囍滿庭海鮮酒家 (已結業)

今天我和我家人同我的親戚去了山長水遠的天后去吃晚飯。初初以為這間酒樓不會比其他的酒樓有什麼大的分別。我們吃的東西應該​​和平時吃的差不多吧。 。 。 ？唉。 。 。為什麼要去那麼遠呢？ ？ ？好累啊！我下車的是後再望望周圍的環境。 m hai ah ma， 為什麼我們進了一個屋村？還要在一個山上？ ！不要理了， 肚子餓了。 auntie 說酒樓就在welcome 旁邊。進去了！誒？為什麼在屋村里的酒樓那麼乾淨的？第一個印象：不錯，應該不會差得去哪兒的：）（魚缸水很乾淨！） 哈哈哈。地方不算好大，但比起其他的酒樓，靜。然後進去了找我的舅父和其他親戚。原來他們在一個少少的房間打mazhong ＝＝“。 想像時間過得那麼快！我的表姐已經生了一個好可愛的小B！ ：） 還沒該名子：（我急不及待問了阿爸“為什麼選擇這間酒樓？” 他說”不要看小他！這晚餐值8000dollars” 我瞪大了我超細的眼睛。 “哈？ ” 呆了。 what？are you kidding me？？ 我轉頭，就看到我的舅父和酒樓的老闆在談話。 十個人吃八千？哇哇wahhhhh！！！好貴＝＝“第一碟菜： 湯： 雪耳豬展海底椰＋

突然個客話同我食飯，無訂位差啲無得食，今次坐房睇唔到無敵大海景，不過多左部電視。坐房最慘就係無人理，次次酙茶、落 order 都要走出房外搵侍應幫忙，唔多方便。近日師父啲味精越黎越重手，食完都幾頸渴 ~ 味精抗通賬？海蜇燻蹄，保持水準，燻蹄有趙口、有咸香，皮脆肉嫰。海蜇都滿意既，爽滑囉。最緊要係配個白醋黎食，唔係味道就好寡喇。四川口水雞，失手，好咸啊。完全唔辣，仲好油添，但點解今日啲醬料特別咸架，雞肉口感嫰滑，幾好，只不過太咸呢。避風塘三寶，仲諗住會用炸蒜蓉堆住三寶，原來係用天婦羅既做法炸，再用椒鹽兜兩兜。三寶有魚肉釀青椒、紅椒同茄子，炸醬薄薄一層好鬆化，不太油膩，好好味，尤其係茄子，切得夠薄，炸到熟透，軟棉棉，口感一流。炸明蝦角配沙律醬，又一次失手，好咸呀，今日好多味都出手太重。蝦肉鮮爽，炸得金黃香口，好味道，但太咸。都係較喜歡以前用粉絲卷住炸，賣相吸引又無咁油膩，好懷念。蟹籽燒賣，雖然無咩蟹籽味，但豬肉味香濃，蝦仁鮮甜爽口，只用少量肥豬肉，口感夠實淨，好味道。鮮蝦餃皇，皮薄餡靚夠通透，食落鮮蝦味濃又特出，口感爽甜美味，正。四寶雞札，魚肚、冬菇、雞柳、芋頭。又係芋頭呀？我唔食芋頭架，

每次來漁人碼頭,也是遷就在隔離上班的M小姐,就算行到崇潔街,一來一回也要十五到二十分鐘,對只有一小時中午飯時間的他,在漁人碼頭用膳,似是唯一選擇.是次午聚選址在商場內的"喜滿庭",沒記錯前身是"潮州公館",想起上一次來漁人碼頭用膳,就是潮州公館,已是三年前的事了.看此酒家在貴網的食評,差不多一面倒好評,這個中午除了M小姐,尚有Mrs K,其實,是有些伴手禮給大家,便相約一起茶聚.吃點心之前,點了煲例湯,陳慧琳都識得扮Cute同大家講:食飯就煲例湯.我捫吃點心,也要煲例湯.是日為西洋菜煲生魚湯,原個瓦煲上,煲得夠火喉,味道鮮甜清潤.燒腩仔如果是燒起不久的話,熱辣辣就很難會差,但此燒腩仔則不是在最佳狀態,食味當然差一截.煎蘿蔔糕頗佳,起碼吃下去吃出清甜蘿蔔絲,妄想一點,有余均益辣醬的話,一定加分.春卷有別吃慣的味道,包著的大多是菜絲,但沒有芋頭在內,感覺頗齋.蝦餃是水準之下,一夾外皮即漏水,質感很潺,大家見狀也搖頭.叉燒包份量不大,本身鬆軟,說是蠔皇叉燒包,蠔味並不突出.蒜茸蒸鮮魷做得入味,爽口彈牙的魷魚,充滿濃惹的蒜香.燒賣爽口,吃落還有肉汁流出.陳村粉蒸排骨,看外表也覺得油膩,排骨肉質

