嘉頓餐廳 (裝修中)

嘉頓是烘焙食品的製造商，因此用上麵包師的標誌，微笑的麵包師代表美食帶來的歡樂。嘉頓公司創立於一九二六年。八十多年來，嘉頓經歷了時代的動盪，社會的變遷和科技的演進。時至今日，嘉頓依然堅持品質至上、積極創新，與時並進。嘉頓公司是現時全港最大、最具規模及設備最先進的食品企業之一，無論在生產技術、品質、產量和市場發展方面，早已達至國際水平。現時數以千計的嘉頓食品之中，不少曾榮獲國際及地區性美食獎項，優越質素不言而喻。大家知唔知嘉頓的名字是怎樣呢? 當時還是小伙子的創辦人張子芳先生及其表兄黃華岳先生，在下班後，於香港動植物公園傾談開麵包店的計劃，因此便以"Garden" 命名，「嘉頓」這家傳戶曉的名字就在此時誕生了。入返正題先，呢間嘉頓烘焙中心可以話係伴我成長，由細到大搭車已經成日經過，餐廳位於嘉頓大廈閣樓，佢地既麵包工場一早已經搬左去第2到，呢度依家只係用黎做office。呢到既地舖有展覽推廣廳，果到除左有嘉頓既PRODUCTS賣之外，仲有一間小小既CAFE，今日上去閣樓餐廳食飯時都有入去參觀。呢到一個午餐最平要75蚊，平日唔洗加一，星期六日先要，呢個價錢其實係呢區黎講已經算係貴，但係環境服務

蘿拔妹被調到深水埗短短的一個月，試過的餐廳還不算多，但嘉頓肯定是令我印象最深刻的一間！話說同事今天去“食好d”，所以就帶我來到這裡吃個西式午餐。原來是坐落于嘉頓大廈的餐廳，感覺像員工canteen，但又好像高級少少，總之就是怪怪的。被安排到廁所門口的位置，幸好也隔真正廁所門一小段距離，不然真的沒有胃口。Menu的選擇超多，中西式都有，而所謂行政午餐價錢由70多至130多元不等。是日蘿拔妹不想吃肉，而且相信這裡出品的牛扒應該都不會太好吃，所以就點了個蘑菇意大利飯啦。羅宋湯質地非常稀，而且味道不濃，番茄味和酸味都不夠，幸好還有些紅蘿蔔野菜可以吃吧。好像很多茶餐廳的羅宋湯比這個質素高得多。餐包餐包是超普通的款式，雖然有芝麻和番茄乾兩種，但味道還是超濃粉味，不是麵粉香，而是生麵粉的味道。而且溫度只是微暖，只為果腹還可。Mushroom Risotto主菜意大利飯presentation超差，顏色陰沉還有兩條很奇怪的菜在上面。Risotto是有口感的，每一粒都很chewy。醬汁很濃稠但又不是濃cream或者菇的味道，總之就是鹹鹹地啦。菇粒沒有什麼味道但都算爽口。這碟勉強都可以吃得完。甜品很甜的假

話說我地一行4人 住咁耐深水埗都冇聽聞過依間餐廳，見評分ok 就去試下。(雖然貴貴地)一去到， 佢地好似會所形式咁，有人坐起度開門鎖， 以為都ok wor, 點知一上去就係惡夢ge開始一轉上樓梯， 條走廊黑漆漆 真係連入口係邊都唔知，入到去d setting 應該係職員餐廳咁，即你冇設計可言⋯本以為食物ok 就得啦⋯ 點知貌相已經唔得，食落知味仲差⋯ 先講佢個所謂意大利飯（$138），佢係用普通飯煮再打個汁就京當係意大利飯，我食個西炒飯都好過佢⋯再講佢個西冷（～$200），一早煎定，勁乾，幾成熟都冇得揀仲有個墨汁意粉（～$138）， 成個三絲炒粉咁， 一大堆頭⋯價錢我唔太記得清楚， 有多冇少， 埋單$6百幾， 但仲慘過我食m記⋯連相都唔想影張

黑松露醬斑片拼蝦球炒墨汁意粉套餐白湯中有素翅，紅蘿蔔及火腿絲，有些橙色油在湯面，待應說是蝦油，但沒什麼味道，而湯的味道都是嘛嘛。餐包是一片法國包，頗硬脆，雖然有蒜蓉及香草，但竟然沒什麼味道！炒墨汁意粉賣相唔錯，意粉拌有彩椒及洋葱絲，有薄薄的炸蓮藕片，味道似炸薯片味，炒意粉不太油，但味道真是太一般，似普通餐廳水準，沒有黑松露及墨汁味，連菌味也沒，只有輕微的蒜頭味及一點香口，整體味道只是似普通炒意粉。中蝦有4粒，斑片約3薄片，味道及質素都可以。跟着是甜品及餐茶，同上次的甜品一樣，是一碟件兩件蛋糕，面層是奶凍，還有酸甜甜果漿，這甜品是最好味的一道菜，試了二次食物味道都是一般，但價錢又不是一般餐廳價錢，所以我都不會再來。

