四海魚村 (已結業)

放工同同事去了深水埗搵食，這間餐廳主要以川菜為主，新張期推廣$39半隻雞煲，十分抵食。咸檸七：真是漏了一段時間的咸柑桔，味道潤喉帶點咸酸味，飲完成個人爽哂。家鄉老壇酸菜海鱸魚：朋友想食魚，所以就無試到雞煲，但這個酸菜魚卻無令人失望，一大盤新鮮滾熱辣，酸菜湯充滿魚肉鮮甜味，酸味剛好，亦都不會過咸，最後飲了兩碗湯都唔覺口渴，完全無落味精，真材實料。裏面的鱸魚肉質嫩滑，還有大量的芽菜、海帶及薯粉，基本上都唔需要配飯，兩個人都非常夠食。麻辣牛𦟌：牛𦟌帶點麻辣香，麻味入口後慢慢滲出，但又唔會蓋過辣味，牛𦟌夠腍再有點咬口。咕嚕蝦球：蝦球略為走油，所以帶點香脆，蝦肉新鮮彈牙，酸甜汁開胃還可以解辣。