豬仔骨切左件來燒的？這樣豈不是所有肉汁都溜走晒囉，失望。辣味雞翼，雞翼辣味好正，夠辣味，應該是有8隻的，因為好味，我還未來及影相，家人已經好快食左D啦。香辣黑椒焗蜆，這款都好味，略嫌黑椒不夠辣，如果好似鐵板黑椒牛柳配黄薑飯個黑椒汁咁正就好味啦。菠蘿煙肉比薩，pizza 好味，材料舖得滿滿的都算是足料啦。墨魚汁海鮮意粉，黑溜溜的一度

這家餐廳的食物選擇還挺多的，地方雖然不大。披薩很好吃，推薦菠蘿火腿那款。份量足。除了牛扒雞扒還有羊架選，價格平民。扒一般都是有鐵板的，肉很嫩，還配一碟意粉，餐湯味道濃郁，飲品推薦蜜桃茶，清香解膩，飯後還有一小個獨立包裝的雪糕球送。吃得很飽很滿足。

今天是公司員工例行午餐, 每週都會由不同同事輪流決定吃什麼, 今天他選了這家意大利餐廳, 好像是新開不久, 所以來嚐嚐新口味 餐廳挺多座位且闊落, 餐牌上有很多選擇, 價錢比想像中便宜很多, 我們一行八人, 點了好幾款食物一同分享 <<法式焗田螺>>這款是下午茶, 一份有八顆, 薯蓉焗得香氣撲鼻, 面頭有少許焦燒, 田螺吃起來很軟熟入味, 薯蓉軟軟的, 略咸了少許, 但整體味道是可以的<<芝士白汁焗薯角>>焗得非常香, 而且份量很多, 煙肉碎鋪滿在薯角上, 沾少許芝士白汁一齊吃, 香濃芝士和薯味且入口有拉絲, 很邪惡<<夏威夷菠蘿煙肉比薩>>比想像中大份，一個分到六件，芝士份量多還拉出絲，吃起來口感軟熟帶脆，芝士味濃，還帶菠蘿甜味，寧舍開胃<<蜜桃雞肉比薩>>雞肉滿怖整個比薩，蜜桃香甜可中和咸道，不錯整體而言，食物質素不錯且價格便宜，非常抵吃啊

這餐廳我地已經幫襯過好幾次，水準及質素稱不上很好，但價錢非常親民，坦白說，一分錢一分貨，如果想有好服務，好環境，高水準的意菜，根本就不應選擇這間餐廳。介紹食物:今次第一次試鐵板黑椒牛扒，我同太太都抱住一試無防心態，因為只是需要$60，此價錢連茶餐廳都未必做到。 結果出乎意料的好食，先講我地叫5成熟，唔好以為好生，因為出黎鐵板是好熱的，兩邊再煎一煎剛剛好，牛扒雖然較薄，但好香牛肉味，唔係一般雪藏味，黑椒汁好濃，仲有粟米，洋蔥，磨菇伴碟，60蚊算超值。另外叫了雞翼4隻($19），香口，有少少辣，雖然好隨意擺放，但味道不錯。蒜蓉牛油焗蝦($29）蝦好新鮮，好爽口，唯一唔夠入味，我地拆咗蝦殼之後再用返啲蒜汁，味道一流，蒜加牛油真係香口。三文魚沙律（$38）三文魚都算多，沙律菜都好新鮮，38蚊好多餐廳都做唔到。最後墨魚汁海鮮飯($38）呢個就較為失色，味道較淡，海鮮都較少，而且都有少少雪藏味。下次唔會再試。另外，佢地有飲品吧，飲品任飲，每位加10蚊。以這個價錢去衡量食物，我個人認為真心好食，唯一可能人手不足，希望餐廳對清潔方便可以略為改善就更加好。

餐廳好悠閒，店員多過食客，留意到他們的談話內容，難道這是家庭式餐廳，這樣也好，上下齊心地為家族工作，這才是意大利餐廳的真正模式~每位額外加 $1O 可以任飲飲品吧的茶包、咖啡、果汁 ~完全不需要加一服務費，真實惠 ~水牛芝士沙律 $36沙律菜上擺放了細粒的水牛芝士及芝士粉，攪拌來吃會發現厨師落的沙律醬是恰到好處，味道適中，不會滿口醬 ~肉醬意粉 $3O份量適合一個普通女仕的胃口，攪拌來看肉醬下是有幾片火腿，意粉偏向軟腍而肉醬是汁多肉碎少，味道着重蕃茄香草味 ~本篇完 ~