圍威喂 (荃灣廣場) (已結業)

係荃灣廣場搵食，發現左呢間新開既餐廳，以POP ART文化為主題的東南亞餐廳。有新餐廳，一定要入去試下。菜式選擇多，飲品都有好多款，有啲仲係好特別的。冬蔭公：內有兩隻大大既蝦，仲有幾種菇類和其他配料，湯頭集合了酸、辣、甜、鮮和香的味道，可以說是五味俱全。飲一碗香辣的熱湯，好開胃。手工薄餅：外脆內軟，薄餅配咖喱味道一流。紅咖喱生滾雞球：雞球好嫩滑。炒金邊粉：炒得乾身，食落唔會好油膩，撈埋花生碎和辣椒粉一齊食，好香口。Ladies Favorite：呢杯飲品好適合食左濃味既食物後飲，因為呢杯飲品由青檸汁、梳打和青瓜沖製，非常清新。Don’t 陰公：呢杯飲品好特別，加左薑、辣椒仔和辣椒，飲落有啲辣。如果覺得唔夠辣，仲有辣椒可以隨便加。