四妹廚房

營業中

休息中

#chuchu食在荃灣📍 四妹廚房係屋企嘅味道🏠作為無飯家庭呢間小店我真係大推‼️老闆老闆娘好熱情，真係好似翻咗屋企食飯咁！佢哋仲有做到會、bbq到會、賀年糕點、盆菜都有！💡 佢哋有人頭飯同人頭湯😋我呢晚喺印度椰子煲豬展湯！好飲，冇味精！白飯仲要任添啊！—————————————————————❣️ 紅燒乳鴿（一隻） $58燒到個皮好香脆 ，細細隻但係啖啖肉，用咗南乳醃，仲撒咗啲淮鹽係面！. ❣️香炸鯪魚球 $68炸到好靚，咬落去一啲都唔腥（因為🐷超怕腥），仲要好彈牙！.❣️豉汁蒸加州鱸魚 $88好新鮮！加州鱸魚比較小係出面餐廳食到，仲要好新鮮，好滑！.❣️ 蕃茄肉碎炒蛋 $72呢個蕃茄炒蛋真係勁正！！！餸飯一流！仲好有新意將炸午餐肉代替左肉碎！.💬 基本上每款餸都係$70-80，仲可以+$20要碟菜！—————————————————————不專業評分👅好味指數: 8.5/10 💰性價比: 8/10👍🏻推薦: 9/10 —————————————————————🏡地址: 四妹廚房 (荃灣)荃灣西樓角路186-200號荃昌中心昌安商場地下5號舖🕑營業時間: 07:00-21:30————————

魚翅瓜蟲草花紅蘿蔔湯湯色金黃，入口帶有天然嘅清甜味，魚翅瓜煮得軟滑，有淡淡嘅瓜香，冇味精嘅調味令湯更加清新自然韭菜魚肉角超推薦👍🏻魚肉角外層係腐皮，炸得金黃酥脆，咬落去香口而不油膩，內餡滿滿嘅韭菜好惹味紅燒乳鴿乳鴿外皮燒得香脆，鴿肉嫩滑多汁，唔會過乾，肉香濃郁，啖啖肉蕃茄煮黃尾池餐廳嘅魚種類好多揀，煮法都包羅萬有，今晚揀左好開胃嘅煮法 - 蕃茄煮黃尾池🍅 酸甜開胃，魚肉實淨，冇任何腥味，煮得剛剛好土魷冬菇蒸肉餅肉餅肉香味濃，土魷嘅鹹香同冬菇嘅鮮味滲透入肉餅，好惹味，而且好juicy，送飯一流+$20 加配油菜好開心出街食飯都有菜食，就算一個人黎食飯，加$20就有碟菜，唔洗一叫就好大碟，夠晒健康，炒菜心炒得爽脆，簡單調味幾清新📌 四妹廚房地址:荃灣西樓角路186-200號荃昌中心昌安商場地下5號舖 🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐

❤️紅燒乳鴿（1隻） 啖啖肉，皮脆肉嫩😋❤️餐湯湯啱啱煲滾夠晒熱，完全沒有味精，飲完唔會覺得口渴👍🏻。內有紅蘿蔔🥕，十分健康。❤️香炸鲮魚球大大粒，彈牙有口感～😋❤️雪梨紅豆乾炒雞柳有酒香～🥰送飯一流！👍🏻❤️黃腳臘落左冬菜、蔥、薑絲去蒸，魚肉鮮嫩～剛蒸起上枱夠熱唔會鯹👍🏻😋。❤️臘味蝦米燴芥蘭菜除左有臘味和蝦米還有蔥。芥蘭鮮嫩爽脆，蝦米為芥蘭添上陣陣鹹香味👍🏻😋。推薦❤️銀針粉！👍🏻有菜脯、蝦乾、冬菇、旺菜、火腿絲，超足料！菜脯脆卜卜和彈牙的銀針粉互相輝映！🥳總括來說餐廳的餸菜很有家常便飯的味道～🥰老闆娘態度親切友善，好似番左屋企食呀媽煮嘅餸咁😍👍🏻。

呢晚唔想煮飯就去左位於荃灣昌安商場地下@四妹廚房食飯先來住家湯鱷魚肉龍利茶湯，好岩呢個時候飲。住家湯既味道無味精。乳鴿細細隻都啖啖肉外皮薄非常香脆 ! 唔多骨～淮鹽同食會有另一風味。煎釀三寶鯪魚肉釀尖椒茄子同豆腐點左佢地既秘製醬汁好花雕雞賴粉送來時熱辣辣飄來一陣陣好香既花雕味紅棗杞子雲耳瀨粉索左湯汁既味瀨粉食落好飲米線甘。好滋補夠晒暖身🔥豉汁蒜蓉蒸白鱔吃起來會好爽口，一點腥味都冇。梅菜冬菇肉碎蒸菜心好惹味好送飯的菜式呢度仲可以提供包場服務 , 好似食私房菜 一樣店員都老闆好親切 ,價錢好實惠。🥢四妹廚房🥘菜式:粵菜 (廣東)/農家菜/粉麵/米線/湯品/小食店 地址:荃灣西樓角路186-200號荃昌中心昌安商場地下5號舖

