四川辣妹子 (已結業)

好喇，我決定同大家介紹下 #四川辣妹子 耀哥嘅隱世美食 （殊 🤫，餐牌冇架！）。由於本人好鬼麻煩，鍾意食魚但又怕食魚皮，淨係鱔嘅皮先會食。所以，就諗到膽粗粗問下耀哥可唔可以整到水煮白鱔。其實呢道水煮白鱔，係我舊年已經試過同耀哥落柯打，今次係第二次食。呢度一煲大約有一斤白鱔左右，件件粗身厚切，魚肉新鮮彈牙結實，鮮味十足，非常好食。配料有黑木耳、豆卜、秀珍菇、靈芝菇、洋蔥、芽菜，而香辛料就有辣椒、芫荽、芹菜同蒜頭，非常豐富，淨係食哂呢煲嘢，一個人已經飽到上心口！記得喇，想試嘅朋友一定一定一定要預早幾日前向耀哥落訂，否則係一定冇得食架！

咁難食仲要收呢個價錢， 浪費人生，浪費金錢 情願返屋企自己煮飯食， 都唔會再幫襯，亦都會提醒身邊朋友唔會幫襯，伏伏伏， 大家千祈唔好嚟， 唔好食，同埋，唔好食 唔好食， 好難食

我本身好鍾意食川菜，成日行過都想試下，終於第一次去食四川辣妹子，order左水煮魚，炒鵝腸，辣子雞，川北良粉，除左辣，就係勁咸，水煮魚d 魚係千年雪櫃魚，我好鍾意食水煮魚都只係夾左2件食，雞同鵝腸亦唔係新鮮嘅，難食之外就勁貴，200幾蚊個菜，叫左4樣野700幾埋單，好失望，真係請都唔會再去

轉咗新舖之後嚟過三次，地方比之前嘅舒適好多，離地鐵站一段距離但都ok！始終舖租係一大問題。我經已一共六次幫襯烤魚，太太讚啲魚烤得外皮脆肉嫩，啲白肉同牛骨髓好正！雞煲都 ok！但真心覺得啲肥牛唔吸引，相信要再買其他好料，因為香港人真係鍾意食靚牛，呢個要扣少少分。如果真心可以食得好辣嘅朋友，可以試下佢哋嘅中辣、或者中大辣，但我個人只頂到小中辣，都經已食到一頭汗。如果係鍾意食川菜麻辣嘅朋友，就一定要試下呢度嘅辣湯，係我食過最好食頭三位！試過佢嘅魽魚、鯇魚，唔腥，好大條，夠曬食！魚唔會好似有啲舖頭咁，仲有啲魚鱗留喺上面！試過食佢嘅麻辣豬耳、口水雞，佢哋嘅麻辣汁係好食嘅！不過有樣餸就麻麻地，就係萵芛絲，食唔慣就覺好硬同埋唔習慣嗰陣味，但我屋企人就好鍾意叫嚟食！服務小哥仔雖然唔鍾意多講野，但仍覺得服務貼心，包裝細心又唔黑面，服務係幾好嘅。依家1800後無堂食，所以佢地就全部轉晒做外賣，外賣包裝質料好，拎到去港島區都無問題！讚！

天氣開始涼，上星期想食雞煲，打電話去新南苑一品點知全部爆曬，上Openrice search 到呢間，又有位，就試吓啦！一上到去，以為去咗深圳啲十九夜場，啲vip房傳出陣陣強國歌聲，又嘈又有人猜枚！講返食物，我哋叫咗個雞煲，加打邊爐肥牛，菜，鴨血，粉腸⋯⋯個肥牛衰過x寶啲過期牛肉，有黑點同瘀血嘅！雞煲又唔惹味，得層油，唉！我唔寫咁多啦，費事一陣俾人block我唔俾出呢個post呀，大家唔信嘅，就即管去試吓啦

做咗幾年open rice member,我一向好少寫食評，因為明白每個人有不同的口味，但係今次真係忍唔住要寫一寫，本來只係想同個朋友搵個地方靜靜地食餐飯，但係打電話book,間間食肆都有限時，問到呢間竟然話冇限時間，咁就去試吓啦!Order 咗一個麻辣雞煲，只係得辣味，佢啲雞用雪藏雞（都預咗）但係仍然一陣雪味，我唔明白點解可以做到醬汁又辣，但係啲雞又可以無味, 影相好似好靚，因為我係加錢加咗好多料落去總之起而家食晚飯市道咁旺嘅情況下，佢唔需要限時又唔趕人走，就知道係咩料，全晚得兩、三枱客，唔係冇原因嘅，我絕對冇下次，請我都唔會再去！

辣子雞不會太乾身... 可以加入多款配料... 選擇中級辣度最啱南方人……火鍋配料款式多供選擇亮點是有特色手工啤供應設有多間vip房可供朋友聚會選擇服務態度親切地點方便