之前已經想試，但walk in無位，只好等下次訂檯再食！事隔一個月多，訂好檯，一行四人試試嘉頓除了麵包，還有什麼！上到餐廳，裝修很懷舊，開放坐位不多，只有十多張四人檯，難怪沒有walk in 客！晩餐價錢中上，依今時今日的香港物價，可以接受！同行兩位友人叫了，虎蝦意大利飯，佢哋反映偏淡,飯較硬,蝦over cook我叫了芝士焗豬扒飯，味道可以，豬扒大塊但是薄身，沒有驚喜老公叫了墨汁意粉，味道尚可，但係有d炒麵feel ,不過失啦至於服務方面，我哋book 7:30, 但8點九左右，侍應已經不斷揾碟收，好似要趕客咁咁，水又不再添，到了9點過d仲有侍應走嚟話截單，要先埋單，但餐牌明明寫住last order 2130喎，不過我哋無打算加單，所以先埋都問題唔大，但到9點半過d有個侍應喺未走嗰幾檯客人附近要大力咁放d餐具，在我聽來好似發脾氣加趕客，所以我哋都識趣走人，但其實營業時間係到11:00囉其實，喺食物加上價錢方面，我都唔打算有下次，但加上侍應們趕客態度，我會叫朋友都唔好幫襯！

Booking in advance is recommended because of 10% discount off. Also, receptionist will say fully booked if you just walk in at dinner.Main dish was black truffle Portobello ravioli with tomato ($98)The soup was leek and potato cream soup which was not salty enough and no leek can be tasted. The appearance of bread was attractive but garlic flavor was not quite enough. It was crispy outside and soft inside.As for the main dish, there was pink tomato sauce which was a bit creamy and sour. This rav

無意地從 blog 介紹這裡, 又在深水埗電腦城附近,抱著好奇即管去試試看～話晒用“嘉頓麵包”牌頭 到了餐廳 .....環境很闊落,枱與枱的走廊很寬,裝修並不華麗,格局似“愛回家”中的員工餐廳.晚餐(意粉)有五款 行政套餐 (扒餐)亦有多款, 我選了松露醬炒墨魚意粉， 另一半選了三文魚白汁扁意粉. 點餐後 餐湯隨即送上, 蒜蓉法包烤得好好味！好,說說主食：墨魚意粉：整體味道不錯，只是松露味不夠特出, olive oil 味較重；麵炒得洽好,不太乾不太濕三文魚扁意粉：三文魚是煙薰三文魚,淨吃頗咸,幸好白汁意粉味道略淡,味道有所平衡.白汁濕度也剛好.侍應生皆為中年人士, 態度很好,也細心.

細個果陣已經聽過有呢間餐廳，但係咁多年都無緣試過係度食野！上星期朋友仔生日，突然想起這店，於是訂左位去試下『新』野。餐廳位於二樓，行上去 d 燈光好柔和（其實都幾暗下），上到去其實客人唔多，不過預早訂位可免加一服務費，所以都訂左位先！桌椅位置好寬鬆，所以坐得幾舒服，而客人們都好自律，無大聲講話，店內會播放一些英文歌，桌上還都點了蠟燭；裝修方面，感覺上好似去左粵語片時代既餐廳咁，感覺上還滿有情調似的！價錢方面，和其他地方，一般吃西餐的店比較，其實不是太貴，一個意大利飯 / 意粉之類的 Set Dinner 大約係百多元左右，由於是朋友仔生日，我跟我朋友仔叫左西冷扒和肉眼扒，分別叫作了五成和六成熟，價錢都是二百多元左右！在深水埗這區，其實都算係貴了一些！第一樣送上來的是餐飽和湯（當然是這兩樣吧！），飽是蒜蓉包，味道唔錯，還是感到剛焗過的溫熱感和仍是有脆口的感覺，湯方面叫了兩個白湯，感覺一般。跟著是主菜，沒有下汁料到扒上面，只有一些伴碟的面蘭花和一個炸薯蓉波，我感覺上兩份扒都比預計的熟了點，大約在六成和七成熟吧！砌開來看，仍有少許血水，還滿意的，入口時，意外的好吃，西冷的味道就像鎖在扒裡頭，

一間唔起眼既餐廳環境幾清靜下午茶餐選擇唔多，但總有一樣會吸引到(我有幾種都想試下)上餐做形簡單得黎又靚，I like it味道，我食個豬肉餡餅一般，下次要試下牛肉，另外個漢堡好味好有香草味又唔會dry(總之揀佢啦)餐飲好一般，但如果係奶茶愛好者就點其他野飲比較好

