嚐泰泰國餐廳酒吧 (已結業)

好耐無嚟食發覺menu轉咗，無咗秘製焗雞髀飯，有啲失望！炭燒豬頸肉飯 ($60)豬頸肉軟腍唔嚡口，肥瘦適中。點埋個自家製醬汁，辣辣地，香口又惹味。泰式雞肉少金邊粉 ($60)即叫即炒，熱辣辣，蝦乾好大隻，但無咗豆乾，而且雞肉完全無味，金邊粉甜甜地，幾開胃。椰汁冰 (+ $3); 龍眼冰 (+ $3)椰汁冰椰味好香，唔係好甜，唔錯！龍眼冰味道濃郁，而且有幾粒龍眼肉，不過太甜！感覺整體無以前咁好食，不過質素算係唔錯。

返工日子响灣仔食lunch都幾難搵位，今次我同同事又搵到有少少隱世feel嘅泰國餐廳，因為佢係喺條內街嘅閣樓(1樓)，搭𨋢上去。我哋兩個叫左兩個lunch set嚟share，個青咖哩雞飯超好食，少少辣又有少少甜襯托吓，好香嘅咖哩汁。青豆好多而雞肉都好滑，我都撈左好多汁落個飯度食😁另一個叫左泰式炒金邊粉，味道有少少過甜，而個顏色都比較深，我就麻麻哋喜歡呢個味道。不過佢都炒得幾靚，唔會癡到一舊舊😏最後嘆左杯泰式咖啡☕️，感覺有啲似mocha 😂唔駛落糖都已經好好味，醒神又再返工🤣

每一款菜式都係味道好好，推介的店，也好正宗，內裡裝修平實，反而泰國菜本人就不喜歡太講究的裝修，上菜又不會太耐，一定要去試下，那晚點了6樣菜，而且 wanchai 好多食店都坐位較逼，大部份侍應也是泰國人，所以除了菜式正宗，又令我感覺回到曼谷似的。。。 而且好重要係每碟菜式份量亦多，所以價錢也感覺很合理，也是在 wanchai 的旺街，只需要上1樓，反而感覺會好過地舖的噪音，侍應的態度也很友善，服務很好，也定會再來

今日系出面食飯，來左哩間食泰國菜噶餐廳試試，不過我今次叫噶野比較普通，泰式海南雞飯，主要系想正正經經食翻餐飯，而哩個飯都幾好味，幾對我胃口，雞肉金黃金黃，雞肉嫩滑入味，而且都幾大份噶，除左哩滴飯之外，仲有沙律食，不過系蔬菜沙律來噶，都幾fresh，唔錯噶。

這天約了在灣仔上班的友人吃午餐，他説平常人很多，可是這家泰國菜可以電話預約，而且質素不錯，便建議大家去這裡用餐。中午吃飯時間人真的好多，幸好有預約。餐牌:點餐時有聽到待應講泰文，感覺好像比較正宗。青木瓜沙律味道酸酸辣辣，大家先吃一道開胃小菜。色彩鮮豔奪目，主要的食材有青木瓜、辣椒、青檸檬、花生粒、香菜、紅蘿蔔。泰式燒雞燒雞一上台便嗅到十分香。入口香脆，而且有淡淡香草氣味，肉汁多。烤魚也是十分岀色的一道，內裡的魚肉細𡟹嫩滑。

週末一眾好友睇完泰拳心思思去食泰國菜之前朋友介紹呢間隱世上樓泰國菜一於去試試。到咗灣仔地鐵站發覺有少少難搵。原來非常之近地鐵站。離電車路祇有一分鐘路程。講講環境上到去比想像中大。空間感好足夠可能因為上樓鋪, 及一眾朋友小聚。過嚟招待的是一名陽光宅男可能係太子爺。問佢有乜好介紹怕怕醜醜啊，唔知我哋鍾意食乜。佢介紹我哋食""生蝦""好一於試試反正自己都鍾意食。都要問佢有乜推介架佢話皮蛋蝦餅喎噉咪試試囉。呢味菜朋友話好多地方都有但係自己第一次食。我同位太子爺講自己食木瓜會敏感佢介紹咗食柚子沙律。之後又叫咗""椰菜苗""。然後佢推介燒雞。第一味上嘅當然係""生蝦""啦嘩！賣相一流，未見過國菜館的生蝦刺身搞到貢！好似人哋啲生蠔cocktail, 會唔會浮誇咗少少呢？！味道不錯很新鮮，但係個汁辣少少會仲啱我口味。第二味嚟咗椰菜苗。正常常本身好鍾意食椰菜苗個汁炒得唔錯。之後再上嘅係""柚子沙律""，呢味一流柚子沙律非常新鮮，啲蝦大大隻噉啦冇乜特別。個呢味本身都係鍾意食。好啦，嚟味特別嘅就係佢推介嘅""皮蛋炸蝦丸""。估唔到你咁大份一粒皮蛋炸蝦丸切開應該夠四五個人食。食到味道係夾硬先食得曬，但係佢話

嚐泰係一間由泰國人打理既泰國餐廳，位置隱蔽，係朋友帶我去我先知道個到有間餐廳haha樓上鋪，裝修都好泰式風情，擺設都係好似置身泰國咁兩個人，叫左三樣嘢主菜叫左金邊粉賣相出奇好好，仲有兩隻大蝦金邊粉顏色炒得好均勻，乾身之餘條條都有醬，又夠煙韌，高質呀青檸，花生碎，同埋辣椒乾都放係碟既一邊，等顧客可以自己調味，幾貼心味道好正宗，好有獲氣，酸酸甜甜，好開胃小食叫左蝦餅，食得出廚師好力打d蝦肉，爽口彈牙，都好好味最後甜品叫左椰汁糕，正常味!普通，唔多講啦總體黎講食物方面味道都算正宗 性價比係灣仔黎講，算係幾高下次有機會黎灣仔做野會黎試埋其他野（個串燒好似好吸引）

