嚐糖

營業中

休息中

店員黑口黑面之餘毫無禮貌。成間店冇客人，整甜品既同落單既人都企係整甜品位。落單都唔出黎，講左食咩又"下"一聲。間店唔大又冇人，落單出一出黎都唔肯，唔肯又聽唔到。好似我地入去乞食咁。點左宇治金時同楊枝金露，味道麻麻，得個甜字。總結：大伏。最後，連賣單都唔想理我地。間店係冇其他客人，個店員執少少貨入雪櫃，我地預備好錢，講左聲：收錢。佢都要堅持執佢自己野，講聲等陣都冇。*整甜品係肥既染髮男，所謂負責落單係四眼長染髮女。

有個長髮帶眼鏡的女侍應真係成個訓導主住咁款，勁西面！總共叫左4個甜品：楊枝金露勁難食，又稀又水，西柚極苦。芒果西米撈d冰一舊舊，無打碎過，芒果肉又無乜，d芒果汁同d冰完全係分離無打碎過，情形就好似就咁倒一個芒果汁再倒d冰同西米落去，幫你搞勻都慳返。蜜早海底椰燉津梨：朋友話好似冰糖開水，果個梨仲有陣怪味，飲左幾啖d水都唔敢飲亦唔夠膽食落去。紅豆豆花雪糕：朋友話得個雪糕正常小小，因為d紅豆是沒有煮過，沒有煮過沒有煮過er!!!!!!以為態度差服務差衛生差，食物可以令我俾高d分，但食物係最差，真的可一，不可再。

吃完晚飯一行四人想食個甜品，行過見裝修幾得意又無乜人入去試下，分別叫了海底椰燉津梨，芒果西米撈，紅豆豆腐花加雪糕，同招牌楊支金露，先講海底椰燉津梨，直頭係冰糖水，其他咩味都無，芒果西米撈就所有野掉落個碗度味道欠奉，紅豆豆腐花加雪糕就淨係個雪糕好點，紅豆未煮夠豆花未雪凍，招牌楊支金露好水，淨係得花奶味，真係中又唔得西又唔得，無下次。

元宵佳節諗住飯後甜品係中式糖水, 湯圓之類.見呢間都半滿, 新派/日式/台式/ 雪糕類甜品......款式又多, 就決定食呢間既甜品.蓮子紅豆沙湯圓 ($27):睇到已經覺得唔足料又水汪汪甘, 心諗紅豆都算平啦, 27蚊甘水汪汪.雖然煲到起哂沙, 但吞個時D紅豆沙卡喉嚨. 而且太甜啦.湯圓有兩粒太少啦. 食完到唔夠喉.桂花酒釀湯圓丸 ($26):酒味幾重, 有桂花香. 丸子又多好咬口Q彈.湯圓有三粒, 都係普通芝麻湯圓. 食完岩岩好. 總括, 雖然甜品款式多, 但中式糖水味道就平平無奇, 分量又唔多, 整體都唔太吸引.

旺角廣華街一帶有不少各式各樣的甜品店，要凸出自己與眾不同，真的要花點心思，除了在食物質量和菜色設計上別出心裁。餐廳的本身的主題能否幫助提昇餐廳與食客的關係，能做到讓食客有一種親切感，先吸引客人的目光，再推自己的食物，可以是一個很好的宣傳策略。在競爭激烈旺角廣華街的甜品市場，＜嚐糖＞先做到＜吸引客人的目光＞和＜別出心裁＞的部分，還是要看看食物質素和服務，能否打出一片天。＜嚐糖＞以香港學校為主題，用的桌椅都是本地一般學校所使用的，讓客人有回到校園時的感覺。牆上食物推介都是以學校時候常用的壁報版和黑版，用上剪貼方法和粉筆字，十分懷念香港的校園生活（如果不用考試）。中學畢業已經多年，他們的佈置和現在的學校分別大不大呢？食物的名字都換上不同與學校有關的有趣名字，例如糕校長和涼老師，所指的是雪糕和涼粉。還未進入＜嚐糖＞，在門外看了一下他們的菜單，被他們的＜廣抹涼子＞，十分好奇＜廣抹涼子＞和真正的廣末涼子有沒有關係的。他們甜品的選擇多，有熱有冰有涼的，雖然部分的食物名稱都被改頭換面，甜品選擇與一般的中式甜品店分別不大。真是想知道<廣抹涼子>是甚麼，在沒有詢問店員的事況下，馬上點了一個

