嚐糖

營業中

休息中

都說女生有兩個胃，即使吃完晚餐，未吃過甜品，總是覺得欠了些什麼的！我們走到了廣華街，附近都有很多甜品舖，我們見到一間裝潢很有趣的，把店子佈置成課室一樣，好像回到了學生時代！枱枱櫈櫈都是我們以前讀書用的！這是餐牌？中式，台式，雪糕，綿綿冰，小食都有，超多款！我是芋圓和紫薯控，正好有一款叫紫薯正妹，可以同時滿足我兩個要求！裡面有紫薯奶，紫薯，芋圓和西米！各種口味的芋圓，還有綠茶味的，口感煙韌！紫薯奶香滑，有椰子味！不會很甜，正合我心意！朋友是榴槤控，點了榴槤校園，非常豐富的樣子，有榴槤肉，榴槤汁，涼粉，西米，黑珍珠，小丸子和蒟蒻！朋友說非常滿足，榴槤又香又甜！另外再加了一個芒果腸粉，純粹想吃一點有水果的，芒果非常甜，腸粉滑嘟嘟！不錯喔！

平時同朋友係旺角食完飯都好鐘意行過黎廣華街睇下有咩甜品鋪想食，今日見到呢間外面望入去細細間但坐满人的噹糖，就入黎試下。入面的裝飾都係似足學校啲課室的，連桌椅都係用課室果款，好有特式。原來餐牌的款式好多，可以慢慢揀。貼堂作品之一，西瓜大少，$50, 用咗半個西瓜，中間裝上小丸子，涼粉，蘭香子等，西瓜很清甜多汁，食落好爽口，好香西瓜味，係解暑之選。雙球雪糕，$68,朱古力味加士多啤梨味，很大球，份量好足，清甜夠味，加有3份配料，朱古加彩針，棉花糖同Orea 碎，味道好夾。原桶即撞豆腐花，配桂花糖，$40,用原桶裝好有特式，即撞的豆腐花係特別嫩滑，要慢慢瓢起黎食，入口即溶，豆腐味香濃，落桂花糖更加帶出香甜味。

今日係旺角閒逛，黎左一家位於廣華街嘅甜品鋪食下午茶。餐廳嘅主題係課室，好趣致，難怪餐廳名叫「嚐糖」。一於一齊上堂喇！廣末涼子 $50鍾意綠茶嘅就一定要叫呢個，雪糕同汁底都係綠茶味架！除咗涼粉，仲有培茶布甸粒粒同埋小丸子，口感豐富。Miss河 $44呢款甜品嘅汁底係芒果沙冰，消暑一流！以蒟蒻粉同埋椰漿造成嘅河粉既冰涼又滑溜，椰香好夾芒果味，一試難忘！台式醉雞翼 $26通常甜品鋪嘅雞翼都係滷水，呢度賣嘅係醉雞翼，誠意十足！雞翼大大隻啖啖肉，酒香味濃，作小食最好，如果凍多少少就更好。醉蛋撈麵 $25撈麵嘅份量好大，應該有一個半之多，同朋友share啱曬。醉蛋嘅糖心煮得剛剛好，係流心嘅，做配菜實在係滿足。周圍嘅佈置心思十足。係班房嘅場景食野實在令我回憶起好多陳年往事。

與好友晚飯後，來到廣華街這角落，發現了新的甜品店，於是進去看看。店內裝飾色彩並不華麗，看到店內的有著學園的壁報板似的，寫著貼堂作品，卻是甜品的相片。甜品的餐牌是本功課薄一樣，坐位身後有著校園使用的儲物櫃，就連枱椅都是校園使用的那種，有時回到校園的感覺。望望四周，食客年齡都較年青，還有點似是學生的面孔，大家都熱鬧的談著，真的有點回到校園的感覺。我和好友各自要了一份甜品，店員隨即送上帳單，就連帳單都是評分表，並寫著老師的評語等，真的很有校園感覺。不用等多久，甜品就已經送上。Miss河，放在家長教師會的一列當中，由芒果沙冰、河粉、涼粉、椰果及蒟蒻組成。色彩組合不錯，討人喜愛。甜品的的河粉還是首次品嚐，原來是椰子味香的河粉，涼粉、椰果及蒟蒻本身沒有味道，與小許甜味的芒果沙冰非常配合，啫哩及芒果肉也很香。好友要的是五社巴菲中的紫社，上層香草味雪糕，中央是粟米片、杏仁片及紫薯蓉，下層是奶凍，純白色襯托紫色，更為吸引。香草味雪糕氣味香濃，紫薯蓉甜，配著粟米片及杏仁片剛好，奶凍奶味香，不太濃，本身並不太甜，卻與較甜的雪糕一起吃，變成味道剛好配合。店子小小，坐著校園的枱椅，熱鬧的談著，並吃著甜品，感覺猶

