囍運冰室 (通菜街)

營業中

休息中

打完波去食嘢 見到間餐廳咁多人就入咗去我嗌左個黑椒牛扒飯 揀咗紅湯 抹茶紅豆冰首先個湯好快就上咗 睇樣就正正常常 飲落去淡而無味 然後個抹茶紅豆冰淡到呢……抹茶冇抹茶味 飲水好過佢 之後同侍應講 佢沖左啲抹茶俾我加 加完分別都唔大 一樣唔好飲 最後個黑椒牛扒飯嚟咗 黑椒汁死咸 塊牛扒真係非常之唔掂 切都切到我手軟而且咬都咬唔開 成塊牛扒差唔多冇食過 然後同員工反映 一個就同我講話係咁㗎啦 第二個就叫我同大佬講 大佬就話成晚冇人講 我唔好彩😂我都知我唔好彩 真係食垃圾 仲要唔平 ……

返工收工都係食佢 十分穩陣十分好食😂早餐通常都係食佢嘅歐陸早餐（魚柳）好鬆脆佢杯凍齋啡超級有啡味 平時食其他茶餐廳 杯啡淡過水 佢既啡係的確有咖啡味👍🏻👍🏻夜晚食佢啲炒烏冬 咖喱飯 一啲都唔遜色👍🏻好好味

午餐送中湯或西湯，中湯飲落正常同係屋企煲嘅差唔多望落幾吸引，又好似唔多油好清新咁。雖然好多排骨，但舊舊唔係多肥就係多骨，食落感覺唔多好，真係食到嘅肉非常少，即使有一舊瘦，但用料唔多好，所以無咩豬肉味，南瓜好淋，但無咩南瓜嘅甜味，雖然唔油。整體一般，下次唔會再食。雖然價錢唔算貴，但我都覺得唔值，或者下次試下炒飯可能會好味點。還有今日坐嘅位滴水。

吃了三天酒店提供的早餐，今早叫外賣，因時間太早，只有兩三間選擇，看完食評有點擔心，但最後也落了單！酒店職員很快便送上外賣，還是熱騰騰的，試了一口，好味😋，湯底濃郁，炒蛋確實是牛奶炒的滑蛋，我點了雪菜肉絲米粉，先生點了火腿通粉，我們還點了些麵包，也是剛出爐、軟綿綿的！還有一杯港式奶茶，不太濃、味道剛好！我和先生對食物都有要求，這早餐確實有點喜出望外！還有幾天隔離，會再試其他食物，看看品質是否穩定！

滑蛋叉烧飯同雞批都好好味，不過服務質素跟唔上，黎咁多次啲阿姐都係禮貌欠奉， 如果食物有7-8分，服務態度最多得2-3分。 話雖係茶餐廳，但外賣盒連單一齊掟落檯 真係差啲🙄

深夜時分，已經沒有堂食，見有啲餓，就去買個蛋撻食。於是，悲劇就發生了。本來，已經知道深夜的蛋撻肯定不及剛剛出爐的蛋撻好，但萬萬沒想到。。。個蛋撻餡連3mm都無，真系失望到喊左出來。以後唔會再食☁️唉，真係有必要偷工減料到這個程度？

外賣叫咗個炸髀配脆薯皇 $46 炸髀直接睇相 無下次皮硬 肉鞋 好難嚼 唔講唔知以為炸咗兩個鐘😓外圍唔係肉全部都係粉 粉都算 仲要係苦嘅肉其實得兩啖賣相同口感同我之前食嘅完全唔一樣之前食過一次覺得ok先再嗌點知整啲咁嘅嘢🥴仲有個脆薯皇 即係炸薯角唔知點炸點煮 食落又係苦嘅🤢🤢我好少寫食評 更莫講係差評但今日呢餐真係好難食😓

