四喜麵包西餅

營業中

休息中

四喜麵包爆紅品牌《千層生吐司🍞》茘枝角店.星期一至六.每日設三輪時段出爐.⏱09:30/12:30/14:00.每段時間出爐分別24件.每人每次限買一件.每件港幣$28元.今日12:10去到.見人龍由門口排到轉咗入內街.條隊都係唔夠30個人.我哋兩個人排.數過我哋排系26及27位.開始排隊時唔知限售24件.早知唔使排.到12:30開售.當然失望而回！因正值午膳時段.我便決定到附近醫完個五臟廟.才嚟排過.食完飯⏱13:30.我哋已經到達四喜門口排隊.係排第一及第二位.人龍亦都開始越排越長.到達⏱14:00我哋當然無執輸！

聽過四喜麵包個名好耐，但因為唔近屋企，一直都無幫襯過。最近經過荔枝角四喜，一於入去睇下有咩想買。🍫松露朱古力 $26/6件好吸引，平價版Royce, 朱古力好軟滑，呢個價錢好抵食！之後經過再買多次食😋🧀芫茜芝士包 $15唔算好重芫茜味，正常發揮。🥚明太子莎樂美腸蛋批 $38見親有明太子就想食😂 批底有明太子醬好惹味，唔太食到莎樂美腸。蛋批都幾濃味，試左凍食都好味。但呢款價錢偏貴，其他味只係廿幾蚊。下次想去買千層生吐司🍞

之前見到香港區有間生吐司，但太遠未有時間去，見到四喜新出就去買來試下。佢每日有3段時間出爐，每段時間限量，每人只限買1件，$28個。我哋排2點個轉，1點半到前面已經有3個人，所以想買嘅至少都要提早半小時。買到後感覺吐司有點小😂撕開麵包有好香嘅牛油味，味道好熟，🤔有啲似排包嘅味，面頭脆皮食落有啲酥軟感，一片片薄薄搣開感覺都幾治療，我數過大概有13-15層，如果遲啲無咁多人，應該都會再買來食😋

☙ 四喜麵包西餅💛 ❧ 近期掀起千層吐司、麻糬波波熱潮，四喜亦加入戰團，相對比較易買，最啱冇耐性但又想試的人，順便支持良心小店✨吐司每日有𝟯輪出爐時間，每次大概推出𝟮𝟬個～相比吐司，反而麻糬波波更有驚喜，無論係脆皮定傳統款都超喜歡，好味又平，下次絕對會再回購🤩 ࿐ 🍞千層吐司 $𝟮𝟴 牛油味好香，麵包外層微脆，包體非常軟熟，撕開每層食口感會更好，不過油膩感稍重，食得多有啲油🤌🏻 👀小知識，原來千層吐司工序非常繁複，每個有𝟭𝟲層酥皮，製作需時𝟯日，要分開整麵團、摺疊牛油及發酵，再入焗爐以短時間烤焗，以達到層次分明、軟熟又濕潤的質感，真係心機之作🙊 🍡麻糬波波 $𝟭𝟮@𝟰粒💫 ✦ 脆皮 菠蘿皮非常香脆，極重牛油味，口感偏乾身、脆口，比較似迷你菠蘿包，除咗唔夠煙韌外都好高質👍🏻 ✦ 芝士 芝士味非常香濃，咸香味重，外皮香脆，口感相對脆皮款較濕潤、煙韌，質感更似食開的麻糬波波，追求𝗤𝗤口感的話，呢個傳統款會更適合🥳

近期依款吐司爆紅, 再多間四喜餅店亦新推出千層生吐司🍞✨Size大概係一個10x10cm 既正方體，最面頭有一層焦糖色既脆酥皮，包體約有15層，可以一片片撕開黎食，整體麵包質感軟熟，帶牛油奶香🧈 略嫌濕潤度可以再提升少少🤏逐層搣開過程係幾治癒🥰荔枝角店星期一至六設3輪出爐時間：9:30am | 12:30pm | 2:00pm每次出爐約有20個吐司，每人限購1個，$28/個💁🏻‍♀️排隊實況：當日我大概1:35分到店門口，都見到有小貓一兩隻係門口排緊捕捉2點出爐時段，到開始見到有人跟隊之後，我都即刻sip入去，成功爭取第6位😂之後陸陸續續都一路有人排，目測都有15-20個係我後面🤔

