四海魚村 (已結業)

深水埗有一間食四川料理的菜館，朋友說這間餐廳由四川老師父煮菜，味道跟他在四川食的風味菜相似，如果唔係捨命陪朋友，我應該唔會去。最主要是我不太嗜辛辣之物。事實上，我看見光顧的食客大部分說國語，即使說粵語，言語間帶有濃厚的鄉音。朋友二話不說點了一窩秘制麻辣雞煲，一客過橋百葉，一碟西芹淮山。待應先送來一客過橋百葉來，簡單來說是白灼牛栢葉配自家調製的醬料，醬料用辣椒醬、香蔥，花生粒、蒜泥等材料混合而成。牛栢葉灼得剛好，爽口彈牙，把牛栢葉蘸醬料，感覺好清新，美中不足是醬料有點鹹。秘制麻辣雞煲除了雞，另加西芹，洋蔥及大蒜一齊煮，只要上桌時放在火上加熱，邊食邊煮，雞好嫩滑，煮了好一陣子肉質也沒有變得粗糙。我喜歡食蒜，現在是一整個食係好爽。麻辣雞煲的醬汁不只是普通的老抽加上，本身用好幾種醬料煮，所以食到微微的酒香味，還可以按自己食辛辣的程度選擇，本來只是應酬食幾口就算，但這種麻辣叫人上癮，麻香令人欲罷不能要一食再食，雞煲食光了還可以加湯做火煱。不過只有我跟朋友二人，實在吃不下火煱，唯有下次三五知己一齊食。食了2味辣菜，食西芹淮山中和口腔的麻辣，想唔到這道菜能食到一陣陣鑊氣味，西芹及淮山炒得爽脆，西芹的

今晚同朋友在北河街體育館打完羽毛球，肚仔餓到骨碌骨碌，於是在附近搵食食。經街這裡，見到門口放了$39一個秘制香辣雞煲的餐牌，仲見到其他川菜介紹，亳無懸念之下，兩個人就入了去餐廳吃飯。 坐低之後，朋友改變主意，要吃酸菜鱸魚，咁我都唔執輸，叫番一個甜酸排骨，再加多一個螞蟻上樹，整支藍妹，嗌個靚仔。甜酸排骨，骨細肉多，炸漿又唔厚，加上個甜酸汁味道剛好，餸飯一流。螞蟻上樹份量唔少，粉絲好滑溜，又入味，兼且可以當飯食。酸菜鱸魚份量更大。湯底好惹味。雖然有好多好多酸菜，但係，由於條鱸魚係非常新鮮，所以沒有俾搶去其鮮味，又嫩又滑，好好食。今餐食完充滿體力!

今日夜晚食雞煲，朋友約我去到深水步食。到步後就一齊去食，間餐廳門面都算大，店內環境都算整潔。佢地都好多野食，可以食小菜，可以打邊爐。我地選擇了小菜。我地叫左半隻奇味雞煲，西芹炒淮山重有家常豆腐。味邊比較濃，好適合送飯👍🏻價錢算合理，味道不錯。個豆腐酸酸地，幾開胃，食左咁多肉，食返啲西芹，飲食均衡晒。提提大家，佢地而家做緊推廣，$39有個雞煲，但指定味道，我地吾鍾意食，所以無叫到，如果叫埋個優惠雞煲，會更加抵食👍🏻

四海漁村正宗川味平價雞煲睇完電腦野就去塭野食。行行下見到呢間野裝修咁新。就上openrice睇一睇。原來佢先開左幾個月，所以就膽粗粗試試佢！入到去新淨就吾洗講！見到個餐牌都幾多野食！又有雞煲又有酸菜魚！辣野喎！當然要食啦！同朋友就叫左個小辣既雞煲(半隻雞)，仲有叫左其他配菜！當諗梗要吾要加多個飯。個雞煲就到啦！陣陣既香味己經出哂黎！見到佢個size個飯就要hold一hold因為個雞煲都吾細！點知上埋啲配菜，好！飯都吾洗叫！因為佢既配菜全部都 好 大 碟 ！講返個雞煲先，佢啲雞都好滑。夠哂香，而因為朋友吾太食得辣。所以小辣佢話剛剛好！配菜入面就有萵筍、木耳、午餐肉同薯粉。全部都好新鮮，同任食個啲質素係無得比！老闆話廚房師傅係四川做左幾十年！所以啲味夠哂正宗！300蚊食到超飽！下次再戰中辣！

