園林閣咖啡室

營業中

休息中

聽講呢度自助午餐好抵食，大小同價實收$190。家姐講咗好耐話同兩個小朋友嚟，終於今日約齊人，大大細細八個人嚟食自助午餐。見到有唔同嘅魚生，梗係要攞返啲食啦。你話要乜就幫你切乜，我要哂四款，希靈魚同八爪魚都係我最鍾意嘅，全部魚生都好新鮮，我印象中我去過嘅自助午餐好少有希靈魚，👍🏼👍🏼😋😋😋講真呢度冇乜熱嘅嘢食，不過麵檔都有幾多樣餸揀，我話驚啲喇沙湯底好辣，麵檔職員幫我加啲清湯。👍🏼👍🏼其他熱嘢基本上就係下面張相嗰啲，😅值得一題，佢哋有豬腳薑。呢間餐廳喺龍堡酒店入面，地方寬躺乾淨。食物方面，魚生同沙律都好新鮮、甜品款式都幾多，不過雪糕就唔係貴嘢，但係將啲雪糕加入即磨咖啡都幾好飲。😋如果你鍾意食沙律、魚生同甜品，又唔介意冇乜熱嘅嘢食，加上人數多（人均唔貴，感覺唔使俾一大筆錢）🤣🤣，呢度都係可以考慮嘅自助午餐地方。