四季‧悅 日本餐廳 (遠東金融中心)

營業中

休息中

第一次去食係因為同事話好食同埋平，所以朋友生日就book 左位去食。我地三個人去食，二人同行一人半價，另一位就正價，埋單$1050，放題來講價錢係平。🎂🥱食物質素方面一般般，飲品好少選擇，得果粒橙同可樂。平時其他放題會有其他野飲。呢間就冇，相對環境係幾令，地鐵站出閘行一陣就到，都幾方便 。🤐服務員態度就麻麻地，叫人埋單好似好惡咁😵‍💫我自己就唔會食第二次，但想食放題又想平平地又唔追高質，呢間就岩你🤭

高質放題，再次幫襯，全因食物新鮮有水準、賣相精緻、環境乾淨又舒適、服務員態度有禮、食物出得快，唔會浪費時間等候，刺身非常新鮮，天婦羅及炸物類食物炸得好好食，食物種類多…兩星期前有極尚海膽杯送(😋超新鮮美味😋)，還以為仲有得送，原來優惠已完結，希望可以再做送海膽杯優惠😋👍🏻不過今次有新優惠每2位惠顧減$230及加送日本和牛壽喜燒、每位送$100現金優惠券👍。

朋友俾左2張$150既放題券, 今日last day有得用, 一於黎試下😜6點幾黎到, 唔算太多人...坐低冇耐, 黎左個海膽杯🤩係海膽杯, 仲有帶子同三文魚籽侍應話係送既, 推廣又係到今日海膽相當新鮮, 食左幾舊唔係好夠喉😅即刻order 其他刺身補數, 刺身款式都唔少, 有我鍾意既油甘魚, 馬刀貝, 劍魚腩😍之後仲嗌左d 壽司🍣串燒, 天婦羅...我覺得最正係煎鵝肝, 外脆內軟🤤, 仲有手掌咁長既燒大蝦, 肉質好彈牙, 一D 都唔hea最後甜品食埋燒菠蘿同好少地方有既蕨餅, 真係飽到唔想郁加一再減埋$150, 原來$300都唔洗, 對於眼濶肚窄既我黎講, 過下放題癮都值回票價, 如果下次有得再encore 海膽杯就好喇😆

早2日同老公要去開金鐘，上網睇定咩野食，呢間四季悅放題，價錢又唔貴，即刻book黎試下。用手機QR code落單，啲嘢都算上得快同埋冇漏單。最驚喜係免費送嘅個個海膽杯，有2大舊海膽，份量一啲都唔少，仲好新鮮，好有驚喜。另外啲魚生都好新鮮，同埋熟食同燒物全部都熱辣辣咁送上黎，唔錯。係個炒雜菜我地以為係一個細窩咁上，點知係個豉油碟份量🤣🤣整體黎講性價比唔錯，可以返兜

放題原價$380加一，因為有一百五十元餐飲券所以同同事放工去食放題 。餐廳座位很寬闊坐得好舒服。刺身：大多數放題有的刺身去佢都有， 燒物：推介燒牛丸，燒得很香脆。 天婦羅：有出面比較少見的軟殼蟹但可惜食落冇乜味道。甜品：個人就喜歡食蕨餅。 整體味道比較淡但坐得舒適，如果要用原價就不會考慮這裡。

我地叫咗好多嘢食 雖然上得好快 但係9:30close 太早啦 有多半個鐘都唔會搞到我地浪費食物 都儘量食但真係太趕咗少少 其他好滿意 我地7:30入座 有個玻璃中入面有海膽帶子等等都好新鮮 鵝肝都係值得推介既

