圓燒 (福華街) (已結業)

真心係超級喜出望外，因為我自己係真係好鍾意食芝士，有一次偶爾行過發現原來深水埗有呢一間賣小丸子，原本以為都係賣普通章魚燒嗰啲，點知佢有好多其他額外嘅口味，最令我發光嘅梗係我見到佢有黃金芝士燒，即係叫咗一個套餐，汁燒豚肉蓋飯+黃金芝士燒，食落真係超級驚喜！ 黃金芝士燒你會見到面頭鋪咗層芝士粉，超好味！ 完全唔漏，入面仲有芝士，芝士加埋啲醬汁係超夾，我居然食晒全部都完全唔覺得漏同飽，反而覺得好滿足，好想繼續食😂😋 真心正另外都叫咗個汁燒豚肉蓋飯，因為驚唔夠飽始終都係正餐，亦都好驚喜係啲豚肉完全唔係楷口，配埋啲燒汁撈飯好好味，好彩我叫咗佢小飯，但我居然清曬😂😂😂 因為真係好好食😭❤️

定食+丸燒+飲品盛惠$51特飲揀左懷舊紅豆冰+$6佢呢個價錢對深水埗物價唔算話好平但考慮返佢個質素就覺得唔錯😋滷肉飯都幾多餸好入味仲有啲豆乾粒口感層次更豐富飯係用咗珍珠米夠晒彈牙👍🏻飛魚子丸燒勁多飛魚子鋪係面食晒d丸子仲剩好多慢慢啪😌丸燒好juicy入面唔係只得麵粉真係大大粒章魚粒Order左都係見佢即整好新鮮紅豆冰係完美七三比例🤣奶味香紅豆又綿滑正👍🏻👍🏻😋堂食位唔多但我當時咁啱有位都幾闊落環境乾淨企理

今日去到深水埗諗住買相機配件，咁啱俾我見到一間幾有特色嘅舖頭，我對佢嘅小丸子好有興趣套餐定食 $51定食包咗一個飯，四粒小丸子同野飲煙三文魚拼魚籽飯（+$9）+冬陰功燒（+$4）今次我揀咗呢個飯係我幾鍾意食嘅，再配搭左一個好得意未見過嘅味道既小丸子，食落去幾香冬陰功味，好特別值得一試嘢飲方面我揀咗炭焙烏龍茶，好耐冇飲過唔同味嘅烏龍茶，有一陣炭焙嘅味道唔錯關東煮🍢福袋，蘿蔔，魚餅，獅子狗卷，糖心蛋，油揚香港既關東煮第一時間諗起donki,永遠排曬隊，而家係深水埗都食到啦，總係覺得關東煮要有蘿蔔先係關東煮？櫻花蝦醬豆腐 $18正正常常，櫻花蝦幾香素菜燒餅 $21好中意食大阪燒，呢到仲要有兩款，新鮮即食好好食，有d脆芥末章魚燒 $33比起原味更刺激味蕾，我鍾意個味但係相對於冬陰功味會淋一d,但都係咁中意

經過見到新開就試下一個套餐有主食+4 粒章魚小丸子+1杯飲品，都只係$51明太子飯好香，d蛋好滑章魚小丸子新鮮燒起唔會乾爭爭，亦都唔會太細粒凍檸茶有水準，似茶餐廳風味，唔似糖水飲料性價比高，抵食會再encore

今晚姐夫開夜，我見得閒就早少少落左深水埗買定堆外賣，去同家姐同姨甥食！我見尼間都幾多人去買佢地既外賣，最後見到佢地d章魚小丸子都幾多口味，配餐仲抵！咁就買左幾個set。 - 主食/定食 -⦁煙三文魚拼魚籽飯 $64⦁汁燒豚肉蓋飯 $59⦁蛋燒明太子飯 $54⦁芝士素菜燒餅 $52 全部既飯都係用左珍珠米，好煙韌，飯味勁濃！🐟煙三文魚拼魚籽飯超多魚籽，撈勻個飯之後，啖啖魚籽超有口感！🐷汁燒豚肉蓋飯既味道適中，豬肉好厚好大塊，都幾濃豬肉味！🍳蛋燒明太子飯入面個蛋好滑， 整得剛剛好配埋明太子一齊食好juicy，仲有果飯勁多櫻花蝦，撈飯就最岩。🧀芝士素菜燒餅入面有粟米同甘筍，食落有口感，亦唔會太淋！ - 章魚小丸子（每款4顆）-⦁冬陰公燒⦁一口牛燒⦁飛魚子燒⦁甜辣章魚燒 冬陰功味果款，出面灑左七味粉，入面有大大粒白蝦仁🦐，香香辣辣好惹味！一口牛果牛肉落左刁草，一定要提就系入面既牛肉每粒大約都有1.5cm，都幾誇張！飛魚子唔太特別，同個飯差唔多feel。甜辣果款wasabi 味道都幾出，小朋友好鍾意，每粒入面都有大大既章魚粒！ - 餐飲 -⦁凍梳打*2⦁凍檸檬柚子梳打*2 柚子醬加檸