真係食過有史以來最難食嘅川菜！白色諗住食下重口味宵夜，點知冇一樣嘢食得落肚。重慶酸辣粉💛🤍🤍🤍🤍上海餃子💛🤍🤍🤍🤍口水雞🤍🤍🤍🤍🤍夫妻肺片🤍🤍🤍🤍🤍炒土豆絲🤍🤍🤍🤍🤍冇一樣掂，唯一食得落肚嘅就係個餃子，但係都係好難食😖淡而無味，皮厚！其他全部野都真係原封不動！認真，真係浪費金錢系列，仲衰過傷心10倍！！

晚上被叫出去了好像是一個多月以前就約的飯局因為大家都說太久以後的事還以為會不了了之在大家都沒有了人類反應時今天在下就到飯局的時間和地址餐廳在上海街大門招牌蠻奪目的沿樓梯直走上一樓朋友要了間房間最應消費$2500由員工帶路經過廳面走進房間先點下一些小食臘肉炒萵笋 $120爆炒回鍋肉 $108黃金皮蛋 $36麻辣豬耳 $56涼拌魚皮 $68酥炸大腸 $98等等然後我們點了一個水煮酸菜龍躉腩片 $498加配菜午餐肉 $32嫩鴨血 $58野生竹笙 $38特級安格斯肥牛 $228等等湯底是中香辣我們5個人到尾其實也沒吃到很多東西不過大家都好像停了動作開始動口$300的卡拉OK開機費2個咪還有骰樽聽說還能看球（？）這地方可真不錯還被朋友列為一個新的落腳點營業時間直到半夜有小食有火煱有骰樽有其他玩具對愛玩的人真的是很不錯的選擇

烤魚唔似烤魚，都唔知似乜，水煮魚咁款，得個辣字。以前去過老闆舊鋪，好好食仲成日去食，今日撞返，等我期望仲咁高，見到新餐牌竟然有牛胸爽，仲諗住唔使返大陸都有得食，點知D牛胸爽食落同肥豬肉一樣，啊老闆，你究竟知唔知到咩系牛胸爽？間新鋪仲整到成間夜場咁，六點令已經成班醉鬼系D VIP房度出出入入，又唔戴口罩，大佬啊我系正佢地幾間Vip門口坐，仲要聽住佢地唱個D走音歌，我俾錢黎食飯嫁，唔系黎受罪嫁。呢間野真係無下次

相約同朋友去撐下場，食過舊舖新舖第一次嚟！地方好大又有卡位，坐得舒服咗有午市套餐，唔太貴，不過今日想食烤魚，所以下次先再試午市套餐吧原想食雞煲，不過怕食唔哂，最後叫了泡椒烤魚，成條魚無咩骨最啱懶人嘅我入面仲有豆卜，雲耳配菜，好好味，最喜歡條魚煎得好香會越食越辣🌶️🌶️🌶️之後再追加了辣炒雞軟骨都好好食，炸得好香口，不過睇落好似好多🌶️，但其實一D都唔辣，送啤酒最正下次再嚟試埋其他嘢加油💙

打電話去訂枱聽電話果位呀叔語氣態度一般 問多2句有咩好食推介就話自己來食咪知嬲嬲地cut佢線過左日再打去換左個呀姐就好少少個男人唔知係咪老細 有點臭寸最後都冇去到 因為第一印象比人差睇埋其他食評又麻麻地咁

剛開始食，就係桌面見到有兩隻螞蟻爬爬下，都幾倒胃口。食物份量很少，一啲也不地道。叫咗個水煮魚，連不食辣的朋友，都話唔辣。蒜泥白肉只有4片肉，辣椒油一啲都唔香，又唔辣。講真，咁嘅水準夠膽開川菜館，老闆都好勇😂😂😂

終於有機會探訪辣妹子，老闆好親切健談，亦會制止我哋不要浪費食物點太多餸。😂😂😂 所以我們三個人聽老闆的推介，點了。。。香辣湯底水煮龍躉😋😋😋辣妹子獨家祕方麻辣羊腩煲😋😋😋追加。。皇帝菜彈牙花枝丸（半份）香菇貢丸（半份）豬肚絲鮮豬潤豬皮出前一丁Hmmmmm..... 飽飽。。。滿足。。。😌😌😌Finally I had the opportunity to visit the Spicegirl. The boss is very kind and chatty, he will stopped us from over order. So the three of us listened to boss’s recommendation and we had . . Sliced giant grouper in Hot Chili Oil 😋😋😋 Spicegirl's exclusive secret recipe spicy lamb belly pot😋😋😋 Additional dish . . Crown daisy Cuttlefish ball (half po

限聚令放鬆可以出去搵食，有朋友介紹去呢間新開四川菜館，話個大廚老板娘係真正四川人煮，味道跟佢以前响四川地道食好似，唔似好多香港店舖因為要就香港人口味有所改變，好啦講番食乜先，成日睇抖音都見到國內啲人一大碟一大碟係咁食小龍蝦🦞，香港又冇得食，現在終於有機會試到梗係要嗌番碟試，辣度好足，奉勸唔食得辣叫少辣好，越食越野味，三條友終於要encore多一碟食🤣，酸菜魚個湯底好鮮甜真係連飲幾碗湯都唔怕黑魚片夠滑身，烤魚嫌魚身泥味重一般，但辣汁用嚟打邊爐好正，其他小菜都好夠味好食但嫌份量唔大，如果份量多番d就好，不錯。