因為佢呢頭做嘢，又想食日本嘢又唔想太貴，冇乜選擇試吓試吓呢間啦！本身期望唔係好大，但係反而比想像中好佢比我嘅印象係環境舒適，枱與枱之間寬闊服務亦都好走到態度良好，雖然人手唔多，但係唔會有啲咩甩漏熟食同埋刺身或者壽司餐都好齊全，價位都係二百幾至四百幾蚊我就鍾意食魚生多啲，通常壽司同埋刺身餐我都會揀壽司餐，雖然我食得唔多飯理論上係應該揀刺身但係因為通常壽司山嘅款式會比較多，所以我都係鍾意壽司，而且通常會好似靚仔啲嘅上枱🤣🤣首先嚟咗嘅錢財係沙律醬路青瓜絲如果可以走沙律醬就好，不過知佢整定都唔要求到呢樣嘢 胡麻醬豆腐，仲有支豆，呢個前菜幾少見幾特別壽司有8件㗎日本燒蛋一嚿我要求唔要欄位，睇落全部都啱食！有紅色嘅真叼，同埋兩個蝦，一個係赤蝦一個係牡丹蝦應該仲有海膽軍艦算佢啦！一定要有海膽！不過呢，呢幅圖就睇到其實佢海膽唔算太悶，見到隔離個刺身餐貴幾十蚊，但係嗰個海膽壽司大嚿好多資料好似鋪得補啲唔緊要但係其他全部都好新鮮好味！不過覺得佢呢度嘅蒸蛋爭好多，唔夠熱同埋果香味唔係太出，總之就比較一般啦呢個係朋友嘅壽司刺身Ch餐，睇落好豐富好正另外一提呢度嘅服務都唔錯，雖然頭先講過不過而家總括來講對得住個

一向唔知道，原來金鍾都有放題食。以前去開銅鑼灣食，但已不去一陣子。今次不試還好，試了就返唔到轉頭。人生繽紛多變。大家入同一間學校，讀同一本書，學同樣的知識，但將來成就截然不同。今日食四季。悅，彷彿遇見了學子之中的優等生。餐單款式並不特別特出。刺身及熟食，同樣都係不少放題都有的名字， 但食入口的感覺是如沐春風，每一片刺身的味道都更鮮更好， 熟食亦一絲不苟。大家都有三文魚子軍艦， 四季。悅的粒粒飽滿晶瑩通透，紫菜爽脆。大家都有吞拿魚軍艦，四季。悅的顏色鮮嫩粉紅，配香蔥入口香軟錦滑。大家都有鴨肝多士，四季。悅的飽滿溫熱滿足。同一樣的餐單，更好的享受。味蕾告知大腦，境界不一樣。其他料理，大致都有相同的感受。或者，這個就係是四季。悅的工匠精神，他的功夫以及他的堅持。飯後，我心愉悅! 十分滿意。暫時不用搵第間了！

要說吃放題的巔峰，一定是大學時期，幾乎每隔2星期都去1次，而且間間放題店都想試，完全冇篩選過。人大咗就唔同，個胃冇咁勁，質量就變咗好重要嘅因素。今次喺舊同事推介下，就嚟咗金鐘嘅呢一間高級放題餐廳。刺身：三文魚、油甘魚、吞拿魚、劍魚腩、甜蝦、希靈魚、帶子、北寄貝等等都應有盡有，質素唔錯，新鮮厚切。特別啲嘅仲有爽口酒煮榮螺片刺身、比較貴價嘅赤貝刺身、少見嘅花海蜇刺身、香甜蜜汁鮑片、個人好中意嘅泰式生蝦同赤蝦刺身等等。燒物：質素同樣有水準，燒菠蘿香甜多汁，燒翠玉瓜爽口非常，蒲燒鰻魚魚脂豐腴，比目魚西京燒亦係魚肉柔嫩有彈性，仲有蒜蓉醬烤扇貝、黃金醬燒開邊蝦等等亦係回本之選。天婦羅及炸物：最鍾意當然係放題必食嘅紫心香芋丸、虎蝦天婦羅亦值得推薦，虎蝦爽口，炸皮薄脆，亦唔會太油膩。熟食：佢地嘅熟食亦係成餐自助餐嘅精髓之處。金牌紅燒乳鴿皇非常精緻，乳鴿外脆內嫩、吉品鮑汁扣花膠厚厚綿綿，有骨膠原滿滿嘅感覺。殿堂宴客醉鮑魚則滿滿酒醉香氣，仲有辣酒煮黃金螺亦值得推介一番，螺肉緊實，幾新鮮。

