回到味來 (已結業)

今晚同朋友黎呢度食雞煲 248 半放題兩個女仔夠晒 有得雞煲又可以打邊爐仲平過出去就咁叫一個牛頸脊同海鮮拼盤唔係任食嘅之後其他都係任食 雞煲都係可以任家 食到你飽為止我哋揀咗麻辣雞煲小辣雞佢用咗黃油雞肉質軟滑麻辣唔算好辣 夠晒惹味而且個雞炆得好入味食雞煲食夠就可以叫佢換火鍋湯底我哋都係愛辣之人 所以都係揀咗小辣嘅麻辣湯個湯好夠味都好濃郁係煮內左會偏鹹少少海鮮拼盤啲海鮮真係好沙曼 隻蝦上枱都仲跑緊個海鮮拼盤用料好夠靚有紐西蘭托托顯先鮑魚大蟶子 等等全部承諾都好清甜 牛頸脊牛頸脊切得夠後 雪花分布平均放入去灼10秒就已經食得 牛味濃郁 肉質嫩滑

今日同男友兩人收工食晚餐，男友建議食雞煲，睇左網上美食平台介紹之下揀左黎呢度食，環境好舒服，目測全部卡位，坐得好寬敞。坐得舒服d食嘢都開心啲！個$248既套餐送既海鮮拼盤好新鮮，兩隻鮑魚仲識有郁，d海鮮好肥美。另外送既果碟牛肉又係無得輸，好好食！雞煲都不俗辣得過癮。不過唯一美中不足既係任食食物質素就一般，但海鮮同肥牛都已經抵返晒～ 員工服務態度都唔錯，呢個價錢同食物水準，有雞煲同打邊爐，一定會再幫襯！

旺角新城開咗好多餐廳，唔知邊間好食，邊間唔好食，今日就同大家由低層開始試吓先！回到味來 聽個名大家應該都幾熟悉啦 雞煲海鮮火鍋樣樣齊價錢方面算公道！ $248食咁多款式醬料 望上去全部幾新鮮友人唔食得辣，所以就嗌另一個唔辣既黃燜雞煲唔辣既雞煲都同樣好食，仲嫩滑又入味 份量仲幾多添！蒜蓉蒸扇貝前菜係扇貝都幾重本，唔錯又唔腥本地手切牛頸脊呢個牛味重，碌幾耐都唔”un” 比肥牛厚身一啲下面就會寫d配料，以任食來講全部都幾好食既！冰豆腐蟹柳，魚皮鮫，芝士丸雞肉腸，鵪鶉蛋後者 可以試下 幾特別！海鮮拼盤有大鮑魚，象拔蚌，蜆，聖子等等全部大大隻 最出包係大蜆同鮑魚 咁大隻碌完都唔”un”韓國柚子蜜激推薦！超好飲總結，又搵到一間性價比超高嘅餐廳

今晚去咗食，任食雞煲火鍋放題真係超級低食，仲有選擇又多。任食火鍋配料包括：肥牛、羊肉卷、手工餃、即炸響鈴、炸魚皮、炸午餐肉、稻庭烏冬、辛辣麵、各式丸類及多款健康蔬菜等，超過60幾款。而飲品方面就有竹庶茅根、台灣烏梅汁、果汁及汽水任君選擇。但講到必點之一， 就係佢哋嘅手切牛頸脊👍🏻 新鮮好味，牛味重。 每枱會送埋海鮮盤包括：（聖子/鮑魚/貴妃蚌/游水蝦/馬刀貝/大蜆/貝殼類)，咁都未夠吖，仲會每人送一隻金蒜咸蛋蒸扇貝添。大滿足