❤️《四喜麵包西餅 Say Hey Bakery》Date of purchase: 20.02.2023 🎁第一次食四喜曲奇係個friend送比我💚小山園抹茶mochi (HK$28)試過好食又經過荔枝角店就再回購：💚小山園抹茶mochi (HK$28)【抹茶味好香濃 mochi好煙韌🤤整體texture都好好 重要好大塊🤗】✅金沙Oreo (HK$28)【比我細佬食左無試到🥹 細佬話無matcha咁好味 金沙味唔濃🤔】半磅曲奇餅（HK$45 – 3款口味）[❤️咖啡、❤️黑芝麻 & ❤️藍莓]好鬆脆嘅曲奇餅🤭但通常咁鬆脆應該加左好多牛油但竟然食落又唔係咁重牛油味🫢唔會好漏嘅感覺 可以食多幾舊🤣咖啡味好香濃😍 藍莓就有粒藍莓肉😋全部都好正🤤結論： 再路過一定再買😆 下次再試埋佢地朱古力 好似都幾出名😇——————————————————四喜麵包西餅 Say Hey Bakery (長沙灣青山道500號百美工業大廈地下B6-8號舖)(尖沙咀柯士甸道105號地舖)

見到最後有朋友介紹四喜既生面包🍞🍞🍞🍞，一心一意黎呢到買黎試🙈🙈🙈點知見到🥹🥹🥹🥹🥹賣哂🥲🥲🥲🥲🥲想喊出黎🥲仲諗住聽朝早餐架嘛☹️☹️☹️☹️☹️所以買左個泡芙安慰下自己個心靈😢😢😢😢😢泡芙好似幾抵食👍🏻👍🏻（$8️⃣/件）（$$1️⃣5️⃣/2件）我咁為食緊係買左2件唔同味試個人喜愛原味，無咁甜🙈🙈🙈🙈🙈希望下次可以試到生面包啦😢😢😢

今日經過買麵包同cookies🍪因為佢有黑糖麵包加乳酪幾吸引之前都有食開記得之前都有啲訪問同埋佢有啲蛋餅幾吸引同收銀講要買曲奇佢話俾咗錢先（好似好忙）比完錢之後咁我唯有等佢忙完先講收銀短頭髮個女人仔一直唔問我要咩味道只係「不耐煩望住我」完全無反應然後夾完磅重明明入邊姐姐話重量啱啱好收銀再夾走一兩塊😅真係只有咁少份量～!!!!!!曲奇要咗咖啡同埋烏龍桂花如果唔鍾意食甜嘅人就啱食但係完全冇牛油香味

位於荔枝角區既「四喜麵包餅店」自年中停業裝修之後，不但一改懷舊外型，仲出左啲唔少新品😍🥐🥖可能大家會聽過佢地比較出名既懷舊包裝月餅、松露朱古力、法式蛋批等等既出品，今次我就試左佢地𝟙𝟘月新上市既盒子蛋糕✨😋😋味道又幾有驚喜喎❣️🍰朱古力盒子蛋糕 $𝟜𝟚第一眼外型係好靚仔既，拎上手都有啲份量，亦睇得出佢既層次好分明💓一打開個蓋就聞到好香濃既朱古力味🤤🤤面頭有兩粒四喜招牌生朱古力、兩粒黑加侖子凍✨前者都係一貫水準，軟糯唔痴牙、微甘，好香醇既朱古力味🍫👍🏻蛋糕體夠濕潤，加埋好輕身、微澀既朱古力Cream，成件事係入口即化，無負擔感，會忍唔住一啖接一啖😋😋🔅個人最意外係佢地既盒子蛋糕偏大人口味，甜度主要來自黑加侖子凍，朱古力濃厚得黎偏甘澀，一個人食一盒完全無難度‼️𝙿.𝚂. 如果佢地既蛋糕體可以再厚啲，食落會更加滿足😛✨有機會下次會再試埋其他味道🫶🏻

📍四喜麵包西餅呢間麵包舖聽聞都好出名，朋友一直想食佢嘅生朱古力🤍松露朱古力💰25好好食🤤味道唔會甜唔會苦！係剛剛好～咬落去好厚身，口感軟淋淋，口腔充滿可可味，令人回味無窮😗25蚊有6粒，係平民版Royce朱古力🍫🤍蛋撻💰6蛋撻係酥皮新鮮熱辣辣，酥皮好香脆，蛋漿味道個人會喜愛再甜啲，整體都不錯😆