金鐘一般嚟講食物餐廳數目不多，分佈很散,除了星街比較多餐廳之外，遠東金融中心亦有數間餐廳可以選擇，由於我鍾意食日本食物,今次選擇了這間人氣嘅高質日本餐廳.這類嘅套餐選擇非常多,除了選擇日式放題之外，亦可以揀日式便當，我跟朋友亦是重質不重量，所以今天決定選擇了一個日式涮涮鍋以及厚切燒和牛。厚切燒和牛價錢非常超值，只需要四百多元已經有一塊日式a5和牛餐廳，擺枱非常精美牛肉，放在日本岩鹽上面保溫，師傅很貼心已經砌咗畀客戶，所以只需要一夾就可以非常方便，牛肉油脂分佈均勻，肉質非常軟，而且啖啖牛肉香，不會過肥，亦不會過鹹，證明師傅質素非常高，下次嚟到亦都要選這個厚切牛扒。涮涮鍋方面，主要係日式薄切和牛，配上精美嘅shabu shabu，日本鍋味道非常夾,餐廳亦都提供咗很多前菜，有鮑魚日本魷魚海膽豆腐，均質素高中上,味道很好,整體來說這個套餐非常超值。

最近好多時候都係夜晚先至係最忙碌嘅時間🥹所以就唯有晏晝食好啲，對自己好啲啦！今次經過金鐘試咗一間日本餐廳嘅午餐🥣風味生燒鱔飯 $308本身對呢個唔係太大期望，因為唔係好鍾意食鱔，不過出到嚟嘅賣相都幾靚，而且鱔都有四大嚿😆而且非常厚身好厚肉，燒得好靚，魚皮脆卜卜，魚肉都好有口感，亦都非常甜美🙌🏻❤️鮑魚松葉蟹肉釜飯 $318我自己就好期待呢一個😍顏色好豐富，入面有蟹子鮑魚松葉蟹，同埋一啲金菇，仲有枝豆😊相對健康嘅選擇，餸菜非常豐富，而且都好鮮甜，加上有咁多食材，令到個口感好豐富，會令人想一食再食👍🏻❤️❤️岩鹽板A4薩摩 和牛（厚燒）御飯 $498買得出呢個價錢都係有原因🤣和牛入口即溶，油脂豐富，牛肉味好重，食落去好滿足🫃🏻岩鹽板令到牛肉加重左個鹹味 ，配埋佢哋甜甜地嘅醬汁，味道就更加中和～生燒牛舌芯（2串） $88免治雞肉棒（2串）$82雞肉棒好好食😋有啲似打爛咗嘅雞軟骨，再配埋將油漬蛋黃，味道加倍😊

喺金鐘嘅四季悅日本料理餐廳，除咗可以單點佢哋嘅定食或壽司之外，佢哋仲推出咗放題，呢次就要一試佢哋放題如何。刺身 /壽司款式豐富，全部嘅刺身都夠哂新鮮，三文魚肥美，吞拿魚仲有用醬油漬，令口感變得更好，而蝦仲有玻璃蝦，蝦肉爽口鮮甜，好值得一食。壽司有多款傳統壽司，亦有用上名貴海鮮做嘅壽司，如象拔蚌等，口感爽彈，同微酸嘅壽司飯嘅味道好夾，可以令象拔蚌嘅鮮味更加突出。呢度嘅燒物都好吸引，有蒲燒鰻魚、比目魚西京燒、燒三文魚扒等，佢哋嘅火候控制得宜，唔會太乾，仲保留肉汁鎖住喺肉嘅入面。炸物子咗有多款嘅天婦羅之外，仲有各式嘅吉列食物，如吉列蠔、吉列芝士豬扒，佢哋都係即叫即炸，樣樣都熱辣辣脆卜卜，炸衣又夠薄，唔會食到成口粉，呢度最特別係有酥炸軟殼蟹，呢款好少喺放題出現嘅炸物。煮物/鍋物好多鍋物選擇，我最欣賞係牛肉鍋，用料講究，牛肉嘅油脂分布均勻，食落肉香同油香得到完美嘅平衡，加上湯底清甜，令牛肉嘅肉味更能得到發揮。飲品/甜品有多款嘅飲品可以選擇，汽水、果汁、咖啡同埋清酒等，而甜品除咗有多款嘅雪條之外，仲有芝士餅、雪米滋等，仲有我最鍾意同埋最有日本特色嘅蕨餅。