任食任食係任食呀。重要嘅事係要講三次的。早排去咗回到味來呢度，發覺真係好低食雞煲同打邊爐，都係任食。咁我哋就緊係一早留定肚，黎到呢到盡情狂食啦。雞煲有辣同唔辣擇，我就擇咗唔辣嘅黃炆雞煲。雞肉嫩滑，夠惹味。至於邊爐嘅配料選擇亦非常多。包括：肥牛、炸午餐肉、羊肉卷、新竹米粉、各式丸類同蔬菜類等，超過60款比你任擇任食。野飲種類都唔少，有自家制竹庶茅根、果汁同汽水等等，都係任飲。另外每枱仲會送一碟本地牛頸脊同埋海鮮盤包括：（聖子、鮑魚、貴妃蚌、游水蝦、馬刀貝、大蜆、貝殼類），每款都好鮮甜。唔止咁吖，仲有每人一隻金蒜咸蛋蒸扇貝添。總括黎講，任食真係好爽。值得一試🤩🤩🤩

今日嚟到旺角食飯，驚朋友介紹就去咗一間食任食雞煲嘅餐廳，你到餐廳店員即刻為我地服務，但我哋坐咗係一個舒服嘅位置之後就開始講解雞煲嘅選擇，因為呢度食雞煲同出邊嘅係唔一樣，好多食雞煲嘅餐廳食完個雞煲就會直接落湯打邊爐，但係呢度好特別食完個雞煲佢係會立即換一個打邊爐嘅湯底然後再用個湯底去打邊爐，呢間餐廳有好多種火鍋嘅湯底選擇如果今次就揀咗一個番茄湯底今次餐廳就送咗一個海鮮拼盤同埋一碟牛頸脊，海鮮拼盤海鮮非常之新鮮，非常大隻嘅帆立貝，仲有好少喺雞煲嘅店舖裏面食到嘅新鮮蝦而其他火鍋配料方面都比較特別，我記得我點知一個韭菜餃非常之好食，食得出餐廳係自家製自己包嘅餃子牛頸脊雖然係免費送嘅，但係佢脂肪同埋肉嘅比例係非常之好咬落去簡直係牛味香濃入口即溶

早前見佢有個$98優惠所以去左試下一入去環境偏暗 望一望廚房 明顯偏污糟 透明櫃明顯有好多污積 食左佢的雞煲 味道可以 質素唔錯 d汁都幾好 上菜都快 後尾食完雞煲 轉火鍋 叫左d火鍋料 雖然選擇多 有唔同的肉類 麵 飯 揀 但火鍋料一般 有d唔太新鮮 後尾食到一半竟然發現有蟲係入面 即刻唔食 講返先個陣唔太多人 侍應態度都可以 食完雞煲大約等10分鐘左右就同你換一個新的 埋單差不多120一個人.........................

5点到7点,諗住平食父親節歺分3個價錢,$98得雞煲/蜆煲另加任食配料,$148雞煲/蜆煲另加任食配料,就多一碟靚牛肉同每人一隻粉絲蒸扇貝,$188雞煲/蜆煲另加任食配料,就多一碟靚牛肉同每人一隻粉絲蒸扇貝,再多一盤海鮮以上都有任飲今日5点去到,坐入面D枱電話一D到收吾到,好彩佢哋有WiFi服務,但服務員得2個,落單全部都行出去比佢哋,食物也出得很慢,到7点我們都沒有食到什麼,食物真的一般,值得推薦只得佢送的牛肉

