圓燒 (福華街) (已結業)

特色章魚燒又俾我發現到一間喇！本身西九龍已經有一間，呢一間分店就喺黃金商場麥當勞對面。食店以外賣為主，有日式丼飯、烏冬、關東煮，仲有少量台式茶飲。最特別係佢有好多唔同款式嘅章魚燒，試咗幾隻比較特別嘅冬陰功燒🇹🇭🦐冬陰功味嘅醬汁加上蝦同蜆仔做內餡，好似全港得呢間有呢隻味道。Fusion得唔錯。明太子燒🟠明太子醬加上一粒粒明太子嘅內涵，非常惹味。黃金芝士燒🧀外面鋪滿芝士粉，內涵重要㗎溶咗嘅芝士，好重鹹香味。芝士迷必試。飛魚籽燒🐟大量嘅飛魚子鋪滿章魚燒嘅上面，呢個都係比較正宗嘅味道，裏面終於係用章魚做內涵啦。