深水埗黃金對面福榮街新開轉做章魚小丸子的圓燒啊～佢地由西九八樓foodcourt 再開埋落地面鋪，好犀利🎉🎉有唔同口味之餘，小丸子仲可以跟套餐，價錢又唔貴，有丼飯烏冬，或者大叛燒配小丸子都得，仲包埋野飲，五十幾蚊起完全無得輸🎉攞去嘉頓山睇日落野餐都好適合。-汁燒豚肉蓋飯豬肉份量超多，滿滿的，而且肉質食落爽口洋蔥醬汁帶微甜，撈飯一流。-慢煮雞翼烏冬雞翼有3隻，煮得好入味啊烏東唔會太淋，仲有彈牙的口感。-煙三文魚拼魚籽飯 呢碗超驚喜啊～煙三文魚拼魚籽撈埋一齊撈飯超好食🎉有煙三文魚的魚香，魚籽又 晶瑩通透帶爽脆，超like😍😍-明太子燒 面頭有明太子同埋木魚絲，粒粒橙色勁吸引，切開入面仲有好多整成粒狀的明太子食落爽口。-芥末章魚燒面頭有微微帶辣的芥末醬，食落超惹味入面仲有勁多章魚，塞到滿一滿外皮又燒得香，好食😍-冬蔭公燒呢款又係大愛， 每一粒都塞咗勁多海鮮蝦肉蜆肉等等， 冬陰功醬酸辣鹹香惹味，超好食🤩🤩-另外跟餐都有好多唔同飲品，梗有一款啱飲。烏龍奶茶，檸檬茶，百香果綠茶 

新店開張試試伏, 原來唔伏😌 以我多年食章魚燒ge經驗呢, 有啲小食店專賣章魚燒就通常好過乜都賣ge, 例如街邊小食檔😂😂但行經福華街見佢門口幾靚, 啲章魚燒味道又OK特別就比次機會😌 係唔錯🤭🤭黃金芝士燒 $36 一見佢出餐心諗慘啦....唔係得面頭啲芝士粉掛...... 好彩, 咬開先知真材實料😜 出面鋪頭落完料再係擠多層粉漿cover, 呢個係放塊芝士cover😱😱 所以咬開係見到佢寧寧舍舍有個缺口冇粉, 係薄薄一層芝士, 仲要燒到焦焦地勁香🤩 簡直係令我對"見到芝士粉"呢件事化憂為喜😁 落左勁多唔手軟好邪惡🤣 鹹鹹地超香, 同沙律醬都好夾🥳一口牛燒 $26 寧寧舍舍平啲26蚊, 都冇為意原來得四粒, 但係超好味😍 一粒丸有兩大粒一口牛, 牛肉少肥, 筋肉分明, 同面頭擠ge燒汁互相輝映, 食到想叫多份🤪 不過飽了, 下次再戰其他味👍🏻👍🏻😋