荃灣住家餸飯推介，好有家既感覺，一人飯堂 ，無味精，健康好食🤤是日靚湯🤓南北杏無花果鱷魚肉湯湯頭清香，好滋補嘅感覺🤣，止咳化痰湯品紅燒乳鴿外皮香脆可口，入面啲肉都好嫩，調味岩岩好帶子墨魚餅入面肉質好爽彈家常便飯 薯仔雞翼雞翼係開左邊，食落入味又易咬，味道香甜，薯仔🥔煮得好綿密上湯菜心粉絲湯頭清甜，入面仲有大量蝦米仔，成個味道都更加鮮香蒸魚🐟花金鼓蒸得好嫩滑，岩岩好，唔識食魚嘅都唔怕，啲骨係大大條，好易食

四妹廚房位於荃灣荃昌中心昌安商場地下5號舖晚餐包埋燉湯今晚係蘋果雪梨玉竹燉豬非常清潤雪梨，蘋果帶出了湯的清甜陳皮蒸牛肉餅肉餅散發陳皮香配上特製甜豉油牛肉餅肉質彈牙清蒸馬友馬友大小適中剛好一人份魚肉肉質細嫰豆豉加金蒜再加熱油更加香秋風起食臘味飯滿滿一大碗臘腸油香色澤靚膶腸夠上色臘鴨脂肪唔多但夠油香油菜菜心苗爽口配秘製豉油最後一杯雪梨茶非常滋潤餐廳位於荃灣站荃昌商場地下裝修有本地風格係出街食家常菜既好地方

荃灣用心製作家常便飯印度椰子煲豬展湯真材實料自家製嘅住家湯 飲落無味精好清甜～南乳秘燒乳鴿細細隻外皮薄得嚟超香脆！唔會好多骨～每啖都啖啖肉而且肉嫩多汁勁juicy 點埋椒鹽一齊食另一番風味！鬼馬豆卜將豆卜反轉嚟嚟 咬落特別酥脆入面重有啲嫩滑魚肉 配啲辣醬一齊食重惹味！回鍋肉上碟就香氣迫人 鑊氣好足夠炒得好乾身 將湖南辣香完全融入咗回鍋肉人面 好多紅椒同青椒🫑辣香充足，但又唔會搶走本身回鍋肉嘅感覺！砂鍋雲吞雞雲吞同啲菜都吸晒啲雞湯汁！先飲一啖湯 湯底清爽不膩 完美襯托雲吞嘅口感 同雞肉嘅鮮美 雲吞皮薄餡靚 隻雞都勁大份 推介！雪梨金橘薏米白茶四妹廚房 (荃灣)荃灣西樓角路186-200號荃昌中心昌安商場地下5號舖

朝早搵野食偶然發現呢度，覺得價錢合理所以一試。坐底叫咗個雞扒配餐肉公仔麵餐，全部即叫即做，全部都熱辣辣。平時好怕早餐啲扒油淋淋，今次嘅雞扒唔會太油，恰到好處。連太陽蛋同厚切餐肉都不馬虎。好食加上滿滿嘅誠意，值得推薦。

收工時間去食飯，本身已經得返兩枱客。諗住見食開夜晚又冇乜選擇，就去咗呢一間試。前後嗌咗四樣嘢(兩個主食，一碗湯，一個小食)，首先銀針粉同埋麻辣雞飯都已經等左差唔多半個鐘先黎😅，之後個涼拌茄子仲要漏單，再要等多大約二十分鐘，主食份量偏小，食完都係唔夠飽(P.S正常食量)等到個涼拌茄子嚟到已經嚇親，原來就係麻醬+豉油烚茄子，都要等四個字！！！！仲要係完全非常之難食，我食完一舊已經食唔落，麻醬同埋烚茄子個配搭完全唔襯。只可以講需要改善上菜既速度同埋菜單款式，除些之外其實麻辣雞飯同個銀針粉味好都OK既。

誤打誤撞試到呢間 好有家既感覺性價比高 好似返左屋企食飯咁無味精 唔會食完想係咁飲水個手撕雞腸粉好特別 食上癮酸菜魚又唔會太酸 岩岩好好開胃 最最最欣賞係啲野飲 病完有呢啲健康飲品可以潤下喉

今日繼續荃豐一帶搵食，又發現一間小店，店舖真係唔多覺眼，原來入到去又幾有家常便飯感覺喎！店舖標榜自家製作，絕無味精。第一次到來，唔想諗，兩人決定選擇晚餐唔使煩。店內裝修，木枱櫈很有農家風味。還有精緻的雞雞餐具。消脂苦瓜茶~跟餐可配自家飲品另加$10,唔甜，消暑解渴，另外是日餐湯是日月魚青紅蘿蔔湯，味道濃郁，飲得出有誠意。冬菜蒸青筋魚~三條小魚，冬菜咸味配飯一流，細細條很可愛。香茅豬扒~喜歡豬扒碎上，方便些牙，雖未算鬆化，但頗入味。餐可選飯、米粉或瀨粉，今次我們選擇配瀨粉，質地未算滑溜，湯底比較清淡，所以配主食冬菜魚頗夾，另外加點點辣油份外惹味。整體來說家庭式作業，很有家常便飯的感覺。

