圍威喂 (荃灣廣場) (已結業)

係荃灣廣場搵食，發現左呢間新開既餐廳，以POP ART文化為主題的東南亞餐廳。有新餐廳，一定要入去試下。菜式選擇多，飲品都有好多款，有啲仲係好特別的。冬蔭公：內有兩隻大大既蝦，仲有幾種菇類和其他配料，湯頭集合了酸、辣、甜、鮮和香的味道，可以說是五味俱全。飲一碗香辣的熱湯，好開胃。手工薄餅：外脆內軟，薄餅配咖喱味道一流。紅咖喱生滾雞球：雞球好嫩滑。炒金邊粉：炒得乾身，食落唔會好油膩，撈埋花生碎和辣椒粉一齊食，好香口。Ladies Favorite：呢杯飲品好適合食左濃味既食物後飲，因為呢杯飲品由青檸汁、梳打和青瓜沖製，非常清新。Don’t 陰公：呢杯飲品好特別，加左薑、辣椒仔和辣椒，飲落有啲辣。如果覺得唔夠辣，仲有辣椒可以隨便加。

今日同朋友，一行三人訂左枱食生日飯。朋友喺open rice見到圖片，就揀了這間。原來餐廳只是剛剛開幕，營業了兩三星期而已。整體而言，食物質素不錯，環境也不錯，平日夜晚冇人排隊，所以店員並沒有刻意限時可以慢慢食、慢慢傾下計！新裝修嘅好處就係影相有靚靚背景😍主打海南雞飯（半隻雞）1 客大蝦冬陰功湯 2人份泰式炒金邊粉 1客馬拉盞炒通菜 1客3人食，湯和雞都吃不完，人均一百頭，幾抵！本來想食甜品，不過因為店舖新開，暫時沒有甜品供應，可惜！

新張優惠 85折, 已經食過2次. 味道一般, 服務態度好好, 店員細心解釋餐牌. 香辣豬頸肉炒飯: 足料炒飯, 仲好有獲氣. 唔似出面果D得幾粒肉, 但個人覺得味道有D似楊洲炒飯….偏辣.無骨海南雞飯: OK. 雞夠滑, 但雞咪一般肉骨茶: 偏咸, 藥材味唔係好夠.  青咖哩雞球白飯: 偏辣, 少少辣都唔得既就唔好叫.午餐餐飲不請凍熱都係 + $3.00. 叫左熱檸蜜, 幾好飲.大部份食物都偏辣, 整體係可以的.

未入座前，人山人海，仲有茶水招待，非常期待。食最晏嗰轉，啲人走得7788，終於有位！於是，叫了他們的 best choices 2人午餐 (Total $17x)肉骨茶海南雞飯金邊粉牛油雞翼凍檸蜜全部勁淡味唔落醬唔得！係得個雞叫正常，嫩，但都無雞味。肉骨茶，無味，一定要落附上的醬料才可。牛油雞翼唔係話要食味精，但東南亞食物，就係味道特濃⋯⋯ 可惜，可惜。服務態度，可能因為新開關係，非常殷勤，不過，算了，無下次

🌈今日放假自己去咗荃灣西個邊行街，見到荃灣廣場有間餐廳應該開張冇幾耐，作為荃灣地膽的我，決定入去試吓，不過今日冇人陪我試新野，變咗孤獨的美食家😂😂🙆🏻‍♀️間餐廳主要食泰式野，我叫左個午餐無骨海南雞飯拼迷你肉骨茶，加左$15配埋杯凍小島甘庶汁。✨無骨海南雞飯-主角海南雞幾出色，份量多之餘，d雞件好滑，隨餐的三款醬汁都好ok,d雞件點埋d醬食更加滋味，唯一略嫌油飯較清淡，冇乜香味。✨迷你肉骨茶-個湯夠濃，好香藥材味，條肉骨就不過不失✨小島甘庶汁-味道夠濃冇溝水，不過甘庶汁好難唔好飲囉🤣埋單出去先見到3點開始有下午茶，都好多選擇，亦有我剛才叫的食物，如果份量差不多的話，下午茶較為抵食😂整體滿意，會再幫襯😊