媽說我們仨從前常在嘉頓前面的三角花園乘涼，爸媽也曾到嘉頓餐廳撑抬腳。今天舊地重遊，祇是我們仨不再是從前的那仨。餐廳在閣樓，樓底較矮，祇有在近門處有一扇窗，但地方寬敞，燈火通明，四處掛着油畫，一邊牆拉了布在製作飲品，另一角似是舞池，都是有心思的拼湊，氣氛典雅懷舊，似正在排話劇，黑白制服的侍應和客人們靜靜的在合演一塲盛宴。今天是平安夜，吃好一點，不叫 set lunch，三份都是百多元的executive lunch:餐湯羅宋湯名不虛傳，椰菜薯仔西芹洋葱番茄盛滿一碗，料足味濃，絕不馬虎。忌廉湯卻有點古怪，淡紅色，杰撻，味道無以名狀。麵包嘉頓賣麵包，無可能包不行，送來的bread basket 有三個分別是plain，香草和合桃的小巧雅緻，新鮮熱辣的包，可惜牛油不見了，家人太餓，牛油送上時，包已吃了半。每枱本已放了牛油，惟我們枱缺了，祇要細心點牛油應早已補上。炭燒牛柳配磨菇汁牛柳有手心大有寸半厚，眞的有炭燒香，肉質很軟，很有肉味和jucy，即使有一份overdone 了，差不多全熟了，竟也一點不靭，汁是鮮磨菇做的，伴碟是蒜和牛油炒的西蘭花，青紅椒和薯角，要特別讚是薯角，不是行貨，細細粒煎得

「嘉頓」這間香港麵包老字號，相信沒有多少土生土長的香港人未吃過吧？無論是經典的「生命麵包」，還是雪芳蛋糕、小牛蛋，相信都曾經是不少人的早餐之選。至於「嘉頓」的廚師嘜頭，對自己來說，更是一望而知，甚為親切，堪稱經典中的經典。但自己想不到的是，原來「嘉頓」不止有麵包餅乾等食品賣，還開了一間「嘉頓餐廳」，地點就在青山道的嘉頓總辦事處附近。餐廳位於二樓，地下的門口其實不太容易為人注意到，但沿著樓梯拾級而上，便能找到這間環境清靜，客人也不太多的餐廳。餐廳裝修雖然實而不華，也有一些繪畫、雕塑等作為裝飾。這日餐廳的常餐有兩款，我吃的其中一款是「菠菜芝士龍利蝦球蟹柳忌廉汁焗飯」，名字挺長的。其實名字何須這樣冗長呢？簡簡單單的叫做「菠菜芝士忌廉汁焗海鮮飯」不就可以了嗎？不過這樣長的名字都有樣好，就是可以讓人一看便知道這焗飯有齊魚蝦蟹，讓人知道有甚麼海鮮呢！至於味道，這焗飯的味道可是挺不錯的，菠菜芝士忌廉汁的味道和濃稠度適中，不會讓人感到太膩，龍利魚柳、蝦球和蟹柳雖不是甚麼名貴海鮮，只要味道夠好，已可以了。這常餐另一值得讚的地方是餐包。「嘉頓」不愧是「嘉頓」，這裡的餐包的確是水準之作，無論是芝麻包還是粟籽

之前係openrice見到先至知原來嘉頓原來係有餐廳，一路都想試下，但始終唔得閒今次同男朋友買完電腦周圍搵野食，本身諗住是但搵間野食就算，行行下點知見到嘉頓，所以就決定入去食啦!佢個門口好似d寫字樓咁，如果唔係睇過OR，都唔會知原來入面有餐廳，餐廳就係正門入去行在邊條樓梯上去就見到。一上到去我同男朋友都呆左，成間野竟然一個客都冇，我地就照入去啦。我地果陣係下午茶時段，D員工已經為晚飯時段set定枱。我叫左芝士香草漢堡牛肉芝麻風車包配薯條($38)包埋凍/熱飲品，男朋友就叫左個羊肉飛碟餐($40)。等左一陣就有得食啦~(可能因為得我地一枱客既關係xd)賣相唔係話特別吸引(唔記得影相添)但食落係估唔到咁好味!先講塊包，一咬落去係聽到好脆卜卜既聲，跟住落黎就係塊漢堡扒，真係成吋咁厚(冇誇張成份)好有口感好滿足既感覺，而且好濃郁既肉汁味，再配埋好新鮮既生菜蕃茄，正!d薯條都係脆卜卜架，可惜既就係佢係幼薯如果係粗薯一定更加好味!!食一份已經好飽~男朋友果份飛碟份量就細左d啦，岩岩好填到個肚估唔到一間隱世餐廳既水準都會咁好，不過如果遲d越來越多人食既話唔知水準仲維唔維持到呢?我要係多人之前食多幾次

