圓圓小姐 (快樂大廈)

營業中

休息中

最近經常要去銅鑼灣，於是積極搵搵周圍有咩未試過嘅飲飲食食好去處，利園山道成條街有好多唔同嘅台式飲品店，唯獨呢間我仲未試，於是叫咗杯圓圓珍珠紅茶(加寒天晶球)講真，紅茶底本身用咩茶葉我就飲唔出啦，但至少有茶香而飲落唔澀，好易入口，珍珠煮得剛剛好，唔會太軟，亦唔會硬心，大大粒之餘煙韌度好均勻，另外，我仲加咗一份寒天晶球，呢樣係我最鍾意嘅配料，基本上舖頭有提供我都會叫，可能出於贖罪心態啦，聞說寒天有好高嘅膳食纖維，食落爽口彈牙，帶有微微甜味，個人認為都係配綠茶最夾，由味覺到感覺都散發出一陣清新，下次再試

🧋利園山道本身已經有3間台式飲品舖頭 而家仲開埋第四間 都係黃店黎✨💛上次見呢間唔多人排隊就黎咗 不過即使唔多人排 輪候時間都耐 都等咗超過15分鐘先有我杯嘢飲😅✨✨✨✨✨✨✨✨✨✨✨✨✨✨🧋炭焙烏龍鮮奶茶 (微甜 + 少冰)因為想冇咁肥 所以冇加珍珠🤣烏龍茶嘅味道好出 再加上係微甜 所以可能茶味更加出 不錯啊😋

食完light lunch上司話要萬歲請全team飲野結果都係揀翻飲開既圓圓小姐～今次想試新野，嗌左杯芋芋圓圓鮮奶，外表睇落有漸層效果，幾靚～落完單無耐店員話芋圓唔夠，用左小量黃金珍珠替代搖匀後飲落有好濃既牛奶味，搭埋有粒粒口感既芋頭及煙韌芋圓粒，正！😈

茶飲店到處都是，尤其銅鑼灣簡直就是卧虎藏龍，其中，Lady Bobo絕對是我到銅鑼灣的台飲店首選。第一次造訪，我倆試的是芝士菠蘿青提果茶與火龍乳酪晶球。當時正進行黃店芝士奶蓋的企劃 (廣告時間)。。芝士菠蘿青提果茶。拿到手後第一個反應就是飲品份量很足，起碼有500ml，雖然價錢稍貴，但絕對足夠兩人分享。而飲品的配搭也好特別，底層的果茶選用一般茶飲店較少用到的青提，帶有獨特香氣。另外加上菠蘿，能吃得到果肉感，果然是用水果打成果茶而非只用糖漿，亦因此味道清新，即使點了半糖都不會有一般茶飲店很稀或清淡的感覺。至於芝士奶蓋的表現都不錯，綿密的口感，味道微甜帶芝士鹹香，但份量比例可以稍增一點。。火龍乳酪晶球。另外，她家的火龍乳酪晶球也十分高質。份量同樣是XL size，飽死我倆了，但是幸福的死法5啊。本以為乳酪會是直接打進紅火龍沙冰裡，但原來是直接將乳酪直接放在寒天晶球上，直接看得出足料的程度。先將飲品拌匀，破壞其美麗的漸層。這個點了微甜，甜度剛好，乳酪的天然甜味點綴了原味的紅火龍果沙冰，甜甜酸酸的口感相當清爽。寒天晶球增添了口感，Q彈清新。The Big更喜歡這杯呢。。熱情鳳香乳酪晶球。這是回

之前成日係深水埗飲圓圓，搬左之後就好耐無飲，難得出到銅鑼灣，一定要幫襯下圓圓小姐，好掛住佢呀！新鋪大好多，裝修都好靚，比起之前多左好多款式，諗左好耐叫晤叫新嘢好，最後決定飲返一路飲開的！好彩晤多人，好快就買到了。叫左圓圓珍珠炭培烏龍奶茶(少冰，半糖)，黃金珍珠同黑糖珍珠都好煙un，黑糖珍珠仲有濃濃黑糖味！仲飲到烏龍茶味！都仲係咁好飲！！有d後悔叫左中杯，晤係好夠飲，下次要買大杯先得。雖然一條街有4間手搖店，但下次一定會再幫襯🤩

