囍囍美食

營業中

休息中

係深水埗放左學，見時間尚早，但又口痕想食野，深水埗一定唔會餓親你。想食小食，一定唔少得呢間♥囍囍美食♥啦想食咩佢都有咁制，一串、一碗、一袋乜都有😆隨時隨地都有人幫襯佢地，咁岩有班地盤佬收工見到佢地一人兩串🍡🍢細碗 雙併 豬紅蘿白 $15因為太多選擇，我都諗左好耐，最後都係食碗豬紅蘿白。細細碗都好多粒豬紅同埋起碼有5舊蘿白，唔知係咪禮貌好，嬸嬸臨尾好似比多幾粒豬紅我。佢仲話啲豬紅灑少少胡椒粉仲更加好味。的確加左胡椒粉個味道感覺又唔同左，碗野勁熱辣辣，夏天係條街食其實都幾攞命🤧整體黎講加左胡椒粉既豬紅份外可口，蘿白大舊又好甜～👍🏻

小心呢間啲阿姐亂收錢！我地叫：一份魚蛋燒賣$12一串雞腎加一串魷魚$10+$10已收$32之後再叫：一份魚蛋燒賣$12一碗韮菜豬紅$15一包紙巾$3一支檸檬茶$9佢地收$68後尾發覺唔對路，個熟手阿姐同隔離個個講你都收佐人錢囉…問佢地先話計埋上一次啊嘛，就算加埋都係$71唔係$68，佢地先嘔番$29出尼！岩岩食完既食評13/06/2018

喜喜位於深水埗地鐵站出口附近，一直好方便，經過的時候吃一兩串串燒，他們的串燒可以選擇辣或者不辣，上面有一些孜然粉，令到你覺得味道有所提升。其實牛柳方面亦都不錯，因為不是燒到很乾的，我最喜歡是雞軟骨或雞腎。經過的時候都會忍不住買一兩串。有一日好想食邪惡食物，去過喜喜買炸大腸，但是炸大腸方面並沒有串燒那麼出色，因為大腸不是炸透，未係最脆，而且還有很重的色素味道。

要係香港揀一個平民食堂的話深水埗一定係！深水埗有好多特色嘅小店基本上你想要咩食物都有今次係轉角位就見到呢間 囍囍美食見到基本上咩都有得賣 反正就好似一個香港小食嘅集中地咁經過見到有炸魷魚鬚 即刻好想食因為好香炸魷魚鬚食落去唔會好油 而且炸粉啱啱好唔會太厚 但唯一要挑剔嘅地方就係好似炸得炸咗少少 係圖片入邊都見到有少少黑色 所以食落去嘅時候有少量燶味除咗炸魷魚鬚之外仲喺隔離都買咗杯珍珠奶茶 珍珠奶茶嘅奶味好重茶味就好淡 但以佢呢個價錢來講真係好抵 平過其他一般嘅連鎖店 珍珠亦都非常之多 大概有三份一左右 珍珠好夠甜 佢煮嘅時候調味好夠 而且煙韌程度都啱啱好！ 一定會再返轉頭😀😀😀

話說平時囍囍都係食炸魷魚鬚，15蚊吃到25蚊老實講真係無以前甘好食同甘大條講反今次先，路過見雞蛋仔好似幾得，10蚊/件，18蚊/2件外脆內軟，甜度適中略嫌硬左d,但他係脆既。可能我d牙唔好😂😂都值得一試

香港地文化 ☺️掃！街！😏☝️.我是為煎釀三寶而來的🤤🤤🤤🤤8蚊4件10 蚊5件 我買左：蟹柳！茄子！豆腐！紅腸！脆口又地道☝️抵食！ 蟹柳係出面既煎釀三寶店比較少見🤔煎釀三寶黎講算幾足料！肥美的茄子😙😙😙下次再黎掃街先💪🏻🤤

格仔餅同雞蛋仔唔知點解可以越賣越貴， 成廿蚊一件， 真心唔捨得買。 仲要唔係一定好食。甘岩同先生行黃金， 經過見到囍囍嘅格仔餅同雞蛋仔賣$10 / 1件， $18/2件， 望落去又幾鬼靚， 所以就買左一人一件。而由於無諗過甘正正子， 我無俾相機食先， 食到淨底一半先諗住must分享。件格仔餅又熱又厚實， 加埋落足煉奶同花生醬， 堅係好好食。我叫多杯宇治抹茶紅豆(少冰), 抹茶味濃，紅豆不太甜又夠軟糯，簡直係小食同飲品都超水準！呢間小食加台茶真心掋食又好食, 大家經過要試呀！

吃鹵味，大家往往只會想起旺角的肥姐，多人買，新鮮冷凍，當然不會太差；但是其實深水埗的囍囍，人流不少，試過現場吃一兩串，味道也不錯。現場吉住吃，難免失禮；下班買外賣，一盒五串包盒子，方便而乾淨。豬耳較厚，骨脆肉嫩；雞腎爽，但難免有點痴牙。生腸也爽😆沒有特別的異味。墨魚不大，但夠多。囍囍的鹵味就是夠大串，人流不算太多，其實質素而言，的確與肥姐差別不大。如果現場吃夠凍的話，肥姐囍囍難分高低。橙色流在盒底，反映應該色素不少，少吃為妙