圓燒（Sham Shui Po)以前食章魚燒都係要喺葵廣掃街嗰陣先食到🥺🥺 依家竟然比我發現喺深水埗福華街都有間專食章魚燒嘅舖頭🤩🤩 仲有日式定食🍱、關東煮🍢等等嘅選擇 雖然舖頭細細 但價錢夠晒親民 怪得知都有唔少附近街坊嚟幫襯🫣⌖ 定食套餐1⃣️（汁燒豚肉蓋飯🐖+明太子燒+碳焙烏龍奶茶🧋）💰$55 + $4 + $3汁燒豚肉蓋飯上嘅豚肉有足足四大塊鋪面😳 淋上照燒汁 連埋索晒汁嘅洋蔥撈珍珠米 都真係幾滿足😙😙 明太子燒入邊雖然冇章魚 不過就有滿瀉又爽口嘅明太子粒😋 連埋木魚同沙律醬食好滋味 碳焙烏龍奶茶嘅烏龍茶茶底突出 跟餐加三蚊都幾抵飲😎😎⌖ 定食套餐2⃣️（慢煮雞翼湯烏冬🐔+黃金芝士燒🧀+懷舊紅豆冰🫘）💰$61 + $4 + $6慢煮雞翼湯烏冬嘅雞翼有三隻 全部好入味 隔離仲有粟米🌽、紫菜、甘筍豐富口感😌😌 黃金芝士燒面頭已經撒左一層芝士粉 入面仲包裹住濃郁拉絲嘅芝士😍 小編作為芝士控覺得好有驚喜🙈🙈 懷舊紅豆冰正常發揮 紅豆唔會過甜～⌖ 飛魚子燒 🐙💰$33推介！😈 終於輪到係章魚燒喇 面頭有一浸飛魚子 章魚燒就算擺咗一陣都唔會完全淋曬 每粒章魚燒咬開都有大大粒嘅章魚喺入面㗎😋 果然係

深水埗開左分店啦😍一直都有興趣呢間餐廳終於有機會試下餐廳主打外賣，有2個位可以堂食cp值極高👏🏻👏🏻煙三文魚拼魚籽飯 煙三文魚碎加上脆卜卜既魚籽仲有加上少少紫菜飯素夠咸香配飯食一流👍🏻汁燒豚肉飯大大片豚肉配上燒汁甜甜的煮得岩岩好唔會太靭蛋燒明太子飯如果鍾意明太子一定要叫呢個飯勁大條明太子，再加上滑蛋真係超夾👍🏻仲有大量櫻花蝦好推薦呢個飯飛魚子章魚燒跟餐章魚燒係有4粒原味章魚燒加上大量魚籽大大粒份量唔少入邊好多粒章魚芥末章魚燒跟餐+2蚊好惹味，少少辣既芥末黃金芝士燒以為剩係得芝士粉起面原來內裡仲有芝士百香果綠茶+炭焙烏龍奶茶百香果酸甜解膩唔會太死甜。奶茶係我鍾意既台式奶茶51蚊成個餐，有飯+章魚燒+飲料真係好抵食，開多D分店就好了👍🏻

如果淨食章魚燒真喺當唔到一份正餐，但喺佢有set食又唔同講法，4粒章魚燒加一份主食岩岩好，但飯就太多啦，食唔晒原味章魚燒入面粒章魚都幾大粒㗎，成粒熱辣辣好味👍🏻 今次食嘅喺原味，成粒口感都好好，而且想食吓其他味嘅朋友，佢有6隻味可以慢慢試暈佢啦🍳叫咗個明太子蛋飯就無咩特別，但喺好大塊蛋同都唔少明太子🍙以成個set$51有埋嘢飲嚟講好抵食😋 除咗飯仲有麵可以揀，下次或者可以試吓佢啲麵都喺唔錯嘅選擇🍜

特色章魚燒又俾我發現到一間喇！本身西九龍已經有一間，呢一間分店就喺黃金商場麥當勞對面。食店以外賣為主，有日式丼飯、烏冬、關東煮，仲有少量台式茶飲。最特別係佢有好多唔同款式嘅章魚燒，試咗幾隻比較特別嘅冬陰功燒🇹🇭🦐冬陰功味嘅醬汁加上蝦同蜆仔做內餡，好似全港得呢間有呢隻味道。Fusion得唔錯。明太子燒🟠明太子醬加上一粒粒明太子嘅內涵，非常惹味。黃金芝士燒🧀外面鋪滿芝士粉，內涵重要㗎溶咗嘅芝士，好重鹹香味。芝士迷必試。飛魚籽燒🐟大量嘅飛魚子鋪滿章魚燒嘅上面，呢個都係比較正宗嘅味道，裏面終於係用章魚做內涵啦。