今日放工黎到旺角一間樓上雞煲火鍋店，嘆住冷氣食雞煲都係一個唔錯既選擇！餐廳以卡座形式為主，十分舒適。餐廳主打雞煲火鍋兩食，食完雞煲可以揀選自己喜愛的湯底，接着下半場食火鍋。今次我和友人揀左呢個超抵套餐，套餐包括一款前菜一款雞煲，一個湯底，一碟牛頸脊，一個海鮮拼盤和任飲任食的精選火鍋配料和飲品。前菜-金蒜咸蛋蒸扇貝黃炆雞煲雞煲方面，有辣同吾辣，任均選擇。食得辣的朋友不妨嘗試一下招牌惡魔雞煲，挑戰不同辣度。今次我就揀左要吾辣的黃炆雞煲，同樣香口惹味，雞肉肉質鮮嫩，十分滑溜。雞煲內亦加入了蔥頭和蒜等等，雞肉入味，有時吾辣的雞煲一樣甘好食。莞茜皮蛋湯底食完雞煲後，揀左一個莞茜皮蛋湯底，清熱下火！牛頸脊套餐包括了一碟牛頸脊，脂肪和肉的比例恰好，牛味濃，愛食肥牛的朋友千萬不要錯過！海鮮拼盤套餐除左送牛頸脊外，還有今晚的主角-海鮮拼盤出場。呢個海鮮拼盤超豐富和足料，包括有大鮑魚，象拔蚌，大蜆，聖子等！個人最愛的當然是鮑魚，十級新鮮，輕輕燙5分鐘已經食得，鮮甜彈牙有咬口。火鍋配料：冰豆腐，芝心丸，蟹柳，魚皮餃，粉絲抵食地方是有好多款精選火鍋配料任食，選擇多多！精選飲品也任飲喔，今次揀左韓國蜜糖柚子茶，

周街都開左好多放題、雞煲，要搵間質素好既真係未必咁易朋友介紹呢間旺角雞煲，一於黎試下只睇Menu已經覺得好豐富，除左雞煲、打邊爐任食之外，每枱仲送海鮮同牛肉，好似幾抵食入到店第一感覺覺得環境不錯，空間都好寬敞感覺都幾乾淨坐低就落左醬料先，醬料真係打邊爐既精粹雞煲有得揀一隻/半隻，辣同唔辣每次食完都會換煲，所以可以試哂兩種唔同味道先叫左半隻辣味雞煲，果常惹味，雞件都新鮮滑嫩，同朋友諗住小試牛刀叫半隻過下癮算，點知都係唔夠喉，再encore 左半隻辣味適中，不錯每枱仲會送兩隻扇貝意外地好味，好香蒜味，大大粒，有驚喜食完雞煲梗係要打邊爐揀左湯底之後會換個個煲再打邊爐比起用雞煲加湯，冇咁油之餘仲唔使食埋啲燶底同朋友揀左個清清地既蕃茄湯底火鍋配料都有唔少選擇！另外每枱仲會加送海鮮，雖然係送，但真係好新鮮又多款，鮮蝦、鮑魚、蜆、蟶子應有盡有，用黎打邊爐好正再食埋配料，好滿足的一餐！整體呢間雞煲都做得幾有誠意，啲食物、配料都有用心另外呢度服務態度都值得一讚，好體貼客人需要

與朋友於上星期四6/6到店內食晚飯，除了座位擠逼，每每店員上菜於其他客人都會撞到，已經吃得有點不爽，加上海鮮拼盤還要遲遲都未上，上了還要是臭的，只有蝦能食，心知中伏了店內不知是人手不足，還是管理問題，很多客人的菜都遲遲未上，眼見幾台客人都開始鼓燥。總括而言，雞煲尚可，但也不是特別好食，非食不可。但海鮮拼就真的不新鮮，相信此價位可以食到更好質素的。我本人基本上不會選擇再黎每人消費了306元，這價位食這質素也太失望了😞

好耐無食雞煲，今日突然心血來潮，即刻問朋友有冇好介紹，佢介紹左呢間「回到味來」比我。位置係旺角既中心，超方便，好易搵。上到黎個感覺幾好，啲staff 既態度好好，好細心講解menu比我地知。雞煲可以揀唔同既辣度，由唔辣至極辣都有，未黎到已經聞到佢既香味喇，一陣陣咁飄埋黎。雞煲到既時候，我啲口水已經流哂出黎，雞好滑，而且醬汁完全充滿雞肉既每一個位置，每一啖咬落去唔單只肉味重，仲有濃濃既醬汁香。所以極速K.O. 左佢。再加返湯底就開始打邊爐喇，叫左啲海鮮，蔬菜🥬，鯇魚，腐竹，豆腐，每一樣黎既都勁新鮮，新鮮到我地 encore左幾次。食到唔捨得走😋😋😋呢個真係要推薦比大家！