以前一直係四起嘅fans，但自從佢出咗名同埋裝修咗之後，啲包做得越嚟越差⋯個朱古力酥幾乎冇晒朱古力醬（看圖明曬 我以為自己入咗山窿今日俾多次機會佢，點知個雞尾包已經變到得返一半係有餡（圖2）我個口冇咁大可以食到成個包嘅左右面😅😅係味要我左面品嘗包味、右面先食餡呢？月餅又係，上年其實已經啲餡有啲散..唔係睇在佢個盒設計得意都唔會再買多年，結果今年都係越做越散，一咬即散…月餅我都忍佢，但佢係我公司樓下，我日日買包完全感受到佢越做越差，真係頂唔順…依家好多同事都逼住去買七仔啲包都唔買佢..😓總結：真心佢做臭咗個名，我比咗好多次機會 結果係愈嚟愈偷工減料..

朋友推薦呢度d 麵包好得，專程過黎買翻d 做早餐。係店裡面，見到曲奇好似唔錯，問收銀店員，可以點買。店員唔講耶，用手敲打一個寫住字的牌，意思應該系叫我自己睇。上面寫住買1/4磅，1/2磅同一磅分別幾錢。我再禮貌問：甘我想要1/4磅唔同味，得嗎？店員繼續敲打紙牌，唔講耶……我已經有d 無奈，問：1/4磅只可以揀兩個味啊？我食唔到甘多，無得一個味要2-3塊嘎？店員終於開聲：寫左系甘就系甘，自己唔識睇？我傻咗咯~都系買左麵包同幾個蘇，無買曲奇，好奇究竟有幾巴閉，令到服務態度甘串。食完，平平無奇，唔值呢個價~蘇：基本20蚊左右伯爵紅茶核桃包：25蚊左右唔會再幫襯。

上年已經想試的四喜，今年終於試到喇😚🔹四喜麵包西餅 - 四色茶味奶黃月餅（香港製造）一盒4個，早鳥價 $158每個約50克係食之前我用電飯煲加熱15分鐘四款月餅皮皆厚度適中==========迷你伯爵茶味：餡料足不具空氣感，伯爵茶餡細緻嫩滑且乾濕度適中伯爵茶味極香濃帶點回甘，食落完全唔覺膩同滯，甜度剛好，餅皮充滿濃濃的伯爵茶香☕️可能我個人本身好鍾意伯爵茶，呢個真係冇得頂，如果食完唔長肉的話，我食三個都可以呀🥹==========迷你小山圓抹茶味：同樣的餡料充足，抹茶餡🍵細緻嫩滑且乾濕度適中抹茶味香濃帶微微甘苦一解奶黃之膩，甜度適中，餅皮都充滿淡淡的抹茶香，非常喜歡🥰==========迷你炭焙烏龍：餡料足，烏龍餡細緻嫩滑但偏濕可惜烏龍味較淡，炭焙及奶黃味也不突出，而且有少少過甜😥==========迷你白蘭花烏龍：餡料足，烏龍餡細緻嫩滑，乾濕度適中同炭焙烏龍一樣，烏龍味唔突出，同時白蘭花味道都唔係太食得出，估計烏龍茶葉唔夠香，令烏龍系月餅較失色甜度略嫌稍高🥸==========伯爵茶同抹茶真係好好食，烏龍系相對遜色，但整體質素滿意而且我好鍾意佢個包裝盒，夠懷舊，環保又慳位👍🏻整體好味指

$12/4粒麻薯波波（原味/芝士/朱古力）呢個麻薯波真係好好食😭每次經過都要買返兩粒，如果撞正新鮮出爐真係不得了，表面層菠蘿皮夠晒香脆，內裏煙韌有咬口，呢個價錢真係冇得挑剔🫶朱古力都唔錯，夠晒香，又多朱古力豆，不過就甜左啲，都係最推薦原味！👅仲想試埋芝士味，不過兩次經過都唔見有🫠見佢仲有賣其他pastry 如鬆餅/牛角包/曲奇餅🥐價錢都唔貴。好得意既係，竟然仲有沙律提供，款式都多，仲有pie and tart，可以一試。

試下四喜嘅忌廉泡芙先$8一個真係好平！買兩隻就$15揀左朱古力味面頭仲灑左糖霜個樣好靚成隻仲大過手掌！咬開好多Cream! 係原味忌廉黎嘅份量好多佈滿成個泡芙越食越爆餡！好正食一隻都有飽足感價錢真係超值推介！