今日約咗人喺深水埗食飯又未夠鐘，就去睇一睇早兩日朋友話好食嗰間喺高登對面嘅滷味，搵咗一陣，喺高登對面嚟講相信應該只係得呢一間舖頭有滷味賣，二話不說即刻整番串先，個滷汁味道十分之單調，同肥姐嗰隻有豐富麻油同花椒香味嘅甜豉油洗禮版簡直係天與地，十蚊一串呢港仲貴過肥姐，個腎仲要硬到甩邊，負皮。

深水埗人來人往，見呢間門口多人企，燒賣魂又迫我掃街！12蚊拮左一兜辣魚蛋燒賣，可能呀姐太睇得起我豪汁俾我，辣汁真。係。好。辣！食開譚仔三小辣嘅我食完一粒已經咳到要飲嘢。覺得辣汁死辣太嗆喉，冚到魚蛋同燒賣分別只係口感唔同。

香港小店買少見少，地道小食店更甚。深水埗也許是保留著最多香港地道小食店的地區。今天陪朋友到深水埗辦事，連食午餐的時間也沒有，經過這令人回憶惜日香港的小食店便買點小食果腹。可能係平日下午茶時間，人流不多，店外亦無等待的客人，我是當時唯一的客人，或許店員不忙碌，心情自然好，待我的態度亦十分親切友善。買了兩款食材上十分平凡的小食——魚旦及燒賣，但我食到的風味及感覺卻絕不平凡。這裏的椒鹽燒賣，即叫即炸，只需$7便有五粒，每粒也大大的，份量絕無欺場。售賣椒鹽燒賣的地方不多，每次見到都會買來吃，止止心癮。這算是我吃過最出色的椒鹽燒賣，外層脆卜卜又熱辣辣的燒賣皮，加了不少分數，内層的肉又軟又熱，雖然魚肉味不算濃，但只需$7換取的脆熱感動已足夠俘虜我的心。相比燒賣，這碗魚旦則稍為遜色，味道和價錢也給燒賣比下去了。$12一細碗的魚旦有十粒，可選辣或不辣。小妹口味比較重，所以選了辣味。魚旦是已煮好的在一個大窩裏滾著，選辣味便是於窩裏取出的魚旦上另加上辣汁。每粒魚旦不算細亦不算大，可形容為中等偏大吧！質感軟軟的，少許彈。魚肉味較椒鹽燒賣豐富。魚旦的味道和質感其實亦算合格。嗜辣的我對辣汁有較高期望，所以對這個

喺荔枝角及長沙灣工作，最大問題就係lunch唔知食咩好！雖然附近有好多茶餐廳，但都好多人，工廈餐廳食lunch價錢又唔合理，所以囍囍呢間飯堂係我哋呢啲OL最愛！佢有多款餐廳多款國家美食不同美食俾你選擇，車仔麵、魚湯米線、越南粉、台灣食物、西餐，都應有盡有！我最鍾意食就係佢個西餐啊！佢個西餐60幾蚊，聽落去好似好貴，但係一個餐足夠兩個人食，非常充足，除咗有一個沙律、兩個主菜，仲有嘢飲，你話抵唔抵！我自己鍾意食澱粉質！我叫左ham沙律、炸薯角，三文魚蛋碎三文治！飽之餘又好食！食物：3環境：3價錢：4

好耐之前每次起深水埗都會黎買椒鹽魷魚鬚食叫左一包個陣我話想再炸多次啲魷魚鬚但店員堅持已經係新鮮岩岩炸但食落去啲魷魚鬚軟哂完全唔係岩岩炸出黎既口感如果下次買都唔肯炸我唔會再去買

街頭小食大家會諗起咩！？雞蛋仔？煎釀三寶？魚蛋？燒賣？雞蛋仔之前介紹過啦今次介紹依個墨魚 $9通常買既人都連埋生腸一齊買但小妹好怕生腸有依個趙唔爛既感覺所以買左墨魚食，本來我都怕會好韌原來都唔韌，配埋啲醬仲幾好味多數人買生腸墨魚，第一時就會諗起旺角既肥姐小食店🐙（始終肥姐還是最好味）但如果去開深水埗又想食，依個都係一個唔錯選擇😌

行過深水埗，那份想掃街的衝動就來了。說到邪惡街頭小食之首，炸大腸真係當之無愧。剛炸起油滴滴，熱辣辣，每粒大腸十分肥美，沒有怪的味道，層次分明，加埋五顏六色的汁醬，芥末也能減低那份油膩的感覺，對我來說真是一個大陷阱。今日推介左做開gym的男朋友食，不過佢食左一粒就放棄左，話好似食香口膠咁。唉，炸大腸的魔力，你真的看不透。話就咁話，不過都係耐不耐一次半次好，真係好無益