四季‧悅 日本餐廳 (遠東金融中心)

營業中

休息中

約了很久沒見的舊同事聚舊，去這間金鐘上班族首選的🎌料，點了兩個套餐：海膽盛宴和龍蝦泡飯。一上來前菜的海膽帶子沙律，已經很鮮甜，沒想到接下來的刺身海膽接近👊🏻一樣大，一口一片巨滿足，還有吞拿魚腩刺身入口即化，再來一個岩鹽板A4薩摩和牛（厚燒），燒得剛剛好啲禾牛放在一塊岩鹽板上，挺特別的，但必須盡快吃，不然會有點咸，禾牛入口軟腍，油脂化在口中，滿口禾牛香味，巨下飯。另外龍蝦泡飯即場倒入龍蝦湯，裡面有很多龍蝦肉，還有南瓜，冬菇和蘿蔔，把湯的精華吸收，非常入味。最後吃一個菠蘿雪葩，第一次這樣整個菠蘿吃，冰冰甜甜的菠蘿香味，本人秒殺🤣🤣🤣。這家🎌料真的挺大家的，兩個區域非常寬敞，沒想到中午一點的時間坐滿了人，大都是金鐘上班族，又或是過來會見客人的商務午餐。它家還有放題，下次時間充足來試試。

見3月份openrice呢間放題有優惠，每兩個人就送110g海膽，而且每位$388（未加一），又近公司，所以放工一於約附近做嘢既朋友一齊黎試本身對所贈送既海膽沒抱太大期望，畢竟係送既，估計應該質數可能係一般，或者帶腥😆點知，黎架刺身船既時候，餐廳順便上埋贈送既海膽，竟然有驚喜，而且一絲不苟，有連埋紫菜俾我地包住食，海膽望落已經覺得新鮮，而且好rich,食落更加讚嘆，一啲都無腥臭👍🏽當晚可能係平日，全場得我地呢檯同後面嗰檯叫算係大檯，再加2-3檯係2-3人檯，坐得好舒服，差不多包場咁濟😆其實放題款式算中規中矩，如果可以有埋海膽手卷揀就更好，我的至❤️刺身都👌🏾，特別係三文魚算肥美，但油甘魚同吞拿魚就一般，食到有筋，其他刺身就正常炸物、鍋物、卷物都正常，所以唔多講了另外一提就係，個芝麻機翼真係要試，炸得好香口

和朋友中午開到這間餐廳吃飯，因為其他餐廳排條長龍，這家餐廳空空蕩蕩，沒想太多就進來這裡吃（這裡有一條教訓：人少的餐廳定是有人少的理由）。點了一個生薑烤豬肉定食（名字沒有記得好清楚），等了20分鐘，還沒有上菜，請服務員催了兩次才上來。飯菜擺上檯面驚掉下巴：豬肉全是肥肥肉，零星一點瘦肉點綴在上面，聞起來一股腥味，實在把我惡心到了，正常應該是瘦肉且切得薄薄，這是街邊小店都可以做到的水準吧！！仲要92紋，實在吃的是惡心，吃的是大虧，這也解釋了剛剛為什麼看到其他店人滿為患，這家店空空蕩蕩，不會再來，看客小心避雷！！

每星期日早上都會去食早餐，叫做一定認得你半個熟客。剛剛星期日，我妻病左，我同仔仔食完，一向都有張九折卡，但冇帶，自以為叫半個熟客，叫老婆影張卡比我，睇吓埋數收唔收，女經紀（疑似）收錢時，我都未講完想拿出來，一句：「相我地唔收！」唔收唔緊要，語氣唔好咁乞兒唔得嗎？禮貌啲講唔得嘅？因此，決定唔會再來，相信貴經理應該諧大歡喜。因為個個星期去，啲員工都面黑黑，好似阻佢地發達咁，啲野食唔夠熱，窩夫對上一次食係硬、脆、凍。啲雞朳愈食愈乾。店中其中只一兩位女侍應服務好好。

未食過咁難食既放題 冇一樣野係好食 呢間野應該唔預會有回頭客 希望唔好再有人中伏 真心差。食物款式亦極小 價錢亦都唔係平 見咁多好評 睇啲相都唔差 以為幾正 點知好多正常放題會有既食物都冇 例如甜蝦 海膽 魚子 明明佢擺出黎既相係有 完全係貨不對版 雞翼都可以難食 冇乜味 壽司唔係壽司飯整。。。唔知啲好評係點黎。。。人均3百幾蚊比啲咁既野我 旺角啲平價放題都好過佢 真係估唔到係咁既質素 非常失望 唯一環境算係ok 算寬敞 可能真係貴在租金啦 。

