嘉麗園潮州粉麵餐廳

營業中

休息中

這間嘉麗園在元朗很有名氣，記憶中好似上過電視，最出名就係牛丸，今日難得過來，必定要去試一試。先望望個餐牌，全部都是潮州粉麵，由潮州三寶開始，到足料十寶，價錢都不過是四十多至六十多元，可因應個人的食量和喜好選擇。足料十味寶淨食有鮮蝦雲吞、水餃、魚皮扎、魚皮餃、手打牛丸、鮮打豬肉冬菇丸、墨魚丸、牛筋丸、魚蛋及豬肉丸，十款材料十分豐富。雲吞及水餃裏面的蝦肉新鮮彈牙。手打丸類入口超彈又多汁，果然牛丸係超班，加上個紫菜湯，清甜不會搶了丸的味道。

牛歡喜、牛開心、牛子、牛鞭等等，你食過未？我就未食過啦，呢間喺元朗嘅老店眾所周知有呢啲冷門嘅食物可以試，掙扎左好耐，終於的起心肝利是啦！環境環境好復古懷舊，係好傳統嘅中式設計，以紅色為主，望上天花板有好多吊風扇，別有一番風味。餐牌以為得普通粉麵食，點知原來有好多款式，丸類都超過10款，鍾意食粉麵嘅嚟到就大把選擇。潮洲全套腩汁十寶 $65 一心嚟試牛歡喜、牛開心，點知今日冇！唯有食其他，呢碗十寶包括：香滑肉膀、黃牛仔肉肺、爽脆沙瓜、鮮甜竹腸、爽滑大腸、金香粉腸、老黃牛草肚、新鮮金錢肚、燒焗牛孖筋及原汁牛腩。牛出名，呢款就可以一碗試到10款唔同嘅牛部位，每款有一至兩件，由於本身我都唔算太食牛內臟，淨係識分牛腩、金錢肚、牛孖筋同埋大腸，食落去味道都正常，牛味唔算特別突出，但勝在唔會好韌，如果鍾意食牛內臟的話，呢碗啱晒你。至於湯底，牛味都幾突出，不油膩，食完冇口乾。潮洲八寶 $58 手打魚蛋、手打牛丸、泰式扎肉片、潮式酵肉片、黑椒牛筋丸、普寧豬肉丸、潮洲墨魚丸、家鄉豬肉冬菇丸及野生紫茶。由於另一半想試牛丸，呢碗就一次過試到好多款不同的丸類。湯底又同「潮洲全套腩汁十寶」唔同，因為冇腩汁，清得來又

疫情陰霾下嘅禮拜日，元朗唔見得少人咗，可能大家見悶都係要出吓街，避人避到冇晒力，見呢間粉麵店好大間吓，應該係元朗必食，所以走入去食碗麵先話就話冬天未完，咁好太陽，熱到出晒汗，一杯豆漿有如甘露，唔會起渣，好順滑呢個時候最緊要身體健康，食肉獸都要轉吓口，食菜先，不過佢啲生菜幾爽口鮮甜，一個人都食得晒嚟到唔知佢招牌係咩𠻹，費事煩喇，整個腩雜十寶麵，大胃全部都要佢用較薄嘅河粉，較易吸收牛湯同蒜油嘅精華十寶之中，大胃鍾情牛肺、牛筋，同埋牛腸口感同味道都好獨特呢間好易認，成間紅噹噹就係喇

開咗喺元朗好多年嘅嘉麗園，都有一段時間冇黎😬對上果次已經係三年前🤣果然保持到佢嘅水準👍🏻而且人流都相當多😍依家係下午茶時段都有咁多人👍🏻的確係獨一無二嘅老店😋最具人氣嘅又有牛肚，牛鞭，牛波子，牛開心😆呢間粉面係由潮州人主理嘅，仲要每日新鮮手打各款嘅丸類🤩叫咗一碗正牛腩局崩沙腩，$165入口軟熟🤤肥美🤤非常軟身😁感覺好正😋有好濃郁嘅牛肉味道👍🏻而且仲有好重嘅骨膠原質感🤤又夠軟滑😉墨魚丸真係好好食，又爽口，彈牙😍仲要食到墨魚粒同埋馬蹄粒😋另外魚皮餃嘅外皮厚薄適中咬落仲有好濃郁嘅魚香味雲吞入面有鮮蝦，魚皮餃有好大隻皮薄餡靚，加埋紫菜作為配菜一流而且仲有蔥花同香蒜聽聞湯底是秘製的令到全碗麵都超級好味

