四湯八麵

營業中

休息中

觀塘APM新一代嘅台灣小吃『四湯八麵』，將獨特嘅台式風情帶到香港，簡簡單單，又好味又得意，親民又實在。先嚟個福州大蝦•肉扎湯手工麵⬅️，湯頭超香，都係自家製高湯，蝦同肉扎煮到好淋又好味，啖啖肉味同海鮮味，真係非凡啊👍🏽！再嚟就試吓蜜汁烤叉燒麻辣拌麵⬅️，叉燒烤得啱啱好，外皮略帶焦香，麵條Q彈口感，充滿麻辣滋味，給人一種無法抗拒嘅香辣味道。😋寧夏鹽酥雞⬅️正！雞塊炸到金黃脆口，入面嘅雞肉軟嫩又多汁，肉質超好，一咬落去，簡直是人間美味！👍🏽👍🏽私房麻辣滷鴨血豆腐⬅️，豐富滋味，呼之欲出，鴨血豆腐蘸上點綴嘅麻辣醬，味道絕對豐富，入口即化，起勢十足！😊最後點個甜品，楊枝甘露⬅️。清新嘅楊枝同甜甜嘅甘露，相互搭配，絕對係呢個菜餚嘅絕配！😆無論你係放工定係週末假期，『四湯八麵』都好值得你嚟嘗一嘗，感受台灣嘅甜鹹美食，保證你食過一次之後，一定會再回味無窮！💪🏽😁

今日兩公婆去觀塘apm 搵野食 喺4樓見有間叫《四湯八麯》標榜喺台灣菜 見門口餐牌都啱食 決定試吓 點知瀨哂野 我老公叫左海南無骨雞飯 𨍭左普通白飯 嗰餐附送養生湯 碟雞飯同湯擺上枱 我同我老公都即時呆咗 三牒醬汁賣相奇差 好似人哋點完再俾你咁 至於雞肉就有一隻雞翼，另外有5至6片雞胸 但啲雞胸細件到不堪 加埋只有燒臘檔大約兩舊雞胸咁上下嘅份量 白飯質地偏硬 好似煮飯落唔夠水咁 個湯非常重藥材味 呢個就見仁見智 但唔係個個人都頂得順；至於我就叫咗個蝦肉扎肉魚蛋加糖心蛋嘅福州大蝦肉札湯麪 湯底味道尚算OK 但兩隻蝦開邊就變成有4片 扎肉兩片超薄 每片好似啲郵票咁大 兩粒魚蛋每粒好似波子咁大 糖心蛋尚算OK 麵質亦偏硬 麵份量對女性嚟講尚可，但男人肯定唔夠飽 飯同麵每樣都要70幾蚊 咁嘅價錢嚟講絕對係唔值 食完更加體會到點解咁多香港人上大陸消費 香港啲食店老闆要賺到咁盡 客人食完點會返轉頭

✨ 蜜汁烤叉燒麻辣拌麵。我要講係好好好食🤗🤗 叉燒烤得恰到好處，再加配上微辣嘅麻辣麵同溏心蛋！ 叉燒燒到好香，金金黃黃，又靚又好食！🍜👍✨ 無骨海南雞麻辣拌麵。呢個根本冇得輸喎！🤭，份量超曬大，極值回票價! 清燉的雞肉同微辣麵的組合，好開胃！10個好食有10個好食！😂😂重有飽足感✌🏼✨ 邊度可以試到麻辣麵配上清甜嘅叉燒同雞肉嘅搭配，佢一不做二不休，又一次製造了驚喜！味道濃郁，又辣又爽，大大粒叉燒同雞肉！大大滿足。😝🤛🏻✨ 餐廳環境舒適，服務態度好，尤其台灣風情的裝修風格，令人有如身處台北的感覺。整體來說，個人覺得佢哋嘅麵非常迷人，👍🙆‍♀️整體嚟講，「四湯八麵」同一般台灣餐廳唔同，無論係烤叉燒，無骨海南雞，定係麵條，全部都10分精緻，價錢公道，份量足，係APM一間絕對值得推介嘅餐廳！👏👏👏"