平時飲開圓圓珍珠炭培奶茶圓圓係指黑糖珍珠以及黃金珍珠今日心血來潮，想試下呢間既小芋圓因為食左個full set lunch，叫左個中杯就夠了～下午茶時間，店內無咩人～等左三至五分鐘就有得飲了今次個茶底略嫌無乜烏龍茶味（叫左半糖）而芋圓感覺無乜浸過黃糖，亦都無乜味道🥺🥺我諗下次都係叫翻我常叫果杯就算了～同事另外叫左杯奶蓋綠茶，表示好好飲😂😂提提各位呢間茶飲店有學生優惠，落單時出示就有得減3蚊架啦！

朋友推介嚟到呢間，所以我都買咗杯黑糖珍珠鮮奶，由於疫情關係，冇辦法喺街上面飲，所以行咗差唔多成五個字返到屋企先慢慢飲。不過啱啱一攞上手已經覺得好驚喜，因為沉喺底嘅黑糖珍珠熱辣辣，而上面嘅鮮奶就凍冰冰，想像到有幾正！而最神奇嘅係本來衝返屋企已經預咗鮮奶同黑糖珍珠會撈埋一齊，點知冇，依然係層次分明！呢點我非常欣賞然後我一邊忙工作先至慢慢一邊品嚐，都放咗喺枱幾耐下，點知一飲簡直係驚喜，啲珍珠仲係熱熱地，黑糖超級香，而且啲珍珠擺咗咁耐都仲係咁煙韌好味！唔會太軟又唔會太硬！榮登我最喜愛黑糖珍奶第一位

利園山道呢有四間茶飲店，幾次經過都見到圓圓小姐 @ladybobo.tea 都好多人，今次終於的起心肝排下隊試吓！餐牌選擇好多，花多眼亂啊真係！不過真係好多人，我哋等左20分鐘以上🤫飲嘅時候不自覺地同李圓圓比較，雖然都係覺得李圓圓最最最正，但整體來講，呢間都真係唔錯嘅，不過如果再要等20分鐘我就未必會再幫襯了🥺.4th boba shop on this street 😱 everytime we cross by @ladybobo.tea it’s always packed with people 😆 tons of options on the menu and they all look amazing 🤤 overall, boba is pretty good compared to the ones out there but we did have to wait 20mins 😢.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.6/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.5/10服務 𝐬𝐞𝐫𝐯𝐢𝐜𝐞 7/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7

圓圓小姐係由一位嫁到香港的台灣人妻創立，第一間店「圓圓」是開在深水埗，開業約2年後才在銅鑼灣開設「圓圓小姐」。我第一次飲圓圓嘅時候係喺深水埗嘅創始店飲，一飲之後真係唔想飲返其他嘅珍奶🤤 好可惜嘅係今年年初深水埗店就因為各種原因而無做😭😭 所以都好耐無飲過圓圓喇🥺 今次去開港島就專登去銅鑼灣飲返杯，懷念一下～好彩味道都無變🤤•🥢 圓圓珍珠炭焙烏龍奶茶 (微糖少冰) $30(大杯)圓圓珍珠即係黑糖珍珠+黃金珍珠~ 兩款珍珠飲落嘅口感差不多～但仔細咀嚼其實都分到，黑糖珍珠嘅黑糖香味好濃🌑而黃金珍珠就係單純嘅甜味🌕兩款珍珠嘅口感都好Q彈煙韌～而茶底方面有淡淡嘅炭燒味，烏龍茶味都好出，加埋奶之後飲落都好順滑！🤤仲有，奶茶同珍珠各自都幾甜，所以平時飲少甜嘅我多數都會叫微糖～但大家第一次飲嘅話建議最多都係叫少糖試咗先～•🥢 熱情鳳香優格晶球 $46 🥢 火龍葡萄優格晶球 $46第一次飲優格系列，其實係沙冰加乳酪同晶球，整體成個配搭都幾夾，不過呢個系列得大杯，所以飲完都幾飽😂 Order嘅時候，店員話係本身嘅果糖再加糖，所以我哋叫咗半糖～熱情鳳香嗰杯偏酸啲啲，但係天然水果嘅酸甜味，所以都好易接受，個人