在“openrice”上看到這家店居然全給笑臉，那怎麼我也要試試到底有多好啦！ 挑了星期五的中午來喝茶，剛到時人不算多，大概半滿而已。靠窗的一面可看到海景，不過全是大桌子，我們被安排在廳中間的四人桌。點心款式不少，我們很快劃好點心紙，都是些大眾化的食物。 先叫了八樣點心，它們很快就一一上桌了： 囍滿庭蝦餃：飽滿通透，夾起來皮也不破，蝦肉餡爽口，水準甚高！ 蟹籽燒賣皇：大小一致，包得很緊，外層的黃皮完好無缺，豬肉和蝦仁的比例恰好。 灌湯小籠包：名符其實，真正做到灌湯效果，不過端上來時其中一個已流出湯汁來，皮頗薄，只是頂上收口稍稍硬了些，肉汁鮮美，比普通小籠包還好吃。

星期六放半晝，放工同三位同事輕鬆嘆茶，仲有兩個幾鐘先上堂，可以慢慢享受 ~ 今日陽光普照，非常好天氣 ~ 望出窗外迷人海景，真係心鄺神宜，嘆茶送飯一流 ~雞絲春卷，不過不失，炸得香脆，不過都係鮮蝦春卷味道出啲。蒜香魷魚鬚，件件爽口又嚥靭，蒜蓉好惹味，好食。潮洲粉果，有蔥有葛，食落覺得味道有啲單調，麻麻地。叉燒飽，熱騰騰，香噴噴，香甜叉燒餡，都唔錯。水晶蝦餃，大大粒蝦仁，鮮嫰爽口，好味道。煎腸粉，只係輕輕咁略煎，無香口感、只有油膩感。水晶餚肉，幾好，有咸香但略厭不足，完全無水晶口感，無膠質、唔彈牙，咬落仲有啲散添。糯米雞，我最欣賞佢餡料足，咬落啖啖都食到，唔會淨係得飯，仲有咸蛋黃添，蒸得夠耐有荷葉青新香味，好食。西汁魷魚鬚，一試無妨，即沙拉魷魚鬚，炸完啲半截鬚，再用沙律醬撈混便成，味道酸酸的，但好漏。

星期六放工嘆茶 ~ 但都係工作一部份，唉 ~ 幾個客專誠黎公司搵我食飯，原先佢地好想食日本野，但無奈地紅磡並無有質數既日本餐廳，行到漁人碼頭，唔想再浪費時間四圍搵，咁唯有又係飲茶啦，還掂我幾個客都未去過囍滿庭 ~ 我黎我最喜愛既無敵海景酒樓，連我啲客都大讚個景真係好正呀，飯後大家都好滿意好滿足 ~海蜇薰蹄，真係好食過好多燒臘舖、街市或快餐店，處理得佷好，夠晒凍。薰蹄夠香、肉味濃、肉嚥靭、皮彈牙，海蜇爽口鮮味。好多年無食過咁有水準既海蜇薰蹄喇，如果可以落幾滴麻油提升香味，咁就真係錦上添花喇。脆皮燒腩仔，保持高水準，皮脆肉嫰，係有四層架，層次分明，我諗遲早可以做到最高境界五層燒腩仔。點少少黃芥辣提味，咸香撲鼻，多層唔同既口感，脆、滑、爽、嚥靭，超級既享受。口水雞，好微好微既辣味，此菜式食其香不是食其辣，雞肉嫰滑亦無過肥，汁料非常惹味香口。炸明蝦角，此小點比起以前稍遜，無左外層既炸粉絲卷住、無左裡面厚厚彈牙蝦膠。雖然依家仲叫做好食又炸得香口，但啲餡少左好多囉。魚湯鮮竹卷，將蠔汁轉做魚湯，味道清新左好多，無左油膩感同飽滯感覺，好喜歡，如果能夠再熱啲、再多啲湯更正。淮山四寶雞札，賣相扣好多分，好

區內海鮮晚飯首選,每次必點清蒸魚.師傅每每能做到'一點紅'的效果, 出品質量不下區內外任何一家,抵讚!時令冬瓜盅清甜自然, 無添加味道. 有很多客捧場, 提早預訂為妙.黑椒牛柳粒嫩口, 雀巢做形工整用心, 入口香脆而味道不嗆口, 食得出小菜師傅的心機, 現今之下已經是難得.其他小菜出品均迫近同區的海逸軒.奉送糖水甜點, 其中脆麻花為一絕. 平實的紅豆沙及綠豆沙均為高水準之作.