去金鐘接朋友放工, 佢同我去左佢平時食開既"飯堂"食晚飯~~餐廳環境好大感覺好開揚, 空間感十足~~我地2個人被安排坐左CAR位, 座位好闊落好舒服呢 晚市餐牌有套餐又有單點~~套餐多數包時令先付, 茶碗蒸, 昆布麵豉湯及御飯, 都幾豐富餐廳而家做緊優惠, 每食滿$400就減$150, 如此類推...我地食左約$1300就有得減$450, 計落都好抵丫, 即係大概6折左右 食完仲每人送左張$100現金卷下次用我地點左套餐, 首先上既係時令先付~~有豆腐, 蟹籽沙律 & 合桃+魚仔合桃+魚仔最有驚喜, 甜甜的味道唔錯...另外3款分別係魷魚仔, 鮑魚 & 海膽豆腐~~魷魚仔加上檸檬汁完全冇腥味~~鮑魚爽口彈牙海膽都算大舊喔, 味道鮮甜!!茶碗蒸茶碗蒸口感水嫩細滑, 高湯鮮味濃郁~~內裏材料有蝦, 雞肉, 冬菇, 白果等等....昆布麵豉湯咸淡度適中~~明太子雞翼 $88明太子雞翼外皮脹卜卜金黃香脆~~雞肉幼嫩, 味道不算辣龍蝦天婦羅 $358第一次食天婦羅炮製既龍蝦~~ 有驚喜呢!!一上枱就好吸睛, 伴碟好靚 天婦羅薄薄一層, 一D都唔油膩....龍蝦新鮮, 肉質非常結實又彈牙!!岩鹽板

好幾年前食過，以前係好食的，今次再來，真係唔會有下次，折後$277連加一的晚市放題，或者不應有期望，嘢食選擇少到不得了，燒牛舌都可以整到咁難食，鰻魚未見過咁細咁薄嘅鰻魚，清酒煮大蝦，冇蝦味兼夾鞋😖魚生係冰嘅，兩小時唔知自己食咗啲乜，伏到一個點！

港島放題店不多，食來食去都係果間，難得見到呢間做緊經openrice 訂位消費券優惠，用消費券埋單，兩小時放題，每位hkd 388 減hkd 150 加番hkd 38.8 服務費，即係每位hkd 277就黎試下先今晚食飯是星期一，兩人被安排四人座，唔似其他放題咁坐到好逼，檯同檯之間都算係闊落嘅。刺身壽司:叫左三round刺身，呢度仲油甘魚同劍魚，北寄貝馬刀貝赤貝墨魚八爪魚，全部都好新鮮 ，唔會淡淡冇味咁，我相信佢地解凍得好好，保持到刺身嘅鮮味，帶子刺身真係好鮮甜。火炙壽司好食，燒完香噴噴， 另外軍艦壽司 吞拿魚蓉同三文魚籽好好食呀。燒物炸物燒物叫左 牛舌，菠蘿，秋葵，菇，銀鱈魚，雞翼。全部都好食嘅，雞翼仲燒得好好食，脆皮肉嫩，雞肉仲係好有雞肉味嘅。炸物叫左炸蠔，炸芝士年糕，炸軟殼蟹，仲有encore左好多次嘅鴨肝多士鍋物叫左牛肉鍋，都比左幾多牛肉嘅，味道都不錯。其他小食有叫清酒煮蜆嘅，仲有落海帶，好味。甜品有 明治雪條，係芒果同紅荳味。飲品有清酒，熱茶，罐裝汽水果汁任飲。總結，覺得佢地野食唔算係好多，但樣樣食物做得幾好，味道好，侍應有禮貌，上菜快，收碟都好快手。另外兩小時放題係真係食足