嚐越 (已結業)

見門口寫住有幾個二人套餐，都幾好，唔駛諗叫咩食，咪入去試下囉。一入到去先記得其實一年多前黎食過，就係因為覺得依間野唔好食又唔抵食，所以一直都無再黎，但點知唔記得左又走左入黎，可惜諗起既時候都已經坐低左，咪算囉！我地一坐低就叫左個$138既二人套餐，包括有：厚切札肉拼蝦餅黑椒牛柳粒炒雜菜兩個飯或河粉特色甜品點知個所謂「厚切」札肉拼蝦餅，其實只係札肉加一塊蝦餅切開左上，比茶餐廳的餐肉仲要細，每人得兩塊；個黑椒牛柳粒仲離譜，我仔細數過，得六粒，其他全部都係洋蔥、番茄，又無黑椒味，一個人食都唔夠啦！個碟炒菜可能係最好架喇，起碼有幾著夾下！個幾碟餸根本唔夠食，食到我地勁無癮，最後我地連個甜品(椰汁紅糯米)都無食就埋單走了，因為我見離枱食左兩啖話好似變左味，所以都費事叫喇！食完依餐仲要去拮魚旦填飽個肚，激氣！我話過要記住以後都唔會再去呀！

開左好耐從來未試過，今次真係一試難忘．門口帶位已經無乜禮貌，叫個二人餐得幾粒肉．．．一個人就差不多，份量小價錢又唔平，落單時那些侍應，呀東叫呀西落，呀西又叫呀北落，叫幾轉先有人埋黎落單，但其實我好早入去食，當時無乜人，個個侍應都企晒係度打牙"較"包括Super 都係，咁樣的Service 有幾好，大家心裡有數啦！食物唔算好食，碟炒菜更說得上難食．個餐跟兩個白飯或湯河，大部分餐廳（可說九成以上）白飯都係一早做好，但結果係等了很久，仲要三吹四請先送來．好坦白，雖然價錢算不上貴，但相同價錢的食店多的是，無必要去等食受氣，如果你去開新都會，請勿試"嘗越"

本來見到大家對嚐越既評價都幾差，都有ｄ擔心，不過約左朋友之後至知，費事麻煩，所以冇改地方，點知後來一ｄ意外另我覺得一定要為嚐越平反。話說我同朋友午餐一人叫左一個豬扒撈蒙既餐，個餐跟２件蒸粉卷同一件椰汁糕，＄３９＋１價錢都算合理。朋友叫野食時問ｗａｉｔｅｒ可唔可以將個蒙轉做湯河，估唔到又得ｗｏｒ，而且仲自動將個湯河同豬扒分開上ｔｉｍ！惟一既係上菜速度都幾慢下。個餐既份量都ｏｋ，ｄ粉都ｏｋ大碗，之前驚食唔飽既擔心一掃而空，而且賣相同味道都算幾好。不過有樣野唔好既就係，ｄ　ｗａｉｒｏｒ成日都好似好趕咁ｌｏｒ，我碗蒙同粉卷一食完就即刻有人黎收，仲要連餐具同墊底既紙都收晒，朋友碗粉未食完，停一停同我講野之ｍａ，筷子都冇放低，就有人收個碗，叫住佢ｓｉｎ擺返低，好似俾緊壓力暗示你食完就好快ｄ走咁。到最後叫埋單之後，我地突然醒起個椰汁糕未到，真係我地唔提佢地好似會當冇野咁，搞到俾左錢之後仲要再催多２次先到，認真係：上菜慢，收野快。因為都拖左幾耐下，我又趕住返公司，我竟然唔記得左等找錢就急急腳咁走左！！！（同時亦都顯示出果度既找錢速度有幾慢ｌｏｒ，試諗下我俾左錢之後，催多２次個椰汁糕ｓｉｎ黎，食完之後竟

今日突然間心血來潮, 去返一間唔係咁特別既餐廳,兩個星期冇黎啦, 雖然d野食都係麻麻,但係今次黎到俾我有焕然一新既感覺,我覺得d service好左好多, 因為那個女captain 服務態度好正, 笑容又有, 令人好舒服,個名又易記(叫cherry), (因為之前俾我個感覺, d服務員態度係唔好)如果d野食都可以改善下變好食d,加埋呢d咁欣勤既笑容, 我一定會黎多幾次。