🥹😰滴汗堂食$73 外賣平啲$65 夜晚收工經過apm 諗住試吓未食過呢間四湯八麵 咁就買個外賣返屋企食 點知一打開個飯盒見到啲雞少到咁 都有隻雞翼嘅 但有少少以為自己食緊二手飯 😂send呢張圖俾朋友睇 以為我已經食左 但其實我係未開始食😂😂😂😂😂😂😂😂😂😂不過個湯同埋同飯嘅味道係正常嘅 個汁辣辣地 湯有一粒肉丸同埋豆卜幾特別咁囉 但雞肉個份量完全搞唔掂 我睇其他好評堂食唔係咁樣架喎 係咪外賣就特別差？

好耐無到APM行下街，今日同屋企人行下shopping 下。行過肚餓，其實都係諗住幫襯連鎖餐廳架啦。行過見到有麵食，睇到鋪頭乾乾淨淨就入去啦。幫襯咗一個麻辣鴨血豆腐拌麵同埋滷肉飯配料其實幾多下㗎。有配埋紫菜湯同埋鹽酥雞。紫菜湯就一般，但係鹽酥雞份量都幾多，而且唔會好油，幾香口。見到隔籬枱食緊海南雞飯，其實份量都幾多，而且顏色好靚。希望有機會再嚟試吓啦。下午茶價錢幾優惠對比起午餐份量亦都唔會好少。女士們啱啱好。

Waiter 竟然將成隻小菜碟直接放喺中間雞肉上面送上，同佢地反映，甘樣好污糟，店員仲話不嬲係咁放，有啲離譜，好無奈野食味道一般，排骨肉好嚡，野飲ok,但甘嘅衛生唔會想再黎Ps.圖中係已攞開再影

星期六咁啱嚟觀塘有嘢做，順便覓食。觀塘工廈出名多嘢食，但撞著落大雨，唔想冒住大雨去啲工廈，唯有APM搵嘢食。見呢間多人食，而且好肚餓，唔想再搵，決定一試，點知中伏😓我叫咗A01餐，賣相好似ok，但唔好食。牛腱鞋到呢⋯麵都稍微硬咗啲，但男朋友覺得ok。而男朋友就叫咗A04餐。一上枱，我同男朋友都o咗嘴，個賣相已經唔吸引，同餐單個樣都差好遠。食落係有淡淡嘅藥材味，成碗嘢一個字形容得曬：清淡！個排骨係淋過牛腱嘅。總結：未至於難食到要走人嘅，入得口嘅～但真係唔會有第二次🤔

同標題一樣，絕無半點吹水，因為勁肚餓關係，是但衝入呢間「四面八方」，門口已無咩人，裝修都無乜，諗住是但食碗麵閃人，出奇係我竟然食左好耐，好想知道個廚師究竟係咩人？叫左個牛肉麵，隔離兩個呀姐坐低已不停鬧d野難食，已心知不妙，點知到我碗麵終於到，又點估到佢湯完全似水，無色，無味，牛展三片仔，一碗垃圾收我$70，再來個拌麵，諗住無死，糖心蛋？邊度糖？個麵一餅野咁，汁又上唔夠色，老細話埋你知唔係用呢隻麵，請你再三研究下食物先賣比客人食！仲有員工全部夢遊太空，呢碗野比返$70我都唔會食，祝早日結業！

一間OK的面店！今晚我們一行人4大1小，叫了4個餐！味道几好！一個大叉燒飯，分量很足！因為跟了香油飯，感覺很邪惡！叫了烏龍茶解膩！叫了一碗藥膳排骨面，當歸味很濃！感覺OK。蝦🦐蝦面味道不錯。豬手撈面好濃味，孩子很喜歡。炸雞和芋頭丸朋友們很喜歡吃。梅菜豬肉餃子比韭菜餃子好吃！

飯又硬又唔熱，叫咩‘招牌’飯 但連煮個正常熟飯都做唔到，個鹽酥雞又硬又乾又鞋，食左幾粒放棄左。個麵嘅汁極淡，好似食緊齋麵咁。埋單2個人二百蚊，食物質素差過兩餸飯，非常後悔食左呢間野。

香港嘅飲食業就係俾呢d餐廳影衰晒。雖然只係好少事，但就係呢d細位就睇得出呢間係咩餐廳。我哋1點半到，等位都等咗20 分鐘。坐低就落單，套餐包餐前涼菜加熱烏龍茶，凍飲加3蚊，飲其他嘢加$10-$18 不等。我哋1行4人，叫咗1個雞飯同3個麵，QR code落單，只有午餐，搵唔到其他選擇。本來想食梅菜豬肉餃，點知賣晒，於是叫咗第二樣。最先嚟係雞飯，有前菜，但之後嚟嘅湯麵，全部都冇前菜，於是我問員工，佢先講話沽清。其實係咪應該system度顯示，或者入坐時都要通知聲客人呢？呢d係基本嘢，唔係個d嘢食嘅問題，只係餐牌寫咗有，如果沽清係咪好應該話聲俾客人知呢？其他食物賣晒都會update system啦。仲有出餐好有問題，雞飯差唔多食完(重點係小朋友食) d麵先開始嚟。跟餐嘅熱烏龍茶仲要20分鐘先出現，但其他凍飲特飲已經上咗就係呢d位會令我唔想再嚟，希望呢d真食評會出到啦