於全港溫度最高的日子，來到旺角第一時間是找糖水店。沒想到人流沒有其他街道多的廣華街會有一家甜品店 - 「嚐糖」。店裡人不多，所以一進去便有個四人位。店裡以課室作為主題裝潢，不論桌子、椅子、餐單甚至告示版，都好有課室、學校的味道，讓我回想起中學的時光。在掀開餐牌後，第一時間被「招牌西瓜大笑」吸引著。於全港最炎熱的日子，西瓜可是一個難以抗拒的選擇！份量不少，西瓜鮮甜，另外有椰果、小丸子、爆珠等配料，對於愛吃小丸子的我，一個甜品有小丸子已加分！一開始吃會有點狼狽，因為西瓜的水會流出來，加上難以平衡。西瓜本身已夠消暑解渴，但就快吃完的時候，西瓜水會浮現出來，喝下西瓜水是這甜品的完美句號。這個甜品完全是消暑佳品！

成間店係以學校課室做主題，幾有趣。店入面的桌椅都是用中學學校班房個Ｄ，牆就係成塊壁布板，連餐牌同落單張紙都係好入戲！糖水選擇都幾多，價錢都合理。岩岩我地行過個時仲未滿坐，我地食食下個時就開始夜，外面愈來愈多人排隊。由於間店比較細，地方窄，但Ｄ服務員好好人，一大班客人出入佢地會好主動幫你拉開Ｄ桌椅等Ｄ人入曬去之後再幫佢地拍番埋。上甜品速度都ＯＫ，叫左兩樣野係５分鐘左右就送到。我叫左＂鮮果車仔自選科＂入面ＧＥ　楊枝甘露＄３０＋＄６雪米糍楊枝甘露不過不失，吾會覺得柚肉有苦味ＧＯＯＤ。雪米糍兩粒細細的，是雲尼拿味同芋頭味，都好味。朋友叫左杯芒果滑冰＄２５　我地都以為係一碗碗ＧＥ糖水，點知係一杯的。。。哈哈冇份飲吾知咩味呢，睇落都幾正路啦。最後我地係到傾計，傾左好耐，到個朋友飲到最後一啖個時，服務員就好有禮貌咁問我地不如埋單。外面有好多客人等緊咁。聽落都吾梗耳，ＮＩＣＥ。有機會再黎吧。

嗌左兩個棉花冰 同一個榴鏈校園定唔知咩 1d都唔凍 唔好食 全部撈埋一齊=甜品，綠茶棉花冰 綠茶好濃 濃到好苦 食耐左好"鞋"，另一個朱古力味 較為好啲！我諗徐左冰個d會凍 其實都唔凍== 態度冇話特別好 唔值得表揚 唔會再去食多次😈

對於甜品，真係好難抗拒T^T近排反工好鬼忙，所以獎勵下自己，一d都唔過份呢間嚐糖，開張食到宜家，d水準都仲keep到，真係唔錯"平時我會自己揀佢個車仔甜品，不過今日男朋友話要試下其他，所以揀左榴槤野~男友食"榴槤雪蛤因為本人麻麻地食雪蛤，雖然個雪蛤應該係用其他野扮，但味道唔差~個汁底幾清，加埋最愛的榴槤肉，good!~我食"榴槤王子本身我就係榴槤既粉絲，呢個榴槤王子都唔錯，入面有榴槤肉，小丸子，粒粒蒟蒻，仲有黑糯米，簡直一次過滿足我3個願望不過可惜汁太少，乾憎憎。。。所以我問個待應拎多碟汁，先岩岩好咋><不過整體，有晒我歡喜元素，正!!~王子2個人食2樣，甜品都唔錯，滿足到我個胃，不過服務就差左d~可能店小妹太年輕，定趕收工?掛住同廚房既同事傾計，出單就飛張單落枱，黑口黑面。。。食野，除左質素，服務都相當重要，希望店主好好留意下服務質素，等客人食得開心，自然回頭率都會高啦~順帶一提，我好鍾意佢既裝修，整到好似個班房咁，每次去親都好有反小學果陣既感覺，我一定會繼續幫襯呢間小店，水準ok，又開到3點，岩晒我呢d夜班一族~~旺角有呢間甜品店，真係有褔，好好繼續加油!!期待有新