在元朗長大的大, 無人不知元朗的老字號粉麵店嘉麗園, 它不是一般吃牛腩的粉麵店, 特別的是它有很多牛的刁鑽部分, 適合喜歡新奇的朋友。豆漿$7自家制的豆漿, 有豆香, 甜度也適中, 大大杯, 抵飲。潮州全套腩什十寶$65一次過十種材料, 適合心多多的我, 更心多的是, 還要再加駞名的墨魚丸, 十一款東西啊。墨丸細細粒但墨魚味突出, 也有墨魚粒粒, 值得一吃。牛十寶包括: 肉膀、肉肺、沙瓜、竹腸、大腸、粉腸、牛草肚、金錢肚、牛孖筋、牛腩, 牛腩未算炆得太淋, 我最欣賞是有不同款式的牛肚, 牛筋也煮得淋和入味, 而有一件像軟骨爽口的東西, 也很特別。湯底方面是濃郁的腩湯, 味道比較濃味。泰國通菜$22很細嫩的通菜, 有挑選過, 高質, 無一點渣, 份量也蠻足夠的, 配上腐乳味道比較咸, 喜歡清淡的朋友可以叫少醬。姐姐招呼都幾好, 靚女前靚女後, 又主動幫客人落單, 有著服務街坊的親切感。

去了流浮山買海味，之後過去元朗食下午茶，求其入了間潮式粉麵店，望下poster，原來呢度係上過報章雜誌，咁都比我入左間好野，真係好彩。阿姐推薦既崩沙腩，果然係好正，入口鬆化無渣，肉味濃郁，帶點牛筋。炸魚皮唔係出面食個d，而係用門鱔連骨一起炸至金黃香脆，入口較平時的硬，但口感較佳。最後加多個三拼炸雲吞魚蛋春卷，魚蛋皮彈肉爽，有魚肉香味，雲吞裏面大大隻蝦肉，春卷就比前兩者遜色，唔太特別。無論牛腩定魚蛋都好高質，下次有機會再試埋個牛丸同墨丸。

一提到元朗的麵店嘉麗園，相信老一輩，也是非常之熟悉這間店舖。不少新界的居民，也會不時到店中吃一碗由正宗潮州人主理的粉面，每當飯市的時間，都會坐無虛席。⠀⠀⠀=|| 環境 || =店內裝修，完完全全演繹傳統老香港的味道。因為油膩的枱子配上冰冰的鐵櫈，加上門口開放式的粉面檔，讓人想起王家衞鏡頭中的老香港。⠀⠀⠀=| 食物 |=菜單有非常多選擇，身為選擇困難症病患者的我，看了五分鐘也未能決定。最後直接點黑椒牛筋丸及豬肉丸配米粉。⠀⠀⠀不消5分鐘，湯粉已經上枱。湯水中鋪滿一層厚油，碗內由米粉托著數顆肉丸。⠀⠀⠀🐖普寧豬肉丸豬肉丸夠爽口多汁，雙拼（單拼加10蚊）有3粒的份量。⠀⠀⠀🐂黑椒牛筋丸下次可以不用點了。黑椒不夠辣，筋丸不夠筋，肉味一般。⠀⠀⠀❣️但兩種丸的口感都是非常彈牙，可以嚐到手打肉丸的口感，茶包都是一口吃一顆(˶‾᷄ ⁻̫ ‾᷅˵)因為碗中還有很多啊😚不怕會吃到一半就無餸啊！只可惜牛筋丸的品類有小小失望，但整體而言，都值得再回訪的店！（因為單品也太多了，值得再訪一次）⠀⠀⠀💔整頓飯最大問題就是湯粉的中油太夠多，有種在吃傳統過橋米線般油膩感的體驗。雖然有芹菜，青蔥灑在上面，但是也拯救不了整個

每次到元朗探朋友一定要去嘉麗園食碗潮州粉，它的味道確實是獨一無二，我媽媽已經吃了幾十年，這元朗老店，室內裝潢極具元朗文化特色，最具人氣的有牛雜、牛腩、牛肚、牛鞭、牛波子、牛開心⋯⋯特別的部位留給重口味的人。嘉麗園 第二出色的是他的辣椒油，炒得很香，由潮洲人主理的，又怎可以少每日新鮮手打的各款式丸類，手工餃亦相當有名氣！ 《足料十味寶》$65 老字號的阿姐果然有霸氣，今次唔食牛腩，就跟他的推介叫了一碗，老闆是潮州佬，親身用心烹調，首先飲一啖湯，用料足火喉夠。10種寶寶多到數唔到，潮州墨魚丸最好吃，爽彈紮實之餘，入口食到墨魚粒粒和馬蹄粒，令口感及味道也更加豐富。仲有我老公最鍾意食嘅汕頭魚皮餃，外皮厚薄適中，有咬勁又有魚油香。手打牛丸肉味濃郁。鮮蝦雲吞、鳳城水餃，材料十足，大大隻鮮蝦，皮薄餡靚。野生紫菜非常好味。阿姐指定動作就是最後灑上蔥蒜，再加上湯底是秘製的，把潮州粉麵推到更高層次，超級好味!再加碟油菜，腐乳通菜，通菜非常幼嫰加勁多腐乳，特別好味，讚！還有叫一杯冰凍五花茶或者豆漿，甜度適中，清涼解渴。下次入元朗再幫襯牛坑腩吧！

