嘉興餐廳

營業中

休息中

我平時都好鍾意去茶餐廳食飯，有一日要去西環，經過呢間餐廳，見價錢幾平，就抱住試得過嘅心態去食，點知又真係幾好食我嗰次食咗咖喱牛腩飯，啲咖喱有啲椰奶味好惹味，再加上啲牛腩同薯仔炆得夠腍，十分符合我嘅口味係平價物美之選！如果大家諗唔到食咩嘅話，就食咖喱牛腩飯，你一定唔會失望！我朋友就食咗個蒸魚餐，朋友話條魚好新鮮，同埋佢食得好飽。我哋問咗老闆娘，原來啲魚每日來貨的，難怪咁新鮮。我哋兩個最後嗌咗一人一杯凍奶茶，奶茶都好好飲（如果你鍾意茶味濃的話，這是個不錯的選擇）成個用餐經驗都好好，除咗間餐廳睇得出好耐冇裝修過。不錯不錯！

适逢路经，没吃午饭，想吃些有青菜又撑肚的。看到有工友3、4位门口出来，就入去点了个湿炒牛河。河粉炒得整体有镬气，献汁量刚好，菜量适中，牛肉亦不少。性价比十足。属工友好饭堂一类。不要讲究装修豪华。我茶餐时候到食，人不算多，但不断见有附近居民如来帮衬。

吃鐵板雜扒，吃了帶酸味的腸仔，投訴了一下，廚房就做了一條腸仔出來。坐在cashier 旁長枱，女兒喜歡跑，就跑出門口，找在抽煙的我，然後回去時就滑倒了，因為地下是濕的，結果職員第一個反應是罵女孩不應該在旁（cashier) 跑，我家吃飯的位置不就在cashier旁邊嗎，還往哪跑呢？,在吃飯位置旁邊跌倒就是跑嗎？然後我媽就生氣了，你們在人家吃飯時拖地，地上都是濕的，還罵我孫女四處跑？不講道理，然後餐廳3個職員圍著她吵架，我就衝進去，問發生咩事，就孩子跌倒而已，然後職員就說，你女兒不應該跑所以跌低，我媽就話，你地邊有響人地食飯時間拖地架，滑倒小朋友，仲話小朋友錯。中秋第二晚，我都收唔住脾氣了，你拖地？而家個地係濕架，咁你拖咩地？你本身地下濕，我在指向餐廳裡面個地板，裡面都濕架，你係咪要同我講道理呀，地下濕就一定係滑架啦，都唔關我個女事（佢先係受傷個個），你係要講道理我就講，然後旁邊一個職員就說，我地就係呢個時間（8點半）拖地，係你地話有問題，我地成日都拖地架啦講道理唔啱，咁講法律好唔好，餐廳通道一地水，你越拖越濕，係咪想講道理同法律呀？男職員就話，我地剛剛才想用乾布抹地，你個女就係呢段空白

呢間茶記，喺10多年前經常來往西環嘅時候，就已經喺度，鋪位細細，但都幾多人幫襯嘅。10年後，終於搬來呢頭居住，佢依然喺度，依然咁多人幫襯，餐廳嘅裝修，冇乜點變，坐位依然咁迫，食物依然咁平。我比較喜歡食佢哋嘅特餐（即係常餐），一方面係平，另一方面係比其他嘅茶餐廳好好味（除咗個公仔麵）。今次我食佢嘅櫻花豬柳公仔麵。櫻花豬柳煎過好香，份量好多，亦都少少腍，老人家都𡁻得。公仔麵就用茶餐廳用開既頂好麵，但佢哋未免煮得過太過淋，索晒湯嘅水，公仔麵要減分。佢哋嘅牛油豬好食，好脆，炒蛋同火腿都係算得上中上水平。整體而言，佢哋嘅常餐，質素係中上，價錢係平民，絕對係可以「返啅之選」。留意到好多食評，都批評呢間食肆，我想講，可能因為呢間茶餐廳係家庭式經營，老闆同老闆娘都好似唔太志在搵錢咁，所以呢服務態度就唔似得出面街嘅茶餐廳咁殷勤。另外呢，由於佢係用半開放式廚房嘅設計，油煙就好多，嬸嬸又經常要拖地，搞到佢個地下跣到可以溜冰咁！呢樣嘢呢，可能茶餐廳就真係要留意吓啦。最後還有一個抵讚嘅地方，可能因鄰近電車廠，佢夜晚開到12點，絕對係夜鬼福音。

