四川辣妹子 (已結業)

限聚令放鬆可以出去搵食，有朋友介紹去呢間新開四川菜館，話個大廚老板娘係真正四川人煮，味道跟佢以前响四川地道食好似，唔似好多香港店舖因為要就香港人口味有所改變，好啦講番食乜先，成日睇抖音都見到國內啲人一大碟一大碟係咁食小龍蝦🦞，香港又冇得食，現在終於有機會試到梗係要嗌番碟試，辣度好足，奉勸唔食得辣叫少辣好，越食越野味，三條友終於要encore多一碟食🤣，酸菜魚個湯底好鮮甜真係連飲幾碗湯都唔怕黑魚片夠滑身，烤魚嫌魚身泥味重一般，但辣汁用嚟打邊爐好正，其他小菜都好夠味好食但嫌份量唔大，如果份量多番d就好，不錯。