同朋友想食糖水，喺附近行咗個圈，就入咗呢間。成日食店都係以課室做主題，有學生桌椅，學生locker，連MENU都好似本手冊。朋友叫咗楊枝甘露，我叫咗木瓜雪耳糖水。楊枝甘露啲西柚又苦，芒果又酸，成個味都好怪好難食。至於木瓜雪耳，佢嚟到嗰陣，我問女侍應可唔可以幫我開埋個蓋，佢回應一句：自己開就即刻行開，坐咗喺門口發夢，真係激死。不過佢個木瓜煲到幾林，味道都唔錯。但唔會再去第二次~__~

第一次去係食芒果綿綿冰覺得幾好味,所以諗住去食多次,點知佢話無,於是揀咗芒果沙冰+生果,但嚟到嘅竟然係普通芒果汁+幾舊生果,完全無冰,而且味道太甜😟,覺得真係好求其,咁就要收我$48,真係覺得好唔抵。。。。我以為佢因為無冰,所以無綿綿冰＆沙冰會完全無冰,但係其實佢有冰,我仲問佢攞咗一碗碎冰加落碗無冰嘅"芒果沙冰"度先可以勉強食晒碗糖水,其實唔係應該佢將芒果汁同冰一齊打碎做成沙冰畀我咩？點解要我另外問佢攞冰嘅？😂

與妹妹食過韓燒後，有點感到未滿足的就欠了一碗熱辣辣的中式糖水，在旺角中再次打轉周圍找甜品店，隨著我妹妹壽星女的意願，終於找到一間合適她的口味的甜品店，就是「嚐糖」它既有中式糖水又有心太軟，最主要我妹妹喜歡食的高級瑞士雪糕Movenpick 入到來「嚐糖」甜品店，已經深深感受到校園的氣氛，裝潢佈置成一間課室模樣，牆身上有壁佈板，貼滿了不少甜品的圖片，店內掛上綠色的黑板滿了各式各樣甜品的名稱，在中學時代用過的木枱木櫈、儲物櫃等.....種種的事物喚起了讀書時侯發生的人和事，可見店主都花了不少心思。回到當天，有一天放學的鐘聲響起，不少同學都會到學校附近的小食店買零食、魚蛋、西米露、碗仔翅之類的小食，爭先恐後買小食的場面還記憶猶新，已見怪不怪的場面也是大部分讀書時代的學生都會經歷過。 枱上的menu真是好鬼馬，除了圖文並茂列出，甜品的名字更已經感到有生鬼風趣，例如"暗戀阿里山"、"校園王子"、"廣抺涼子"、"西瓜大笑"、"MISS 河"、"珠主任"等等......見到這些名字，我都充滿好奇心去發挖找尋是什麼甜品。 腐竹白果薏米糖水$22上枱時熱呼呼，粒粒薏米份量都好足入口都好滑溜

位置在旺角又不是很迫人的廣華街，感覺很舒適喔😚這兒的佈置用了學校的枱桌，周邊貼了很多DIY的相片，看得出來店主的用心，朋友最愛這兒的心太軟，我們一行6人，叫了5個😂朱古力味很香濃，切開見到朱古力漿真的超多，配上雲哩拿雪榚真是👍👍👍緑茶味不太甜，很有茶味，很適合緑茶控👍👍另外也試了芒果&榴連腸粉皮很滑，很有椰味

一大班人食完飯點飽都要直落糖水是常識吧 朋友話附近有間用學校課室做主題既糖水舖咁得意，一於去試下啦好食(Y)不過唔知係咪個心太軟D朱古力味太濃，覺得個雪糕唔係好夠朱古力味。其實未食之前我諗過依D主題舖頭會唔會伏點知比想像中重好食下次可以約其他同學仔再食過！

呢到既裝修好特別,好似一個課室咁樣對於我地呢D大專生黎講真係一個好特別既情意結.一見到就會好吸引好想入去睇下講番野食先.因為唔太舒服叫左個桂花酒饟丸子.真係好香桂花味!但可惜唔太夠甜.如果甜多少少就好啦.