囍運冰室 (通菜街)

營業中

休息中

第一次試呢間，開頭念左好耐，念唔到食乜好，見到黑白西多，覺得系黑白煉奶呃鬼我點知比預期非常好食！系大量朱古力醬同奶超讚，勁好味，份量都無欺場，件件都內軟，外表顯唔硬，有足夠厚度，有咬口，加朱古力醬，正到一流。之後狐狸仔都念左好耐，又念過牛河之類，不過考慮油份同價錢抵唔抵，最後叫左肉醬窩蛋飯，我本來覺得肉醬窩蛋好麻麻，但食落口，幾好味既。OK溫溫的，肉醬好均衡，比一般軟熟，味道自然。距個凍奶茶仲系另一種杯，有心思。可以去食！！

由於好鍾意食西多士，之前又喺旺角返工，已經食過超過10間，真心嘛嘛，今日見到呢間新開嘅冰室同朋友仔一於試吓，印象中西多有兩款唔同選擇，一款係流心芝士西多，另一樣就係黑白一口西多士，2款都好想食，最後揀咗後者等咗一段時間，主角終於登場，外觀美美的，炸至金黃色，黑白醬一啲都唔吝嗇，而且份量亦都5少㗎(總共好似有9小件)，絕對飽肚，最緊要係我暫時食過最好味嘅，下次要試埋另一款先得，而且服務好又有笑容，一定會再幫襯

夜媽媽同朋友去食消夜，呢間係香港人既食店，所以擇左呢間，入到去職員都好有人情味，然後我地叫小菜，茄子牛仔骨-好好食蜜桃菠蘿生炒骨西蘭花炒牛肉叫飯送左個羅宋湯-好好飲又有野飲埋單每人都唔駛$100走既時候見到隔離枱叫左個黑椒牛柳薯仔勁香，打算下次再嚟試呢個。

見到新開張，所以決定試下新嘢，點知中晒伏！叫左個瑞士汁雞亦撈公仔麵，個面完全無味，D汁都係無味，完全係白唰！最離譜係個雞亦，完全唔熟，個叉都叉唔入D皮，個感覺好似係溶左雪的雞亦，好可怕，完全唔夠膽咬！另外，上晒嘢食等左成10分鐘我杯凍檸茶都未到，見到成班伙記企係水吧吹水，尤其是個眼鏡鬍鬚佬繞埋手，希望老闆能够正視一下出品！

今晚叫咗個棉花西多太點知啲棉花糖黑色我諗應該係掂到個焗爐條發熱線所以黑色同燶咗之後我有投訴仲話:如果唔想整就唔好整個女侍應話換過俾我點知我親眼坐係個位喥見到個企水位嘅水吧佬只係整過啲棉花糖加啲糖漿遮住啲黑色嘢就交番出嚟照俾我食乜仲有啲咁差嘅水吧佬仲可以有人請？飲食業就係俾晒呢啲人影衰晒！希望呢間鋪嘅老闆可以認真考慮仲係唔係仍然要請呢啲人做嘢！買相已經係似一舊屎咁放上去個麵包面上試問各位有邊一個願意食？

收工見肚餓喺旺角附近搵野食！見呢間囍運新開，就入去一試！見餐牌都多選擇！我就點咗滑蛋蝦仁飯，配凍奶茶($49) , 一上台見碟飯份量十足！蛋夠滑，蝦仁份量都多夠爽！但D飯就好乾好硬！呢度扣分！配埋D鼓油整體味道唔錯！杯奶茶欠茶味，不過不失！D座位都坐得舒服！會再幫襯！！

👉👉位於旺角通菜街139號的囍運冰室新開張（原香港仔魚蛋），於是入去嚐新。【環境】店鋪易主重新裝修過後，座位比以前舒適。【服務】不過不失【出品】大失所望1⃣奶油芝心西多士這是食店裡帶有心形標誌重點推介之一，於是我就決定嘗試一下，結果。。。外觀看起來扁扁塌塌的，切開看不到芝心何在😞。一口咬下去就像在吃隔夜老油條般，黏黏糊糊的口感非常之差😖因為當時肚子餓，所以勉強撐著吃，可是到最後實在咽不下，只能放棄了。2⃣咖喱牛筋楠飯這是食店裡帶有心形標誌重點推介之二的（咖喱牛筋楠飯）。上桌時，我看到水汪汪的湯汁，裡面有薯仔和牛筋楠。因為剛才的西多士實在咽不下，肚子還在餓，於是嘗了點家人點的牛筋楠，結果。。。咖喱汁：水汪汪辣湯汁裡只含有一點淡淡的咖喱味道；馬鈴薯：感覺是預先煮熟的，然後客人點餐才放進水汪汪的咖喱湯汁裡，所以馬鈴薯的口感，根本就像我此時對這新開張食店的感覺（心淡）。。。牛筋楠：牛筋口感入口很軟，腩肉則很老幾乎有渣的感覺😔細嚐這牛筋楠的味道，估計也不是和咖喱汁同炆的，應該也是預先煮好，然後等有客人點餐時，再混合水汪汪的咖喱湯料一起上桌的。【溫馨提示】因應各人口味唔同，以上純屬我的個人口味以及見解