嘗樂 (灣仔道)

營業中

休息中

在灣仔工作完覺得有點肚餓，經過嘗樂餐廳進去食個下午茶，下午茶時段叫了乾炒叉燒河，首先味道可以洋蔥有點生，叉燒略為乾柴，有點失望！西多士略嫌牛油份量太多，整體味道合格。杯紅豆冰下午茶餐+$5，紅豆夠腍合格。餐廳環境算整潔，坐得算舒服，但應該不會再有下次光臨。餐廳職員態度比較急，沒笑容感覺催快點落單。

今天工作後，吃午飯的時間已是2:30下午茶時段，行了一圈都不知吃什麼好，當經過「嘗樂」，都不再想就決定入去坐。當看了餐牌，發現好多野都想食，有All Day Breakfast、瑞士汁雞脾🍗－丁麵、吉列魚柳、菠蘿油、泡飯、馬來咖喱餐、炒粉麵飯🤷🏻‍♀️點算，最後揀咗<公司三文治>，因為被他的餐牌圖片吸引🤩，而且有生菜、蕃茄、火腿、芝士、煙肉、蛋 又開胃夠健康+熱檸檬茶$43。這份三文治很美味👍🏻讚，又夠飽🤤。

夏天太熱了，胃口不太好，所以選擇了越南檬揚。因為係凍食再加上味道酸酸味味，比較開胃我選擇了一份香茅雞翼檬揚，價格為$68，再加一杯鹹檸七，特飲加$8。整個午餐共$76，在灣仔地區，已經算是物超所值了。

原本諗住是但塭間茶餐廳食晚飯以為食好似「意樂」果d野食😂點知入到去係食小菜食得小菜我一定叫雜菜煲海味什菜煲$82好足料，d菜唔會太淋，生熟剛剛好，最正當然係個湯，好多蝦米，好鮮甜，我直頭飲曬😂古法荷葉蒸雞$86隻雞肥左dd，但成個調味都好好，最欣賞係d紅棗，草菇，雲耳，超好送飯。如果下次隻雞瘦d就好啦！最驚喜嘅環節係$4有白飯，$3有湯，侍應話送芝麻糊果陣再加驚訝，未試過有芝麻糊送，多數送紅豆沙。仲諗住好水，但都有芝麻味，夠杰。最開心同熱情嘅侍應傾左陣計，好想下次再黎😊

下午茶有虾球伊面都係4x蚊，基本茶記係唔會搵到有拎虾球同伊面做下午茶，因為來貨貴，嚐樂晚上係做小菜，飯，湯、糖水，唔會有水吧野飲我今天食左佢午餐墨魚汁櫻花虾肉餅，出奇好食，好似食緊海鮮嘅肉餅咁

行過湾仔道，入去嘗樂餐室一試它們的晚餐，真不錯呢。一入去，店員已問您喝香片還是普洱，窩心！然後看看餐牌，点了一客欖醬骨套餐(有餐湯，餐茶還有甜品，相當豐富)。 跟著店員放上一碗靚湯：雪梨片豬骨湯，熱騰騰的。 再來一碟欖醬骨跟少許嫰苗，賣相不錯，差不多有七至八件，味道不醎，很開胃，送飯一流。餐飲慣性熱檸茶，最後還有一碗黑芝麻糊。 感覺富足呢。共八十元有找。若在晚上七点半前結脹還有八八折，抵食。

態度惡劣 完全冇唔好意思嘅感覺 下午茶得嗰幾枱客 坐低嗌咗個炒意粉 同一個時間入嚟，我後邊嗰阿伯叫左碟炒飯。人哋食完，我都未到 足足等咗20分鐘 離晒譜 份量少 冇味道 不會再嚟

每次叫外賣送到黎都係少1-2個餐。最搞笑仲要問下次到你度refund，如果我係近你，一定唔會叫外賣咯。一次送少都算，第二次又係咁！唔會再幫親！ I hope you guys will upgrade your services and don’t left out the ordered meal! This is soooo bad!

出街睇下聖誕燈飾，感受一下聖誕氣氛，先e下個肚，今晚就食嘗樂啦⋯⋯坐低即有熱茶奉上，叫左個晚市孖寶，再叫多個小菜，每個菜都有配一碗白飯➕老火湯➕糖水。咖喱牛肉，好多咖喱汁，牛肉好霖，唔黏牙，分量一般，味道可以。晚市孖寶第二味餸，蒸倉魚，我個人覺得少少唔夠味。咕嚕肉，開胃的，肉多，夠霖，亦無乜肥膏，算唔錯了。食飽飯，最後一道綠豆糖水，唔會太甜，不過糖水好似打左個芡咁⋯⋯價錢都算合理，出品還可以，服務唔錯！