荃灣這家小店相當用心，每天有自家製湯和飲品，吃的安心又放心。吃完不會口渴，食物都是現煮的，新鮮又夠熱。裝修風格溫馨又帶點復古，餐具都是以前小時候常見的公雞碗碟，有點兒玩味。旁邊的辣椒醬也是自家品牌，有香辣和酸辣口味，酸辣口味後勁比較大，加在粉麵，拌碟也是一流。鬼馬釀豆卜很搞鬼，把豆卜反轉來炸，吃起來特別酥脆，冷掉了也脆加上嫩嫩魚肉，配點辣醬和椒鹽，多種享受，值得試吃喔。霹靂釀雞翼口感彈牙，平時大多數都是釀明太子，這一個是墨魚滑，中和了雞翼的鹹度又帶口感，挺新奇。涼拌茄子酸味十足，加了芝麻醬，冰冰酸酸用來當開胃菜也不錯。四妹麻辣雞不會很辣，叫了瀨粉，很久沒有吃，不是很多地方有提供，口感有點像米線，湯底是清雞湯，可以放心沒有味精，雞肉份量也不少。秘制豬腩肉配搭了酸菜，豬肉腌得很夠味，不會太肥，清清爽爽，配飯應該更爽。菜式的口味感覺在家吃的家常便飯，健康現煮為主，餐廳還有提供包場服務，就像私房菜，也可以跟店家商量好吃些什麼，相當親切，價錢又實惠。

今個禮拜已經第三次喇今次試左佢地銀針粉，蔥油雞瀨粉，老闆娘聽見我有兩聲咳，仲特別推介一款特飲，老陳皮燉檸檬梳打，仲話個陳皮檸檬燉咗十四個鐘頭，覺得好warm！講返個銀針粉先，細細條有咬口，配埋個自家製酸辣醬，好鬼出色蔥油雞瀨粉係是日午餐黎嘅，會有個住家靚湯送埋🥣🍲堅係無味精架今次好好彩俾我撞正雞髀位，今次第二次食呢款，上次係雞胸位，但個雞胸都唔曳但作為體育老師嘅我，下次都係要求要雞胸算🤣🤣😭！

香港少有的無味精住家飯餐廳餐廳名字第一感覺就是老闆娘是主廚原來「四妹」是老闆！！😂這下印象可深刻了是一家本地夫婦開的 主打家常菜的無味精餐館✅睇menu真的覺得非常住家飯！！帶著兒子真的很適合呀是日正餐 兒子想吃魚 所以點了冬菜蒸比目魚🐟比目魚很少骨 魚味很足 肉質鮮甜 今日的靚湯係排骨冬瓜消暑祛濕湯 沒有味精很香濃的藥材味 祛濕一流👍🏻還有小朋友最愛的紅蘿蔔青蘿蔔章魚湯 章魚味十足不用落鹽的節奏😃老闆娘推薦了牆上的「屋仔銀針粉」賣相好豐富味道有點像碗仔翅 香菇味超濃郁芬香撲鼻而來 對於喜歡清淡的我來說吃起來味道剛剛好 也很適合小朋友的口味😆值得一提的是霹靂釀雞翼無骨雞翼與墨魚肉無縫銜接 炸得香脆 沾著甜辣醬吃起來真的太香了～超愛！還有鬼馬釀豆卜與普通豆卜不同 炸得非常酥脆 但魚肉卻非常鮮嫩 「四妹」廚師👨‍🍳的廚藝了得👍🏻在香港基本上吃米線多 很久沒嘗到瀨粉了！！很爽口 老闆給我加雞腿🍗了 太開心了雞肉很結實嫩滑 搭配蔥油醬實在太完美這個刈包在香港真的非常罕見 以前在天津or北京才能吃到點了一個墨魚餅刈包小嚐一下外軟內彈 夾雜著青瓜絲和麻醬 清爽不膩好好吃😁連特飲都做得很細節 蜜桃🍑

朋友仔介紹左一段時間，終於約到晚飯時間去一黎就飲碗靚湯先，今日係：烏雞青紅蘿蔔湯（聽講日日都唔同款嫁），仲飲到無花果味，好正好開胃。見到餐牌，樣樣都想試，所以同朋友決定，叫多幾款，攞定個外賣盒，打包返屋企俾男朋友宵夜霹靂釀雞亦，黃金墨魚餅，豬腩肉刈包……仲有幾樣唔記得左個名食得出廚師好有heart，無味精，樣樣都即叫即整下次要試佢哋話個個都贊嘅蒸肉餅，仲話會有蝦醬蒸豬頸肉屋仔銀針粉，都係期待嘅，佢哋話日日都一早賣曬，我諗下次要預早打電話留定先