👉🏻芋圓腐竹薏米白果糖水💲33啲芋圓質感好粉🌚同埋份量唔多得八粒到 仲要三色芋圓勁唔平均 我個碗得一粒地瓜味😓個腐竹糖水冇腐竹 偏甜😖一定落左好多糖☹️totally not recommended😹

以前聽人講，芝麻糊系好反應到一間糖水鋪的質素。呢一晚食左碗凍既芝修女，西米同丸子無味就正常啦，一入口，就feel到芝麻味以外，有股怪味，越食越感到系雪櫃味，都唔知系雪櫃雪左幾耐，吸曬最難味的味，無辦法可以食曬。第一次幫襯，以後應該無下次。

叫木瓜燉雪耳，得4舊木瓜，2舊雪耳，仲要35蚊，我岀面食都係廿令蚊，真係燥，點解可以得咁小，但咁貴，我走去問個個服務員，佢話公司規定係咁，我真係未食過咁少既木瓜同雪耳糖水，香港既野越黎越騙錢，我真係唔會再幫襯呢間所謂既糖水舖，越食越嬲

在喜來稀肉晚飯過後，已經差不多飽到上心口，此時他們竟然提議食糖水，還是不飽不食的芋圓 lol （內心忍不住高呼十萬次：我好飽！！！）但難得大家如此有興致，糖水還是要食的！ 不想走太遠，我們隨便到對面街找了一間有芋圓的甜品店。 ▼自選棉棉冰 ($45) 我和朋友Share的棉棉冰，選了芒果益力多冰底配芒果汁，配料則選了西瓜、哈蜜瓜和火龍果。 棉棉冰打得夠薄，其實味道不錯，但生果配料味道不夠新鮮香甜。 而其他朋友則點了芋圓及楊枝甘露等，整體來說，味道只屬一般。 小總結：雖然店內裝飾得像一個課室，餐牌及某些菜名也設計得很有校園風味，可是真正要挽留客人的還是食物的本質，在旺角這個糖水店林立的地方，如果要令人回頭，恐怕食物上要再下一點苦工了。

通常無做research就咁求其揾間舖頭食 最後都會伏咗🤢🤢🤢尋日同三個fd試咗呢間甜品舖 我地嗌既四樣甜品都幾伏下🤦🏻‍♀️-自己嗌咗個椰汁海底椰紫米露豆腐花 $36 右下角個豆腐花唔滑同唔知點解帶有小小酸味 亦都冇乜椰汁既香味 似溝咗水既感覺🥥 正常應該會偏甜同帶有椰汁香 以佢價錢黎講完全唔值☹️-然後到個芒果腸粉 $40 左上角芒果唔算酸 腸粉皮都算滑 但個敗北係佢吱係面個芒果醬🤢🤢 陣味好怪 完全唔似芒果味 最後朋友食曬d芒果留翻d腸粉係到🤣🤣🤣-左下角個碗係朋友既自選系列 $53入面有水果 椰汁再加雪糕🍦椰汁一樣都係冇乜味 但最唔抵係個雪糕 20蚊一球仲要係細球🤢 本身朋友冇睇清楚嗌咗兩球結果張單$73嚇死佢 話食個糖水貴過餐飯🤣🤣 後尾減翻一球雪糕比個店員黑佢面🌚-右上角係椰汁涼粉芋圓 $36個椰汁底都係一樣啦 芋圓都正正常常既 但overall黎講無特別亦都唔算岀色🤭無咩事都唔會番黎再試🤢-

