屬於新派啲嘅屋村茶記，所以，格局都比較新派少許，整體嚟講，裝修新簇，企理整潔，都喺以卡位為主，有少量圓枱。
餐廳兼做埋港式麵包，所以，近門口有個麵包櫃，有新鮮出爐麵包賣，當然，唔少得港式名物蛋撻啦。
我哋入座時都差唔多兩點，梗喺等下午茶時段啦。不過，都貼埋佢哋嘅午餐俾大家參考吓，供應去到5:00pm架。
而下午茶餐都有好多選擇，輕怡少少嘅有麵包餐、多士餐、薯條沙律餐、三文治餐、吉列魚柳餐，飽肚啲嘅就有濃湯通粉餐、迷你丼、炒粉飯麵、烤焗飯餐……等等，豐儉由人。 
另外，仲有一個11:00am後開始供應到收鋪嘅招牌特餐及撈得起常餐。
冰火脆皮菠蘿油配惡魔炸雞脾 $38
熱奶茶 
冰火脆皮菠蘿油餐 $25
粒粒金磚西多士配蒜香生炸雞中翼 $38
既然喺友人嘅飯堂，應該喺唔差先會長期幫襯，不過，觀乎今日小弟所食嘅，就落差幾大，同埋水準唔穩定，好似炸脾同炸翼嘅對比，出嚟嘅效果差咁遠。如單喺計我嘅茶餐，就唔合格，計晒整體幾樣嘢，只可以拉平均，叫僅僅合格。
影片
