影片
港鐵佐敦站C2出口，步行約6分鐘, 港鐵柯士甸站F出口，步行約3分鐘
繼續閱讀
電話號碼
23787672
23787673
開飯介紹
每日供應豐富的早、午、晚自助餐，周末設有下午茶自助餐，另有中西菜式供選擇。
繼續閱讀
營業時間
今日營業
06:30 - 23:00
星期一至日
06:30 - 23:00
以上資料只供參考, 請與餐廳確認詳情
食評 (245)
園林閣既自助餐性價比好高，依加做緊平日180蚊一個人，假日都係190蚊炸！真係平絕香港！今日甘岩黎開尖咀交收，就專登上黎吃個自助午餐。餐廳唔係好大，但都算幾闊落，位同位唔會太近。先食佢個頭盤，有自選沙律吧，甘我就只係試左少少，都幾新鮮既。另設有已調味頭盤區，但就係茶水吧隔離。無得別好好食既野，暫時都係不過不失。圍住條柱有熱食，款式唔係好多，個人最中意咖哩牛尾，關東煮。咖哩牛尾隻咖哩汁做到甜甜地，牛尾炆得好林，完全唔煙韌，好食！關東煮既白蘿蔔吸曬湯汁，夠曬入味又無渣，好味！另外要提既係佢既刺身都好唔錯，都算鮮甜，師傅即場切都比得好豪氣，正！牛尾好快沽清！好食！生果好正！每樣都好大件完全唔菇寒！特別一提係佢既波蘿好甜，好難得！本人連續吃左幾舊，大讚👍 甜品區既選擇唔算多，每款都唔差可以一試，雪糕係牛奶公司既，幾好。整體黎講依個價錢可以食到依個質素已經好好，非常高性價比，絕對可以一試👍
繼續閱讀
喺社交平台見到呢間酒店西自助餐又做特價買一送一平均300蚊一個人梗係要過嚟食下，支持一下香港嘅食肆🦑生蠔每一次拎兩隻，不過唔會話排好耐隊👍👍🦀長腳蟹好有鮮味唔會鹹🫶🦐熟蝦好好食🍖羊扒都係冇限量咁樣拎嘅呢度嘅羊扒非常值得食得食因為佢騷味唔會好勁，同埋佢嘅筋膜脂肪分佈非常之好👍🐷佢哋嘅熱盤亦都唔錯雖然款式唔係咁多，不過正在精緻好食🥥甜品方面，選擇亦都唔少佢哋整嘅蛋糕應該係用動物奶油，食得出好creamy厚厚嘅奶味同埋其實佢呢度個環境真係唔差嘅，啲裝修都幾ok同埋位置都好通爽好闊落唔會話逼到幾十人逼埋一齊坐👍同埋佢呢度個沙律嗰邊嘅前菜嗰煙三文魚亦都非常好食
繼續閱讀
聽講呢度自助午餐好抵食，大小同價實收$190。家姐講咗好耐話同兩個小朋友嚟，終於今日約齊人，大大細細八個人嚟食自助午餐。見到有唔同嘅魚生，梗係要攞返啲食啦。你話要乜就幫你切乜，我要哂四款，希靈魚同八爪魚都係我最鍾意嘅，全部魚生都好新鮮，我印象中我去過嘅自助午餐好少有希靈魚，👍🏼👍🏼😋😋😋講真呢度冇乜熱嘅嘢食，不過麵檔都有幾多樣餸揀，我話驚啲喇沙湯底好辣，麵檔職員幫我加啲清湯。👍🏼👍🏼其他熱嘢基本上就係下面張相嗰啲，😅值得一題，佢哋有豬腳薑。呢間餐廳喺龍堡酒店入面，地方寬躺乾淨。食物方面，魚生同沙律都好新鮮、甜品款式都幾多，不過雪糕就唔係貴嘢，但係將啲雪糕加入即磨咖啡都幾好飲。😋如果你鍾意食沙律、魚生同甜品，又唔介意冇乜熱嘅嘢食，加上人數多（人均唔貴，感覺唔使俾一大筆錢）🤣🤣，呢度都係可以考慮嘅自助午餐地方。
繼續閱讀