提起嘉頓大家只會想起麵包，或是紅白藍格仔的生命麵包，大家好像從來不知道嘉頓竟然有一間餐廳的，設計地址正正就是嘉頓的深水埗總部。以前細細個行過嘉頓你唔會發現佢有間餐廳係入面, 因為出面係完全無任何招牌話比你知呢度有一間餐廳 , 即使有你都會以為只係比員工使用的，怎可能會開放給公眾呢? 這個答案直至我在吃完這次晚飯為止都以為是正確。因為怕真的要做會員先會可以去吃，又看到網上這麼多好評，的確是想去試一試, 特別是他的焗製食物更加有興趣, 因為始終嘉頓最好的就是焗的麵包，所以焗的水準一定會有。 於是打電話去訂座，幸好都有，而且下午五時前訂位是有九折的(即免加一)。 好了, 今晚終於去試了，用一個比較戰戰競競的心情去看，在其他門口都關上大閘, 僅有一個自動門仍然有燈光，於是入去便說去吃飯。有個像酒樓阿姐問有沒有訂位, 我說有!行了上一層樓梯覺得好驚, 因為成個場係黑暗的, 我以為係未開個種.... 點知在昏暗的燈光下有一個女侍應出來接應我們! 原來今晚是CANDLE DINNER。環境相當幽靜，好像到了圖書館那樣。只開了半個場左右，即十多張檯，在檯旁邊是一個類似舞池的東西，整個氣氛突然返回了八十

這個星期六相約少女A 到深水埗青山道58號的嘉頓餐廳, 之前來過一次食下午茶餐,不過不失啦, 當天因為打風所以穿上拖鞋就跟太座出去了,當我們到達門口時, 門口那個穿制服的護衛員突然跟我講”對不起, 穿拖鞋不能內進” 自己從來沒有意識到在這區內西餐廳有Dress code的, 但我並沒有O咀或者跟他爭拗, 因為返屋企換對鞋並不太難, 由於住得近的緣故, 換對鞋再回到去餐廳的時候, 少女A跟我講: 我未算瘀,她也好不到那裡去了, 因為她是手執住一隻在快餐店買的果汁進入了場地, 被店方話那隻白底橙紅色花的外賣杯不能放於枱面, 一絲不苟的管理態度係應該的,因為這種專業精神早被強國人的無理取鬧衝擊得血肉模糊, 有在嘜記食飯盒的, 也有在鬧市大X樂大嚼榴槤的, 應有盡有各色其色, 在此並非要挑起什麼中港矛盾, 只是文化差異太大,越講越遠了, 講回這裡-嘉頓賣的餐,少女A 同太座都是要了奇異果汁龍利魚柳跟意粉$69, 是日餐飽係白雪公主般的芝麻小餐飽, 味道一般只係顏色有點怪, 太過白會以為個飽未烤過咁,她們要了西蘭花忌廉湯, 淺綠色的稀釋漿糊狀, 唔捨得落忌廉的忌廉湯是也, 主菜評語是個汁除咗有個

大家可能以為深水埗無咩好地方可以靜靜地坐低食野，但係其實呢間「嘉頓餐廳」真係幾出名架，就係因為本人爸爸好懷念呢個區，旨因帶俾佢唔少童年回憶，所以就揀左係爸爸節呢一日帶佢黎食野啦。餐廳位於嘉頓大廈閣樓，佢地既麵包工場一早已經搬左去國內，呢度依家只係用黎做office。雖然係父親節，但係都無特別MENU，價錢同平時一樣，不過就好多人黎，好彩有BOOK位，如果唔係就要走架啦。餐牌有2個價錢，$69同$116，$69既餐只有2款，牛仔骨同鴨胸。可惜我兩樣都唔食，唯有揀個貴既$116同家人SHARE啦。羅宋湯︰非常好，值得一讚，夠蕃茄味之餘仲夠濃。麵飽︰好新鮮，非常鬆軟，面包既香草同牛油混合埋一齊之後放入口更加令到佢既田園味道更出。香煎原條龍脷魚配他他汁︰呢味菜非常之特別，初初仲以為係好似外國果D FISH & CHIPS咁，但原來係成條魚用黎煎。幾好呀，唔算太油，唔會好熱氣。不過條魚比較多骨，食得耐會好累。不過如果同其他人SHARE既都OK。甜品: 返到屋企先知原來個餐有甜品，可惜餐廳忙著SERVE其他客人忘記左。咖啡: 還可以的。一句講晒，呢到既野真係平、靚、正!!!