嚟喇喂 (已結業)

放學經過突然好想食炸燒賣就去搵下，搵到呢間嚟啦喂，個名幾特別，炸燒賣即叫即炸，大約等左10分鐘，燒賣粉好多，但夠脆唔算好油，但係職員態度麻麻地，佢就咁比串燒賣我，唔單止難拎，竹簽唔夠位，如果係好熱已經燙傷左，仲要冇調味料，我問佢有冇椒鹽個啲調味料比我配燒賣黎食，佢先拎去加返啲7味粉同椒鹽比我，一路都黑臉好似我阻住佢地咁，燒賣12蚊得5粒，佢地標價冇講明幾多粒，我行去隔離鋪搵到12蚊6粒，下次一定試其他

本身同另一半都鍾意食辣，所以成日要心思思食酸辣粉行到悶悶地搵下附近，竟然發現傷心酸辣粉，即刻上去試試！平時多數係街邊食既，都係一般般，只可以話過下口癮，今次入到門口，索到個陣酸辣味，已經超級期待，試下正宗既！點左兩碗酸辣粉（一碗小辣，一碗中辣），當然佢都有得選擇唔辣既湯底，唔食辣既朋友亦唔洗擔心！好快就上怡，先要飲下個湯底，酸度夠辣味足，超香，食食下已經感覺到個咀有少許麻痺既感覺，突然間平時街邊食既，的確相差好大，正宗果然唔同d！酸辣粉的確真係喊住都要食.

好日都唔黎開黃大仙探朋友，成日都見到啲報導介紹竹園新開好多檔野食，就順便打算黎見識下到底有咩好食。見到呢間舖頭滿哂座媽似幾多人食就決定試一試下佢。試左好多人食既錫紙粉絲鍋，估唔到呢個價錢黎講都幾好味，湯底幾惹味唔係食完會好頸渴個啲。蜆肉竟然無沙洗得幾乾淨，而且一兜都有好多粒，唔係平時雪左勁耐過夜個啲伏味。雖然我平時唔多食開辣，但佢既少辣真係幾香口都好試得過。期間見到好多街坊過黎都叫米線外賣，下次都想試下係咪都咁掂。整體黎講以呢區性價比黎講算ok，起碼見到其他檔無乜人幫襯但呢檔都keep住有爆場。

最近同老婆去朋友屋企玩果陣，經過樓下竹園夜市想食啲嘢先再上去玩，聽講「嚟啦喂」轉左個新老闆，之前食過一次，還可以，依家轉左手所以想試下會唔會比上一手更好。去到見到個幾後生靚女既新老闆自己一個係度，之後老婆叫左個兩餸重慶酸辣粉，好重口味又夠辣，價錢都幾合理，唔貴。之後我又叫個錫紙鮮蝦粉絲，係用錫紙包住上既，所以熱辣辣好正，入面有蝦有生菜芫茜蔥，個湯底好重蒜香辣香味，d粉絲索曬d湯好好味，岩曬鐘意食辣既朋友仔，值得推介。

之前去朋友屋企玩聽朋友講樓下夜市有間小食轉左老闆，食物出色左好多價錢又公道，所以同朋友落去試試佢。點知有驚喜今日已經係第3次幫襯啦！第1次去叫左蜆肉錫紙鍋，味道好夠，因為我好中意食蒜同辣，靚女老闆好好人會願意幫我加蒜跟手第2次就食撈麵同手抓餅，之前返開深圳已經好中意食，估唔到竹園會有仲食得返陣味！手抓餅好足料，芝士茄汁一咬落去就有飄飄然既感動😹真係可以一試！撈麵好夠辣加埋青瓜絲係絕配！今日再去食過！水準依舊，美食總在民間小店推薦大家不防一試

送完女友返屋企發覺有啲餓 唯有自己去揾食見到啲嘢食好似幾吸引 咁就叫左個肥牛粉絲煲同手抓餅食下 價錢唔係貴 同其他比係平既份量都夠飽有突 等既其間有同靚女老闆講二句 份人都幾nice 有講有笑手抓餅都幾貼心幫我一開二 方便到我 又唔洗咁論盡 個粉絲都夠味又好食 行開依頭真係要黎食下

由於住係附近，所以成日都會經過，之前食過錫紙鍋粉絲覺得一般，不過最近見轉左人所以再試下，發覺質素好左，同埋幾貼心，外賣時佢會將粉絲同湯底分開裝，驚粉絲索哂水，個辣度好夠，仲有好多料添，整體黎講好味，料又足。今日再試埋個酸辣粉，嗌微辣，因本人唔係好食得辣所以覺得微辣都好夠，酸度都適中，如果食得酸既話可以要求加酸，另外以我印象中佢地好仲有手抓餅同其他野食，整體黎講呢間野都幾好味，又平又低食，學生哥都可以黎試下。

之前都黎過一次。。。近排見好似轉左人，d餐牌吾同左所以再試多次，質素好左，d人又有禮貌，速度都比之前快，吾洗等甘耐。 個個涼伴撈麵好好食，又平，仲有食左個芝奶腿吐司好好食，下次再黎！

今日第一次黎幫襯，試咗手抓餅同酸辣粉，出乎意料咁好食，真係估佢唔到。手抓餅夠足料口感夠豐富，酸辣粉就夠酸夠辣,正到爆。一路食一路同老細傾下計，原來樣樣野食都係用心之作。如果揀平靚正既野食，呢到真係必食推介

25蚊2餸一麵 唔使加錢都可以轉麻辣湯底👍🏻👍🏻👍🏻上次去紅磡弋間食錫紙花甲粉絲鍋 68幾蚊得4 5粒蜆呢間38蚊竟然有10幾粒👏🏻👏🏻👏🏻👍🏻有辣有唔辣 蒜蓉味勁正👍🏻👍🏻手抓餅價錢合理 16蚊餅底 加5蚊一種配料店主仲主動請我地多一種配料👏🏻👏🏻👏🏻👏🏻

$16手抓并，細到離譜，仲要比小到不得了沙律醬，無諗過會係咁，唔會再買，完全同相差好😡😡😡加一樣配料，仲要$5，好在無加，咁的價錢，絕對無下次😡😡😡！