一向有叫開外賣, 都幫襯左好多年, 本來一直無咩問題, 但自從今日之後唔會再幫襯最近我胃唔舒服, 完全唔食得辣嘢. 一食辣嘢會嚴重胃痛幾日. 今晚叫左個雪菜肉絲炆米粉, 怕佢落辣椒, 所以落order已經專登講話一定要走辣點知食嘅時候發現辣嘅, 然後發現有紅辣椒. 打去同老闆娘講. 老闆娘話佢未食過唔知係辣. 我話你唔知唔緊要, 我落單時都已經講左走辣, 單都有寫, 老闆娘話係水吧整唔係廚房整, 我話無關係, 我唔明點解炆米粉要落辣，佢唔理我然後cut我線。我再打去老闆娘唔聽，但搵另一個電話打去佢又即聽喎，但變左一個男人聽電話 (應該係老細)。我好嬲咁話其實食物敏感可大可小，老細就鬧我有咩咁大件事。我話食物敏感係可以死人，然後老細就叫我去死。其實搞錯左同個客say sorry就得, 而唔係推卸責任仲要叫個客去死, 真係以後唔洗幫襯

服務員態度非常差，鬧顧客，都唔知係佢打開門口做生意定係我乞求佢比飯我食。食物質素亦都相當一般，就算係街坊小店，咁樣嘅水準都唔係好對得住顧客。我個人以後就唔會幫襯㗎啦，西環有其他更加好嘅選擇。The restaurant is a total waste of time and money. Service is non existent. Staff are rude and not helpful. The food is of a poor quality. I will not visit again - there are better choices in the area.

話說今日早餐叫咗個豬扒包餐，一打開個外賣盒，塊豬扒細到呢…我都唔係第一次叫啦，今次真係細到差啲搵唔到！打返去同老闆講，佢竟然話廚房點樣出品，佢唔知喎！我再重申，個餐$35（一個豬扒包+一杯熱飲）豬扒包塊豬扒真係好細塊！老闆：咁都冇辦法！係咁啦！我真係O晒咀🙄離晒譜！我哋話晒都幫襯咗幾年，對上一次叫外都係兩個星期前嘅事！今次個豬扒包，真係差到接受唔到😮‍💨贊記執咗之後，嘉興就獨市，仲越做越衰！

一入門口無職員帶位 唯有見空位自己行過去坐低，睇完餐牌示意叫職員落單 2,3個行過當睇唔到 明明無忙緊，第四個職員要舉手攔止先停低落單。叫左個是日精選肉燥雞扒飯，味道一般 汁味好淡好稀，食飯期間有幾隻蚊滋同烏蠅飛來飛去影響食慾，要自己撥走蚊蟲免得污染我午餐，食淨兩啖飯擺埋一邊無耐已經有蚊滋降落食我二手飯。門口寫有免費wifi供應但又唔公開貼係牆上面俾客人自由使用，特登問第一位職員攞密碼竟然話唔知。連職員都唔知咁客人又有咩可能會知？我唯有再問另一個先攞到個密碼。整體體驗好差！唔會再食

雖然係一間小店，侍應唔多一腳踢，但係都唔可能有一個顧客入左黎坐低15分鐘完全唔睬佢，叫過幾次話寫野，哦完之後繼續夢遊，到真係忍唔到要大聲呼喝，佢知道我著左，唯有走埋黎話以為另一個幫我，以為？你訓醒未？我叫五香肉丁麵你就覆我沙爹牛肉麵，搞我咁耐一句道歉都無，然後飄開繼續夢遊不過實在無辦法，朝早開咁早既餐廳確實唔多，但係你開得門做生意就唔該你訓醒先好開工，唔好要D客一早受氣除左服務，野食黎講還是唔錯，我早午晚都向度食過，真係得架wor，但係如果服務無改善，我相信我唔會再黎呢間餐廳希望老細好好珍惜你每一個客人

我叫左雙拼麵沙嗲牛肉+腸仔，黎到一開得2條腸，我就打去問老板話係我打錯左， 我就問會唔會你送下個外賣個陣就咁比番份沙嗲牛我但呢個係雙拼既價錢(姐係冇比少野我), 然後叫我將就下，真係比佢吹漲只要係老板落單必有出錯/佢會過成半個鐘先落單送外賣 要得成粒鐘呢次之後去落街食其他野都唔會叫嘉興了

喺門口研究咗一陣，見到佢都好多街坊幫襯，下午茶又夠抵食， 入去試試下午茶都有海南雞飯($39)，的確少見，落單嘅時候同老闆講唔要雞胸， 總共至少講咗兩次，最尾都係畀咗雞胸，其實如果唔要雞胸要加錢可以出聲，海南雞冇乜特別似貴妃雞焗豬扒意粉($39)，意粉上面擺件又嚡又乾嘅豬扒上面pat一pat醬拎入去焗迷你福建炒飯($39)其實都唔算迷你，都好大碟，但係個芡做得好差，一pat嘢咁，仲有好多鑊燶關於衛生方面，食食下嘢阿嬸喺隔離掃地，有人食緊飯最好唔好掃地唔係常識嚟㗎咩食飯變咗食塵掃完之後用勁大浸漂白水拖地，差啲連飯都噴埋出嚟，好聲好氣同佢講可唔可以等客人食完再拖地，但冇理過，其他檯嘅客人都要縮腳畀佢拖地