係紅磡區我最喜愛既酒樓，無敵大海景，多款食品選擇，出品質量穩定，仲有好多特別菜式，唯獨服務要加把勁改善喇，包括廚房都係 ~ 因為公司係附近，工作原因，所以多數都只會係度食午飯，早茶或晚飯機會微啲 ~ 因午市實在非常多人，最好訂定枱喇 ﹗但稻香開左之後，已搶左部份食客，但依然經常爆場 ﹗脆皮燒腩仔，差不多每次都叫既小食，皮脆、肉香、肥瘦平均，good ﹗點啲芥辣更能提升咸香 ﹗四川口水雞，好香、微辣，雞肉都嫩滑，幾好 ﹗但只用雞仔做，無咩肉食，主要都係過吓口癮。本人嗜辣，老實講我完全感覺唔到，只有啲花生香、辣椒香。白烚白菜苗，好普通既一味，無咩特別，清清地，點豉油食，菜嫩口。炸明蝦角，好香口，蝦彈牙、味鮮，配沙律醬酸酸甜甜，好開胃 ﹗水晶蝦餃，皮薄餡靚，大大隻蝦仁、爽口彈牙，少量肥豬肉帶出香味，無肥膩或散筲筲口感，非常好。灌湯小籠包，好功夫，豬肉汁豐盈，飽內滿載湯汁，放係醋上面，令小籠飽稍為降溫，就成隻啪入口，飽皮、肉汁、豬肉混在一起，好有層次，勁好味，如跟上海老店比較已做到超水準 ﹗

昨日一行五人來吃晚飯，在海鮮缸見一隻肉蟹很新鮮，坐下後叫侍應生拿來看並問價錢，答是「八元一両，重一斤九両」；$8x25両=$200，合理，於是叫了一隻。食物質素不算突出但合格，地方寬敝，原本是一頓正常的晚飯，但埋單出事了：單埋了三次(最後可能都錯，但沒再搞了)。第一張：總數$988，分項列明蟹$255。跟經理說他們弄錯了，因為蟹報價是「八元一両，重一斤九両」；經理說：「弄錯，立刻更正。」第二張：總數$958，蟹$225。吓，搞乜？經理又說：「你隻蟹大隻，要$9一両，細蟹才是$8一両。」咁都得？不如你話大蟹$18両好唔好？我堅決不付，又改單。第三張：總數$931，蟹$200。思考題：第二張單比第一張的蟹價減了$30，全張單也減了$30，咁加一的$3去左邊？第三張單比第一張的蟹價減了$55，點解全張單減了$57而不是$60.5？劣！劣！！劣！！！劣！！！！劣！！！！！！

年初五到海逸向呀姨拜年,傾了成個鐘,係時候食飯了,去邊度食好呢?知道老人家都係鐘意一盅兩件,於是和她到喜滿庭飲茶,當時係一點三十分,小姐十分細心,問我地係咪飲下午茶,因時間関係,唔等下午茶了,預咗新年飲茶都會係貴了.要求一個望海的位置,雖然唔係對正個海景,但都唔錯兩人叫了1. 牛肉腸- 腸粉皮薄又滑2..雞包仔熱騰騰,包皮又軟熟,厚薄啱啱好3. 燒賣全無肥肉,又有蝦4. 蘿蔔糕最唔得,全無臘味最後想食芒果布甸,但冇,於是叫紅荳沙,怎知紅荳沙送來時侍應小姐說是送的,真係意外,紅荳沙唔係太甜,紅荳又大粒,食完之後好滿足,在經濟不景下,,竟然有這温響塲面,真係值得表揚

