國記

營業中

休息中

先批評後補個讚個人早上7:幾去買粥同炸両炸両真係無下次 有圖有真相 啲油多到可以炒菜今早見伙記就咁行入去快快手隨便包裝 唔係即整即包 心知不妙 攞番去hall 食一啖 已經有油耗/油膱(職)味 本身好肚餓都只能夠食到一半 想嘔🤮柴魚花生粥🥣就正常發揮 入店見到一大煲熱辣辣都知唔知差 支持下店😄

元朗老字號的粥鋪，由我讀中學時期已經食，眨吓眼已經二十年，我都比較喜歡食傳統的粥店！真正無味精嘅粥，又綿滑，而且下火，艇仔粥可以揀大碗或細碗，我叫了細碗，走䓤唔該🤣另外再加豬膶腸和炒麵😍，腸粉又係好滑，門口仲有傳統的砵仔糕賣😍

肚餓行過，見到好多人食，就入左去試下豬紅肉丸粥我鐘意食肉丸，不過佢實反少少會好D 老火粥，個粥本身都好有味。蛋黃鹹肉糭就嚟端午節，諗住應吓節，糯米軟熟加埋肥豬肉同綠豆、鹹蛋黃。夾埋一齊食 甘香無比。果然保持一貫水準。👍👍🤤蝦米炸兩腸今次腸皮同蝦米一樣咁滑咁香，美中不足就係油炸鬼好似咁夠多脆。但整體都ok👍味道：7/10環境：7/10服務：7/10價錢：$92/2推薦：7/10

流感高峰期唔太舒服😷搵間老店食吓粥🥣🙆🏽‍♀️及第粥$29有肉片鞋烚烚🐷豬潤乾爭爭🤮豬肚正常炒麵$10 好油過咸🥢牛肉腸$15🦏口感好差過淋一pat野咁😑不會再來😅元朗都有好多選擇😋價錢係好平嘅🫢但難食👎🏻浪費咗個quota下次試吓隔離間老店🤔🤔🤔

都有兩三年無食國記，今次嚟食早餐竟然有驚奇，今次叫左叉燒腸，抄油麪。一嚟個叉燒腸好似紙紮咁樣，不過個䜴油都唔錯，勉強過關，再食個抄油麪，油麪無怪味，但食落口有成口怪味，再加甜…辣…醬，怪味仍然存在，再食多兩三啖，真係頂唔住唯有放棄，臨埋單同個女職員講，啲炒油麪有怪味，佢反問我係唔係有火水味？我答佢係喎係火水味嚟個喎，佢好自豪咁樣！同講我哋係用火水爐嚟炒麵嘅所以有火水味係好正常，我細路仔時老媽用火水爐煮飯炒菜都無火水味，唔知點解而會有火水味，仲變成風味…無言😳😳😳！！

最近多了機會在呢區搵食，有天我到了位於炮仗坊的國記食粥～順便帶個外賣。國記自1970年代起便屹立於此，唐樓地舖，特高樓底，頭頂的風扇、廚房內的火水爐、一磚一瓦都訴說著歷史，係元朗老居民嘅集體回憶。粥店除了賣粥，當然還有腸粉、油器、炒粉麵，還有一些糕點，大部分食品例如腸粉、蘿蔔糕、芝麻糕等，都是店家自製，沒有花巧的添加，味道簡單質撲，定價也非常平民，服務的都是區內街坊，感覺就是很純粹的老粥店。🥣香滑豬膶粥($28)粥底是用火水爐煮出來的哦，買少見少了！口感綿滑淡味，沒有味精，就像家的味道，豬膶入口大小很方便，爽口，二代老闆說他們的豬潤豬紅每天購至大橋街市，用新鮮貨而非急凍貨哦！份量無論堂食或外賣都是很大一碗，艇仔粥也有很多配料。⭐️蒸蘿蔔糕（$16）My pick! ❤️是店家自製的蘿蔔糕，沒有配料，但就吃到一絲絲的蘿蔔絲，軟身，代表沒有加過多的粉，有少少蘿蔔香，很足料，less is more的感覺！⭐️叉燒雞蛋腸（$21）加了雞蛋的自製布拉腸粉，皮厚身，仲有叉燒肉，很是飽肚！⭐️炸兩腸（$15）和腸粉是一樣的皮，可惜炸兩攤凍了唔脆身，我覺得放到粥裡混著吃更好吃。⭐️炒油麵（$15）平時炒米粉炒

一間老字號既粥店，已經系第2代傳人接棒，仍然堅持每樣食品都落手做，絕對值得推介。蒸蘿蔔糕 $16呢到只有蒸蘿蔔糕，無煎既，聽講因為呢到主要做老街坊生意，所以蒸會健康啲，大人細路都岩食！蘿蔔以人手切成一絲絲，再放左好多炒香左既蝦米同臘肉，好足料！吾需要點豉油已經好夠味！蝦腸 $21呢度系用自家製米漿黎拉腸粉，值得介紹下，再配自家調製過既鼓油，好有誠意！炸兩$15大大碟好抵食！腰潤粉腸粥 $44窩蛋鮮牛粥 $40皮蛋瘦肉粥 $28呢度既粥仲系用傳統火水爐黎煲粥，別有一番風味，宜家真系買少見少！啲粥好入味，而且煲得夠綿，食到最後都吾會變左水。牛脷酥 $10甜甜既牛脷酥，好酥脆，配埋粥食一流！門口放左佢地自家製既糕點，好多口味。糕點入面亦都加入左自家製米漿，口感好煙韌彈牙，價錢又吾貴。餐牌：食完出黎都見到好多人買外賣呢！