星期日起葵涌浦,熱到飛起,到晏畫都無乜胃口食飯,但總不能無野到肚,卒之決定食粉麵,咁就走左入新都會搵食見到間嚐越走入去叫左個春卷檬粉什餐,友人就叫左鷄肉檬,跟個餐飲,青檸soda,其實係7-up加幾個青檸,一般貨色,檬粉都係十般貨色,不過幾欣賞佢既汁,因為唔係好酸,食落味道幾balance,但春卷個皮就開始腍,少少美中不足呢度招呼都幾好,不過成個商場D冷氣真係弱過藥材鋪,環保還環保,外面三十幾度入到去好似無冷氣咁,真係好有絕望之感,其商場管理真要檢討一下係咪起咁熱既時候要校到二十三度至啱

尋晚我同朋友都試o左下面Fabulous Jay介紹o既套餐加一客36蚊石燒蘋果無骨雞翼,我o地各自飲32蚊o既紅粉佳人同....哎呀,唔記得咩名o既酒精飲品.我朋友唔飲酒o既,但佢生日兼且被我挑起佢有興趣試紅粉佳人,紅粉佳人係有氈酒同士多啤梨製成,但我同佢講氈酒好難入口,不過佢飲o左話幾易入口,OK.我o個杯係蜜瓜,蜜瓜奶同酒調成o既,飲落唔覺有酒味,似飲凍蜜瓜奶,可能啲飲品唔加太多酒o掛.講返食,大致上同意Fabulous Jay對呢個餐o既評語,不過加少少自己o既意見.1.南越蒸粉卷: 跟酸甜醬上,好味.而手多多,貪新鮮o既我,o係第二件加魚露食,結果係唔夾o既. 2.雞絲柚子野菜沙律: 柚子唔太澀,o岩o岩好.不過真係食到個底好鹹,而雞絲好似少o左啲.3.香葉石燒雞肉: 真係好清,我同我朋友都覺得清得滯冇味,點少少魚露食就好味啲.(不過我諗餐廳呢個做法幾好,可以照顧到唔同人o既口味,因為整鹹o左冇得救,淡啲可以自己加味)不過都幾大碟.4.牛油忌廉紅什菜: 哈,我o地有老人癡呆症,諗極都諗唔返呢個係咩名堂,真係多謝Fabulous Jay咁詳細o既食評.亦因為咁,我o地食

5/11/2007 9:00PM放學後, 隨即到此店晚饍. 地方有點迫, 而且枱面太細, 鄰枱情侶多叫兩個餸都放不下. 餐牌有多款套餐, 最後要了健康餐($148), 因為bf知我要”健康”一點. 南越蒸粉卷: 相信早已整定, 有d唔夠熱. 但味道幾好. 餡有蝦米, 冬菰, 蔥之類.雞絲柚子野菜沙律: 我最愛的.柚子水份充足, juicy! 加上魚露同生菜同食, 開胃晒! 但食到個底就好咸….香葉石燒雞肉: 一片片的, 幾乾身, 味道不濃, 岩晒要清清地既我牛油忌廉紅什菜: 細碗的, 一pat紅色醬o係d什菜上, 原來有番茄, 感覺健康.欖菜肉鬆紅米飯: 白飯我不好, 紅米飯就唔同. 欖菜肉鬆紅提昇左碗飯平凡既味道. 很不錯.一點要讚的: 一個叫亞”SA”既女侍應服務非常好, 當時食客多, 又ORDER,又埋單, 仍全場笑面迎人. 話說BF胃唔好, 唔食紅米飯, 叫左碗生牛濛.. 等左15 分鐘, 黎既變左牛河, 叫左呢位SA姐黎問, 佢話可能D濛賣晒. 唔好意思……隨即提出”如果唔喜歡, 不如換金邊粉吖~”真好, 佢唔會”局”我地要之餘仲笑笑口SAY SORRY,

上次和朋友在這兒吃飯，叫了一個檸汁鳳爪。不過，D檸汁無檸檬味，D鳳爪無鳳爪味，於是叫待應找來一瓶酸醋，但萬料不及，連酸醋都不酸，結果吃鳳爪就好似吃海蜇般.....

去到葵芳就是但入左去食...咁岩係下午茶...d野鬼咁少...好心佢就收貴d..比多d人地食啦...都唔知佢個老細個腦係唔係有問題...下次一定唔會再去...服務都垃圾...d人都唔理d客...咁都唔執笠真係好彩...以前仲好過宜家...差d唔記得打埋lee個...d怏子咁多油係度..我開頭仲以為係水..等極佢都唔乾先知佢係油...咁ga野都有..你話我仲會唔會丫...