第一次去食係因為同事話好食同埋平，所以朋友生日就book 左位去食。我地三個人去食，二人同行一人半價，另一位就正價，埋單$1050，放題來講價錢係平。🎂🥱食物質素方面一般般，飲品好少選擇，得果粒橙同可樂。平時其他放題會有其他野飲。呢間就冇，相對環境係幾令，地鐵站出閘行一陣就到，都幾方便 。🤐服務員態度就麻麻地，叫人埋單好似好惡咁😵‍💫我自己就唔會食第二次，但想食放題又想平平地又唔追高質，呢間就岩你🤭

高質放題，再次幫襯，全因食物新鮮有水準、賣相精緻、環境乾淨又舒適、服務員態度有禮、食物出得快，唔會浪費時間等候，刺身非常新鮮，天婦羅及炸物類食物炸得好好食，食物種類多…兩星期前有極尚海膽杯送(😋超新鮮美味😋)，還以為仲有得送，原來優惠已完結，希望可以再做送海膽杯優惠😋👍🏻不過今次有新優惠每2位惠顧減$230及加送日本和牛壽喜燒、每位送$100現金優惠券👍。

朋友俾左2張$150既放題券, 今日last day有得用, 一於黎試下😜6點幾黎到, 唔算太多人...坐低冇耐, 黎左個海膽杯🤩係海膽杯, 仲有帶子同三文魚籽侍應話係送既, 推廣又係到今日海膽相當新鮮, 食左幾舊唔係好夠喉😅即刻order 其他刺身補數, 刺身款式都唔少, 有我鍾意既油甘魚, 馬刀貝, 劍魚腩😍之後仲嗌左d 壽司🍣串燒, 天婦羅...我覺得最正係煎鵝肝, 外脆內軟🤤, 仲有手掌咁長既燒大蝦, 肉質好彈牙, 一D 都唔hea最後甜品食埋燒菠蘿同好少地方有既蕨餅, 真係飽到唔想郁加一再減埋$150, 原來$300都唔洗, 對於眼濶肚窄既我黎講, 過下放題癮都值回票價, 如果下次有得再encore 海膽杯就好喇😆

早2日同老公要去開金鐘，上網睇定咩野食，呢間四季悅放題，價錢又唔貴，即刻book黎試下。用手機QR code落單，啲嘢都算上得快同埋冇漏單。最驚喜係免費送嘅個個海膽杯，有2大舊海膽，份量一啲都唔少，仲好新鮮，好有驚喜。另外啲魚生都好新鮮，同埋熟食同燒物全部都熱辣辣咁送上黎，唔錯。係個炒雜菜我地以為係一個細窩咁上，點知係個豉油碟份量🤣🤣整體黎講性價比唔錯，可以返兜

放題原價$380加一，因為有一百五十元餐飲券所以同同事放工去食放題 。餐廳座位很寬闊坐得好舒服。刺身：大多數放題有的刺身去佢都有， 燒物：推介燒牛丸，燒得很香脆。 天婦羅：有出面比較少見的軟殼蟹但可惜食落冇乜味道。甜品：個人就喜歡食蕨餅。 整體味道比較淡但坐得舒適，如果要用原價就不會考慮這裡。

我地叫咗好多嘢食 雖然上得好快 但係9:30close 太早啦 有多半個鐘都唔會搞到我地浪費食物 都儘量食但真係太趕咗少少 其他好滿意 我地7:30入座 有個玻璃中入面有海膽帶子等等都好新鮮 鵝肝都係值得推介既

因為佢呢頭做嘢，又想食日本嘢又唔想太貴，冇乜選擇試吓試吓呢間啦！本身期望唔係好大，但係反而比想像中好佢比我嘅印象係環境舒適，枱與枱之間寬闊服務亦都好走到態度良好，雖然人手唔多，但係唔會有啲咩甩漏熟食同埋刺身或者壽司餐都好齊全，價位都係二百幾至四百幾蚊我就鍾意食魚生多啲，通常壽司同埋刺身餐我都會揀壽司餐，雖然我食得唔多飯理論上係應該揀刺身但係因為通常壽司山嘅款式會比較多，所以我都係鍾意壽司，而且通常會好似靚仔啲嘅上枱🤣🤣首先嚟咗嘅錢財係沙律醬路青瓜絲如果可以走沙律醬就好，不過知佢整定都唔要求到呢樣嘢 胡麻醬豆腐，仲有支豆，呢個前菜幾少見幾特別壽司有8件㗎日本燒蛋一嚿我要求唔要欄位，睇落全部都啱食！有紅色嘅真叼，同埋兩個蝦，一個係赤蝦一個係牡丹蝦應該仲有海膽軍艦算佢啦！一定要有海膽！不過呢，呢幅圖就睇到其實佢海膽唔算太悶，見到隔離個刺身餐貴幾十蚊，但係嗰個海膽壽司大嚿好多資料好似鋪得補啲唔緊要但係其他全部都好新鮮好味！不過覺得佢呢度嘅蒸蛋爭好多，唔夠熱同埋果香味唔係太出，總之就比較一般啦呢個係朋友嘅壽司刺身Ch餐，睇落好豐富好正另外一提呢度嘅服務都唔錯，雖然頭先講過不過而家總括來講對得住個