吃燒肉最忌是無肉味，只得鹹味。可惜坊間能夠做到的燒臘店不多，不是加過量的鹽，就是醃得太久。早前到住在海逸豪園的朋友家探訪，晚上獲邀到附近漁人碼頭內的囍滿庭作客，朋友一到場便先叫上一碟脆皮燒腩仔作前菜，喻我們邊吃邊再想想主菜吃甚麼。起初不明其所以然，但夥計一送上該碟燒腩仔後疑團就得解開了。它入口層次分明，瘦肉與脂肪在口中混合，軟韌有致，不會過肥又不會過瘦，有油香得來又有肉味。而且不僅豬肉的味道口感都佳，那層皮也燒得酥脆非常，色澤金中帶紅，好看得不得了。單是這個豬腩肉巳足夠

星期六下午食晏唔想去得遠就響紅磡攪掂,平日吊鹽水嘅商場突然人頭湧湧,原來係有新樓盤,地產代理多過客,一入去俾人截住,要過五關斬六將至去到酒樓門口,揾食突然變得艱難都係拜誠哥所賜.剛好下午茶時段,張點心纸有幾樣小菜/小食都幾抵食($18-$28),老婆話不如唔食點心淨食小菜.叫咗水晶肴肉,口水雞,生菜魚滑,咕嚕肉同瑞士汁牛河($38).水晶肴肉同口水雞,水準OK,生菜魚滑就差喇,D鱼滑好腥又唔滑,咕嚕肉(又係咕嚕肉),琴晚至食完,又食?老婆話琴晚食得唔夠癮,要再食過.果然係明智嘅選擇,好大碟好香口D肉又夠嫩.阿仔話咁正要食番過個白飯.至於個瑞士汁牛河仲正,好香夠乾身又唔係好多油,牛肉好大塊又夠滑,近期少有食到咁正.

由開業至今已光顧過近10次, 午市及晚市整體水準保持不變. 當中包括超低能的部長及勁好味的點心小菜和湯水.老火靚湯同麥片蝦必食! 其餘小菜亦見廚師功夫了得, 但竹桶雞湯味精太多!若你有耐性可一試, 因服務質數奇差! 部長太多服務生少分工混亂. 開茶竟有不下5位部長及服務生來詢... 唯一正路個部長都離職, 可惜!

剛剛上個星期四同幾位同事上去呢間酒家午膳，三面落地玻璃窗對正個海，環境一流~食物方面，推介有:廚王炒飯我覺得佢個廚王炒飯係必須一試!飯身炒得非常爽身，而且落油唔多, 一d都唔肥膩，但就非常有鑊氣，對於無靚飯不歡的我，呢個飯真的有酒店級質素，但只係餐廳級價錢，超抵食，最緊要係要夠好食!!竹筒湯另一必食係佢既竹筒湯，(雖然佢既例湯真係無落到味精，唔似出面其他酒樓個d聲稱話無用味精，但飲完條脷都係咁口渴~)我始終都係最鍾意佢既竹筒湯，上枱時非常夠熱，裡面仲放左馬蹄，仲埋好多乾瑤柱，唔怪得唔駛落味精，個湯夠哂鮮味，非常好味。油雞油雞係另一必食的食品，雞味十足，生熟度啱啱，唔會見到我地女士們最怕見到既紅血班，但好難得地肉地都非常鮮嫩，好好味，最啱不喜歡食白切雞既我。至於服務方面，今次係我過年後第一次去，舖面明顯增加了人手，覺得服務質素提升了很多，今次覺得樓面侍應很helpful很殷勤，可能有食客向酒樓反映過，侍應質素比之前改善了很多，此舉值得一讚!整體來說，對此酒家感覺很好!!

上個星期六同屋企人去左這間酒樓食,初時以為有驚喜,但係一望菜牌,即時好多驚喜都冇晒,d waiter又內鬨喎,人地新黎咪比個機會人地落單囉,要唔要突然整個waiter黎叫新黎既走?叫左菜,有一味菜唔係我地叫,咪同個waiter講囉,竟然咁講:「咪岩囉」,係,我記得叫咩架,唔通我地做客的錯晒,你地岩晒呀?爭執好耐先個高層同我地仲問要唔要,我同得你地講緊係唔要啦,之後囉走左後又話我地果味菜冇晒,有冇搞錯呀?對這間店評價單係服務態度十分差,早知上上面另外果兩間酒樓都冇咁生氣,至於食物,總算ok不過不失,但服務態度比我黎講,下次去果度都唔會去果間野囉