由於尋晚食得太飽，加上又趕時間，所以lunch就搵下屋企附近既粥店諗住求其食個粥，意外發現到呢間老字號😯呢度門口有自家製砵仔糕賣 (我睇返幾年前其他人post嘅相，個價錢冇變過，到今時今日都仲係$4一個, $10三個，amazing！😱)裏面裝修簡單樸素，睇得出好有歲月痕跡～我叫左個豬潤魚片雙併粥 ($27)超快就有，望埋啲色水應該唔係生滾既好大碗，粥底幾綿但仲見到啲米粒，唔錯👍👍料都好足，魚片唔腥，但都幾多細骨～豬潤裡面幾爽口，但表面幾硬 (我估佢唔似坊間咁加好多梳打粉，感覺比較住家)呢個價錢都OK既，下次應該會試埋佢既炸兩同砵仔糕😃

一間充滿懷舊色彩粥店多年都沒有大幅加價,價格尚算親民經濟而且味道也唔錯。粥品款式多,仲有中、英文價目表艇仔粥熱辣辣上台,大大碗份量足,每一材料都新鮮,有魷魚、豬皮、花生、瘦肉、生菜等,粥底軟綿綿蝦米炸兩腸蝦米腸入面有蔥花和蝦米,加上包着脆口的油炸鬼,加些甜醬和麻醬,浸落粥食簡直係絕配

國記係元朗係一間食粥ge老店,雖然門面唔算好靚，而且入邊ge裝修都睇得出日久失修。不過國記ge重點係粥同埋其他一d 懷舊嘢食！今日就叫左炒麵+炸倆，兩條油炸鬼同兩支豆漿作為早餐，佢嘅價錢十分之大眾化，一啲都唔貴！至於嘢食方面炒麵同埋嗰炸兩就有小小油不過佢就想對大份而且好味！而個個油炸鬼就凍咗少少不過用氣炸鍋整返熱佢都一樣咁脆咁好食！間老店性價比高，而且我見到佢嗰啲粥同埋糭好似都好好味有機會下次一定要試試！

今日病病地，看完醫生想吃碗粥，知道元朗都有不少舊粥鋪，這間國記在門口經過好幾次，經常都坐滿人，今日就第一次入去吃。雖然客人都幾多，不過流動得都算快，落完單幾分鐘就又得吃了，而且店入面應該老闆同老闆娘都係到座陣，廚師同侍應加埋都有8-9個人手，不過見腸粉唔係即刻整，師傅會整定幾碟放在蒸櫃。粥底都唔錯，唔係太味精，豬紅夠嫩滑。下次試埋油炸鬼先!

聽朋友講呢間位於元朗炮仗坊嘅《國記》粥麵舖好似易咗手，呢日經過呢頭，順道入去試試。到去見到餐廳職員果然已經唔係以前熟口熟面嘅面孔，不過食嘢最緊要都係食物味道，所以都係試咗先講。荔灣艇仔粥 ($17/小) - 豬皮、魷魚、花生 …… 都有好足料，不過粥底無以前咁有米味及無以前咁 “綿”。蝦米腸 ($10) - 腸粉身比較軟腍，無咩彈性亦唔煙韌，餡料方面，份量都OK。蛋黃鹹肉粽 ($26) - 鹹蛋、肥豬肉、綠豆 ……都有幾多材料。包得都幾實淨，唔會散收收，不過落唔夠五香粉，食落唔夠香口。整體味道雖然OK，不過比以往略為失色，要多多加油！

最近見喉嚨有點不舒服，便清清地行去想食碗白粥。一係門口見到個招牌，就知道呢間係老字號，你入到去，服務員就問你食咩。我見到有炒米粉，便叫了一碟細。多數一到中午的時候炒米粉都已經賣完，估不到這間還有。粥有很多選擇其中一個幾特別就是手打肉丸粥。本身都比較想吃艇仔粥，但是都是叫那個碎牛肉粥，一向都很喜歡吃碎牛肉粥。這裏的粥都有分大碗和細碗，米粉可以分為大中小碟。講個味道先，米粉就真的非常普通，可能是早上已經炒定的關係，所以比較硬身。另外那個粥真的非常很有驚喜，軟綿綿的白粥加上碎牛肉真的10分合襯，味道也不會太鹹或者太淡，對沒有胃口來說，也是人間美食，下次也會幫襯。

糕點控特意來嚐砵仔糕。上網一搜，原來元朗區有不少有名氣的中式糕點店舖。今天順道來元朗一趟，就先來國記嚐嚐其砵仔糕！因這間街坊老粥店，除了粥品外，其各式糕品同樣很受街坊歡迎，除了砵仔糕，店舖亦有售賣馬拉糕及蘿蔔糕。砵仔糕分3款口味（黃糖、椰汁及綠茶，可惜小編到時只剩下黃糖跟椰汁2種口味了），於是要了2個椰汁及1個黃糖口味。砵仔糕仍堅持用米磨成米漿做成，現在可謂賣少見少。$10/3個的價錢更是抗通漲，性價比高呢。小編是買了一段時間才回家跟家人品嚐，即使這樣，吃下去的時候口感仍十分軟熟，甜度適中，黃糖味沒有死甜的那種感覺；椰汁味的則帶有椰香；紅豆份量正常，不會煮得過硬，應該是用料的堅持才能有這麼多顧客的支持吧。下次希望能嚐到綠茶口味的砵仔糕！

國記 超級老字號由我媽媽小時候到宜家啊！粥底棉棉，料足！良心老字號，丁點味精都食不到。最怕粥品味精成碗都係，國記食完一點口渴也沒有喔！瘦肉好滑，而且數量都唔少。老店至今既運動仍然冇變過嬸嬸叔叔落單後 叫一聲 食物檔就會照單全收