食咁耐海南雞飯，只有呢間舖頭好似叫做海南雞皮飯，雞已經唔得；啲飯有隔夜，令人太失望。好似尋晚買淨食淨俾你哋食，價錢又唔係平，唔會有下次幫襯。大家要諗清楚先好去幫襯。

位於觀塘APM商場嘅❣︎四湯八麵❣︎主打每日新鮮熬製嘅湯麵，裝修已木色為主，簡約舒服，下午茶套餐$46起，價錢好大眾化👍🏻下午茶餐❣︎紅燒牛腱麵拼阿嫲·滷肉飯❣︎$58 會有3種麵比你揀，我地揀左台灣扁麵，口感軟中帶嚼勁好掛湯👍🏻湯底用新鮮牛骨熬製而成好夠味，牛腱軟嫩，配料有埋腌酸菜。阿嫲·滷肉飯，滷肉香醇濃郁，配料有溏心蛋同腌酸菜，呢個餐有飯有麵，岩晒有選擇困難症嘅朋友。下午茶餐❣︎福州湯麵拼私房焢肉刈包❣︎$55鍾意食清淡啲嘅可以揀福州湯麵，湯頭鮮甜而清淡，呢個我配上海幼麵，配料有魚片同筍。個焢肉刈包內有滷肉同酸菜，口感超好😋滷肉軟嫩多汁，充滿層次。❣︎寧夏鹽酥雞❣︎$38肉質軟嫩好香口。跟餐❣︎楊枝甘露甜飲❣︎$28酸甜清爽，啖啖芒果肉。跟餐❣︎桂圓紅棗薏米水(熱)$12超真材實料，杯底有桂圓紅棗同大量薏米，甜度岩岩好，好滋補。

上星期同朋友喺apm搵食，見呢間大家都未食過就入去啦，一人叫咗一個餐。上菜好慢，等咗差不多25分鐘🫥嘢飲先嚟，侍應一放低已經聞到陣膠味，杯白桃茶飲落去又膠又甜🤢朋友嗰杯柚子烏龍都話太甜🥶另外套餐有個撈麵，個汁又係好甜，完全唔expect 撈麵係甜😵‍💫最重要係隔咗一陣個肚好唔舒服🫠最差係佢哋要趕收工要賣單先，其實無問題理解嘅，但啱啱先食咗啖，叫佢放低先，佢唔肯仲要企喺隔離😑 要我哋俾埋先🤷🏻‍♀️真係無下次💀

四湯八麵 (觀塘)📇地址：觀塘觀塘道418號創紀之城五期(apm)4樓L4-18號舖🕐營業時間：星期一至日11:30-22:00💸人均消費：～$100/人👏🏻抵讚位：雖然要等位一陣，但同啲staff想坐咩位，佢地會盡量安排俾你。staff都係偏向後生個批，啲態度都算係幾好，無人等位嘅時候，坐幾耐都唔趕你走👍🏻🍴Food QC：晚飯套餐價錢包飲品、前菜、主食及甜品，全部都係$100以下，其實都幾抵食，食物質素都值番呢個價錢🙌🏻 「海南雞配雞油香飯 · 配藥膳湯 $98」配麻辣滷鴨血豆腐不過不失嘅海南雞，但個油飯幾好食，乾身唔太油，唔會一patpat咁。小食個份量超出預期，好大份😂 豆腐同鴨血唔太辣，但都入味「宜蘭紅燒牛肉湯麵(滷牛展 · 濃汁牛筋丸) $96」配滷味雞翼 個湯麵正正常常，無乜特別。小食黎講，個雞翼份量勁多😂 個味道就不過不失😯有待改善位：暫時未發現到😼私心回應區：喺觀塘食飯，唔想去工廠區，但又想平平地，$100以下同朋友食一餐飯，呢間台式餐廳係一個唔錯嘅選擇😆