今日朋友帶我去了間好出名嘅潮式粉麵店，應該在這個區內都差不多人人都認識這間老字號，我之前去朋友家中都食嘅辣椒醬就係這間麵店自家製嘅作品，本想試吓個足料十味寶，但係見到隔離枱嘅牛腩好似好正，於是叫了個燒焗賓沙腩加牛筋配幼麵，上枱見到碗麵上放滿了肥美嘅牛腩同牛筋，當然第一時間將件肥美嘅牛腩放入口中，個種入口軟熟肥美嘅感覺超正，而且充滿濃郁嘅牛肉味道，另外加嘅牛筋亦十分入味軟滑，個種骨膠原質感十分滿足！另外這裡嘅墨魚手打丸都十分推介，真係十分彈牙爽口，十分足料裡面還有墨魚肉粒，十分有口感！基本上入嘅熟客已經不用看餐牌就可以落單，而店員落單好快手，個然係一間老字號！

一提到元朗的麵店嘉麗園，相信老一輩，也是非常之熟悉這間店舖。不少新界的居民，也會不時到店中吃一碗由正宗潮州人主理的粉面，每當飯市的時間，都會坐無虛席。店內裝修，完完全全演繹傳統老香港。因為油膩貼的枱子配上冰冰的鐵櫈，加上開方式的粉面檔，讓人想起王家衞鏡頭中的老香港。不過，菜單有非常多選擇，身為選擇困難症病患者的我，看了五分鐘也未能決定。最後直接點黑椒牛筋丸及豬肉丸配上米粉。不消5分鐘，湯粉已經上枱。湯水中鋪滿一層厚油，碗內由米粉托著數顆肉丸。豬肉丸夠爽口多汁，雙拼（加10蚊）有3粒的份量。黑椒牛筋丸下次可以不用點了。黑椒不夠辣，筋丸不夠筋，肉味一般。整頓飯最大問題就是湯水中油太夠多，有種在吃傳統過橋米線般油膩感的體驗。

住得近元朗所以成日都會去嗰頭食嘢，呢幾日咁啱經過見到好多人食就同朋友入咗去試一試舖面好有懷舊風味店入面嘅姐姐都好好人啲嘢食值錢合理，仲有唔少選擇添因為朋友好鍾意食公仔麵，所以忍唔住叫咗個豬扒公仔麵嚟食朋友話個公仔麵嘅麵底有啲太淋所以建議大家嚟食都係嗌翻牛雜麵之後仲嗌咗個炸大腸嚟食，但係就稍微有啲唔夠脆啦最後當然有嗌潮州全套腩什十寶湯底好濃牛肉香味，而且牛雜都好足料，仲好大碗添！呢個價錢真係好抵食架！

特登由港島揸車入元朗，就係為咗佢地既招牌牛腩同埋墨魚丸。牛腩分三種，分別係冰鮮牛腩$50、鮮牛腩$55同埋招牌牛腩$65，叫既時候要講清楚，不過啲亞姐好醒目，實會問得好清楚。講返個招牌牛腩先，我嘅形容係：脆、爽、軟。脆係啲邊皮位，咬落去係脆既、非常有口感得黎又唔會硬；爽同軟呢兩個形容詞照常理係冇可能喺埋一齊，但偏偏就可以形容到呢個牛腩嘅狀態，軟得黎爽，完全唔會黐牙，仲有，呢個招牌牛腩嘅殺手鐧係：香濃嘅牛肉味而完全唔會存在膻味，一碗牛腩河大約有七至八片牛腩，$65完全值回票價！另外墨魚丸亦係必食之選，呦落有粒狀既墨魚肉，爽夾脆，個湯仲有芫茜葱及重手既炸蒜粒，看似普通簡單既一碗河粉，由上枱一刻，到連湯都飲清既一秒，我由外到內完全被征服，再加多支冰凍既可口可樂，不亦樂乎。

每次想吃潮州粉麵，嘉麗園必定是我的首選，可惜只有元朗一間店舖，不是常常可以吃到。嘉麗園的五香牛雜是我的最愛，特別是香濃的湯底，品嚐過個多間店舖真的沒有一間能與嘉麗園比較，而且他的牛雜配料也十分美味，想起也想吃。另外墨魚丸也是推介之一，也跟外面的不同，特別彈牙美味，加上牛腩汁及紫菜非常好味。另一款必食推介是腐乳通菜，據說是來自泰國，非常幼嫰好味！店舖於午餐及晚餐時段特別難找位置，亦需自行找位，繁忙時段會比較擠迫。

晚上11:15，下著濛濛細雨，經過燈火通明的嘉麗園。見到裏面沒人，原來是晚上半夜12時才開門，一直到第二晚的9pm......潮州人真勤力哥哥仔叫我入去等一會，水滖便可以煮給我淨墨丸：已經包括半塊紫菜。墨丸超級彈牙，可以吃出墨魚粒.....通菜勁惹味，可以要求小油。佢個秘製醬汁可以全港第一炸魚皮厚身，問佢攞多碗湯；放入湯內30秒，正到暈。還有一杯冰凍五花茶，祗係$6，相信平絶港九。五花茶不會太甜，又夠濃味，正呀