四維度茶 @ Saloon

營業中

休息中

今日我同朋友行到攰攰地，就決定搵間Cafe坐下休息一下，飲杯嘢順便食小小野傾吓偈。環境好舒服，音樂輕鬆，真係好適合我哋放鬆心情。我哋叫咗一份紅酒牛肋條配黑松露薯蓉，聽到菜名已經覺得好正！當菜送上嚟，見到牛肋條厚身得嚟又多汁，真係口水直流。牛肉嘅質地非常好，咬落去口感豐富，味道超級入味，配上黑松露薯蓉，簡直係絕配！黑松露嘅香氣同薯蓉嘅滑順一齊，真係好味到無得輸。我哋邊食邊傾偈，分享日常生活嘅趣事，氣氛更加輕鬆。真係一個好完美嘅下午，滿足之餘又可以同朋友享受美食，真係好開心！下次再嚟呢間Cafe，試試其他菜式！

從未試過嘅香港原創茶🍵飲 聽店員介紹係以星座個人特色創造各款茶飲口味，再係杯蓋鑲嵌擴香石搭配相應香氣🌸 令你喺享受嘢飲嘅同時再閒到獨特嘅香氣味蕾嗅覺雙重享受 超正👍👍鍾意打卡嘅女士萬物錯過 令我覺得驚喜嘅仲有佢哋本身嘅品牌特色，型格風，黑底cyber feel嘅杯，搭配紫色嘅擴香石同埋黑/金飲管 絕對係社交平台 post 相嘅精選淨係睇佢每杯野飲擴香石，同埋超型嘅黑/金色嘅不銹鋼軟管都誠意十足 一定要試🍹特別推介白羊座 處女座 金牛座🥤💖Bonus: 有好幾位靚仔服務員service

超級唔起眼的一間cafe，係salon隔離，同fd試左1. 黑松露薯蓉牛肋條✨必叫！黑松露薯蓉超好味！！！係超好味！！份量好足！兩個人食好夠！個牛肋條入味軟淋唔錯2.炸雞番薯條炸雞唔錯，外脆內juicy番薯條都OK 嘢飲方面，我哋叫咗「牡羊座」同「金牛座」好好笑，佢哋個杯蓋上有粒擴香石，每杯飲品都有唔同嘅香味，佢話俾你飲嘢之餘，仲可以聞到相配嘅香味，幾特別牧羊座好多士多啤梨果肉！又唔太甜，下次都可以encore金牛座都清爽OK 整體上都滿意，價錢合理，唔係話好平，但係又一城價錢係咁差唔多，最好就可以坐勁耐傾偈

今次嗌左一杯泡沫咖啡好濃好滑順，泡沫厚度岩岩好，飲落去真係好舒服，秋冬飲真係好正！店員們都好Nice，好有禮貌，價錢亦都唔貴，坐得亦好舒服環境都好乾淨，之後一定嗌埋班朋友一齊聚腳，我諗會係一個唔錯嘅選擇。聽店員們講原來佢哋嘅特色飲品係結合埋香水精油同埋擴香石，好期待咁岩都係用咗我最鍾意嘅12星座去到做主題，下次一定要試吓先～最後亦睇到佢哋本Menu會有心機去設計，都真係好靚，雖然好有質感，但真係重咗少少。對於我呢啲冇乜力嘅人嚟講，希望佢哋呢方面可以改善下，哈哈。

點左杯荔枝薰衣草特飲，飲品充滿薰衣草香氣及荔枝清甜，一邊飲香氣一邊撲鼻，之後先知道原來杯蓋上有擴香石，飲品亦配上環保飲管一枝，飲完仲可以帶走飲管方便之後飲手搖使用，唔洗用埋啲紙飲管另外聽老闆講12杯特飲係經過三四百次調味精選而成，而且menu用上相簿設計 (第一眼睇唔覺係menu)🤣，小店絕對係心思及誠意之作，值得大家試下幫襯下🙂‍↕️下次再去可以試埋其他特色茶及飲品，睇下啲礦香石有咩花款，同埋試下其他飲品好唔好味先😂😂😂