嚐糖都開左有一排，成日經過覺得佢幾得意，但未食過，今次終於有機會食。嗰晚等左都有15分鐘左右，人好多。佢裏面嘅裝修好附合主題，餐牌係用習字簿，枱櫈係真課室嘅枱櫈，連野食嘅名都係用學校做主題改嘅。因為我勁中意食芋圓啦，所以就試左佢呢度嘅九份芋圓王($42)。賣相一般般，份量ok，雖然芋圓偏少，唔夠10粒，仲要係細個種，食落都麻麻地，因為唔夠煙韌，可能煮得唔夠耐，男朋友表示有d粉，唔太掂。全碗野得紅豆可以接受。總括黎講，雖然好欣賞佢地悉心嘅布置，但食物質素真係差d，呢樣真係主題幾有心都補救唔到，衰d講與其放咁多心思去裝飾，不如花多少少時間改善食物質素。價錢上四字頭一碗貴左d，外面一般廿幾三十幾左右一碗，而且質素below average，所以真係唔太抵。

首先店內裝修幾有趣，好有上堂氣氛，牆上有壁報，桌椅全部都係用學校大家都坐過既書枱同櫈，連locker都有一排，menu都係用功課練習簿既外形，雖然店面不大，但設施似足班房，夠晒令我呢d老一輩無得返學既人懷緬一下上堂的感覺。叫了整桶桂花糖豆腐花，一開個蓋係熱到出煙，而且份量真係有個桶咁大，一個人食真係太飽。桂花糖始終不及黃糖配豆腐花好味，桂花係香同味道比較清淡，但同豆腐花真係唔夾，加上豆花係熱，桂花糖個味有有d走樣，下次都係食返黃糖配豆花啦

嚐糖，上堂🤤同中學同學睇完戲之後唸住食糖水可以坐耐啲 傾耐啲計岩岩就黎左旺角呢間嚐糖成間鋪頭都係用學校黎做主題Menu係用功課簿嘅design 啲糖水名好多都融入左學校嘅元素枱凳係中學個啲木枱木凳 環境同成個feel都好正 完全令我唸番起中學個時嘅生活一打開個menu 哇 入面有我最愛嘅阿華田😍😍😍即刻叫左呢個阿華田雪糕拼阿華田布甸個阿華田雪糕 阿華田味好濃郁 入面仲有好多朱古力脆脆 I love it🤤相較之下個布甸 阿華田味就淡左少少同埋口感唔夠幼滑價錢$35 旺角黎講差唔多下次會再黎試下其他野☺☺☺

隱沒在街市旁的甜點店本來打算去吃甜品的但是因為有點餓，所以在看menu的時候發現後面有點鹹食可以選擇，剛好它有我最喜愛的素鮑魚就點了他的素鮑魚撈麵了。素鮑魚撈麵 上檯的時候賣相一般但是當吃的時候發覺他的撈麵真的做得非常之好，非常美味。 麵質爽口撈麵調味剛好。之後點了士多啤梨芭菲和西瓜涼粉。芭菲用Movenpick 雪糕所以味道是優的。西瓜涼粉則不知為何下面加了一堆，有點不夠甜。可能我們點的不是主打所以質量是一般偏上品質。反而沒撈面来得驚喜!

上堂喇！！！📝店名已經叫做玩下食同音字，連甜品🍰menu都係！講玩味就好足夠喇。。不過。。。主菜甜品就真係非常非常麻麻地🙈 好一般般囉🙊甜品有中西式夾雜既款式，真係講唔出有咩好唔好味😶 樣樣配料都差咁d咁芒果有d 酸。食食下會厭芝麻糊味道正常，不過西米唔係好夠綿🤔小丸子硬度都適中，唔會話咬到攰～要講好既就係勝在份量都多囉.裝修係仿中學時期既班房樣貌🤣 又有書枱黑板手冊Locker咁🤣 影下相都OK既。不過地方好迫夾🤔

行旺角點少得食甜品呢，同中學同學聚下，緊系要去返有中學回憶嘅地方啦，難得個佈置系返學嘅枱枱櫈櫈，連menu都系用學校d簿仔，最重要系甜品嘅種類都有好多種，中西嘅甜品都有，真系吾話得