去完深水埗行街，買完d日常用品，行過呢間四海魚村，見到出面有個告示板，寫住秘製香辣雞煲只係$39，平時係出面食冇百幾蚊一定唔得，於是決定入去試吓除咗雞煲之外仲有烤魚食，不過烤魚就冇做優惠，另外仲有啲川味小炒同小食，價錢唔算貴，最後我哋叫咗個麻辣雞煲究竟$39係咪伏？雞煲上枱嘅時候都好香，除咗半隻雞之外，配菜都好多，分別有紅椒，青椒，紫洋蔥，芹菜，竟然仲有蓮藕！雞件都新鮮，醬汁都整得唔錯！呢個價錢絕對抵食食完雞煲之後仲可以加配料打邊爐，如配料價錢都唔貴，唔想食任食雞煲嘅朋友可以考慮吓另外仲叫咗個西芹炒淮山，炒得幾好，唔會好油，食完咁濃味嘅雞煲食返個清清地嘅菜就非常好啦

放工同同事去了深水埗搵食，這間餐廳主要以川菜為主，新張期推廣$39半隻雞煲，十分抵食。咸檸七：真是漏了一段時間的咸柑桔，味道潤喉帶點咸酸味，飲完成個人爽哂。家鄉老壇酸菜海鱸魚：朋友想食魚，所以就無試到雞煲，但這個酸菜魚卻無令人失望，一大盤新鮮滾熱辣，酸菜湯充滿魚肉鮮甜味，酸味剛好，亦都不會過咸，最後飲了兩碗湯都唔覺口渴，完全無落味精，真材實料。裏面的鱸魚肉質嫩滑，還有大量的芽菜、海帶及薯粉，基本上都唔需要配飯，兩個人都非常夠食。麻辣牛𦟌：牛𦟌帶點麻辣香，麻味入口後慢慢滲出，但又唔會蓋過辣味，牛𦟌夠腍再有點咬口。咕嚕蝦球：蝦球略為走油，所以帶點香脆，蝦肉新鮮彈牙，酸甜汁開胃還可以解辣。

這間在屋企附近新開的餐廳，以川菜為主，每晚經過都嗅到陣陣麻辣香味，令人食指大動，今晚趁住屋企無飯開，順道去試一試。家鄉老壇酸菜海鱸魚屋企人老人家唔太食得辣，所以就點了這個酸菜魚，價錢雖然不便宜，但真材實料，一大盤上枱，鱸魚份量頗多，魚肉嫩滑，酸菜不會太酸，味道剛好，還有胡椒味道，送飯一流。麻辣口水雞雞件切得很薄，正好一口一件，雞肉嫩滑，麻辣味道因為點了少辣，所以味道尚可接受，但辣味很香。涼拌秋葵秋葵爽脆，帶點微辣，十分惹味。食辣野點可以唔飲酒呢。

無諗過深水埗平日既小店人客如此多，見到有塊板寫住秘製香辣雞煲 $39半隻，超抵啊，難怪吸引到咁多人黎食。秘製香辣雞煲 $39半只，我都唔執輸叫左雞煲，一桌只限一份，六點開始供應。新店關係，gas爐好乾淨，我同朋友唔係好食得辣，所以叫左bb辣，d雞細細粒粒，好惹味，仲加左碗白飯，同王老吉$12，清下熱氣。另外叫左尖椒黃金皮蛋 $48，尖椒剝左d籽，唔算太辣，但又有點刺激，皮蛋配上辣油好夾。熗炒土豆絲 $58，新鮮炒的土豆絲，好有鑊氣，一條條土豆絲脆脆的好爽口，不我就覺得味道偏咸。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