輕盈套餐食多D🤣圓燒單叫都有好多選擇👍🏻 套餐更抵食, 定食餐可能有D多, 其實果日weekend去行街已經食左lunch, 但經過D小食店又忍唔到口😌 好彩有個輕盈餐, 小食+丸燒+飲品小食揀左素菜燒餅 🫓燒餅有紅蘿蔔絲同粟米 所以好香甜 同我想像中會有好多椰菜絲既大阪燒唔一樣 丸燒揀左飛魚子燒🍡好好呀少少地4粒唔會太飽👍🏻 入面章魚粒好正 飛魚子只在面頭入面冇 但咬落爆汁好正🤤飲品揀左炭焙烏龍奶茶🧋炭燒同烏龍味都好突出 但又好夾 甘甘地 奶茶好滑凍飲勁gur

第一次留意呢間野 好似係新開 見到有人食緊章魚小丸子好似幾正 但我第一下反而比menu上冇圖既關東煮吸引左😂關東關西既名物都一齊有得賣 正wo! 😆 出面小丸子好多 但關東煮唔多!!上兩個星期去某大24小時日式超市食關東煮 明明係咁廣播話熱辣辣關東煮 點知係凍😂 同店員講左再翻熱都係咁 食小食都係去返小店好❤️ 仲要平好多😆叫左蘿蔔, 昆布, 芋絲, 福袋, 全部都係$9咋🥰 裝埋一大碗 食都好方便- 蘿蔔超林超入味- 方形昆布較硬身 但夠薄都易咬- 芋絲有3-4舊 講真就冇咩特別 不過吸左湯好甜- 福袋係我關東煮必叫 索晒湯既腐皮包住半溶既芝士年糕🤤 勁好味另外叫左個一口小甜薯 大推 超正🥰 $18 / 8粒- 紫薯粒粒飽滿 皮燒到乾身 啲薯肉好林好甜

👧🏻😋👅🍽✨超值定食 - 我最愛小丸子✨-♨️圓燒♨️🇭🇰深水埗福華街176號地舖🇭🇰-👅西九foodcourt以外新分店, 有少量堂食位, 快食都好方便👅野食即叫即整, 可打電話2816 6895落左單先唔使等咁耐😆👅打去服務員態度都好好, 有覆單又有講明總數超清楚👍🏻👅套餐勁抵, 同埋所謂定食唔係包平時覺我好雞肋既咩麵豉湯中華沙律😂 而係我最愛既章魚小丸子😍🍜烏冬定食 $61-1️⃣ 汁燒豚肉湯烏冬💯外賣兜分左湯, 就算拎走食都唔怕林晒💯豚肉好多又入味, 連埋炒甜左既洋蔥絲超開胃💯配有脆脆既大紫菜同粟米粒💯烏冬彈牙好好味, 湯入面仲有筍, 十足十人地食拉麵咁-2️⃣ 飛魚子燒 (4粒)✨有D特別味道要加錢, 飛魚子唔使, 但都好多飛魚子✨仲鋪有大量木魚絲, 遮住晒D丸子🤣✨丸子質地好食, 唔會太厚粉, 章魚粒都有兩三粒, 足料-3️⃣ 桂圓紅棗茶 +$3💯勁足料, 拎返去飲加咗一次水都仲好夠味💯桂圓肉同紅棗碎都比較細粒, 好入味-

台日滋味 🇹🇼🇯🇵😋本身就好鍾意食台式日式嘢，屋企附近就開咗間圓燒，之前路過西九都見過佢嘅分店，專賣台式日式食品，仲有我最喜歡嘅章魚小丸子 😍🍡🍡呢到有唔同套餐配搭，選擇幾多同埋價錢貼地，岩曬想慳得嚟又貪食嘅我😜揀左個V1定食套餐，揀左滷肉飯加配9蚊溏心蛋，加4蚊轉做冬蔭功燒丸燒，再配杯凍柚子蜜。成個餐$64，幾抵食。滷肉飯大大兜，有好多大大粒嘅五花腩肉燥，滷汁味香濃，油脂豐富得嚟又配上豆乾，香香甜甜，再加埋入曬味溏心蛋餸飯，就非常滿足。不過我諗個肉燥多番少少色水會更吸引😚而冬蔭公丸燒好少見，幾特別，日泰合壁。丸燒充滿冬蔭功醬味嘅酸辣味，辣味會慢慢滲出，食落就好似飲緊冬蔭功湯咁，而入面唔係章魚係蝦粒，夠曬泰國風，再配埋甜甜地嘅章魚燒汁，甜酸辣齊曬。講真，4粒真係唔夠喉 😌“冬蔭功"味厚 就會安歌一直“食” 🎶