晏晝嚟到灣仔嘗樂買外賣，加下外賣自取做緊七五折，幾抵食。佢午餐每日都幾多選擇。今次我要左個蘑菇汁豬扒煙肉焗飯。飯既份量好足，男士都未必食得哂。拎上手熱辣辣。可惜佢既磨菇汁竟然連一粒磨菇都冇，飯底亦只係普通白飯。午餐跟一杯熱鴦，埋單45蚊，勝在夠熱同抵食。

俗語說：「知足者常樂」，小妹我一直都奉行這個宗旨，我想嘗樂是取其同音，或者可以解作嘗試過會開心的意思，不論哪一個才是正解，我亦覺得名字很特別，而且餐廳中午餐款式選擇很多，對於有選擇困難症的朋友，我建議用擇骰決定。餐廳另一特別之處是老闆對客人的態度十分友善，即使繁忙時間，亦唔會要客人等太耐，所以令我十分感動和印象深刻。那天我點了巴黎汁焗豬扒拼鴨胸意粉，巴黎汁有點似忌廉汁或白汁，面層有芝士，芝士和白汁滿瀉，十分邪惡，而且剛剛焗好，熱辣辣的，焗得恰到好處，中間是豬扒和鴨胸，豬扒夠淋，鴨胸味道則一般，意粉在最低層，把白汁配上意粉來食，十分match, 而且份量好多，很有滿足感。至於價錢方面，食物份量足夠，而且奉送熱飲， 以中午餐而言，所以我覺得價錢合理。

🇭🇰嘗樂·呢間我之前OT嘅時候有同同事一齊食過 我覺得佢啲小菜幾好食 而且價錢都幾平😌不過之後因為疫情嘅關係就算我哋一齊食飯都唔再會嗌餸一齊share 所以我一路都無機會再食😭😭佢而家晚市嗌餸食飯有八八折呀而且仲送甜品不過因為我哋真係太飽啦所以我哋就冇要到個甜品·鮮果咕嚕肉$68呢一個好好食 佢超多肉 啲肉係真係多到食唔晒 🇭🇰嘗樂·呢間我之前OT嘅時候有同同事一齊食過 我覺得佢啲小菜幾好食 而且價錢都幾平😌不過之後因為疫情嘅關係就算我哋一齊食飯都唔再會嗌餸一齊share 所以我一路都無機會再食😭😭佢而家晚市嗌餸食飯有八八折呀而且仲送甜品不過因為我哋真係太飽啦所以我哋就冇要到個甜品·鮮果咕嚕肉$68呢一個好好食 佢超多肉 啲肉係真係多到食唔晒 同埋佢啲肉舊舊都肥瘦比例好好 唔會剩係得粉漿😍😍而且佢係連伴碟嗰啲蕃茄仔 菠蘿同埋桃都好好味🤤·賽螃蟹$78呢一個佢都幾有心 佢有比好多蝦肉粒同埋帶子肉 不過我就覺得佢個蛋白唔係話做到超級滑 不過都OK嘅 撈飯唔錯 但係我覺得佢啲小炒同埋窩仔嗰啲好食啲😈·老火湯$8呢一個超抵 我哋今日呢一個係西洋菜豬骨湯 佢個湯真係好重西洋菜味 而且飲落感覺上真

我自己唔會幫襯嘗樂，今次幫襯都係因為一位師妹推介，好，佢帶我行成條街嚟嘗樂， 又睇睇師妹有咩好介紹.師妹話想食常餐，我又懶得諗食咩，而且轉頭去BBQ, 所以叫兩個常餐算，一個點沙爹牛肉併飽片，一個點瑞士汁雞脾.從來唔多中意食雞脾，總係感覺肉質唔夠嫩滑，今次亦唔例外，肉質總係老咗少少....但係，已經好過唔少餐廳嘅雞脾！最正係個瑞士汁！香甜惹味！沙爹牛肉比雞脾出色，牛肉口感比較嫩滑，滿意.另外成份常餐無偷工減料感覺，杯凍0茶例外.我都知個杯 keep 溫度較好，但係我情願用大D份量嘅膠杯好過.唔記得問師妹，點解帶我去嘗樂添！

我哋係正整中午時間入去食，見到好多人。但係侍應態度都好好，食緊嘅時候已經望到外面好多人排隊我食咗個豬扒一丁常餐，一丁煮得啱啱好 蛋同埋豬扒都好大份 多士牛油烘左底咖喱飯不過不失

工作關係成日周圍走，去到港島區唔係自己地頭，成日都唔知食咩好，經常抱住試新野嘅心態搵食。兩點鬆d先完成工作，經過街市餐廳唔多，見呢間嘗樂有下午茶就試下啦。當時大約14:15，店員話未落得單，但叫我嗌左飲品先叫左杯茶走提提神，又幾好飲，無澀味，淡奶份量剛剛好夠甜。一夠14:30馬上落單，叫左個下午茶A餐蝦球湯伊麵。有兩條菜心，即刻心心眼三隻蝦都好大隻，而且勁彈牙。下午茶都唔算好細份，填飽左我。港島區嚟講，$40埋單都算好抵。食飽又要繼續工作喇