有一日要去深水埗搵d電子電件，就搵左個朋友陪我去行啦，行左成個下午，大家都覺得肚仔餓啦，諗住係附近搵間餐廳食飯醫下肚。搵左陣，就比我地發現左一間食四川菜既餐廳，橫掂呢幾日落雨凍返少少，食辣野出下汗都好，就入左去呢間新開既 - 四海魚村。裡面既裝修都幾簡潔，用左射燈令到個環境更加光猛，同出面黑沉沉既深水埗街道形成左對比。侍應就比左餐牌我地，就推介我地試佢地既主打酸菜魚，我見佢都有幾種魚揀，有桂花魚，海鱸魚，同埋鯇魚，仲有兩種煮法，一種係烤，另一種就係一鍋咁上。我地兩個人就揀左三樣菜，分別係「家鄉老壇酸菜鯇魚」，「麻辣口水雞」同埋「過橋百葉」。1.家鄉老壇酸菜鯇魚 ($138)我見到另外枱客人果一鍋既酸菜魚好大鍋，係三至四個人既份量黎，就講左句好大鍋食唔哂，侍應姐姐聽到之後就推介我地可以要個細既鍋，兩個人夠哂食，就叫左呢個size既鍋。一上枱，都覺得呢個size都係份量十足，一睇就知夠我兩個人食，同埋好香既酸菜味，加上我地叫左小辣，第一淡先食個湯，好醒神醒胃，酸度辣度對於我黎講都剛剛好，中意食好辣既朋友都可以揀大辣以上既level挑戰下，第二淡緊係試下主角鯇魚啦，肉質鮮美，煮得d肉質剛剛好

我媽媽好鍾意行北河街市，這一天我和媽媽都剛好在北河街附近！就一起食完晚飯先走。我地黎到四海魚村，呢間餐廳唔是開左好耐，我見到外賣的黑板有優惠$39可以有半隻雞的雞煲，感覺很吸引就和媽媽進去了。餐廳環境整齊企理，光綫充足。原來餐廳的菜式有很多款，除了有鷄煲外還有小菜類，烤魚和酸才2魚等等。我媽媽一看到餐排就說要炒一個菜，而我就點烤酸菜魚。豆角炒茄子： 餐廳小菜很夠火候，豆角抄得夠乾身，更加入了少少辣醬和肉碎一起抄！很招惹味之餘不會覺得很辣。做重要的是茄子炒得一點也不油膩這道菜很適合下飯！一大碗飯很快被我食完~酸菜烤魚:  烤魚我只點了半邊，想不到都有這麽多！酸菜爽脆醃得很夠味。烤魚很大條，魚肉質感嫩滑結實，一點也不腥！加上湯汁有點酸酸的令人很開胃，另人不停口地食。酸菜烤魚裏面除了有大量的酸菜外，更有海帶，蓮藕等的配菜！價錢絕對係好抵食。食烤魚後我和媽媽已經很飽了，連甜品都吃不下了，餐廳性價比很好值得推薦。

話說呢個鋪位都已經轉過好多手，呢期開左雞煲，就同女朋友一齊去食下新野，一到去唔洗等，地方好寬敞，佈置就充滿大陸嘅特色，唔講以為真係番左大陸😄🐤秘製奇味雞煲（半隻）- $138👉🏾雞夠多，好似食極都重有咁👉🏾味道都夠濃，不過應該有辣會再好啲，可惜女朋友病左費事叫辣👉🏾建議唔洗加太多水，要保持番個雞味，打邊撈就好味😋配料方面👉🏾睇得出佢地刀功好好，切得好靚👉🏾量而都好足，唔會唔夠食總括黎講，呢間餐廳價錢唔貴，而且量好足夠，仲要服務都唔錯，性價比相當高👌🏾

週末同老公去深水埗買電話咭，經過北河街見到一間新開不久的川菜館，名字叫四海魚村，望到門口的菜牌都合我們口味，就入座食晚餐了！餐館地方整潔，座位也寬敞。秘製奇味雞煲：吾係好食得辣，所以吾叫麻辣，要了奇味雞煲，用了很多料頭和香料烹煮成，味道濃郁帶少許辣，雞肉也很嫩滑入味。家鄉老壇酸菜鯇魚：鯇魚起肉做成的魚片，肉質嫩滑但有少許短骨，湯底鮮味香濃，大豆芽、酸菜和薯粉吸收了湯的精華，味道酸中帶辣，十分惹味！生力啤酒