逛完旺角好肚餓，即刻入去囍運冰室，巧遇下午茶時段，即刻被餐牌的碎蛋沙律牛角酥吸引住，包埋嘢飲$35。食物很快就到，碎蛋沙律分量一點都不吝嗇，有很濃郁嘅蛋黃醬，蛋碎都很多。加上牛角酥外脆內軟，牛油味濃郁。加上碎蛋沙律，口感很豐富。另外整個牛角酥等如手掌的大。 真的很好味另送一杯熱飲， 可惜忘記拍照了，熱菜蜜是用牛奶公司杯碟上的。整體這個套餐10分滿意。望望餐廳環境，坐得都舒服，都很開揚。想不到這間冰室水準都不錯，餐牌設計清楚易明。值得再試。

哩間茶檔係外面睇落環境唔錯, 我去金魚街睇金魚時經常路過, 但唔知點解, 總係無意慾入去幫襯, 今次因為避雨, 終於有機會一試.望望個 menu, 其實啱心水嘅菜式不少, 當然..... 好唔好味係另一回事!點咗晚餐A同B, 分別係黑椒汁德國台鹹豬手跟薯菜同京蔥醬爆牛柳粒. 重有紅白湯各一.優點:1, 冷氣尚算充足.2, 環境光猛闊落.3, 京蔥醬爆牛柳粒, 牛柳入味 juicy 無鞋口, 京蔥不單有京蔥, 重有洋蔥, 份量夠多入口爽脆, 滿意.4, 白湯有磨菇, 味道夠濃郁, 飲得出磨菇味同忌廉味.5, 黑椒汁濃郁有黑椒味.缺點簡直係地獄!1, 其實..... 我好鬼介意d湯裝到滿瀉, 上枱時攪到張枱污污糟糟, 重要紅白湯都出現哩個問題, 浪費食物之餘又攪到污糟! 從哩點可以知道囍運服務質素係點!2, 紅湯得一股好死嘅咸味.3, 依家發現d餐廳流行"假足料", 即係望埋去餸菜份量足, 但食落原來無咩肉, 近期最多出現係D油雞白切雞同燒鴨燒味店上, 斬D白切雞油雞得皮得骨中間嘅肉少之又少, 估唔到哩個情況出現係茶檔鹹豬手上, 上碟望埋去好大件, 點知切吓切吓, 肉又唔多, 骨大汁多,

今日order左個好普通既餐蛋飯 (叫左全熟蛋)黎到發現隻蛋竟然係法式既慢煮蛋全隻白雪雪一啲煎既痕跡都冇 大廚都未必煮到最犀利嘅係我未打開合飯啲蛋汁已經流晒落飯到(叫左全熟蛋)都唔緊要 原來一山還有一山高 舊午餐肉竟然係好似白恰既樣 都唔知有無煮到打去問過話舊午餐肉會煎/炸但完全舊肉係無煮過既痕跡😂 撩開入邊啲肉竟然仲係生既今日有幸收到呢個慢煮蛋白恰餐肉飯我用左畢生既氣力將盒飯掉咗入垃圾桶再望一望個日期📅 星期三 我不禁倒抽一口涼氣😌 輸死你