同事介紹灣仔區抵食既lunch😊😌灣仔區食個lunch好食少少都差唔多成$100😣難得同事話依間泰國餐廳平得黎又好味😛 我地就一齊去試試🤤本身都怕 會唔會因為唔好食所以平呢🤔😣我同同事都叫左泰式炒雞肉炒金邊粉😜 因為自己第一次試怕會好辣🙄🤨依個套餐係餐牌上係冇辣椒樣既😅😂 應該最安全😂😂 同埋食泰式野點可以唔食金邊粉呢😄😋見隔離左右既食客所點既野食都好大碟同好大碗😏 同事真係冇講錯🤩 以$60~$70一個set lunch而又有咁既份量係灣仔區黎講簡直少之有少!😍🤗set lunch加3蚊可以轉熱龍眼水🤤 我就加左😋泰式炒雞肉金邊粉真係好味又唔辣🤤 最重要係佢個份量真係好足!雞肉份量又平均，絕對冇因為價錢平而少雞肉👏值得一讚😉 仲有炒金邊粉有啲酸甜味道食到我好開胃😂 成碟清曬🤤😝 不過有少少值得改善係唔太夠熱，可能lunch time太多客人關係😅 如果再熱啲，應該會更好味😘😋

自從搬了office,好耐已經冇去lee間泰國餐廳食lunch。所以今日經過就上咗去食，因為lee間食肆在樓上舖，所以都係一間隱世食店。我一見到menu已經急不及待叫了我既至愛咖喱豬扒飯，佢整D咖喱好好味一D都唔辣應該落咗D椰汁，好特別難以形容，必試撈飯一流。其他都好好食，海南雞飯都係必試之選

星期五同朋友聚會，揀左食泰國嘢。之前有朋友食過説不錯。六個人差不多叫了十個菜， 生蝦值一食，好新鲜。 小食併盤也不錯，但沒有什麼特別。烤魷魚也好食， 但食到一半有一些沒有其他新鮮有一些腥味，其中有一些不新鮮。魚同烤豬頸肉值得推薦，十分好食。海鮮冬陰公湯，還可以。我們食完頭盤，才叫主菜。怎料，有些想點菜已經買完。例如咖喱蟹。可能因為星期五比較忙比較多人。六個人270多元，服務不錯。

午市套餐劃一收費$63，均奉送一杯餐飲，沒有加一服務費。燒豬頸肉飯 ($63)這裡的豬頸肉沒有脂肪，但嚐起來感覺有彈性，而且肉質軟腍，爽而不韌。再配上醬汁，帶點辣勁更滋味。美中不足的是白飯較為乾身。泰式海南雞飯 ($63)油飯是海南雞飯的神髓，其重要性可見一斑，會影響整體的味道。油飯粒粒分明、色澤酥黃金亮，可是不夠香口，有點失色。海南雞尚算嫩滑，但雞味不夠濃；而辣椒醬頗辣。熱龍眼茶 (+$3便可轉泰式特飲)龍眼茶味道清甜，但味道不及從前那麼濃郁，不過仍挺不錯的。

每周例會又去到灣仔開啦開完會又點少得有同事帶我食好嘢同事話有一間隱世餐廳食泰國嘢因為實在太多人光顧的關係同事就好醒目係早上11點9左右book定枱我地預訂了12點9去到餐廳樓下，真係唔覺得樓上會有餐廳樓上店我叫左個燒豬頸肉飯好鐘意佢個醬，酸酸的，好開胃飲青檸茶（我忘記了影相）埋單都係六十幾元好正

樓上泰國菜🇹🇭 有驚喜噃😙先黎講個Pad Thai 賣相💯分#金邊粉 炒得岩岩好 條條上色 乾身分明 盤底唔會留到醬 🤭我絕對會因為個#PadThai 再黎再黎👉🏿靚噴蝦球 👈🏿 🦐並唔係重點 而係個汁!!!🤤 好重椰奶 唔辣但又有咖哩香味 岩哂我 仲嗌埋薄餅 是絕配好不 食到停唔到口👅皮蛋釀蝦丸 係炸物但感覺不油膩 食食食而唦嗲串燒 雞比較嫩 牛就略為太乾了

星期二同幾個灣仔做野既舊同事食飯，呢到一隔隔梳化，坐得好舒服，又有privacy.4個人叫左4個lunch set泰式雞肉金邊粉 - 開胃又好味，雞又唔會老泰式辣椒膏炒河粉 - 好有鑊氣，又香又爽身，超鐘意個泰式辣椒膏味道勁正。椒鹽豬扒飯 - 炸得好香，但覺得個飯有點乾，應該配上醬汁。海南雞飯 - 相對上普通，但其實已經比其他地方既海南雞飯好食。雞滑、黃油飯又香，醬汁又好味。香茅茶 - 既香又解膩。甜品 -腐竹糖水，清潤又好味。會再約朋友黎試晒所有lunch set.

落大雨都唔知去邊食好，所以就bk左嚐泰啦。 今日就食冬陰公金邊粉($63)🐣 上面有d鮮蝦同菇嘅，蝦質素就一般啦。個湯就惹味嘅，好足香料的✌🏻 金邊粉就幾滑，份量適中😊😊. 另外推薦豬頸肉炒河！好惹味又有鑊氣💁💁💁