早兩日同朋友行西九龍，突然間講起好耐冇食川菜，所以就決定晚餐食川菜～咁啱就search到係西九龍行6分鐘就有一間川菜，去到仲見到門口寫住雞煲特價都只係$39蚊，於是就入咗去。入面都幾闊落～我地兩個人但都畀咗張四人枱我地，雖然冇乜裝修，但空間感都唔錯，起碼大聲少少講野都唔怕影響隔離。朋友話唔想食雞煲，因為早幾日先食完，所以我地就叫咗例牌既酸菜魚。家鄉老壇酸菜鯇魚 $198一上菜時，我同朋友都嘩咗出聲，因為真係超大碗。。。係真係三至四人份量，勁多魚，食極都有，食落魚又滑又唔腥，好食！不過美中不足嘅係後悔嗌咗小辣，因為鐘意食辣嘅人一定唔夠喉！自問食得辣的話真係可以放心嗌中辣。同埋鯇魚本身都多骨，食魚唔識lur骨嘅人應該嗌其他魚會食得開心啲，哈哈題外話：配菜又有海帶又薯粉，非常足料，得兩個人真係完全食唔晒。後尾我地聽到侍應姐姐同單支公入黎既客人講其實仲有個細碗啲既選擇，係隱藏menu！早知我地都叫果個，因為真係好大碗，廢事浪費。麻辣口水雞 $58干扁四季豆 $68我地仲叫咗口水雞同干扁四季豆口水雞又係以為細細碟，點知份量又係好多嘅，而且麻醬味好濃，朋友話好鍾意。干扁四季豆都炒得乾身，肉粒都好惹

今日要係深水埗睇一睇燈,睇完都差唔多鐘數要食晚飯,今晚想食辣,醒起之前有朋友介紹過四海魚村,睇下GOOGLE MAP 行過去都唔係好遠,今晚一於係果到開餐。一入去好大陣香辣味,頭望望睇下D人叫左D咩食,超多人叫水煮魚。而我今晚就想一下佢既奇妙雞煲睇下有幾奇妙。當你叫小辣,店員會問你麻辣既小辣定甜辣既小辣, 我簡左甜辣,怕麻辣太激~食辣野點可以唔叫涼拌小菜? 個人推介尖椒皮蛋,個皮蛋處理得好好,D醬汁又調得夠入味,上面會有一堆尖椒係到。至於山椒木耳,入量比想像中多,味道剛好,涼拌菜又點少得佢。雞煲除左香味足夠,味道亦非常濃郁,配菜(洋蔥﹑青椒﹑蓮藕等)為雞煲調味之外,索晒D湯汁更加好食。先食晒雞煲,然後我地加湯食埋牛肉﹑針菇﹑萵荀~ 加左湯之後個湯底淡左好多,係呢個時候估唔到店員會問下我地夠唔夠味,可以再加辣,相對貼心呀店鋪夠光猛,乾淨衛生,店員服務我想比爆星呀~下次試小菜四海魚村地址 :深水埗北河街48號地下2號舖電話號碼:35979462營業時間: 星期一至日11:00 - 02:00

去左食lunch , 叫左碟午餐： 乾炒牛河 ， 同個自配搭既米線 ：木耳花枝丸清湯米線。講下個午餐先 ：乾炒牛河 ， 份量係幾大碟 ， 盛惠36 再送多杯熱柚子蜜， 價錢黎講係抵 ， 雖然乾炒牛河係多油 ， 但係偏多油左好多 。 木耳花枝丸清湯米線 ： 米線底5蚊 ； 自選送分兩款價： 4蚊同六蚊 真係便過車仔麵： 米線份量多過3哥 ； 木耳唔係切絲 有幾舊 ； 花枝丸兩粒切半 只能說 好味精湯 ； 食完好鬼頸渴 。 仲有 阿姐係叫你自己寫單....大家會唔會幫襯 就自行考慮。