係坊間好難食到唔辣嘅雞煲，因為有朋友唔食得辣，我哋上網搵左好耐終於見到呢一間有黃炆雞雞煲，標榜着唔會辣！所以，我地就去試下！我地要咗一隻黃燜雞，食完之後轉湯底打邊爐！黃燜雞唔算有好大驚喜，無乜特別。食完雞煲就開始打邊爐，揀咗清湯底，要咗個海鮮套餐，海鮮嘅鮮味入哂去個湯度，最後變得好濃！海鮮好新鮮，完全無雪味！好高質，而其他配料，例如菜、水餃都好好食！最後，餐廳仲提供咗甜品，得咗都幾耐先上，但原來好靚，係豆腐切成花咁嘅樣！

熱烈慶祝朋友碩士畢業，兩個女孩子來試《回到味來》。 我哋大概六點幾到，暫時都唔使等位，兩個人都比大卡位，坐得非常舒服， 加上同隔離枱中間有個竹林陣，私隱度非常高👍👍👍一坐低，侍應哥哥就細心講解價錢同食物分類， 然後來個前菜，每人一份扇貝，作為免費，質素算唔錯。我哋先點雞煲（半隻）， 味道相當唔錯 ，雖然份量不多，但可以無限添食，容易調節食物分量，一啲都唔浪費👍然後打邊爐模式開動， 周圍打邊爐其實分別唔算大，種類都差不多。最重要係食物質素同埋湯底味道。我哋點嘅係蕃茄湯，感覺好清新，而食物中最鍾意個午餐肉，同出面食嘅好唔同，厚身而且好香另外一樣令我最驚喜嘅係竟然有辛辣麵！！唔多地方打邊爐可以點食到辛辣麵，好好味！大大加分！！ 另外仲送一份海鮮拼盤，種類可算多元化~整體而言，環境舒適度非常令人滿意，毫無煙霧瀰漫嘅感覺，而且坐得舒服傾得開心，可以一試！

某人嗜辣，無辣不歡，最鍾意周圍搵食，最近又發現咗旺角有個惡魔雞煲，食到終極大魔頭嘅辣度可以全單7折，可惜某人搵錯拍檔，我...只能吃小辣...哈哈原來店方而家做緊分時段特價，晚餐時段海鮮火鍋半放題套餐$248/位，唔駛挑戰辣度都有得平剛好遇上一個時段埋單潮，等一陣就可以入坐。招牌惡魔雞煲係任食嘅，先來一隻份量 (某人食得曬)，呢度嘅雞煲簡單得多，因為上菜後煮多分零鐘就食得，唔駛數住隔幾多分鐘翻炒幾多次。滾一陣，店員就過來幫忙翻炒，打開蓋，香氣即時四溢，令人食指大動。香氣來自豐富配料，有蔥頭、蒜頭、紫洋蔥、芫茜、辣椒、八角、豆蒄、薑、香葉......雞件嫩滑而肉味香濃加上醬汁惹味又唔會過咸，某人大讚這個雞煲好吃呢個時候梗係要啤啤佢啦，啤酒要另外俾錢其他罐裝飲品或自家製飲品就任飲。原來每人仲有一隻金蒜咸蛋蒸扇貝，扇貝鮮甜彈牙，好味食完雞煲就係火鍋時間喇，店員送來調料架任你揀選。黃金南瓜海蜆湯內有一絲絲的南瓜蓉，海蜆有三隻，鮮甜無沙海鮮拼盤有鮑魚、海蝦、蟶子、馬刀貝、黃蜆和海蜆。海鮮夠新鮮，味道鮮甜行開一陣手切牛頸脊被某人食曬佢話好味到停唔到口喎呢個唔係任食架......豬肉片同羊肉片都幾有