第一次打食評，睇得辛苦多多見諒我本身對食物既要求唔高，但今日喺嘉興落單到食成個過程真是好失望，我本身好小出街食飯，但因為疫情關係家人冇出去買餸，所以轉為食外賣，見到嘉興係屋企附近諗住試吓，一入到門口諗住落單，唔知嗰個係咪老闆娘，成個唔憂做既樣，講嘢又冇禮貌，我都算繼續落單，叫咗三個咖喱一個海南雞飯外賣拎走，我行返屋企嘅路程唔使3分鐘，我返到屋企一開我盒海南雞飯，先唔講味道，成個飯同埋雞都係凍，搞到我又要整返熱先食，啲雞基本上都係頭頭尾尾仲要唔多，用勁多酸菜浪起啲雞博好睇啲，想搵一夠多肉啲咬啖嘅都冇，菜心就勁大紮，啲飯仲要有黑色，講完個海南雞講埋我屋企人嘅咖喱，又係唔係好熱，一食落去剩係得個鹹字完全冇咖喱味，一啖咖喱直頭要食幾啖飯，雞扒豬扒又老咬落去好鞋，個魚柳好似落咗勁多麵粉咁樣，咬落去唔講都唔知食緊炸魚，都唔爭在講埋杯嘢飲，杯凍奶茶細杯都唔再講，仲要全部都係冰飲兩啖都冇，除咗出餐快我叫咗唔夠2分鐘就出到俾我，我都諗唔到呢間野仲有咩優點，我夠膽講就算全西環剩返呢間野我都唔會再幫襯，因為真係好惡劣，如果唔係我都唔會特登出post講，多謝各位睇完。

去嘉興餐廳食lunch，都好多人排隊，我都排隊排了一陣先有位置坐低，我就簡單叫左個豬扒雞翼飯，豬扒好薄身，煎得都唔系好香口，而且好幹身，無咩汁汁，口感唔系甘好，而雞翼就好味好多，雞翼煎得好靚，好多雞汁，而且好嫩滑，都唔錯噶，可以單點雞翼飯就挺好吃的。

今日是星期六放假的。不過，因為早前預約下午需要到堅尼地城工作加上又提前出門，所以很早便到了並且順便在這裡吃午飯。烈日當空行兩步滿頭大汗，於是就隨便選了「嘉興餐廳」坐下。在餐廳內，看來看去不知道侍應在那裡。我等了大約等五分鐘左右他們才過來替我落單。見午市套餐的都不錯，我就點了香矛豬扒雞翼飯，羅宋湯及熱奶茶。豬扒雞翼飯有豬扒，雞翼，椰菜及蔥花及白飯。豬扒是薄切新鮮煎起的。從形狀看來，很明顯是用切肉機切片的，好像凍肉店長條形的豬扒。食起來肉質比較老而韌，口感一般，味道淡而無味。雞翼是用香矛煎的。上枱時，仍然是熱辣辣的，而且是脹卜卜的。咬開會有雞肉汁流出來。食起來有濃烈香雞肉味及非常惹味。椰菜，食起來很爽口，沒有什麼味道也沒有椰菜鮮甜味。白飯，口感比較粗糙及嚡口。羅宋湯，有蕃茄，椰菜及紅蘿蔔等食材。味道濃郁得來好像落了罐頭羅宋湯。那種酸味酸得來有點濃烈並且有點澀，不過飲落就有少許蕃茄，椰菜及紅蘿蔔的鮮甜味道。熱奶茶，夠熱。紅茶及淡奶份量都符合一般比例，味道也不錯。總括而言，香矛豬排雞翼飯的豬排肉質，口感及味道一般。

<<身為香港大學學生，可能你會覺得午餐晚餐都好難搵食，食黎食去都個幾樣今日本畢業生就以個人經驗介紹番你周圍有咩好野食/伏喇>><<If you are one of the HKU students who thinks nothing can suit your starvation around Campus. Please pay some leisure time to study my dining experience collection. If you cannot read Chinese, Please simply watch the pictures, follow the overall rating , or find the local mates for translating my comments>>這倒是一間很平凡的茶餐廳丫，又少食評，裝修緊加唔係行高貴路線。西環既食物款式五花百門，茶餐廳也不算好多間選擇。晚飯時間，普普通通點個星洲炒米，估唔到有不少驚起。或者大家食既時候會覺得好普通，