一向唔知道，原來金鍾都有放題食。以前去開銅鑼灣食，但已不去一陣子。今次不試還好，試了就返唔到轉頭。人生繽紛多變。大家入同一間學校，讀同一本書，學同樣的知識，但將來成就截然不同。今日食四季。悅，彷彿遇見了學子之中的優等生。餐單款式並不特別特出。刺身及熟食，同樣都係不少放題都有的名字， 但食入口的感覺是如沐春風，每一片刺身的味道都更鮮更好， 熟食亦一絲不苟。大家都有三文魚子軍艦， 四季。悅的粒粒飽滿晶瑩通透，紫菜爽脆。大家都有吞拿魚軍艦，四季。悅的顏色鮮嫩粉紅，配香蔥入口香軟錦滑。大家都有鴨肝多士，四季。悅的飽滿溫熱滿足。同一樣的餐單，更好的享受。味蕾告知大腦，境界不一樣。其他料理，大致都有相同的感受。或者，這個就係是四季。悅的工匠精神，他的功夫以及他的堅持。飯後，我心愉悅! 十分滿意。暫時不用搵第間了！

要說吃放題的巔峰，一定是大學時期，幾乎每隔2星期都去1次，而且間間放題店都想試，完全冇篩選過。人大咗就唔同，個胃冇咁勁，質量就變咗好重要嘅因素。今次喺舊同事推介下，就嚟咗金鐘嘅呢一間高級放題餐廳。刺身：三文魚、油甘魚、吞拿魚、劍魚腩、甜蝦、希靈魚、帶子、北寄貝等等都應有盡有，質素唔錯，新鮮厚切。特別啲嘅仲有爽口酒煮榮螺片刺身、比較貴價嘅赤貝刺身、少見嘅花海蜇刺身、香甜蜜汁鮑片、個人好中意嘅泰式生蝦同赤蝦刺身等等。燒物：質素同樣有水準，燒菠蘿香甜多汁，燒翠玉瓜爽口非常，蒲燒鰻魚魚脂豐腴，比目魚西京燒亦係魚肉柔嫩有彈性，仲有蒜蓉醬烤扇貝、黃金醬燒開邊蝦等等亦係回本之選。天婦羅及炸物：最鍾意當然係放題必食嘅紫心香芋丸、虎蝦天婦羅亦值得推薦，虎蝦爽口，炸皮薄脆，亦唔會太油膩。熟食：佢地嘅熟食亦係成餐自助餐嘅精髓之處。金牌紅燒乳鴿皇非常精緻，乳鴿外脆內嫩、吉品鮑汁扣花膠厚厚綿綿，有骨膠原滿滿嘅感覺。殿堂宴客醉鮑魚則滿滿酒醉香氣，仲有辣酒煮黃金螺亦值得推介一番，螺肉緊實，幾新鮮。

金鐘一般嚟講食物餐廳數目不多，分佈很散,除了星街比較多餐廳之外，遠東金融中心亦有數間餐廳可以選擇，由於我鍾意食日本食物,今次選擇了這間人氣嘅高質日本餐廳.這類嘅套餐選擇非常多,除了選擇日式放題之外，亦可以揀日式便當，我跟朋友亦是重質不重量，所以今天決定選擇了一個日式涮涮鍋以及厚切燒和牛。厚切燒和牛價錢非常超值，只需要四百多元已經有一塊日式a5和牛餐廳，擺枱非常精美牛肉，放在日本岩鹽上面保溫，師傅很貼心已經砌咗畀客戶，所以只需要一夾就可以非常方便，牛肉油脂分佈均勻，肉質非常軟，而且啖啖牛肉香，不會過肥，亦不會過鹹，證明師傅質素非常高，下次嚟到亦都要選這個厚切牛扒。涮涮鍋方面，主要係日式薄切和牛，配上精美嘅shabu shabu，日本鍋味道非常夾,餐廳亦都提供咗很多前菜，有鮑魚日本魷魚海膽豆腐，均質素高中上,味道很好,整體來說這個套餐非常超值。