見網上好推介依間圓圓小姐 終於有機會一試今次嗌咗杯圓圓珍珠炭焙烏龍奶茶（熱 微糖）極讚！炭焙烏龍好香濃 奶茶飲落口好滑 一杯裡面有兩隻珠 一隻係黑糖一隻係黃金珍珠 個人比較中意黑糖珍珠 除咗帶啲甜味之外 仲比較Q 而黃金珍珠比較淋身 但兩者夾埋唔錯 嗌咗微糖 唔會話茶味好苦澀 仲因為有黑糖珍珠關係而帶點甜 讚👍🏻👍🏻👍🏻另外店員服務好好 有選擇困難嘅我揀咗好一段時間都好有耐心等待👍🏻👍🏻而成個過程等咗5分鐘左右就有！絕對會再買嚟飲！

一直對奶蓋飲品有好感❤️特別係芝士奶蓋😙😙但個人都無咩心水係好飲 甚至覺得成日中伏🥺🥺 但今次我有心水😍好值得一試再試-📌芝士阿薩姆紅茶（小）$29紅茶同綠茶我都愛❤️ 不過我認為紅茶更能試得出茶味 事實上茶味的確好香 口感係濃厚🤩🤩 用料絕對有誠意👍🏼配芝士奶蓋一啲膩嘅感覺都無！！ 另外芝士奶蓋要大讚👍🏼👍🏼芝士味勁出！打得夠挺身😌😌除左奶蓋茶都多人幫襯珍珠系列 睇到人飲到津津有味我都想試吓

平時都忍唔住揀圓圓既珍珠奶茶不過今日食飯食得太飽🙈 想飲得Fresh d所以就試一試果茶🍇🍈🍉系列.🌀 菠蘿青提果茶 算係半沙冰款 飲落好清新😽好fresh有淡淡既🍍+青提香加埋一齊一d都唔覺得奇怪而且仲飲到一絲絲既菠蘿肉 好足料💕

每次經過都忍唔住買一杯嚟飲。深粉紅襯上白色，用黎打卡一流。見到唔少女仔都會一齊買一杯特登同佢影相。火龍果同yogurt超級夾，飲落去軟嫩滑爽酸甜可口。試過飲無糖，唔會即刻變咗冇晒味，證明佢火龍果都非常鮮甜。乳酪配上火龍果濃郁得來非常新鮮唔會漏，口感好飽滿。 最鍾意係佢嘅晶球，好似啫喱咁但係好10分煙韌。呢杯野夏天飲真係一流。雖然佢真係有啲貴，但係佢嘅好飲程度會令我忘記咗佢嘅價錢，每次行過都會飲一杯。

之前已經飲過佢嘅奶蓋覺得唔錯，今日再試埋佢嘅芋圓，直頭係我近期大愛啊，仲要係黃店！💛🥰芋泥QQ鮮奶（$38）杯野賣相好靚🥰 睇落分左三層，面層係鮮奶，飲落奶味都算幾香濃，中層係芋泥，芋泥好足料🤩多到幾乎每一啖都食到🥳 食落好香好綿滑，味道偏甜🥰最下層就係芋圓，十分Q彈有咬口，實屬高質之選😚#大大力懲罰黃店💛-圓圓小姐 (銅鑼灣)📍銅鑼灣利園山道11號快樂大廈地下抵食指數：😚😚😚😚/5舔舔脷指數：😚😚😚😚😚/5

前一兩年的珍珠奶茶🥤的風潮令各大的珍珠奶茶鋪排到街頭到街尾🤣, 小編付出汗水💦及腳骨力都試了不同的奶茶店，但一直都覺得唔係心目中杯茶🙊， 直至遇到佢⋯ 👉 黑糖波波鮮奶珍珠奶茶🥤最重要的珍珠用手工製黑糖製成， 奶茶的靈魂—珍珠每一粒煙煙韌韌😍，粒粒自己都有滿滿的黑糖味👍🏻而並非坊間加黑糖醬就算， 粒珍珠其實係冇味的🤨鮮奶採用明治牛乳🥛， 唔洗講都知入口超級濃滑， 奶香味十足😋加埋上面的珍珠💁🏻‍♀️，簡直就無一杯無敵的黑糖珍珠奶茶🤩