點解樓下會講左荃灣既？我講番係葵芳新都會廣場那間。記得新都會未裝修前，呢間好似係快餐式的，而家就轉左點菜坐定定。說實我係比佢唔錯既裝潢吸引左的，但食落就唔太值呢個價（每人＄１００有多）同女友去食，點左三個菜，點知漏單，我地附近有一桌食完埋單走了，我地居然仲係逐樣菜上，你估去飲咩，好失望。講下食左ｄ咩：１）濃湯野菜窩（＄４８）：用奶白色的濃湯煮菜和菌類，用鐵窩上，夠熱辣辣，湯不是味精，價錢算抵。２）香草烤雞（半隻，＄７０）：香草醃烤過的雞，好香口，配兩款醬汁都唔錯（不過幾辣下），可惜係計番＄７０，都係偏貴少少。３）燒豬仔髀（＄６８）：全晚最離譜之作，＄６８換來竟然是三小條豬髀仔配生菜一堆，雖則話ｄ肉真係好嫩，但＄２２個幾一條肉條，好難會好滿意。食物不過不失，環境則算不錯，涼風陣陣坐店外半露天的位置，看著是夜色下小攤檔賣東西同埋小朋友圍住噴水池玩，係唔錯既ｖｉｅｗ。總括，雖然環境ｏｋ，但食物參差，上菜混亂，價錢唔算抵食，下次呢度都唔會係首選。兩個人二百幾蚊，在樓上既和民選擇應該會多好多啦。

我寫的都是荃灣廣場L4分店! 新開張去試下，看價錢不算貴，叫了一最貴的二人套餐都係$208。不過食物質素就好麻、麻，套餐食物出的次序亂晒龍，似乎那一樣最易做就先出那樣。味道就似食即食麵，總不會難食，但就是好一般的味道。成個套餐有七樣食物，但就好似搵唔到邊個係主菜，樣樣都好似係前菜咁細細份，不過加埋還都算飽。最大份係雜菜窩，一堆納納雜雜蔬菜煮埋一砵，照計唔會有乜味道，但係又食到很例牌的鮮甜味（我估係味精）。無乜吸引再去第二次。值得一讚的應該是服務，待應們都很忙的走來走去。但即使做緊嘢，人客一招手都會立即反應，而且能感受到服務是熱誠有禮的。

我寫的是荃灣廣場L4分店! 二人無叫二人套餐....因為實食唔哂, 免浪費就散叫! 叫左個菠蘿炒飯, 飯粒乾身, 都幾足料...有幾多菠蘿, 鮮蝦...唔錯! 另叫左個濃湯浸雜菜, 有椰菜, 菌, 小棠菜...不過就好似唔太熟...樣樣都太爽啦! 新張期內....送左個牛油雞亦...面既一層脆粉好脆...不過...我唔鍾意食...雞肉好嫩..如果炆就仲正...而家太熱氣! 離遠望...係四樓幾靚...入到去都坐得幾舒服, 野食未試哂, 不過, 見餐牌好似唔太多選擇, 希望都做得住啦!

今日係小弟母親大人生日，去「嚐越」之前去Double Star甜品店訂了一個足夠四人份量的小小芝士蛋糕。然後等齊人去呢間「嚐越」食飯。趁臨尾去Double Star拎返個蛋糕，點知「嚐越」個Captain竟然走過來說要收我們$50切餅費！嘩！乜服務都無要收$50，又唔係要佢切蛋糕，又唔係要佢雪，佢又無蛋糕賣，食餐飯先$300，我個蛋糕都只係$80，我又唔係白食，竟然借張檯食個蛋糕仔要俾$50，我明白係公司規定，不過我覺得個規定好小家，佢話唔俾食其他買入來的東西都無咁嬲！。服務唔得囉真係~D waiter反應慢, 個Captain一句唔好意思都無講...仲話"你個蛋糕都唔只咁既價錢啦!"呢個唔係俾唔俾得起錢既問題, 而係無理由咁樣搶錢法。好多食市都對生日顧客俾優惠的時候，佢竟然反而要收附加費。今時今日咁既服務態度係唔夠架。錢唔係咁搶法既。雖然臨尾都feel到有個waiter同另一個Captain想補鑊, 不過為時已晚啦~搞到最尾餐飯食得好唔開心~

我都覺得以前越南村好食D, 以前價錢平但係而家貴o左又唔見好食o左, 食過一次Dinner 都唔想再食第二次

朋友話食過ok...又有得坐出面....3個人叫左:-菠蘿咖哩炒飯- 幾香口...好味西貢蝦醬白菜仔- 細碟同好鹹...唔抵食春卷拼墨魚餅拼豬頸肉- 係個豬頸肉唔淋...其餘2樣都好熱辣辣~~好味仲有一個粉...唔得係咩名......唔好味...酸唔酸辣唔辣咁....服務一般啦...fing左好耐手先有人理...