四方果甜品屋

營業中

休息中

光顧多年老糖水店，由本區夫婦二人打理，多年來始於如一，回歸基本步，簡單以涼粉、西米露、大菜糕、黑珍珠等，配搭其他鮮果，連同一些傳統中式糖水，就喺上水區屹立咁多年。雖然轉過鋪位重開過，但個味道、份量都無變過，縱然加價，亦係合理範圍。糖水唔花巧，但基本嘢都好滿足到味蕾，小食亦一樣，只得燒賣腸粉魚蛋，但過吓口癮已經夠哂。由以前中學食到而家畢業，係有種情懷不變，亦好似係同老同學嘅落腳點，就算熱死辣辣夜晚行張枱仔街邊一人一碗傾計，都好滿足寫意。

支持小店 老闆好好笑容 經過無意之中見到買返屋企食好似冇堂食 呢個價錢出面好難搵到價錢平 吾太甜 甜度岩岩好 岩曬我口味 下次會試吓其他糖水 希望其他糖水都吾會太甜😍經開一定再幫襯

呢間野已經經營咗好耐，兩公婆一齊打理，唔似一般街外糖水，細細間，但款式都算多而且幾特別，會用紅豆配糖水，雖然聽落好奇怪咗，但就出奇地夾同好食，而且材料好足，呢個價錢又平又抵食，未有疫情個時仲可以坐露天位食，但宜家就要外賣啦

細細間甜品店，唔係特登行過嚟都唔會發現佢，最鍾意佢就係可以一路食煙一路食糖水，隔離又有得泊車，心血來潮想食糖水呢度係一個唔錯嘅選擇，應有盡有，而且味道唔錯，最緊要夠方便❤️

突然好想簡簡單單食碗糖水，但發現原來好多甜品舖一係食冰、一係食生果為主，再唔係就又貴、又細碗、又唔夠味仲水瘳瘳好似加水溝稀咁 (X嫂)最尾喺open rice搵到依間四方果甜品舖，離遠已經見到好多人幫襯，個心都定啲，試咗全店最平嘅芋頭紫米露…心諗先$19蚊都打定輸數…見老闆娘捧住一大碗過嚟，紫米露夠味夠芋頭又夠粉、唔會太甜，而且老闆娘建議落花奶確實加分口感滑溜整體來講不錯，不過冬天係室外食始終有啲凍，如果介意坐街邊食可以買外賣。Ps如果同food panda聯營會更方便，滿足想足不出戶又想叫外賣嘅食客

到了晚上，上水又回復成一個寧靜的小社區。在順欣花園地下可以找到這間上水人最愛的糖水小食小店。學生們放學必食，打工仔放工必食，夜晚宵夜必選。舖頭細細，但食物選擇很好。小食有腸粉、燒賣、魚蛋（三拼）都只係$16。甜品方面選擇超多，鮮果撈撈配搭自由。今晚涼涼地，叫咗碗香芋紫米露（$19）外賣返屋企慢慢食。紫米十分綿密軟糯，加入花奶，香甜不膩，十分美味。紫米營養十分豐富，補血健脾，而且十分滋補，食咗皮膚都靚啲。

工作中去到呢度，真係好肚餓，見呢度有間小食店，只有一個櫃台，無座位，店內範圍都係廚房，望落乾淨企理！因為無乜時間等！所以入內問店員，有乜食物可以即食唔使等！店員話燒賣腸粉！所以就每樣要一份拎走！店員在蒸爐取出腸粉切好，問清我要落嘅醬料，放晒落油紙度，好快包好比我！腸粉：腸粉夠熱，只落豉油（多）、甜醬（少）、辣椒醬（少）及芝麻（多），腸粉索晒啲豉油好滑，甜醬及辣椒醬唔多所以微辣，芝麻好香！精粹係甜豉油，夠濃微甜好味！燒賣：燒賣夠熱，蒸得透，煙煙韌韌，索晒甜豉油好味！男店員有禮有笑容，小食店來講幾難得！港式小食好味！