嘉麗園潮州粉麵餐廳

營業中

休息中

今日同老公去元朗搵食，好耐冇入元朗了，元朗其實有好多出名的老鋪，嘉麗園是其中的一間，老式潮州粉麵檔，富有香港特色，麵檔招牌由牌匾組成，好有氣派十足的感覺我地來到時已是中午時分，門口有好多人等位，大約都系等了6分鐘到，麵檔坐位比較逼夾，好多人都系食完就走人，流動性比較大，所以都吾會等好耐先有位。今次叫了崩沙腩加牛肺粗麵湯底濃郁，加上香口的金銀蒜，麵質彈牙，崩沙腩豐盈有道，肥瘦適中，牛肺爽口，口感一流

老豆介紹帶我去食靚牛腩，人不算多，有位不用等，老豆食崩沙腩河，我多口問下有乜靚，肥腩、崩沙同坑腩，試下坑腩，肥腩周圍都有得食湯底好濃味牛腩帶少肥不會太韌、太實，沒有食煲湯豬肉感覺整體都算好食😋停車泊位有點不方便

再次光顧牛魔王一樣咁好食😋崩沙腩無走樣👍肥得黎有口感、夠味、不會太淋湯底夠味👏2個人食3碗差D湯都飲埋🤣每次必食推介$68碗！手打牛丸今次食就不夠爽，但配上紫菜湯分數一樣拉高合格冬檸檬茶～茶味ok，隻杯就真係有點細隻，唔知賣幾錢杯？下次睇吓都好好食不問價錢下星期再去😋

元朗真係好多嘢食，吸引左唔少城市人入嚟食嘢呢間老字號嘅嘉麗園我今日又來食過，記得對上一次你已經係上年了今日見疫情好返啲所以就即刻要來食出面天氣太熱加返塊膠，唔會令冷氣流出腐乳通菜$22😊腐乳味非常濃郁😁菜又夠新鮮😍爽口😂冇得頂😀豆漿只係$5一杯熱辣辣嘅天氣飲一啖凍冰冰嘅豆漿一流崩沙腩真係好正超級入味而且好林又夠牛肉味真係冇得輸加埋濃郁嘅湯底配腩汁同米粉簡直係完美,米粉上面再配一些蔥花叫咗碟魚皮魚皮$30 非常厚身比出邊嘅炸魚皮較為硬但係口感一流將魚皮浸落啲湯度非常嘢未

座落元朗舊區的老麵家。提供牛的特別部位選擇，有坑腩爽腩基本選擇，仲有少有的沙瓜及牛鞭牛開心牛春袋牛子...環境.....以為入咗廟街啲老舞廳🤦🏽‍♂️大紅，週圍大圓燈泡，播住啲唔知乜方言的大媽歌...入去要好有心理準備由於過唔到心理關口，所以淨係試左沙瓜😅湯底非常濃沃，好深色，喝後非常口乾，應該落左大量調味🤔我覺得佢做多咗....沙瓜煮得好好，完全將佢最佳狀態表現出來👍🏽河粉用上老麵家常用的幼身軟河粉，呢隻河粉比較散碎，唔係個個中意（包括我），但要做到索湯效果它是不二之選👍🏽

每次經過都坐滿人，住元朗咁耐都未黎食過，是日三點鐘經過見有枱，又未食晏不如試下佢。坐低叫碗牛腩米，阿姐問要平定貴，原來有分唔同部位嘅牛腩，見阿姐係咁推介貴腩，在場其他食客又二話不說叫貴腩麵，咁就試下貴腩啦。咁後叫左牛腩米，腐乳通菜同一杯五花茶。牛腩米個賣相又幾靚，估唔到食呢啲傳統野都可以打卡，哈哈。多蒜多蔥正啊，唔食嘅記得同阿姐落單就好講，因為呢度出餐超快，落完單一分鐘內已經齊晒所有食物，超有效率！牛腩軟腍入味，層肥層瘦口感極佳，入口即化完全無渣，真係食過咁耐最好味嘅牛腩，叫得貴腩果然無失望。米粉吸左腩汁好正，連湯食仲有滿滿嘅蒜香。腐乳通菜條條翠綠又嫩滑，濃郁腐乳香好正，用上腩汁淥菜係好味嘅，不過食到尾有啲油膩。五花茶冰凍解渴，茶香不過甜，夏天飲一流。除左牛腩，嘉麗園呢度仲有唔少其他牛部位食，有款叫十寶麵嘅幾吸引喎，下次試下先。

終於有時間去試牛魔王之稱，疫情下人不少不用等位，崩沙腩河$65-68，可以接受，上枱睇見湯底濃，試吓啖湯不咸崩沙腩帶肥爽口、腩肉嫩牛丸有牛味爽口墨魚丸爽口帶鮮味呢餐下午茶有93分以上凍檸檬茶都合格

元朗嘉麗園係一間好耐歷史嘅麵檔，最出名係牛腩，今次重遊夠地，睇吓有冇以前嘅感覺比返我。一坐低就即刻叫返一個我平時食開嘅牛坑腩河粉。肉質嫩滑，牛肉味非常之濃，熱辣辣嘅湯底，加埋好多芫荽蔥，食到好多回憶。腐乳通菜：平時食就食得多，但係未食過係有咁多醬，菜本身好新鮮，好軟熟，熟嘅程度剛剛好，濃濃嘅腐乳味，配上一齊食非常可口。不得不提依個辣椒油，夠香口，辣到適中，唔會苦澀，食得出係自己整嘅。習慣咗食湯河粉要配一支冰凍嘅可樂，今日都唔例外，樽裝其實真係好飲過罐裝。