今日去龍堡國際食自助晚餐，依間老牌自助餐，一向以低價吸食客，質數未知係點，即刻同大家去睇吓~~**凍海鮮**黃金螺 - 幾新鮮爽口，係有啲沙。紐西蘭青口 - 都爽口，但冇乜 鮮味好淡。凍海蝦 - 幾新鮮，唔係好爽口鮮味個款，亦有啲細隻。蟹腳 - 睇落有啲污糟，蟹腳都唔算幼，蟹肉唔太咸肉質唔散，都可以食得吓。**小食**螺肉轉左中華沙律 - 間間味道都一樣，冇特別。煙三文魚 - 染左紅色，唔知係咪情人節扮花瓣。生果沙律 - 味道一般。豆腐粒同海蜇比較甜。**壽司及刺身**刺身唔係師傅即場切，係預早切好一片片，攞出嚟比客人自己夾。鯛魚及希靈魚刺身 - 普普通通。三文魚 - 幾肥冇筋，魚味都幾濃， 但唔凍仲有啲暖。四款卷物基本上冇大分別，只係外層唔同，食落發現種左伏，飯冇加醋冇味道，而且質感已雪左一段時間舊飯比較實但個質地又有啲黏，唔多好食。**生蠔**生蠔 - 唔係即開，寫住係西班牙蠔，一次只攞兩隻，蠔肉唔太CREAMY，海水味勁濃勁咸。**餐湯**有4款湯，有菠菜忌廉湯、蓮藕章魚湯、茶樹菇湯、蟲草花雞湯試左蟲草花雞湯 - 個湯有啲黃油，啖湯清左啲，冇乜味。**熱食**蘿蔔花螺煲 - 都幾辣螺肉爽口辣汁好惹味。五柳甜酸魚 - 都係暖魚肉比較乾硬，甜酸汁平衡得唔錯。柚子蜜汁鴨胸 - 鴨胸有啲硬唔夠淋，味道普通。蜜桃醬烤豬串骨 - 豬串骨肉質算淋，但冇乜味， 整體上比較淡味。燒茄子 - 幾香，味道有小小甜。炸墨魚餅 - 有啲淋，外皮幾鬆脆墨魚肉有啲削。燒水牛城雞翼 - 唔係雞翼，食落似係雞胸肉切片多啲，都幾好食幾香口，只係乾左啲。甜薯唔熱, 只係小小暖, 味道普普通通, 印度烤餅 - 烤餅唔脆太淋唔多好食。咖哩牛肉 - 非常淋，唔太辣都唔錯。時菜少蚌條 - 珊瑚蚌有啲韌，但味道唔差，蘆筍幾爽口，大部份幾嫩。時蔬 - 普普通通。**特式粉麵**師傅煮左幾分鐘就完成，可以選擇湯底清湯或麻辣湯，加左蔥花及炸蒜睇落好似幾好味，依碗係凈要送唔要米粉，裡面有牛肉，有啲韌，牛味一般。土魷都幾厚身幾爽口。豆腐福袋，裡面係魚肉，幾好食。仲有好似係鱈魚膠，唔太淋仲有啲爽口。仲有半粒魚蛋，冇乜特別。同埋有菜、金菇同芽菜。個清湯幾深色，有啲似藥材湯，又似丁麵湯粉， 唔知係乜湯，味道有啲濃。**鐵板燒**鱸魚 - 肉質嫩滑，唔加醬汁更好味 。海蝦 - 生熟剛剛好，蝦肉爽口鮮味。羊架 - 好淋，羊羶味唔濃，羊肉粉紅色冇血水，好得。**烤西冷牛及羊腿**羊腿 - 好淋唔太羶，配薄荷同芥辣醬更好食。牛扒 - 都好淋，但牛味唔太濃，一般。**片皮鴨**鴨肉連皮加上青瓜蔥及醬汁摺埋佢，鴨皮小小韌，味道唔錯。只試左幾款，綠茶芝士餅都OK，蜜桃葡撻有啲乾及凍，椰撻一般。 有啲裝飾有心心應該係尋日情人節用。** 結論**整體上款式都多，食物方面冷盤類還可以，熱食類好多都唔夠熱只係暖，鐵板及即場處理食品幾唔錯，生蠔及刺身處理上有小小怕細菌問題。
繼續閱讀
🔹️晚上到位於尖沙咀龍堡國際酒店 “園林閣咖啡室” 自助餐🍽 地方寬敞、服務貼心👨💼👩💼厨師友善👨🏻🍳價錢親民💰性價比高👍🔸️食物種類不算多, 但質素OK, 自助晚餐只需$298免加一🤭, （農曆新年除外）食物有生蠔🦪刺身🍣長腳蟹🦀牛扒🥩羊架🐏片皮鴨🦆湯麵🍜甜品🥧雪糕🍨蛋糕🍰自助飲品🍹等等🍴
繼續閱讀