嘉興餐廳

營業中

休息中

去西環整牙前同老婆大人去嘆杯靚奶茶先。下午茶$20就可以有隻奶油豬同咖啡或茶，又真係好抵食喎。我同老婆大人都要咗奶油豬下午茶餐。隻奶油豬超大個，豬面烘得香脆，可惜豬底就烘得不夠了，但奶油份量啱啱線，都可以話合格啦。老婆大人的凍檸茶用好少見黑白奶凍杯上枱，應該好滿意因她將佢喝光光。我的熱奶茶，質地香滑，茶味不俗有驚喜喎。

時間已是八時多，我們一直在皇后大道西走著，發現這間小小的茶餐廳竟然有接近七成客人用餐。那要看一看它的實力吧！例湯是冬瓜湯，可見到有些湯料，不過味道都是和自家煲的有些分別。小菜椒鹽三寶熱度尚可，椒鹽味道都不錯，略為失色的是脆口可以更好。美極蝦鮮味不錯，蝦沒有雪味，調味也惹味。傳統茶餐廳的檸茶，茶味十分香濃。消費合共$124，小菜要加$8 轉餐(包括飯及飲品)，例湯送完即止。總括而言，嘉興餐廳的食物及服務不錯，價錢也是合理水平。可惜店內裝修陳舊及衛生只是一般。

其實西環的小店、家庭式經營餐廳不少。而嘉興既沒有華麗的外殻，也沒有精緻的裝修，但卻偏偏吸引着我，尤其看到餐牌內眾多的食品款式呢。這一趟點的是椒鹽脆玉豬扒飯。可以吃菜之餘又有「椒鹽豬扒」。+$5還有餐湯和凍飲呢！餐湯是羅宋湯—算是個人飲過的羅宋湯當中數一數二好飲的了。湯不單濃稠，而且蔬菜足料、還有少少牛尾肉呢！凍鴛鴦還可，茶未算很香。很喜歡這款「黑白淡奶」杯，而且還是少見的凍飲杯……椒鹽脆玉豬扒飯—雖然簡單但很好吃。脆玉瓜鮮甜爽脆，而豬扒也鬆軟。椒鹽都不外乎是炸蒜粒，不論是脆玉瓜還是豬扒，沾上椒鹽還是令整碟飯更香口。飯還不錯，濕了一點。每次都見到兩公婆由朝做到晚，一星期做足7日，有時會累得睡着，都真心佩服小店的老闆的那種「敬業樂業守業」呢。

地點在西寶城附近 有時晚餐都會在這解決 有小菜 有餐 50-70左右 有中湯 or西湯 加野飲 我推介華田同好立克 因為好鬼濃 ,正!!唔似出面有d稀到似奶水咁, 西湯就羅宋湯 都係濃濃的 ,今次個肥牛金菇飯都保持水準 會繼續支持^^

今晚同男朋友食飯, 其實我已經食左架啦, 不過我只係陪佢食, 今晚由於太夜既關係, 附近好多野都收左了, 我地見到呢家餐廳十點幾都未閂, 就緊係嘭嘭聲入去睇下有咩食啦. 入到去都幾光猛, 我地坐卡位, 都幾好坐男友因為要繼續ON DIET既關係, 所以叫左個豬扒飯走汁, 食落個味都幾好, 有茶餐廳水準, 個豬扒都幾腍, 但始終都食得出用野"那"過, 煎得都幾香口, 算OK啦我見到佢食得咁開心, 都係叫返個常餐啦, 個餐包都有d驚喜, 暖笠笠, 又軟熟, 個奄列都OK呀, 裡面仲有蛋汁, 幾JUICY原本想食沙爹牛肉麵, 但係好可惜冇牛肉, 所以就叫左個雪菜肉絲丁麵, 始終都係沙爹牛肉同個麵味道係最夾的, 整體上既味道都中規中矩啦, 不過由於我其實唔係好肚餓既關係, 所以到最後都食剩左半碗.價錢亦都REASONABLE, 不過未至於我會再返轉頭LU

成日出街食真係唔知食咩好。。。因為之前食呢間食店响我地lunch time 食飯時，叫乜無乜，所以同事們black listed....但當其他野食得悶時，就試吓呢間有無都係以前咁！有同事在lunch hour早十分鐘已拎定位，所以唔驚無位！去左之後，無飯引的我點左我的例牌，麵餐的C餐！蕃茄牛肉通配腸仔（餐牌係火腿，我要求改）煎蛋同牛油豬！個蕃茄通好淡吖。。。。好似蕃茄同水煮吓就算，無調味料咁，牛肉有四塊，有過食得出佢用梳打粉之類嗱過的。。。不好味像用來填肚的東西。點解碗野唔好食，我都俾呢篇野ok呢？！就係係個牛油豬仔飽拉高左分！就算見到我碟飽同腸蛋俾廚房放左响出菜位五分鐘無人拎過嚟，個飽都係脆喔喔的！最得我歡心嘅係佢啲牛油！你知啦，牛油多又肥少又dry唔好味，呢度啲牛油次次都搽得啱啱好，一層剛剛好的在脆脆的飽上，鹹度油度也剛好！！Perfect,我自己覺得好過翠華（因為翠華唔係次次都咁脆。。或唔夠味。。）除左我碟通唔夠味之外，仲有我另一同事的瑞士汁雞翼撈公仔麵。我試左一啖。。。嘩！！！！初初我同同事講好似老抽撈麵咁，有色淡味。。但諗諗吓，老抽都話有啲啲soya sause 味，呢碟野

話說我有一次去西環,睇極周圍D餐廳冇間岩心水，直至我經過呢間餐廳，我就被佢乾淨、光猛的外表吸引左。當我行尹位坐的時候，D waiter立即遞上水同Menu俾我，我睇過D價錢，真是好便宜，我就心諗價錢甘平可能D Quality 馬馬。之後我就叫左海南雞飯，我食左一啖先至發覺D雞超級滑，D油飯Ok,D菜都Ok,佢重送左碗湯，碗湯重係無味精，超好飲，真材實料，我超鐘意。