入到黎元朗梗係要搵啲老字號嘅鋪頭食，出名用了夠新鮮又唔加味精，當然係呢間嘉麗園正宗潮州佬主理嘅，人云亦云，今日真正親身來品嚐，行到入鋪頭好有懷舊嘅feel佈置都比一般嘅粉面特別，右邊見到啲廚師非常整潔，帶晒口罩令我食得放心，左邊仲有好新鮮嘅即磨豆漿，未坐低已經好想試吓見到有個大螢幕不過職員話今日冇開平時都會開着供給顧客欣賞實在太多野選擇，好想食呢個新鮮牛展，但是我的胃胃不大，只可今日試着一款先叫咗杯凍冰冰嘅豆漿甜度一般，有好香嘅豆味入口香甜，夠滑滿意淨墨魚丸加紫菜食到一粒粒嘅墨魚粒非常爽口又夠彈牙🤟🏻份量都非常充足😌食飽飽之後外賣碗牛腩米，❤️返去試試了，半肥瘦嘅牛腩😌非常彈牙份量好充足😀食落一啲都唔鞋口，呢個崩沙藍果然係好正🥺入口溶化😁肉味濃郁，湯底夠晒龍加埋啲腩汁配米粉😄簡直係絕配👍🏻夠晒入味好又夠林，好夠牛味

嘉麗園係元朗由小食到大嘅其中一間老字號朋友們今日一場黎到當然帶佢地黎食下啦呢到嘅款式多不勝數最出名莫過於牛腩、牛雜，你估唔到嘅部位都有！其次係丸類...我當然叫左牛腩河，有冰鮮牛同新鮮牛嘅選擇，今次叫左冰鮮牛，肉質依然爽口另外，我地叫左一碗牛雜一齊品嘗當中有金錢肚、牛膀、牛肺、牛草肚等等...每款都索哂腩汁精華入味得很，而且份量又多腐乳通菜一大pat嘅腐乳醬鋪面，底下仲有腩汁，非常惹味食左咁多野，一人都係幾十蚊

元朗周街都係粉面檔，但果日行過發現依間裝修好有特色，有好濃厚嘅傳統潮汕氣氛，入面亦都人頭湧湧，就被吸引左入去試下。依度主打各式各樣嘅潮汕食物，有好多選擇，個menu睇到眼花撩亂，後來係職員嘅介紹下試左爽滑邊腩河。平時牛腩就食得多，邊腩都係第一次。邊腩其實就係最靠近牛肚嘅部分，所以會有一層比較爽口嘅組織，同平時牛腩啖啖肉嘅食法好唔同，都幾特別。再加上依度嘅湯底真係俾足料，好濃郁，所以成碗粉食落都好野味。胃食嘅我都係忍唔住加左碗紫菜湯。仲試左豬大腸，好耐未食過。炸得啱啱好，咬落去層皮好脆，值得一試。

在香港的粉面店非常多，由細食到大，基本上都係食嗰啲嘢，但係今次見到有一間好有霸氣嘅裝修潮州粉麵店，人山人海，忍唔住試試。這次當然要食啲特色野，其他店舖好少見的食物，店員介紹崩沙牛腩，我叫咗河粉，首先湯底是非常入味的，這個對河粉很重要，至於半肥瘦的牛腩，食落一啲都唔鞋，應該係牛的某些部位，有些彈牙，不是純粹牛腩咁簡單，分量亦都好足夠，睇見都好想食嗰種！另外再叫左咋豬大腸，比街邊小吃好食得多，切好一片片，炸得好均勻，好易放落口，唔會全部都係肥膏，好脆口，好味！最後一杯熱奶茶作結，合格有餘，一定係用黑白奶。裝修真係好有特色，好落本錢，有好多中式傳統設計，這個環境食牛腩在香港可一不可再，哈！

重溫🧒🏻兒時嘅味道，爸爸媽媽响我細路仔嘅時候已經帶我嚟食🥰味道真係一啲都冇變到👍🏻👍🏻👍🏻元朗的味道😚😚😚~招牌牛雜湯河粉配熱奶茶☕️推介招牌牛雜湯河粉-河粉嫩滑-牛雜只有他們家才是這種味道😋😋😋定係我嘅情意結呢🤨~熱奶茶☕️（有夠香滑）係長大成人先飲嘅😝😝

今日同朋友仔們入左元朗🚙其中一站係黎元朗老字號嘉麗園😁呢到嘅餐牌有多不勝數嘅粉麵款式🤗一場黎到緊係叫一碗牛雜試啦🐮牛雜（小）我地叫左走腸🙅🏻‍♀️所以當中有牛膀、牛肺、金錢肚、牛草肚每一款都非常入味😌最中意牛膀😊爽得黎又夠滑雖然叫左小碗😆但都非常之多🤪我地3個人都係剛剛好食哂😝仲幾飽添我地一人碗粉麵🍜由於小妹最中意食墨魚丸🍢叫左墨丸米呢到嘅墨丸非常出色😃彈牙得很仲食到粒粒墨魚肉

今天和老婆在元朗行街，有間好出名專食牛的餐廳，任何時候，都十分多人，今日專程來食牛入到店舖，這裡光線充足，有很多枱，一次過可以招呼大量客人細看一下餐牌有很多選擇，每款我都很想試，但今天很想吃牛肉淨邊腩，你睇吓油脂和肉分明，一層一層分報均勻，望到都流晒口水很清晰望到他的肉質紋理，而牛肉表面黏附肉汁，忍唔住，一口咬落去，不得了肉質鮮嫩多汁，很林，肉味香濃，牛肉味很出而這個六寶河也不錯，豬肉丸，墨魚丸都是自己制，十分彈牙.河粉滑溜腐乳通菜，加了腩汁不得了