📅突如其來的假期，又撞正懶懶熊放假日，又難得無喇喇想約熊妹去行下街，就緊係去食個休閒下午茶歎下先。今次就去左講左好耐都未試過的《囍運冰室》食個茶餐廳下午茶。📌又有熊妹最愛的飽櫃呀😍！舊時的冰室就係俾街坊街里閒時黎坐下，食個包飲杯茶，即使係新晉的冰室都會保留冰室原有的街坊味道，而且仲會加入現代人的口味，所以熊妹都幾鐘意去冰室食野，而不嬲都係茶餐廳忠誠粉絲的懶懶熊就不在話下喇。📌差唔多下午三點黎到，都全場滿哂人，差啲要等位入座，咪話唔誇張。📌下午茶由下午二點半開始至六點，大路的下午茶都有，熱狗🌭️、雞髀🍗沙律、包點🥪、西多士🍞、飯🍛同意粉🍝都有齊，想輕食又得，飽食都得，價錢仲要相當便宜，$40-$49包飲品，凍飲加$3，係咪太抵食呢？吉列魚柳沙律，$40熊妹想食魚柳，又想食沙律🥗，吉列魚柳沙律就岩哂喇。嘩，幾大塊魚柳，真係俗稱大過塊面，成條魚柳型都出哂黎，吉列炸到金黃色，一睇都知抵食。吉列炸皮唔厚夠脆口，魚柳肉都厚身，唔係紙咁薄，啖啖魚肉夠淋，魚味就唔洗要求咁多喇，點埋跟上的卡夫奇妙醬，就係冰室舊有的製作配撘，原始的味道先係最原有的味道。伴碟沙律🥗都好正，首先，係熊妹最愛的罐頭什果沙律，然後

行到攰攰地，唔知食乜嘢好，見呢度開張左咁耐都未入過來試，今日就決定入嚟食個下午茶！入到黎，坐低跳落單，嗰個阿姐聽到應你但係都可以扮聽唔到直行直過！咁我叫另外一個落啦....好啦，落完單，我再叫嗰個阿姐（原本叫佢落單但無so我個個）拎杯熱水俾我，咁佢拎完杯水來直行直過....因為佢已經唔記得咗係邊一個客叫佢拎呢杯水！你行返轉頭，我望住佢，佢又望住我，跟住問我「係米你呀？」跟住我都燥燥地應佢「係呀！」之後佢好大力掉低杯水就行左去....個下午茶$43，我去前面大家食食30幾蚊個飯都唔使受呢啲氣啦⋯⋯或者前面廿幾蚊一個魚蛋粉.....整體來講，第一次試！但不會有下次！野唔係平過人！！

今晚係冰室附近酒店🏨住一晚，是但落街搵野食，經過呢間裝潢設計有心思嘅懷舊冰室，決定入去一試，可惜由入座就已經開始無人理你。😅諗好食咩，舉左手好耐都無人應。吾緊要，最後都有人應我地。最後決定叫左一個全日特餐，有鮮茄牛尾湯稻庭烏冬，茄味不算太濃，湯頭帶點稠杰的質感，烏冬偏焾，無咩口感，整體一般。全日餐跟配香脆吉列魚柳，外脆內軟、炸至金黃色，配上沙律醬，熱辣辣炸起，十分熱氣但又好香口。魚🐟柳好滑身，食落一絲絲咁。德國腸比較細條，但咬落皮脆，黑椒味濃。茄汁豆普通貨。而3.6牛乳炒滑蛋真係好滑溜，加左牛奶🥛比普通炒蛋更香🍴而薯餅印象深刻，因為炸得非常香脆，脆卜卜，好快KO❤️👍🏽而加餐配送熱奶茶☕️一杯，茶味濃但入口苦澀，麻麻地。總結：飾物質素唔錯 但員工服務態度有待改善

店內有個四眼中年女侍應 服務態度惡劣。我想點餐，期間已經多次揮手，大叫「唔該」，個位四眼女侍應甚至係我面前行過都扮睇唔到。等咗好耐，冇人理我，個個都扮睇唔到，震嬲到，最後餐都無點就走咗。呢啲咁嘅服務態度一蚊都唔應該俾佢賺。呢間店我已經blacklist 👎🏼👎🏼👎🏼決定永不幫襯👎🏼👎🏼👎🏼如果老細見到呢段comment唔該好好train下你啲夥計，全部都同你倒米。😡😡😡😡😡

在家裡附近的一家店，網圖片看到滑蛋感覺不錯就下單了外賣，還要了個鹹魚肉餅拼豬排，味道也都還算不錯，價格也都很划算，現在都還有外賣八折，正好我都很喜歡這種茶餐廳，可以試試